《是咁的，我一炮過有咗三個女朋友（假）》

是咁的，大學生恆樂喺兩日內得到咗三個女朋友，正常嚟講咁樣叫做兩腳踏三船，但咁樣只限於正常而言。

Vtuber中之人、青梅竹馬姐姐同埋系Soc下莊，佢哋兩個竟然係兩日內分別拜托恆樂假扮男朋友，而恆樂喺各種威迫利誘下全部都應承晒。

到底呢班人會交織出乜嘢故事？恆樂又會點樣解決？

--------------------------------------------------------------------------------------
每50正評會加更
最後，請推post、正評！
--------------------------------------------------------------------------------------
關於作者：

ＩＧ：littlemanhkg

--------------------------------------------------------------------------------------
舊故：
我青梅竹馬同咗個死MK仔一齊//《不懂愛的青梅竹馬們》
Post 1: https://lihkg.com/thread/2583136
Post 2: https://lihkg.com/thread/2656487

《同居女孩》
Post 1: https://lihkg.com/thread/2662244
Post 2: https://lihkg.com/thread/2735039

Ok

零、A0的突破s？

是咁的，大學生恆樂喺兩日內得到咗三個女朋友，正常嚟講咁樣叫做兩腳踏三船，但咁樣只限於正常而言。

Vtuber中之人、青梅竹馬姐姐同埋系Soc下莊，佢哋兩個竟然係兩日內分別拜托恆樂假扮男朋友，而恆樂喺各種威迫利誘下全部都應承晒。

一個為咗呃毒撚課金、一個為咗向ex報仇、一個用嚟趕走追求者。

本來以為終於可以破處，但係咁嘅情況令恆樂更加難識到真正嘅女朋友。

老老豆豆，可以嘅話恆樂想收返錢去做佢哋嘅ptbf，但係現實上佢俾人揸住春袋（比喻，非物理層面）或者係俾啲女氹到唔識say no，所以先唔小心答應做佢哋（假）男朋友。

呢一刻嘅恆樂只係想盡快扮完佢哋男朋友，再去搵一個正正常常嘅女仔拍拖。

但係對於呢個扮男朋友嘅任務又可以幾時終結？會唔會三年之後又三年？

諗到呢到，恆樂就覺得頭痛，於是就打開電腦，睇住FC2-PPV-1616189打返個靚丁再算。

Lm

一、女朋友的意外流出！？

只有一男一女嘅電腦房入面，男仔嘅手放咗係女仔約C cup嘅乳房上面。

冷氣機運轉同電腦散熱風扇嘅聲音響透成間房，劃破寧靜嘅係女仔嘅聲音。

「做我男朋友，得唔得？」女仔紅住面咁講。

作為A0毒撚嘅恆樂今日終於可以突破A0，仲可以摸埋波仔，但係佢內心嘅不安比高興多出好幾倍。

呢啲責任，唔負好過。

時間返到半個鐘前。

一個寂靜嘅傍晚，明明考完試但係仲要留係學校做功課嘅上咗天台吹下風休息。

恆樂自然地望向hall嘅方向，掃視一下hall嘅窗口就會發現有唔少人都落咗窗簾，九成九係扑緊嘢，真係好幸福。

住hall真係一個交配嘅好地方，抽唔到宿位嘅恆樂只能夠幻想啲人交尾得幾開心。

A0仔嘅恆樂慨嘆Year 1 Sem1即將完結嘅呢一刻自己都未曾有過女朋友。

明明網上討論區都話上到大學使乜驚無女，但係去到呢一刻連親近啲嘅女仔都無嘅恆樂對世界充滿怨恨。

呃人㗎！上到大學都未必有女㗎！

恆樂喺內心吶喊。

恆樂都有flirt過（應該係諗多咗或者係A0毒撚嘅最終幻想）一個女仔，係佢大學嘅Ocamp mate，然後以為有機會嘅恆樂就同咗個女仔表白。

有睇開JFFT嘅朋友都應該知道地鐵床事件，恆樂嗰次嘅表白同床哥自炒可以話係差唔多，完全係一個自殺式襲擊。

當時個Ocamp mate女仔同恆樂幾科都一齊讀，平時又回覆下Whatsapp，ig story同post都會見到條女嘅腳毛，咁樣正常嚟講都會覺得自己表白嘅話係會有機會食到，以為個女仔覆得咁密係因為佢都對自己有意思。

