《我的MK妹同桌》第二季（2）

痴撚線⋯⋯我真係從來都無諗過呢啲咁AV嘅劇情會發生係自己身上，尤其是過往嗰幾日，甚至乎呢一兩年，佢屋企人都無返過嚟。

所有嘢都好老定，點知無啦啦殺埋嚟，真係嚇到個魂魄都飛埋出嚟啊！

我即刻收埋條軟咗嘅賓周仔，光速著返條褲，一邊衝返入房一邊執正自己。

我個心未試過跳得咁快，比起我啱啱同呀詩一齊嗰陣，跳得仲快好多好多。

「做咩啊？搞咩啊？」係低沉嘅聲線，語氣中無帶感情。

「終於返嚟啦？」我聽到呀詩帶有悔氣咁講。

「去邊啊你？執嘢走？」我終於見識到佢呀爸係點樣嘅一個人。

「養到你咁大，有毛有翼就淨係識得走啊？」佢呢句真係搞唔掂⋯⋯當呀詩係咩？

本來驚魂未定嘅我，唔知點解我就自己產生出好多嘅保護慾，多到洩曬出嚟。

我頭腦一熱，就咁打開度門，衝咗出去。

「世伯，我之後會照顧呀詩，你可以放心。」我語氣係有啲狠，但係不失禮貌嘅，始終都係女朋友嘅爸爸，該有嘅尊重我都有俾，但我唔可以俾我女朋友受到委屈。

我無辦法做到匿埋係房度，睇住佢哋咁樣鬧戰。

我知我衝動嘅，呢個舉動都有啲柒柒地，但我清楚咁知道⋯⋯其實呀詩心入面，係想有個人可以錫佢，保護到佢。

記得有一次，我哋去銅鑼灣戲院睇戲，睇間平平地嘅戲院，叫總統戲院，嗰度啲飛好平，我哋平時去睇戲都會揀呢間嚟睇，平靚正，個場好細，得兩個場嘅姐。然後睇完又可以係銅鑼灣行街，基本上係我哋平時拍拖嘅習慣嚟。

