《我的MK妹同桌》第二季

事隔一年，本來寫嗰陣無諗過出第二季，但後尾忽發奇想，屎忽痕想續寫埋落去。

一路寫開校園故嘅我，都開始老啦，希望可以記錄底一啲轉變，希望你哋會鍾意啦，同埋仲記得個故啦

我仲爭周身故數未還啲時間少到好似AA cup咁，點擠都係咁細，唯有慢慢寫啦

有興趣想睇嘅朋友仔可以去睇返舊post

連登傳送門
post1:https://lihkg.com/thread/1792012/page/1
post2:https://lihkg.com/thread/1884627/page/1
post3:https://lihkg.com/thread/1929409/page/1

紙言：https://www.shikoto.com/i/ZDW
Penana：https://www.penana.com/story/60871/我的mk妹同桌

第二季紙言：https://www.shikoto.com/i/7eH
第二季Penana：https://www.penana.com/story/73381/我的mk妹同桌-第二季

希望仲有人支持下小書生雖然facebook無乜人睇，但都會post下文，間唔中！
Facebook Page：https://www.facebook.com/books0n
Instagram：https://www.instagram.com/__book.s0n/

可以同返呀詩一齊，係我近呢一年最開心嘅事，雖然一開始好開心，好似重新表白過咁，但係都有啲無所適從。

幸福有啲來得太突然。

但其實我一路都感覺到佢心軟緊⋯⋯

就用百份比咁比喻啊，一開始其實呀詩係90%想拒絕，10%心軟。然後當我再講，發起攻勢嘅時候，就已經75%想拒絕，25%心軟。再嚟，就係60%想拒絕，40%心軟，最後⋯⋯

