《我的MK妹同桌》第二季（2）

有啲驚男豬會黑法

我已經即刻覆你

反而想知到ending男豬係咪仲係咁男豬 成熟左會係個唔錯既結局

推推推推推推推推

唔好呀

過咗眼前呢關先啦

推推

搞唔掂
開學前多嘢做到出唔切文

點解我好似有種錯覺個故無乜講過啲咩就又完嘅
係咪我人生閱歷唔夠睇唔明
要上U或者拍拖先至明講咩
定係因為我斷斷續續咁睇唔記得之前啲劇情

其實話完又未咁快完嘅
咁講啦，個時間線我想係2019年完
但依家先寫到2016，不過之後嘅時間會加快推進
你
你有咁嘅感覺好合理我又真係無寫太特別嘅事
好多人嘅經歷都唔係太轟轟烈烈我前排都爭扎過寫唔寫得激啲，但係怕劇情暴走一下子影響曬成個故
可能我功力都真係未夠寫唔出嗰種平淡感情，始終我都係想寫只係得兩個人嘅愛情，無第三者，淨係兩個人一齊，都可以有好多問題同埋難關係度。

平淡看似好易，但其實難到仆街。

不過都想聽下你哋意見，有咩諗法都歡迎討論
只要係對個故好嘅，我都會接受同埋去做

嚇死以為真係咁快完
感覺上呢七個月寫嘅嘢好快就過晒
由一開波上U到而家
同埋其實未必係你寫唔出而係我無經歷過大人世界

有啲嘢無經歷過係唔會有個個共鳴係度
而讀者嘅共嗚感其實係會直接影響佢地對一個故事嘅睇法
所以其實唔關你事，純粹篇嘢唔係適合我睇
或者你Target Audience唔係我呢個Age group咁解

推推

呢陣間，係我哋呢段時間難得嘅甜蜜。

最後我亦都嬲完，返去嗰陣冷靜返，就會知呀詩講嘅其實係啱，可能只不過係當下唔想承認罷了。

即使依家平安無事，但係我有啲感覺到，我同呀詩嘅關係，慢慢有啲轉變。

一個月又一個月，時間好快過，你問話經歷咗啲咩嘅話，其實又無乜咁特別，個個都衝緊啲成績，唔似得大學咁多嘢玩。

呀詩嘅大學生活幾多姿多彩，佢住hall嗰度識咗啲fd，後尾又換到房，成日好似開party咁，呢個學期佢啲堂排得好靚，佢不嬲都係嗰啲玩還玩，功課啊成績嗰啲實會顧得掂嘅人嚟。

聽佢講，佢以前屋企無人理佢，又唔會有咩補習，所以自己唔理嘅話，就無人會理你。

而我就不停咁樣去趕gpa，就係唔明點解啲人可以輕輕鬆鬆咁過3爆4，而我就讀到死下死下咁。

鬼叫我以前懶，唔讀書咩，再係咁落去，上唔到大學就前功盡廢㗎啦。

「今年聖誕有咩搞啊？」呀詩依偎係我心口度，我哋咁啱係尖沙咀食完飯，行下個尖沙咀海旁。

「唔知啊，你有無咩想做啊？」我反問返佢。

「中學嗰陣，唔記得聖誕定係倒數，你條友係咁多人面前鳩嗌⋯⋯真係笑鬼死我，哈哈哈！」

「唔準笑啊！！」呀詩臉上泛起紅暈，用力咁打我。

「依家先知道柒啊？」

「以家唔會再咁做㗎啦，以前真係癲嘅。」

「咁你聖誕有無咩特別想做啊？」

「乜呢啲嘢唔係男仔諗嘅咩？」秋天稍稍來臨，次次都係嚟得不知不覺咁，涼天吹落衣著單薄嘅我哋。

呀詩凍到震曬，我兩隻手攬實呀詩，不停咁摩擦佢身體，希望佢暖和啲。

「都一齊咁耐啦，仲要男仔俾驚喜啊？」我笑笑口咁問。

「一齊耐咗就唔洗啦？咁之後結婚點算啊？」第一次，係我哋口中嘅對話入面，出現結婚呢兩隻字。

「咁都未咁快結婚姐⋯⋯依家先year2咋喎，哈哈。」為免尷尬，我用講笑嘅口吻講。

「諗得嚟都差唔多啦，除非你無諗住同我結婚姐。」哇，佢咁講⋯⋯即刻死狗咁。

「唔係⋯⋯點會唔想姐？只不過，會唔會太早？」點解會扯到咁遠？

bad end味重

「哼！早啲諗定唔得㗎咩？你有無幻想過我哋真係結婚之後嘅樣啊？」呀詩悠然自得咁捉緊我隻手。

「點會無？我幻想過我哋可以一齊住，瞓醒嘅時候可以望到你，可以同你嚟個晨早Q，再整埋早餐俾你食，先出去返工，淨係諗下都覺得幸福。」我滔滔不絕咁講我腦海中幻想嘅美好，但我望一望呀詩，見佢無乜反應。

