《我的MK妹同桌》第二季（2）

乖啦 寫埋呢個先

男主角突然瞓醒 ，原來仲係考dse英文oral個朝，同ar詩復合都係夢中ff，完。

重拾童真嘅呀詩，洋溢住幸福嘅神情離場，出嚟無耐，就已經嗌肚餓。

迪士尼啲嘢真係貴到癲，而且今次嚟係慶祝呀詩生日，呢筆錢，自然係入我數，荷包就嚟流血不止啦。

不過其實呀詩好體貼，佢嗌咗個最平嘅餐，一碗河粉就算，雖然佢無明講，話夠飽㗎啦，但作為男仔，呢一下真係暖入心。

對仲係學生嘅我嚟講，今日嘅洗費已經用咗好多，呀詩嘅體貼，更令我覺得今日嚟係值得。

我深知，呀詩食完其實係未飽，但佢會扮出個已經好飽嘅表情，然後講：「食到好飽啊，去散下步啦～～」

一出嚟，我哋發現咗個之前漏咗嘅遊戲，巴斯光年嗰個。

「喂喂！我哋好似未玩過喎。」呀詩拉住我，食完飯出嚟佢又精力充沛。

我任由佢拉住我，點知去到嗰陣，先發現條隊長到乜咁，打曬蛇餅。

「哇，咁多人嘅？」呀詩露出失望嘅樣，扁曬嘴咁。

「一係我哋玩住其他先？轉頭再過返嚟玩？」我哋仲有其他區未去。

「咁⋯⋯好啊！」呀詩好快收拾好心情，又開開心心走開咗。

轉個彎就嚟呢個森林，最先映入眼簾嘅，就係湖中間嗰間木屋，好似係泰山住嘅？我都唔係好清楚。

佢見住嗰艘船，就嚷著話要去搭！

「快快快，啲人好似上緊船啦。」我哋遠處望去，見到條隊唔算好長，但呢個大熱天時仲要跑過去，真係好攞命。

我哋最後趕到上船，我哋坐係前排嘅位，呀詩坐係我後面，話要我用嚟擋住啲會嚇人嘅怪物。

我但笑而不語。

一路上前面有個導遊係度講解，好似每艘船都有一個，我哋嗰個解說導遊幾靚仔，連身為男仔嘅我都覺得靚仔，就真係信得過嘅。

無幾耐，坐我後面嘅呀詩就講：「前面嗰個哥哥仔幾靚仔喎。」

我擰轉面，見到呀詩眼甘甘咁望住佢，個樣色迷迷咁。

我頓時心生醋意，用我個頭擋住佢，然後酸酸地講：「唔準望！」

撳錯負評
呀詩真係非常gfable，咁體貼男朋友

唔緊要
我知道有人仲鐘意睇就ok㗎啦啦隊

乖啦 寫埋呢個先

我有時呢邊寫到無乜靈感就會寫下其他
我慢慢寫緊，等到咁上下會係mewe或者penana度up住先，仲有好幾個故密謀緊不過主要攻陷咗呢個故先

「做咩姐？你𥄫女就得，我望下靚仔就唔得啦？」呀詩忽然講起，我明明今日都無𥄫女啊⋯⋯

諗多諗，呀詩咁樣，其實係佢平時都有留意我𥄫女，但從來都無同我講過，重點係，佢原來記係心。