好啦好啦，挨係我膊頭。

所以話點解出面有咁多狗公都有飯開，因為佢呢種攻勢都會有人受落，狗公就係想撕開女仔矜持嗰一面。

只要狗公識得睇得穿個女仔有一絲動搖嘅一面，就會落足攻勢，期望攻破堡壘。個情況就好似打機咁，無人會想玩一隻明知爆唔到關嘅遊戲。

咁可能你破到70%嘅時候都爆唔到關，但至少一開始隻game都俾到種感覺你可以玩落去啊嘛，係咪？

所以唯有100%嘅堅守，先會俾唔到遊戲體驗啲狗公。

言歸正轉，我最後都係成功氹返掂呀詩，如果一開始呀詩真係好堅決話已經無可能返轉頭嘅話，我諗我就會死心。

我當初都唔識睇呀詩嘅心意，無錯，係用「睇」。

睇唔出呀詩背後嘅不捨，睇唔出呀詩眼淚底下嘅心軟，睇唔出佢嘅口是心非。

至少，依家因為了解呀詩，至少都睇得出少少。

我同佢都忽然間有啲唔知點算好，應付唔到呢種突如其來嘅轉變。

我同佢之後淨係識係度傻笑。

「嘻⋯嘻嘻。」

「哈哈哈哈。」

「做咩啊？隔一排唔識拖我隻手啊？」呀詩迎著海風，輕輕一撥佢嘅劉海，久違嘅傻裡傻氣表露曬出嚟。

俾佢咁樣提一提，暗串我依家唔識拍拖？

「咩啊！點會唔識啊？」我又再次拖起呢隻熟悉嘅手。

此刻我只想沉醉係呢個喜悅入面，心入面暗暗發誓今次一定要好好咁珍惜呀詩。

我無講出口。

我只係想用行動證明。

嗰種失去嘅滋味真係唔好受，我唔想再經歷多一次。

經歷過今次之後，發現原來有啲嘢，唔輪到你唔想，要嚟嘅點都會嚟，唔會問過你同意。

而且好似有啲嘢深埋咗係根部，一直成為我哋心入面嘅一條刺。

考完DSE，之後就係放飛嘅時間，嗰陣時個腦淨係不停咁諗，去邊度邊度玩。

距離放榜仲有一段時間，有啲人去打工，賺下錢去玩，有啲就瘋狂打機，用嚟發洩之前瘋狂操卷嘅怨恨。

呀詩就一路都返緊part time，但圍內比較熟嘅朋友仔開始傾緊去邊度grad trip。

而蕃薯仔同埋子晴竟然各自問我一條我都唔知點答嘅問題⋯⋯

今晚再加速，第一炮

正啊！

竟然有第二季，Lm

多謝

想不到吧
我驚第二季寫得衰過第一季咋

留左名先睇

第二季

Lm

Hi

有要求即係唔會衰啦

long time no c

仲差狗堃

btw 聽講你嗰頭好熱

「你有無諗住去grad trip啊？」蕃薯仔問完，就到子晴問我。

隔離班好多人都準備緊，我都想同呀詩去畢業旅行啊！！一定好難忘，係青春嘅感覺啊⋯⋯

只不過蕃薯仔同子晴真係好奇怪，兩個分別嚟問我，我以為佢哋傾好曬，有共識然後問我join唔join㗎嘛。

「諗緊啊。」我兩個都咁樣回。

「咁⋯⋯你可唔可以幫我問下蕃薯仔去唔去啊？」子晴問我。
「咁子晴去唔去啊？」戇鳩蕃薯仔問我。

佢兩個嗌咗交啊？

「做咩唔自己問佢呢？」我統一回覆，真係唔知佢哋搞邊科。

「er⋯我驚佢屋企人唔俾⋯⋯」睇完個msg，我眉頭一皺，睇你個款唔似係咁啦，我用男人心feel都feel到。

反而子晴坦白咁同我講原因：「因⋯因為⋯⋯我驚囉其實，我哋考DSE前有提過下嘅，但反而考完之後諗起就怕羞，啲人話去旅行就會見到對方最真實嗰一面，然後就會唔同㗎啦，仲有好多人因為咁分手。」

