《我的MK妹同桌》第二季（2）

花咗好長時間先嚟到第二個post
一路多謝仲keep住追嘅巴打，追呢個慢到嘔泡嘅故承蒙各位愛戴
呢個post照好似以前咁，每50正評就加更，每100正評加兩更，週末加更
路過覺得好睇就留個正評啦，返工嘅狀態真係令我變得佛系，有時返工太攰想返去更文都有心無力，盡可能我都會一日一更的

上一個post嘅巴打連續推到1001多謝佢咁幽默嘅舉動，我post唔到新link所以係度post返上個post

上一個post：https://lihkg.com/thread/2358519/page/1

連登傳送門
post1:https://lihkg.com/thread/1792012/page/1
post2:https://lihkg.com/thread/1884627/page/1
post3:https://lihkg.com/thread/1929409/page/1

紙言：https://www.shikoto.com/i/ZDW
Penana：https://www.penana.com/story/60871/我的mk妹同桌

第二季紙言：https://www.shikoto.com/i/7eH
第二季Penana：https://www.penana.com/story/73381/我的mk妹同桌-第二季

希望仲有人支持下小書生雖然facebook無乜人睇，但都會post下文，間唔中！
Facebook Page：https://www.facebook.com/books0n
Instagram：https://www.instagram.com/__book.s0n/
MeWe都有：https://mewe.com/p/%E8%B6%95%E6%95%85%E6%9B%B8%E7%94%9F

上回提要
「喂啊⋯⋯」呀詩一邊叫，一邊繼續追住我嚟打。

行出嚟，其實感受到微微嘅涼，呢個天氣，已經差唔多秋天，俾啲涼氣吹到我清醒曬。

「好啦，再打我就殘廢啦。」我捉住佢兩隻手，然後順勢拖住咗。

「哼！俾我打吓都唔得，遲吓忙到見唔到嗰陣啊，你想俾我打都無啊！」呀詩倔強地說。

「唉，係啵。」夜闌人靜嘅時候，我哋兩個係街上面手拖手，望住自己嘅倒影，做埋曬啲奇奇怪怪嘅動作，一啲羞恥心都無，仲反而樂在其中。

真係一啲得耐，先敢做呢啲嘢。

「我應該完曬所有考試先後，可以同你一齊過生日。」呀詩忽然講起。

「我生日？」我生日邊有咁快啊，然後呢個說話講出口無耐，我就知道自己柒咗，想收都收唔返。

「我生日啊屌你！我生日你都唔記得？？」呀詩嚟個死亡之瞪。

「我只係奇怪竟然有人自己生日會自己咁樣講出嚟姐。」我講完都忍唔住笑。

「哈哈哈哈哈哈哈哈哈哈！」

「你！淨！係！識！恰！我！」每一隻字，就代表一下。

「得得得，我實會同你過喎，我點會唔同你過生日啊？只不過今年仲洗唔洗好似上年咁，叫返班fd？」我指我哋以前同班嗰堆朋友。

其實已經少咗聯絡啦，whatsapp group度已經無人講嘢，好似佢哋嘅出現，就係為咗陪我嗰一段時光。

「今年我想同你過，淨係同你過。」

有陣時，我哋嘅愛情好似白開水咁淡而無味，無咩特別事刺激我哋嘅感情；但又有陣時，我覺得我哋忽然間好似返返去熱戀期咁。

「好，你生日，你想點過就點過啦。」我回覆。

「去迪士尼啊？好無啊？」
新文
「都得嘅，好似都無同你去過迪迪尼添。」我第一個反應係，去迪迪尼都幾貴下⋯⋯

「我見呢排都多人去影相，所以想一齊去咋嘛。」呀詩咁樣一講，我好似feel到去完之後會點。

「得，你生日，你大曬㗎嘛。」呢樣嘢，可以滿足嘅話都盡量滿足。

送呀詩返去之後，我就落力打工，仲要應付考試，佢生日仲要諗生日禮物，但我暫時未諗到。

諗禮物呢個環節好似去到某一個位，就到頂了，以前有好多唔同嘅方法，同埋會肯花心思，但依家⋯⋯真係，我無靈感。

究竟要啲手作仔啊，花心思㗎？定係買現成嘅呢？

最後我決定買隻dw嘅手錶俾佢，加埋去迪士尼嘅錢，都大出血啦⋯⋯

雖然屋企都算有錢，但大個咗之後，就越難開口問屋企拎錢，學費就屋企俾，但生活費就靠自己。

Gigi見我呢排都好攰咁，就問我：「你呢排好忙咩？」

我有時上堂都會瞓著，但發覺Asso無聽到書，就好難跟，所以後尾我連食飯時間都拎少少嚟瞓教。

「忙啊，啲功課多到嘔。」我面帶笑容咁講。

「我同你咪一樣，但我都無你咁攰。」Gigi一眼睇穿。

我因為想搵多啲，就同part time嗰邊個呀頭講我呢期可以返多啲，佢俾我嘅更就多咗，排咗好多日夜更俾我，要幫手收埋鋪，收埋鋪都11、12點，第二朝仲要起身返學。