⋯⋯

女人真係好記仇，你唔知邊日會俾佢審判。

「我⋯⋯」我講唔出啲咩，硬生生吞返落肚。

呯！！！！！！呯呯呯呯！！！！！！！！！

一陣涼透嘅感覺侵襲全身，無啦啦水面上炸咗一下，遠處又炸多下，我哋兩個仲有要近距離咁食到應一應。

我頭先俾呀詩講嘅嘢佔據曬個思緒，我依家咁樣嚇一嚇，仲未load到咩事，就已經濕曬。

呀詩坐我後面，我原以為我係前面幫佢食曬啦，點知佢都濕曬。

今日著白色連身裙嘅佢，好易透⋯⋯佢嘅食衣都透緊出嚟，係件淺粉紅色嘅內衣，佢好似前排買咗無幾耐。

一齊耐咗，連呢啲咁私密嘅嘢都知道得一清二楚，佢仲一連串買咗呢款唔同嘅顏色，因為減價，然後走嚟問我邊件好，所以好有印象。

因為我揀嘅。

後面啲男仔嘅眼光有意無意咁飄過嚟呢度，我對呢啲眼光好敏感，見佢哋扮曬不經意咁望過嚟，但個個不其然咁係呀詩身上停留數秒。

對男仔嚟講，幾秒已經好多。

「我月你調一調位啊。」我平靜咁同呀詩講。

「下？一陣再嚟多獲，我係前面咪食曬？」呀詩擔憂地道。

「唔會㗎啦，都就嚟一圈啦，後面無乜嘢㗎啦。」我勸說。

呀詩就同我調位，我將我自己花襯衫除落嚟，短袖嘅，呢排男仔好興呢類襯衫。

我都唔執輸咁入咗件，點知依家就大派用場，幫呀詩遮曬佢透嘅位。

呀詩先係愕然，望一望我，好快就會意過嚟，怕醜咁係度低頭竊笑。

估唔到我仲可以見到呀詩怕醜嘅一面，女仔羞澀嘅樣係好可愛，當然，肥婆另計，嗰啲叫可怕。

可怕同可愛係體重上係可以有天壤之別。

我哋無講啲咩，就咁靜靜咁遊埋最後嘅船河。

落船嗰陣，呀詩打咗個哈痴，我就揶揄佢：「乜你咁潺㗎？」

「你囉！擋啲唔擋啲咁，牛高馬大坐係我前面都幫唔到擋水，你話邊個問題啦？」我唔明點解佢仲可以聲大大。

「頭先明明好好氣氛，俾你一句搞衰曬！」呀詩扁曬嘴，手上緊緊咁扯住我件襯衫。

推

咁講 入黎睇呢個故既應該大部份都係想回想起校園青春既人
呢個第二季作為一個完整既故感覺有啲離題
作為第一季既後記會好啲

我個人覺得
第二季已經開始同我而家現實中既感情生活接近
作為故事既吸引力就會細啲

今晚加加速

你嗰句第二季作為一個完整嘅故事有啲離題，中咗我一路以嚟覺得怪怪地嘅point
同原本第一季嘅原意好似有啲偏離，一路寫緊並唔係話呢一季唔好，而係呢一季平淡好多，無太多衝突位，故事性自然少咗