「哦～咁樣唔係仲好咩？」我反問。

「而且，會同蕃薯仔一齊過夜，孤男寡女咁⋯⋯」子晴sd咗個怕醜公仔俾我，我都可以想像到平時正正經經嘅佢，臉紅紅嘅樣。

「哈哈哈！」隔住個mon都笑到我呢，原來真正怕嘅係呢樣！

「放心啦，蕃薯仔無咁嘅膽嘅。」雖然咁樣恥笑佢唔係幾好，但真係好好笑。

蕃薯仔真係好命啦，不知幾撚多男仔用子晴嚟打飛機。

但我知蕃薯仔係嗰啲擔屎唔偷食嘅人，除非子晴主動出擊，如果唔係佢係唔會有咩行動，就算情到濃時，子晴俾曬暗示都好，佢都係唔會識睇。

其實講到底，你估女仔好多暗示咩？

佢唔反抗，唔抗拒就係最好嘅暗示，唔通你要佢簽埋同意書先去馬啊？

差佢d元老級就番齊黎

btw係 熱到仆街40度少癲

「真係咩？」子晴半信半疑。

「佢係你男朋友，乜唔係你清楚啲咩？」

「我唔知啊就係⋯⋯」

心諗，唔通我知咩？咁我當然無講出口啦，但係我唔多唔少都明佢哋擔心啲咩。

只係⋯⋯

點解係我？

兩個同時間搵我講呢個問題，其實我咩都知道曬，變相個局好似係我設咁。

「你唔好諗咁多啦，到時候氣氛會同你講真話㗎啦。」

我見住子晴輸入中⋯⋯又停下咁，然後又輸入中⋯⋯

最後淨係覆咗個「好啦」

蕃薯仔都係差唔多，換句話講，其實佢哋兩個幾夾，我就咁睇都覺得幾好笑，另類嘅sweet。

最後我哋揀咗去台灣畢業旅行。

我哋有傾過嘅，大家最想去嘅地方就係日本，但日本真係太貴啦，然後子晴同呀詩想去韓國，但我同蕃薯仔唔想去泡菜國。

得返泰國同台灣二揀一，最後都係想平平地去台灣，又可以自由行，語言可以通。

我拉住佢哋兩條線，就咁搞咗個grad trip，呀詩當然話ok，佢都想去玩，但呢段時間要返多啲工⋯⋯

我有提過話不如我幫手出一啲啦，佢唔俾，佢係有種MK式嘅傲氣係度，差啲搞到嘈交添，見佢咁堅持，咁有底氣我就無再勉強落去。

考完DSE之後，最期待嘅，就係呢一個旅行，事關考完之後嘅日子，精神一陣之後，就回歸無聊。

到機場，當然我哋兩對情侶各自出發啦，但啲女仔真係好奇怪，一見到咁就好興奮，嘈到拆天，繞曬手咁。

「詩詩～～～～」

「晴晴～～～～」

「你哋好慢啊～～」子晴同呀詩抱怨，把聲我唔知可以點形容，但我聽完係起曬雞皮！點解女人可以咁樣相處？？？

「估唔到我哋真係可以一齊去旅行！！我期待咗好耐啊！！！」呀詩捉住子晴隻手，係度轉咗一圈。

我睇到好尷尬⋯⋯

我同蕃薯仔呆咗咁企係度⋯⋯

「我都係啊～～～」子晴都好興奮咁回應佢。

已經無人可以阻到佢哋兩個啦，我由佢哋，下刪三萬字算數。

但當我上機之後，開始察覺唔係幾對路。

因為變咗我同蕃薯仔坐，佢兩個一路傾得好開心，好自然就一齊坐。

唔係成個trip都係咁啊？今晚我要同蕃薯仔瞓？？喂！！！我唔想咁啊啊啊啊！！！！

「大蕃薯，你唔係諗住成程trip都係咁啊？」我用手指指住我，又指住佢。

「咩啊？」佢天真嘅眼神，令你哭笑不得。

「你想今晚我哋兩個瞓啊？」

「下？我唔介意啊，可以同自己最重要嘅人去玩，已經好開心啦！」我望住蕃薯仔，衷心地佩服佢。

聽完佢咁講，估唔到佢嘅諗法係我無諗過。因為我一直嘅出發點都係想同呀詩恩愛咁去呢次旅行，但蕃薯仔嘅出發點係想同最重要嘅人一齊去旅行，姐係好朋友同埋女朋友。

可能呀詩都係咁樣諗。

搞到我咁樣嘅諗法好自私添，淨係想同呀詩拍拖去旅行咁⋯⋯

我望一望個窗，忽然間諗通咗啲嘢，然後我就見到呀詩佢都係度望緊窗口。

我哋霸咗兩排兩人位嘅窗口位，佢同子晴係前，我同蕃薯仔係後。

呀詩望到我，眼仔精靈咁伸個頭過嚟，兩個窗口之間有個細小嘅空隙可以傾下偈，跟住呀詩細細聲講：「打飛機啊？」

「咩打飛機啊？」