唔係！呢啲只係毒撚嘅幻想，啲所謂嘅Signal只不過係幻想呀！啲女人唔知點解就係鐘意俾呢啲錯誤嘅感覺男人，fake到男人臭曬之後就話只係當你普通朋友。

啲女人真係好古惑。

講返正題，恆樂同個女仔認識咗一段時間之後就決定表白，當日就打算先同佢去行山加野餐，最後一齊去睇場戲再喺送佢返屋企嘅路上表白。

嗰一個晚上，恆樂喺時速80公里嘅紅色小巴上面同當時嘅意中人肩並肩咁坐，自覺氣氛唔錯嘅恆樂突然捉起個女仔嘅手，再喺小巴上表白心跡。

「對唔住⋯⋯我只係當你係朋友⋯⋯」得到呢個回覆後，個女仔緩緩收返起隻手，而恆樂就呆咗咁望向坐喺入面嘅意中人。

車速減漫，成車靜晒，司機較大聲收音機，坐喺恆樂後面嘅情侶忍唔住偷笑，前面嘅阿叔口噏噏咁講「陰公」，坐喺左手邊嘅後生女就係咁偷望過嚟。

覺得柒到飛天嘅恆樂就即刻喺下一個站落車，個女仔都緊隨其後落車，但係雙方向往唔同方向離開。

就此之後，兩人就不再有交雜，成為陌路人。

每次喺學校見到其他Ocamp mate所會急急腳咁走。因為恆樂都assume佢表白單嘢揚到周圍都係，成為咗大家閒餘飯後嘅話題，自己都成為咗自己嘅恥笑對象。

自此恆樂就刪除咗ig，唔想再喺社交網絡到俾啲女人呃。

諗返轉頭，A0毒撚嘅最大幻想就係你鐘意嘅對象都鐘意你，或者人哋whatsapp覆多你兩句就覺得人哋鐘意你，人哋唔小心望多你兩眼就以為人哋偷望自己。總之就係不停幻想對方鐘意咗自己，對方任何行動都解讀成對方對自己有意，最後就車毁人忘。

「又有人落簾準備扑嘢，唉。」望到hall又有人落簾嘅怔樂嘆口氣。

因為揀咗一科剪片free elective，而final project要喺考試之後交，手提電腦無剪片程式嘅恆樂唯有特登喺放假嘅時候返嚟無人嘅校舍，用學校有GPU嘅Mac機剪片。

「點解無啲讀同一科嘅女仔一齊陪係到剪片。」恆樂嘆氣，然後就慢慢走返電腦房開工。

返到入電腦房，恆樂就坐返喺電腦檯前㩒下㩒下，打算繼續剪片，但係睇睇下就發現唔對路。

「點解有啲咁嘅嘢嘅喂⋯⋯」顯示喺電腦螢幕前面嘅係被稱為虛擬偶像（Vtuber）嘅3D同2D模組，另外仲有用imovie剪輯緊嘅精華片段。同恆樂頭先剪緊嘅片完全冇關係。

「佢叫做黑雪公主⋯⋯講廣東話？」對Vtuber一無所知嘅恆樂自言自語。

喺恆樂專心睇緊電腦嘅時候，有個扎孖辮、戴黑色粗框眼鏡嘅女仔走咗入嚟電腦室。個女仔一見到恆樂，就指住佢大嗌：「常恆樂！你搞咩呀！」

「點解你會知道我咩名？」恆樂俾條女突如其來嘅大聲呼喊嚇親，明明自己唔識呢一條女，但係點解人哋嗌得出自己全名？

「我同你一齊上剪片堂㗎！」個女仔叫完之後就嬲爆爆咁行過去恆樂到，當佢見到螢幕上顯示住Vtuber嘅資料後，佢就擰頭望向恆樂，紅都臉晒咁問：「你知道曬啦？」

「我咩都唔知道呀⋯⋯」恆樂怯生生咁答。

「我係Vtuber嘅事同埋我嘅虛擬人物身份，你全部都知道曬。」女仔嘅表情陰沉起嚟。

「我都唔知乜嘢係Vtuber⋯⋯我無睇開啲動漫嘢。」恆樂解釋。

「Vtuber，又稱虛擬實況主，係以虛擬人物形象喺線上影片平台上載影片或進行直播嘅創作者，常見於Youtube、Twitch、Facebook等影視平台活動。其背後嘅操作者叫作中之人，中之人嘅身份必須保密，粉絲通常都有默契唔討論中之人嘅真實身份。中之人身份暴露對Vtuber嚟講係大危機。」恆樂手機的Siri突然出聲。