咁我哋嗰陣去SOGO行啦，其實行嘅嘢唔多，純粹行到無嘢好行就去行SOGO，行到差唔多夠鐘，我無啦啦肚痛，就去廁所爆石。

嗰陣真係爆咗勁耐，差唔多夠鐘，我就同呀詩講話不如佢去住先，佢就死都唔制，點都話等埋我，要睇就一齊睇咁樣喎。

咁我都差唔多得啦，我就懶醒咁，可能因為趕啦，個人都有啲亂，我就叫佢話係SOGO門口等我啦，我差唔多搞掂啦。

後尾諗返，係廁所出面等同係SOGO門口等都係一樣姐，做乜無啦啦要佢係SOGO門口等⋯⋯

我一痾完，就狗衝落去啦。

去到SOGO門口，應該係話後門，嗰個門口係最近戲院嘅。

點知去到唔見人，左搵右搵都唔見人，咁我打俾呀詩啦，佢都話佢係門口，但唔見我。

『你係邊個門口啊？』

『我係平時嗰個門口囉，好多人等嗰個。』我屌⋯⋯原來佢係正門。

『頂！我係後門啊，我過嚟搵你啦。』然後怱怱收咗線。

我跑過去正門，啊⋯⋯屌！又唔見佢嘅？？？

我又再打俾我：『喂？你係邊啊？我係正門唔見你嘅？』

『下？我過咗嚟搵你啊，我依家係後門啊。』事後先知，我係入返SOGO穿過商場去正門搵佢，而呀詩係兜外面過嚟後門搵我。

『你唔好郁，我依家過返嚟你。』

『嗯⋯⋯』呀詩嘅語氣聽起來怪怪地。

『你唔好收線啊，廢事又搵唔到你。』

最後佢呆呆地企係門口隔離等緊我，正當我以為佢會對我大發雷霆嗰陣，佢隱約想喊咁。

『做咩事啊？無啦啦想喊咁樣嘅？』我正一烏鴉口嚟，一講完佢就滴啲淚珠落嚟。

我哋一邊趕過去戲院，佢一邊急促而帶委屈咁講：『我好驚搵你唔到，好驚你走咗去⋯⋯好驚剩返自己一個嘅感覺⋯⋯』

『平時都無乜嘢，但頭先俾我嘅感覺好強烈⋯⋯係咁多人裡面，搵唔到自己想見嘅人，好徬徨無助。』

呀詩凌亂嘅頭髮反映出佢嘅真心，佢嘅眼淚反映出佢嘅驚恐，佢用力嘅擁抱反映出佢對我嘅著緊。

呢件事我有一路記住，嗰陣時我覺得，可能因為佢屋企俾咗一啲連佢自己都未必覺嘅陰影俾佢。

推

佢老竇又發癲

推

仲有其他一齊嘅少少細節，慢慢就咁紮根係我心入面。

當我驚魂未定，鳩都縮埋嘅時候，我又企返出嚟，面前咁嚴肅嘅空氣。

「哦！依家識到條新仔，就諗住跟人走佬啦？學你老母咁走撚去？你哋啲女人真係信唔撚過！」呀詩老爸大大力咁放低串鎖匙，一返到嚟，就搞啲咁嘅嘢。

嗰啲話咩要孝順父母嗰啲呢，前提係要好嘅父母。我哋都無辦法選擇自己嘅父母，所以好難對人哋嘅不幸感同身受，而我⋯⋯儘管知道呀詩屋企係咁樣，但都無辦法想像得到，直到個畫面擺係你眼前。

「世伯！佢係你個女嚟。」我伸手過去攬住呀詩。

「係啊！咪同佢老母一樣囉，跟佬走囉！我無講錯到㗎，一撚樣㗎。」佢個嘴臉同態度，實在難以想像呀詩以前係點生活。

「你自己都一樣拋低呀詩唔理。」我反駁佢。

同一時間，我一邊幫我呀詩合埋個喼，準備帶佢走，可能仲有嘢未執好，但都係身外物嚟，到時可以再買，但唔走，真係唔知會發生咩事。

「我哋屋企嘅事關你咩事啊？？？」佢好大聲咁兇我哋，嗰個聲線係會令人震動，個心都抽離咗一下咁樣，好恐怖。

「我係呀詩男朋友，佢嘅事點會唔關我事？既然你保護唔到佢，咪我保護佢囉，你俾唔到愛佢，咪我俾囉。」

老實講，我唔敢再刺激佢，唔知佢會做啲乜事出嚟。但係呢啲都係我心底話，我想講出嚟。

「走啦呀詩。」我拉起佢，無換到衫，拎齊自己啲嘢，就咁一隻手拖住個喼，另一隻手拖住佢。

就咁穿過世伯，行去大門口。

我都唔敢相信事情會發展成咁，真係好撚戇鳩，邊有人咁㗎，但現實嘅情況係，香港真係充斥住好多呢啲人和事，越底下階層就越多，人可以無素養到一個無得救，講極都唔會明嘅地步。