「妖！」呀詩皺一皺眉，「我係話！架飛機郁啦，打咩飛機姐咸濕仔。」

架機開始駛出去，稍為開始快少少，佢就好興奮咁講：「啊啊啊！！郁啦郁啦。」

「你無搭過飛機咩？」

「無啊。」呀詩望住個窗，十足十一個大細路咁。

「洗唔洗咁啊？好快就落機啦喎。」望住佢咁，就覺得滿足。

「係喎！差啲唔記得要紀錄返咁重要嘅時刻添，影相先，哈哈！」呀詩對住我笑得好天真爛漫。

拎住部我之前送俾佢嘅Iphone4，如今已經推出咗Iphone5啦，其實未一齊返之前，都知呀詩仲用緊呢部手機。

但係次次見到呢部手機，就變成一個我諗返起過去嘅媒介，會諗⋯⋯我哋分開咗呢段時間，佢用緊呢部電話有咩感受呢？係咪會睹物思人？

內心係想呀詩係嗰段時間有曾經掛住過我。

左影右影，然後我哋偷偷地係窗口位影咗張相，快影咗幾張，好多張都好似鬼影咁，淨係見到啲殘影，成個人係唔見咗咁。

得兩張係影得我哋比較清楚。

相入面嘅我哋笑得好開心，鬼鬼祟祟咁，係我哋分手後復合第一張合照。

呀詩提議話我哋四個人影返相，跟住就俾空姐走過嚟話：「小姐，差唔多要起飛，麻煩請收起部電話佢。」

但我哋係佢講呢句嘢嘅時候，就已經影咗張相，我哋幾個俾人話仲可以笑得咁開心。

可能係其他人眼中我哋係無乜禮貌嘅死𡃁仔，但此刻，我覺得一班人咁樣好青春。

好快就到台灣，呀詩係未停定嘅時候已經蠢蠢欲動，呢個時期嘅我哋，無時無刻都掛住個笑臉。

落機佢就好似個好奇寶寶咁睇個不停，又周圍咁影，但呀詩嘅回眸一笑，會令我一世都難以忘記。

因為呢個笑容係失而復得嘅笑容，令我中間斷咗一年半左右嘅時間入面都魂牽夢縈，當我再次見返呢一個笑得咁燦爛嘅呀詩，我成個人雞皮都起曬。

呢一年嘅心酸唔知點解，此時此刻湧出嚟，想喊咁款。

「喂！！搞咩啊你？」呀詩用佢嘅笑容叫住我。

就算係咁，我都呆咗咁望住佢。

佢走過嚟拖住我，正想轉身行嘅時候，好似留意到我表情上嘅異常。

「做咩啊？唔開心啊？」

「唔⋯⋯唔係啊，好似有啲肚痛咋嘛。」我扮個肚痛樣。

「你快啲啦！子晴佢哋係出面等緊啦，頭先又唔去喎，依家我去完又話去。」

「咪又係因為等你去廁所！先咁耐咋嘛。」

我哋笑住咁打情罵俏，嗰種真實感先返返嚟。

我哋都係揀台北呢個最大路嘅地點，相信無邊幾個香港人無嚟過。

我哋擺低啲行李就即刻出發，除咗以前小學啊，低from仔嗰啲學校旅行，有成班人咁樣出去玩，會亢奮持續兩日之外，已經好耐無試過。

基本上由出發前一日開始，已經一路亢奮到依家，好似打咗啲興奮劑咁。

去台北101先，我哋落機已經晏就，去完一個地方就已經入夜，夜晚已經諗好要行夜市。

第一次可以同自己一路識開嘅朋友仔，仲要同女朋友，經歷咁多嘢嘅人，咁樣一齊去旅行，嗰種開心、興奮嘅心情，仲略略帶住啲幸福感。

好幾次我咁樣諗諗下，都毛管棟。

每去一個景點，我哋都有笑料，蕃薯仔都玩得好放，而且都好照顧子晴，呢一刻大家唔洗諗前面條路點樣行先好，唔洗面前殘酷嘅現實，好似去咗呢次旅行，就去咗一個夢幻嘅國度咁，終於有一個位可以俾我哋幾個逃避下現實。

雖然只係一刻，好短嘅日子，都足夠難忘。

甚至乎好想就咁停留係度，唔好返去，之但係，人總係會喺將來嘅時候先發覺，過去就好似一副畫咁，只會停留喺嗰個畫面。

「蕃！薯！仔！你幾時影㗎？」子晴呆咗咁望住自己嘅手機，厲聲問道。

「咩啊？」佢一臉無辜，佢無辜個樣真係好似一舊蕃薯，即使佢之前暑假高大咗，靚仔咗，但都係無變到。

「你睇下啊⋯⋯點解會有你兩個嘅相係我手機度㗎！」

「哦，你講緊嗰張啊，哈哈哈哈哈！」其實係我同蕃薯仔玩嘅，嗰陣佢幫緊子晴喺101上面影緊相，我行埋去睇下佢影成點，點知佢轉咗自拍，無影到子晴，睇一睇我同蕃薯仔嘅合照，都幾正啊。