今鑊真係智能叛變，無啦啦俾Siri賣咗鑊甘嘅。

恆樂嗱嗱聲撳熄部電話，等佢快啲收聲，心入面不停屌Siri老母。

原來喺電腦入面嘅3D同2D模組都係眼前呢個女仔用嚟砌自己嘅Vtuber外殼，恆樂突然諗通。眼前呢個女仔就係Vtuber黑雪公主嘅真身。

為咗確認腦海入面嘅猜想，恆樂問：「你就係黑雪公主？」

「俾人知道咗我真實身份！我玩完啦！Vtuber真實身份意外流出呀！」女孩激動地叫，又喺地下翻滾。

新故留名

推推

「你冷靜啲先！」

「點冷靜呀！我啱啱先起步咋，啱啱先過1000訂閱，估唔到我嘅事業咁快玩完！」攤咗喺地下嘅女孩叫道。

「你冷靜啲先黑雪公主！」恆樂再講。

「呀！！！唔好用呢個名叫我呀！！！」個女仔碌得越嚟越快。

「你放心喎，我唔會亂咁講出去，我會好好保守呢個秘密。」呢一刻嘅恆樂諗住乜都應承咗先，至少等條女唔好喺佢面前發癲。

「點可能信你呀！」條女一個鯉魚翻身彈起，指着恆樂講。

黑雪公主唔忿氣咁走出電腦房，留低恆樂一個人呆咗咁企喺原地。

兩分鐘後，黑雪公主又走翻去恆樂面前，捉起佢隻手放落自己胸上面。

幸福就係嚟得咁突然，一日未死都會有機會摸下波仔。

B⋯⋯唔係C！

恆樂聚精匯神咁享受掌手傳來嘅質感，估唔到呢個咁老套嘅女仔都有咁豐滿嘅身材。

真係卧虎藏龍！邊個話港女細波！北半球放得落一隻手掌都唔會細得去邊！

「咔嚓！」就係恆樂享受胸部嘅溫度時，突然傳嚟快門聲，恆樂即刻醒過嚟。

嗰個女仔紅都臉曬咁影咗張相，係恆樂摸佢對波嘅相。

「你非禮我嘅證據。」黑雪公主將電話螢幕展示俾恆樂睇。

恆樂即刻反駁：「喂！等陣先！係你捉起我隻手㗎喎！」

紅著臉嘅黑雪公主強忍住羞恥心講：「張圖淨係見到你摸胸。呢到無人證，我話乜就乜。」

「你打橫嚟嘅！」

「依家嘅香港係女人大曬。」黑雪公主挺胸自豪咁講。

挺胸嗰下恆樂嘅掌心都感覺到，非常清楚。

咁戀愛喜劇feel

Lm

「我唔會爆你Vtuber嘅身份出去，所以我求下你del咗張相。我做乜都得，求下你放過我。」恆樂合十雙手請求，喺香港做咗性罪犯真係返唔到轉頭。同埋香港真係有好多女人會無啦啦屈男人非禮，就算冇證據啲人都會信個女人，更何況而家恆樂有痛腳俾人捉住，所以恆樂嘅人生可以話係完結邊緣。