為嘅，就好似當初送部iphone俾呀詩咁，都係想睇佢收到禮物嗰個笑容，一路都從一而終。

「我女朋友就生日，我part time返多咗，先咁攰姐。」我坦白講，又攰又大壓力，搵個人講下又無妨。

「而且仲有咁多功課，唔攰就奇啦。」我續道。

「你真係絕世好男友，好似你咁好嘅男仔唔多啦。」Gigi讚美我，由佢雙眸中睇得出渴求，想嘗試戀愛感受嘅渴求。

「你都可以搵到㗎。」換轉係以前，我諗我會飄飄然，依家我只係覺得，對呀詩好，係因為佢值得。

新post出文係講故台潛規則
唔好quote文都係潛規則嚟

傻鳩先quote文

新po留名

pin this

推推推推

LM

lm

晏啲更新

留名支持下先

「唔會㗎啦，依家咁多playboy。」Gigi有意無意咁望一望班上面嘅男仔。

我笑一笑，無再多講啲咩，唔係太想同Gigi纏繞係呢個話題度。

呢次考試，一堆project，估唔到我一嚟就已經遇到free rider，各種唔同嘅籍口，最後交出嚟嘅嘢，屎到根本上唔到台，大家都中學畢業啦，仲可以交啲好似小學生咁嘅嘢出嚟？俾盡你都係初中級數，仲要係中一嗰隻。

好，我都算啦，仲要大大聲講自己去拍拖，唔得閒做功課⋯⋯

我夠想拍拖囉，真係燥咗。

屌你老母。

呢段艱難時期終於捱過咗，仲要再加埋溫書啊，返工，真係體力透支曬。

好多個時候，我只係想好好地見下呀詩，係佢個膊頭度瞓一瞓，唔知點解見到佢就有種安心嘅感覺，可以真正令自己緊繃嘅神經，放鬆返落嚟。

我成日同自己講，只要捱多陣就得㗎啦，就見到呀詩㗎啦。

我哋一早約好咗完咗我嘅考試之後嗰一日就去迪迪尼，嗰日都係呀詩正日嚟，前排算一算，覺得真係啱到爆。

呢樣都係令我心情比較愉快嘅一件事。

呀詩呢一日去迪迪尼打扮得⋯⋯好可愛。

有別於佢平時性感，帶點MK妹嘅打扮，佢之前難得打扮得成熟，今日就已經變得相當可愛。

呀詩綁咗一個頭巾，著咗一條連身裙，我都好似見佢著連身裙，呢種咁斯文嘅打扮真係唔配放係一個MK妹身上。

但佢依家竟然著得出呢種味道。

「生日姐，著到成隻雀咁，做咩啊？你同迪士尼有個約會啊？」我冷嘲。

呀詩無出到聲，表情可愛咁睥住我。

「生日著得靚唔好咩？得罪你啊？生日係咪大曬啊依家？」佢擰我耳仔，真係用力嗰隻，好痛好痛。」

咁樣打情罵俏到欣澳站，睇得出呀詩對今日係期待嘅，如果唔係唔會咁隆重對待啦。

只不過我仲拖著疲累嘅心靈，其實肉體無乜身，係有力氣嘅，係心好攰，提唔起勁。

最估唔到嘅係，我竟然攰到可以係欣澳轉去迪迪尼嘅車程入面瞓著咗⋯⋯

她約我去迪士尼
好期待睇佢哋去玩 好sweet呀

爆po 前留位俾樓主貼新po link 唔該

今日忙到爆
唔知更唔更到
量力而為....量力而為.....