「好耐啦喎，你依家先發現啊？」蕃薯仔果然係年少輕狂，唔係幾識死。

自從我同呀詩拍拖之後，把口都收斂不少。

「下？」

下一秒，子晴隻手用迅雷不及掩耳嘅速度嚟到蕃薯仔嘅耳仔隔嚟，一切嚟得太快，已經太遲了。

「啊⋯啊⋯啊啊啊啊啊！！痛⋯⋯痛痛痛！」

「我部手機係咁俾你污染㗎？」

「唔⋯唔係，我del，我del。」蕃薯仔求饒嘅樣，係好多港男嘅寫照。

我哋喺河岸旁搵個地方食掃街掃返嚟嘅嘢，我哋依家身處嘅地方係台北饒河街夜市，聽講呢個夜市幾大，我哋plan好最後返嚟嘅時候先再去士林夜市。

係，無錯。

係返嚟。

因為我哋唔諗住淨係留喺台北，諗住去埋墾丁！

——台灣最南部。

「算啦！」子晴鬆開蕃薯仔隻耳仔，「男仔係咁幼稚㗎啦。」

但子晴雙眼無離開過張相，睇得津津有味。

「係囉！」呀詩係我隔離講。

「我哋係增添樂趣咋！你識咩啊。」

饒河街夜市除咗好長之外，去到中間有條路可以行出去，本來我哋諗住搵個位坐低食，但意外嚟到呢個情人橋。

情人橋下面係一條長長嘅河流，我哋就咁沿住河岸一邊行，一邊食住頭先一齊買嘅嘢食。

個河岸嘅夜景認真靚，唔係講笑，誤打誤撞搵到呢度，呢種旅行嘅驚喜真係令人好陶醉。

「你睇下佢哋兩個，平時收收埋埋咁，依家幾鬼痴纏，幾鬼恩愛？」呀詩撓住我隻手，等緊我餵嘢食俾佢，懶到佢。

「梗係啦，佢哋依家唔一次過爆曬出嚟咩，可能佢哋今晚忍唔住會⋯⋯」我做出一個雙手合十嘅動作，然後不停地快速拍掌。

啪啪啪啪啪啪⋯⋯

外加一記壞笑。

「你個腦淨係實諗埋呢啲嘢㗎咋！」呀詩講就咁講，但個樣就眉開眼笑。

「我哋今晚唔可以輸㗎！！！」我用挑逗嘅眼神望住佢。

「屌你啦！邊個同你咩⋯咩啊？」呀詩反擊，但軟弱無力，雙頗稍稍泛紅。

「係咩？」我串返佢，然後⋯⋯

就打我啦。

「喂！你兩個，做咩行咁慢啊？」佢兩個都行到好前，然後喺前面嗌返我哋轉頭。

如果呢個時候，有另一個鏡頭影住我哋，我哋可以望返我哋嘅話，我相信見到呢個畫面，會係一個幸福嘅畫面。

唔知配咩音樂先最啱feel呢？

反到酒店，喺㗎𨋢度，我問道：「咁一陣係去邊個間房？」

我以為⋯⋯以為大家咁樣出到嚟玩，會預咗大家聚下，飲下酒吹下水，又或者玩下game。

難得我嘅想法都轉變咗，適應咗，但點不知，呀詩用手肘撞一撞我，而且子晴同蕃薯仔都無咩反應。

我先明白⋯⋯

屌！！仆街，原來大家都明，今晚係屬於另一半嘅夜晚，而我頭先問咗啲唔應該問嘅嘢。

唉，喊出嚟，有點柒。

「啊～仲有啲餓添，想食啲先。」我兜。

「咁食完先囉，哈哈！」子晴笑笑。

各自回房休息，今晚睇嚟係一場持久戰。

我哋呢邊係另一個極端不過好彩我怕熱多過怕凍

豬角同蕃薯仔醒少少快手食左條女佢好無，睇到想中風