我一入黎見到幾個留言都係話留意正評數目，但我對於呢個數字唔太驚訝
大家呢兩個月真係積落一肚氣，同埋愈黎愈確信一個道理「今時今日出黎搏命架，容不得半點差錯」，個人愈黎愈緊張，對於個仆街政權唔回應感到無力之餘又嬲到仆街，所以開始情緒好易被牽動。由以前叫話唔該唔好影相，開始變成屌你老母影咩撚野，再變成一見到手機就衝埋去／拎電筒爆閃佢。
你問我我就覺得係得現場無啦啦影相拍片既，除非係企到遠一遠食花生個堆（其實佢地有用架，有時問返現場片都係佢地比到），否則都應該要制止，但我唔認為需要一黎就屌你老母，好似今日係沙田，有啲直程係賓賓樣黎，竟然仲有人行埋去大叫喂你影咩撚野
師兄一睇就佢純八掛啦，你講句no photo佢都會收機。
我記得6月9同12都有呀叔係金鐘個度拍片，個時手足都係大叫喂唔該唔好影啦，個呀叔都自動自覺收埋部電話。到光復上水，有個呀叔拎住部相機影，即時比勁多人圍住佢，粗口不斷，個呀叔一開始都話我係撐你地架，我每次遊行都有去，到最後比人屌左幾句老母，佢喊曬口話佢都係上水人，想出黎守護香港，為左咁同屋企人都鬧交，大家好似先突然知佢係自己友，攬左佢幾下，
其實好多時我相信個一刻仲會在場影既，鬼始終算係少數，花生友係佔較多，大家如果可以既，一開始用一個正常既語氣叫佢唔好影先，然後附近唔係“忙“緊既手足，可以留意下佢仲有無偷偷地再影，到時先再圍佢啦。
最後講下樓主講個樣野，前線係咪開始享受緊權力，我覺得用特權／權力黎形容係多左既，但唔知算唔算係步入左教條主義，我今日發夢係沙田新城市，有人號召其他人去圍狗屋／政府合署，有人拍手掌唔郁，有人起身，然後個手足就好燥係度屌鬼話你地咁撚鍾意涼冷氣就留係屋企啦屌，有種唔跟佢行既人就錯咁。我相信今日坐係新城市入面個班，好多都係罷工既上班族黎，佢響應左你8.5罷工集會，你作為前線勇武就覺得唔夠，你唔跟我行就不如返屋企，成件事就係非勇武不可咁，好似就係
我上前線擋子彈，所以你就算係上班族，你罷工集會都係唔夠，你一定要同我一樣上前線擋子彈，好奇怪
少少發惡夢人士嘅感想
仲咁多人撐先想死