好多謝你嘅意見我會一邊寫一邊思考下點樣再寫得好啲

唔好咁啦

唔緊要幾有趣
我今晚無咁早瞓，深夜出文，我依家係度打緊啦
如果夠45個正評我都加更㗎啦禮拜一唔洗返工，可以打多啲文

「好啦，我衰啦，知你生日想要個浪漫嘅時刻啊嘛。」我溫柔咁講，廢是一陣呀詩跳曬制，到時候真係收唔返。

我哋個身仲濕緊，係呢半個森林入面行，直到乾得差唔多，我哋就去返頭先嗰個未玩嘅機動設施度玩埋佢。

個天開始慢慢暗落嚟，依家差唔多到黃昏時候，天氣都無咁熱，開始有啲涼。

「無乜人啦喎，我哋直接入去都仲得喎。」我同呀詩講。

然後我哋好順咁行到入去，前面都仲有人排緊，但呢種少人嘅情況，好爽。

我哋拎起支搶，射嗰啲箭靶，哈！同我玩呢個，真係乜得輸。

「輕鬆啦玩呢個。」我彈咗呢句出嚟。

「好招積喎！輸俾我咁點先？」呀詩信心爆棚咁講。

「輸俾你嘅話，我扮一日米奇老鼠又點話。」我搞笑咁講。

「哈哈！嗱，你話㗎，你成日咁口響，下巴輕輕咁，你咪撚走數啊仆街仔。」呀詩火辣辣嘅脾性又顯露曬出嚟。

佢好認真。

無出過聲，架車開始郁動，我俾佢個氣場嚇親，佢好認真咁瞄準，架機前面嘅數字係咁升、係咁升。

而我就因為怯一怯，有啲位失咗手，影響自信。

我竟然由一開波就無追趕過呀詩嘅分數⋯⋯我仲諗住呢關可以輕鬆啲，搞笑啲，扮下以前玩嗰啲槍game角色咁。

點估到會咁認真嘅姐。

搞到我好有嗰種追分嘅壓力係度。

我真係輸咗，然後呀詩對無我戚戚眉⋯⋯我好尷尬。

「記得啦喎，一日米奇老鼠。」佢好瀟灑咁落車，留我自己一個係原地⋯⋯

一日153

我出到嚟，面如死灰。

「依家扮啊？」我問道。

「梗係唔係啦，等我話要你扮嘅時候，你先要扮！」我已經打算做好變身成米奇老鼠嘅準備了。

「咁姐係幾時？我要啲時間準備㗎喎。」

「我以為你會走數添。」呀詩無望住我講。

「我喎，點會走數啊，應承過你嘅嘢我幾時走過數啊？」真男人就係應該要願賭服輸。

「係咩？」呀詩思考中，「諗諗下，又好似係喎，哈哈！」

「咁我要你扮嘅時候，再同你講啦，我會記住㗎啦。」呀詩講完之後，就真係無再提起過⋯⋯

「啊！！！前面嗰個，嗰個旋轉木馬，我之前見啲人係度影得好靚。」呀詩咁樣講，好似又係，呢排ig都有出現過啲人係度影相。

「幫我影啊，幫我影。」呀詩一蹦一跳咁走埋去。

「唔準影得我咁衰㗎！」呀詩叮嚀我。

好多張相之後，呀詩先滿意，收工。我諗再繼續咁樣影落去，我真係就嚟變成一個攝影師啦。

「你睇下啊，隔離嗰個影得幾專業！」呀詩望住隔離嗰個男仔，拎住部相機幫個女仔影相，隔離條女幾索，露曬膊咁，擺出個誘人嘅姿態。

「我叫你睇個攝影師啊，唔係叫你睇條女啊！！」呀詩捉住我隻手，然後就咬落嚟。

之前佢通常都係搣咋嘛，點估到佢今次會咬落嚟，痛楚好快遍佈全身。

「喂喂⋯⋯痛痛痛。」

「仲望唔望？」呀詩死都唔鬆口，抬起頭望住我。

「我、我研究緊點樣影女仔影得靚咋，你估我真係𥄫女咩？」我狡辯，但合理㗎嘛，係咪先？

「咁你試下再影我，睇下靚唔靚！」佢半信半疑咁睥住我。

一望住鏡頭嗰陣，就瞬間變臉。

後來啲影，佢都滿意，先肯放過我，然後就係叫我嚟影合照。

我哋心生一意，將部手機擺係一個唔知咩箱度，個角度啱啱好可以影到我哋連埋個背景。

我哋影咗好多個姿勢，我哋有一張係對望，唔知幾耐，好似無咁樣貼住額頭咁望到對方雙眸。

呢一刻，我都會有些少怕醜，呢個動作，曖昧到羞澀。可以清楚望到呀詩雙眸入面眼中嘅自己，好似俾佢吸咗入去咁。