忙到癲
終於有得抖一抖，晏晝唔做嘢啦！！！！
抖完今日出文
Sor...停咗幾日

呀詩輕輕咁拍醒我，我見佢龍精虎猛咁，就咁睇佢嘅神情，就知佢呢種興奮係期待咗好耐嘅興奮嚟。

「你好攰咁喎，不如我哋玩一陣就走啦？！」我明知佢唔會夠皮，又點忍心「攰」俾佢睇？

「唔會啊，我琴日都瞓咗好耐，但係都好似唔夠咁，我哋今日盡情咁玩，返去繼續瞓！」我用微笑俾出肯定。

呀詩攬住我條腰，用力地。

迪士尼真係一個好童真嘅地方，嗰條大路上嘅歌勾起好多細細個回憶。

呀詩輕快嘅步伐，成個大細路女咁，只要企係呀詩隔嚟，我就好容易俾佢感染，好似由中學嗰陣已經係咁。

「哇！米奇啊！！！」呀詩一入去，就已經好開心咁講，我無乜感覺⋯⋯

之前好細過嚟過幾次，親戚話有全年證，叫我哋一齊去，嗰陣時已經對迪士尼無乜好感。

「你未見過咩？」呀詩嘅反應令我懷疑佢係咪第一次嚟。

「未啊，我今日係第一次嚟迪士尼。」咁⋯⋯頭先所有嘢即刻通曬，竟然我會係呢個時候百感交集。

每個女仔都有佢自己鍾意嘅公仔，有啲係史迪仔啦、Hello Kitty、米奇米妮等等，呢啲都係大路嘅喜好。

呀詩鍾意嘅就係米奇，好幾次都係米奇打救咗我嘅禮物危機，呀詩間房都有好幾個米奇嘅公仔。

可想而知佢今日係幾咁期待，甚至可能係一路以嚟，兒時嘅夢想。

「開咗咁耐你都無嚟過？」

「無啊，你覺得我屋企會嚟咩？」呀詩有啲認真咁講，睇嚟我問咗唔應該問嘅嘢。

「咁就好啦，好彩你第一次係我嘅。」我兜啊兜，總算令呀詩笑一笑。

「以為你淨係識諗啲咸濕嘢添！」同呀詩咁樣行迪士尼嘅大街，都係我哋兩個嘅第一次。

有種感覺，一齊耐咗嘅我哋，當一齊經歷一啲都係第一次嘅事嗰陣，嗰種感覺好似返返去啱啱相識咁，新鮮、有點興奮、期待。

一齊耐咗，會對身邊嘅事失去期待，因為你知道都係咁。

「男人係咪咁介意第一次呢樣嘢？」呀詩撓住我隻手問我。

屌你咩？係呢啲時候問啲咁認真兼學術性嘅問題？

岩岩用左2個鐘睇完第一季
樓豬最後幾話真係感觸到我
我都好似因為柒頭明而咁樣分手
但係我冇佢同阿詩嘅happy ending

因為你呢個故我先明白到自己不足 同無用嘅地方
當初分手已經發現到問題 但係得過且過 冇去改變

睇完第一季 你令到我有增值自己 唔好浪費人生呢個諗法

希望第二季都keep到咁高質嘅文。

感謝你 書生巴打

終於結束一連五日返工征途！！
放咗工返嚟攰到即刻瞓咗瞓
依家起身食個宵夜出文

「你就唔會介意咩？」我將個問題拋返俾呀詩。

「介意啲咩啊？」我唔覺呀詩唔知我咩意思。

「我意思係話，應該好多人都會介意自己鍾意嘅人，第一次經歷嘅嘢唔係同自己囉。」

「每個人都有過去嘛，係咪？」呀詩甩開我隻手，向前行去。

佢企係美國小鎮大街度，前面就係迪士尼嘅城堡，佢轉身過嚟，對住我回眸一笑。

「可能我哋依家係將來，都會成為過去呢？」佢嘅笑容就好似一幅畫咁，卻講出啲好玄妙嘅說話。

「如果將來同你行到最後嗰個人唔係我，照你咁講，佢應該會好介意你之前同我一齊喎，咁你想抹走曬依家嘅回憶啊？」我真係聽唔出佢呢句話係咩意思，女人有陣時啲心思，你真係猜唔透。

佢係暗示我哋將來可能行唔長？定還是佢其實已經有分手嘅念頭？我諗好多。

「我唔會啊，因為真真實實發生過，都抹唔走，唔係個個都好似中國六四咁。」

「總之！過去唔係介懷咁多，將來唔好擔心咁多，享受當下啦。」呀詩錫咗我一啖，然後拎部手機出嚟，遞俾我。

我都好識做，唔需過問，直接拎嚟影。

「幫我影得靚啲喎！」呀詩企後，擺咗個post，好在iphone影相一向都唔差。

「得啦，你點形都靚㗎啦！」亂咁講啲佢想聽嘅說話。

「慳啲啦你。」

影完之後，我仲要已經影咗好多相，好多唔同嘅角度啊之類，然後興高采烈咁遞俾呀詩睇，想佢欣賞下我嘅成名作。

「哇⋯⋯乜你影到我咁矮，咁薯㗎？？？」

lm

推