兩年後，我會以「藍絲」嚟稱呼世伯。

世伯無阻止我哋，可能估唔到我哋真係夠膽咁樣做啦，行出走廊之後就聽到佢係度叫囂，但聽唔清楚，就當係有人係度吠咁樣囉。

衣著單薄嘅我哋一行出去就覺得好鬼凍，我即刻攬住呀詩，唔想佢凍。

「搭的士去我屋企啦，我哋依家著到咁，係得返的士㗎咋。」

「嗯。」呀詩好放心咁回應我。

寫下寫下又差唔多一個post添
呢一年寫文真係好漫長

樓主加油

你肯寫我肯睇

臨近po 尾，提提大家

Btw 記住留位俾書生放新po link

好睇

推

今晚返嚟更新兩篇

推

今晚

係的士度，我已經打電話返屋企，將呢件事話俾我老媽知，咁我就無將呀詩同佢爸爸啲嘢話俾老媽子知，始終呢啲家事都係由呀詩親自講好啲。

呀詩係的士度捱落我膊頭度，咩都無講，就咁捱落嚟。

我輕拍呀詩手背，就咁坐到返我屋企。

「哇⋯⋯入嚟先入嚟先，搞邊科啊？你哋淨係著住睡衣過嚟？」老媽一開門見到我哋兩個咁樣，嚇親。

雖然呢個家唔太特別，唔係好有錢，老母平時又好撚煩，但係呢啲時候，先真實咁樣感受到屋企嗰陣溫暖。

呢樣嘢先最重要，咁樣先叫做一個家。

我帶住呀詩入去，老媽就好緊張咁係度左講右講，無停過口。

「要唔要水啊？」
「飲唔飲嘢啊？」
「口唔口乾啊？」
「隨便坐住先啦。」
「啲嘢擺呢度等㗎啦。」

「得啦媽，我哋搞得掂嘅，你唔洗擔心咁多啦，我幫呀詩執一執啲嘢先啦。」我邊行邊抬住呀詩啲行李，你都咪話唔重啊。

「唔該姨姨，唔洗咁客氣啦，我咁樣突然嚟打擾你哋都唔好意思，唔洗招呼我啦，我OK㗎。」呀詩客氣咁講，但所有嘅情緒都寫曬係臉上面。

老媽子挑通眼眉，點會唔知啊？

「好啦，你哋整理下先，我執下入面間房先。」

我見老媽行開咗，我就行過去諗住安慰呀詩。

「你無嘢啊嘛？」

我一講完，呀詩就放軟曬手腳捱埋嚟，呀詩嘅身體本來就好柔軟，好似水造咁，一路以嚟我都咁覺得。

「好似終於鬆一口氣咁。」呀詩背住我，捱係我膊頭度。

「點解可以咁大分別？」

「你屋企人真係好好。」明明一朝早嗰陣，我哋都仲好溫馨，但係發生完呢啲事，好似搾乾曬成個人啲精力咁。


「你背後，唔係無嘢依靠。」


「呀仔⋯⋯執好曬入面啦⋯⋯」老媽突然殺入嚟，專破壞氣氛。

不過我哋咁老夫老妻，唔會覺得牙癢癢，日後呢啲溫馨甜蜜嘅氣氛大把啦，所以就算被破壞，都唔特別覺得可惜。

「得啦！」係無乜心情想應佢咁解姐。

推
呀詩少有地依賴男豬

令佢另一種魅力出晒嚟

推推

推

屋企唔算大，老媽都好接受我哋兩個瞓同一間房，估唔到佢都幾開通，我都做好瞓廳嘅心理準備。

呀詩入去擺低啲日常嘢，我係個廳幫佢整理下個喼。

執執下發覺唔對路⋯⋯好似有啲嘢漏咗？但係一時之間又醒唔起係咩事。

係咩呢？好似係啲好緊要嘅事嚟。

然後沿住條線慢慢思索，終於知係咩事啦！

我即刻衝入房，當我記起嘅時候。可惜啊⋯⋯一切已經太遲，mo la mo la⋯⋯

呀詩已經係度睇緊我打算送俾佢嘅禮物。

「咁無禮貌㗎你，一入嚟就睇人哋啲嘢。」我已經阻止唔到事件嘅發生了。

「你擺曬係度，好難睇唔到喎。」呀詩溫柔地掀開啲相。

呢個係最近流行嘅爆炸盒，好多人都po呢種盒嚟曬命。有陣時我都想俾到呢啲嘢呀詩，我諗女仔收到點都會鍾意，盡可能做到嘅，咪做囉，只要佢開心。

你問我，身為男人唔會鍾意呢啲咁麻煩嘅嘢，只有為自己在意嘅人開心，先心甘情願去做。

「依家無曬驚喜啦。」我無奈地說。

「唔會啊⋯⋯依家都好有驚喜啊。」呀詩溫柔咁同我講，「見到嗰下就係驚喜嚟㗎啦。」

呀詩行埋嚟，攬住我。

今日嘅佢，格外溫柔。

「依家搞到我更加唔想去exchange，你話點算？」呀詩嬌柔咁係我耳仔邊講。

因為佢咁柔情似水，連帶我都放軟埋。

「點解嘅？」

「唔捨得你⋯⋯」佢攬得更實。

呀詩咁樣講一講，佢就快要離開我一段時日嘅真實感更加強烈。之前都未咁覺，佢都仲未要走，而且自己會說服自己：好快就會返，唔係好耐姐。

然後突然俾呀詩一講，接住落嚟嘅一個月、兩個月、三個月都會見唔到佢。

我以為自己會慣，會OK的。

有陣時，會高估自己嘅堅強，卻輕易被小事觸動。

「我都好唔捨得你。」我回應佢。

＝＝＝＝＝＝＝＝＝＝＝＝＝＝＝＝＝＝
新嘅一年俾自己其中一個目標就係好好咁經營ig
以前隨緣嘅我覺得都要進步吓
嚟緊會更新多啲散文同埋story
有興趣可以follow埋
@__book.s0n
https://www.instagram.com/__book.s0n/

永遠到臨別過夜先最唔捨得
但反而真係分開咗之後，其實好快會慣

Gigi差唔多係時候出場

推

想問下進度大概幾成？

你唔講唔記得