推

晏啲返嚟再更

Push

我哋去到城堡底下，已經人山人海，暮色已投身黑暗，我同呀詩拖住手，趕頭趕命話想見到煙花一開波嗰一剎那，點綴夜空嗰一刻。

「好彩趕得切。」我哋趕路嗰陣，係笑住咁趕。

我哋求其搵個位攝入去，已經差唔多企係美國小鎮大街嗰度，其他人都等緊煙花，我同呀詩本來由拖住手，慢慢變做輕輕攬住佢條腰。

係呢個等待嘅過程，我哋心照不宣，估唔到我會有種起曬雞皮嘅甜蜜感。

煙花係城堡嗰度發射，我覺得係仲未點亮成個夜空嗰陣，係最靚，最令人期待。

「哇⋯⋯」周邊嘅人發出呢啲聲響，我隱約聽一呀詩都有係度哇。

「好靚啊。」我終於聽清楚。

「係啊，你要記住第一次嚟迪士尼係同我，仲要睇咁靚嘅煙花喎。」我講道。

「傻仔，有咩可能忘記。」連身為男仔嘅我都覺得好甜蜜，我唔想諗太多以後嘅嘢，只係想好好地享受當下。

呀詩本來企係我隔嚟，慢慢欣賞緊煙花嗰陣，就越攬越實。

變咗佢企係我前面，我從後攬住佢。

呀詩講完嗰句無幾耐，忽然轉個身嚟，傾前咁錫我，佢成個重心捱埋嚟，搞到我後退咗幾步。

我睇唔清佢嘅表情，此時此刻，我感覺到呀詩對我⋯⋯唔係，係話對呢段感情刻骨銘心。

喺煙花底下擁吻，如果有個cam係度，我哋基本上就喺係度拍緊電影咁，想必呢個畫面一定好靚。

佢錫咗幾秒，我無合埋眼，我望住眼前嘅煙花，再攬緊呀詩，成個畫面好唯美。

呀詩錫完之後，咩都無講，就擰返轉頭，繼續欣賞個煙花。

我攬住佢，將自己個頭放係呀詩膊頭度，聞住佢熟悉嘅氣味，每一次聞，都覺得好香。

好長一段時間，煙花嘅頻率開始低，有人已經開始散場。

要維持一段感情，甜蜜嘅環節真係必不可少。

因為咁，我覺得我同呀詩之間，好似無乜點變過咁，仲好似以前咁。

但其實唔係，我哋都會長大，只係當初嘅心，仍然猶在。

推

好sweet

跑到一半，呀詩已經喘曬氣嗌唔得，佢似乎無頭先咁凍。

「多謝你。」佢跑完之後氣來氣喘咁講。

「咩多謝啊？」講完之後，再諗幾秒，先明佢講嘅多謝係指啲咩。

「多謝你今日帶我嚟，我自從開咗學之後，就無再試過咁開心。」聽完呀詩咁講，我有啲愕然。

因為我以為佢開始咗新嘅階段，試到新嘅人、新嘅生活，會有新嘅快樂，點知原來佢唔係咁睇。

「你返學返得唔開心咩？」

「只係覺得好多人讀，要讀得好唔係咁易，而且最煩係啲人事，啲groupmate都好難搞，如果我自己一個做嘅反而無咁麻煩。」

「邊撚個講話上大學之後易讀，就可以脫離中學狂讀書嘅苦海？」呀詩抱怨起上嚟，至少佢係我面前，願意講出真心話。

「所以呢一日係我呢段日子最期待嘅一日，果然，我好開心。」呀詩俾迎面吹嚟風搞到個頭有啲凌亂，佢整一整理自己嘅頭髮，有種凌亂美。

「你生日，你開心就得。」佢突然咁認真，搞到我有啲唔好意思添。

「生日快樂。」我覺得最後都要講返句嘅。

「淨係生日快樂咋？禮物都無份啊？你句生日快樂又講得出口喎。」呀詩調皮地調侃我。

「哇！帶你嚟迪士尼呢份禮物仲唔夠大禮啊？你條友貪得無厭喎。」我用兩隻手指輕輕夾佢個鼻。

「我已經好滿足，不過頭先以為你會拎份禮物出嚟添，搞到我空歡喜一場，如果你頭先拎份禮物，就完美啦。」

「你話㗎！」俾佢咁樣講一講，激起我男人要面嘅心。

男人係唔激得㗎。

我即刻係背囊度，拎出個包裝好嘅禮物出嚟。

「嗱！唔好話我唔夠完美啊？依家完美未啊？」我大大聲咁串佢。

而呀詩呆咗咁望住我，似乎覺得不可思議，然後又驚訝又笑住咁望住我，我哋無視係度離開緊嘅人，呀詩笑到見牙唔見眼。