於是問：「做咩啊？你唔想咁咩？」

「想，但係結婚唔會淨係得咁⋯⋯」佢講。

「結婚就係好多現實，好多殘酷嘅嘢，我同你諗法唔同嘅係⋯⋯你會係想結婚係件好事，好幸福咁，而我嘅諗法係，就算結婚之後，人生之後嘅時間幾苦都好，至少都有你。」聽完之後，我真係唔識點回應，呢種感覺唔止一次，每次呀詩講嘅嘢都會令我眼都凸埋。

「我好想要個家⋯⋯我前半生已經無㗎啦，我想我之後嘅日子，可以有個屋企，有個家俾我依靠。」

「尤其是呢段時間住hall，我更加想啊⋯⋯係hall入面，好彩我遇到啲好好嘅朋友，大家都玩得埋，我第一次感受到屋企嘅感覺，我可以好放心咁去依靠呢個地方。」

「當然，有啲真係好亂嘅，開曬眼界。」

「所以我想我哋之後都可以有個屋企⋯⋯屬於我哋嘅屋企。」

「當然可以啦，我都努力緊，我哋最後嘅目標唔係都係呢樣咩？但⋯⋯但係依家對我哋嚟講，真係太早啦。」

「我知，我只係想知你有無呢個心姐，如果⋯⋯」呀詩停頓了一下，再道：「如果你無咁樣諗嘅話，我就會離開。」

呀詩咬著下唇，又以溫柔無比嘅殺傷力同我講。

呢件事深深咁刻係我心入面，我知呀詩最想要啲咩，時刻提醒住我，我想做一個可以背負起呀詩嘅男人。

去買個宵夜返嚟繼續出

就算可以平淡地幸福，後尾又會驚悶㗎啦
後尾就唔會再咁想成日一齊

推推

樓主你個宵夜買咗三個鐘呀

推推推推推推推

推

又唔係第一次

聖誕節，我哋真係臨尾先決定點樣過，雖然話就話係我諗姐，但我講出嚟，呀詩又話呢樣唔好嗰樣唔好咁。

女人真係好麻煩，呢個係我拍拖咁多人得出嚟嘅結論。

幾經辛苦，我哋先決定話過澳門玩返兩日一夜。

旅行，真係考驗情侶嘅一環，相處得好唔好，就係睇呢個時候。

「就嚟開船啦，依家先到。」我焦急咁係港澳碼頭度等呀詩嚟到，見佢拎住一袋二袋，就唔怪佢啦。

「瞓過龍啊，唔知點解個鬧鐘都無響到⋯⋯」呀詩向我抱怨，我哋雞手鴨腳咁上船。

上到船我哋整理下自己啲嘢，講唔出嘅狼狽。

「嗱！我都知今日唔會有時間食早餐㗎啦，所以頭先係下面買咗個M記包俾你，你依家食少少嘢頂下肚，然後瞓陣，落船就去搵嘢食啦。」我遞咗個M記袋俾呀詩。

呢條友仔琴晚同我講佢同佢啲roommate打麻雀⋯⋯所以我都估到今日佢實起唔到身㗎啦，唉。

「哇！多謝你啊強b！點解我男朋友咁貼心嘅？又咁勁估到我哋真係食唔切早餐嘅？」先前仲實牙實齒可以出發前係附近食個早餐，依家真係食條撚。

落船之後，搵酒店擺低啲嘢，就周圍去行下，搵嘢食。

估唔到澳門都咁多聖節氣氛，周圍都係啲聖誕嘅佈置啊同埋燈飾。

「依家好似我哋兩個渡緊蜜月咁啊，你覺唔覺啊？」我同呀詩行緊去大三巴，呀詩撓住我隻手，臉上洋溢住幸福嘅笑容。

呢排，呀詩有意無意咁提起結婚有關嘅嘢，我唔係唔知佢嘅用意⋯⋯只不過有陣時可以唔洗咁。

「傻啦，真係渡蜜月嘅話，唔會同你嚟澳門啦，唔驚你殺咗我咩？」我自嘲。

自嘲永遠係自保最好嘅方法之一。

「算你啦！」呀詩滿意兼得戚地說。

「實會同你去轉法國，行巴黎鐵塔，夠曬浪漫啦掛？」呢一刻嘅承諾，唔敢作咁大，只怕係一顆一閃即逝嘅流星。

動人，但殘忍。

「你係先好！」

「係喎，澳門呢度都有巴黎人喎，頂住檔先囉？哈哈哈⋯⋯」我自以風趣。

「去死啦你！賤強！」