「做乜都得？」黑雪公主嘅眼神稍微變一變，好似思考緊啲乜咁。

「做乜都得。」恆樂連忙點頭。

黑色公主諗咗諗，再望一望電腦螢幕，諗通某啲嘢之後講：「你話做乜都得㗎。」

黑雪公主講完就除咗眼鏡，鬆開兩條辮去解放紫黑色嘅長髮，成個人嘅氣場即係唔同曬。

冰山美人。

恆樂腦海只有呢四個字。

恆樂近睇先發現黑色公主嘅眼珠都係紫黑色，而且皮膚非常之白哲，無戴眼鏡嘅黑雪公主嘅臉蛋好細而且睇落吹彈可破，完全係一個美少女。

我會唔會俾佢強姦？恆樂喺心入邊咁諗，因為頭先話咗做乜都得。

如果佢要強姦我都冇辦法，唯有勉強接受，我真係好可憐。恆樂心入邊捧讀，抑壓住自己興奮嘅情緒。

總之一陣間佢問乜都要即刻應承，恆樂心中已經下定決心。

黑色公主微微抬頭，白硩嘅手指輕輕撥開遮住眼睛嘅劉海，再用水汪汪嘅雙眼楚楚可憐咁仰望恆樂：「做我男朋友，得唔得？」

「砰」恆樂嘅心好似中咗邱比特箭咁瘋狂加速，俾美少女表白呢件事令佢異常地興奮，腦海已經無空間同時間去諗呢個係唔係陷阱。

破處嘅機會到啦！

A0毒撚身份嘅終結！

「得得得⋯⋯吓！？」本來隨口應承咗嘅恆樂，喺過咗幾秒後先俾呢個牛頭唔搭馬嘴嘅要求搞到呆咗。

黑雪公主滿意地點頭，之後戴返眼鏡就鬆一口氣講：「搞掂！我想試好耐㗎啦，除眼鏡同放髮後向男仔表白！」

仆你個街咁似輕小說修羅場戀人嘅
又係三條女搵男主做男朋友
又係有個做類似偶像嘅職業
又係有個係青梅竹馬

小劇透慎入

你講嗰套嘢我好似睇過

「吓？」恆樂依家非常之混亂。

「咁樣我就可以學到點樣做女朋友，再俾啲觀眾感受下女朋友嘅感覺。之後就光明正大收課金！」戴返眼鏡嘅黑雪公主講。

「咁即係點？我哋係唔係真係要拍拖？」困惑同失望嘅恆樂問。

「都要拍下嘅。我要你假扮我男朋友，得閒同我出去約會下，等我學下點做女朋友。」黑雪公主一臉理所當然地講。

「吓？扮？」

「扮呀，你唔係以為真係拍拖呀？」黑雪公主一臉厭惡咁講。

「er⋯⋯」真係以為脫A0嘅恆樂無言以對，過咗陣又問：「點解要搵人扮男朋友？」

黑雪公主咬牙切齒咁講：「上個禮拜有條友喺我個live都留言話我好無女朋友feel，但係我未拍過拖又點會知女朋友會點講嘢？喺嗰一刻我就知道我要學下點樣俾到女朋友嘅感覺班毒撚，呀！」知道自己失言嘅黑雪公主就改口：「係觀眾先啱。咁樣做嘅話我就可以令到佢哋心甘情願咁課金俾我，我嘅subscriber都會蒸蒸日上。所以我要學識做人哋女朋友！」

黑色果然切開都仲係黑。

原來只係諗緊點樣令觀眾課金。

「啲女人真係好古惑。」恆樂細細聲抱怨。

「咩話？」黑雪公主斜視瞪向恆樂。

順風耳嚟㗎屌？恆樂喺心入面鬧。

「無嘢！」恆樂即刻扮曬無嘢。

黑雪公主繼續講：「我唔係真係想拍拖，咁無理友求其搵個男仔嚟戲弄佢感情，係咪先？咁啱呢個時候你就出現啦，既然俾你知道咗我嘅秘密我就唔可以俾你走！頭先我出去電腦房諗咗陣，就諗到一個驚為天人嘅計劃！就係要無女朋友嘅你扮我男朋友，等我學到點樣講嘢先可以令男仔開心！當然任務完成之後我就會del咗佢。」

黑雪公主fing一fing佢部手機。

恆樂被反客為主。

咁樣我就可以俾你玩弄？恆樂無講出不滿。

本來先知道咗對方係Vtuber嘅秘密，後來一個屈尾十俾人用非禮做籌碼威脅，恆樂而家完全係下風位。

「點解你會知道我冇女朋友㗎！？」恆樂好似秘密俾人揭露咁樣，心虛到不得之了。

「梗係知我查過⋯⋯唔係！你咁似毒撚唔通你有女朋友咩！你有咩？」

「我無。」恆樂覺得自尊心受創。

「咁就好啦可以專心扮我男朋友。你仲有冇其他問題？」黑雪公主心滿意足咁講。

「你要學都唔一定要扮情侶㗎，我可以俾意見。」恆樂講。

「唔得，親身經歷係最好，學得最快。」

「咁扮你男朋友期間我可唔可以識其他女仔？」

「緊係唔得啦！扮情侶都要專一㗎！我哋『分手』之後你點玩都得！」

咁即係恆樂喺黑雪公主學滿師之前都無機會識到真嘅女朋友，如果唔係就會變咗一腳踏兩船嘅賤男。

「咁好啦，扮就扮啦。」

「咁你可以放返隻手落嚟未？」黑雪公主指往放喺佢心口嘅恆樂右手講。

「對唔住！」恆樂依家先意識到自己原來摸咗咁耐波仔，嗰種手感同溫暖真係令人難以忘懷。

「差啲唔記得自我介紹，我叫黃子瑜，你叫我子瑜就得。記著千祈唔好喺公眾地方叫我黑雪公主。」子瑜向恆樂伸出手。

「我叫恆樂，不過你都知㗎啦。」恆樂捉返住子瑜伸出嘅手。

「緊係知啦，我一直都知你同我讀同一科，係你唔知咋嘛！」

「我真係唔知。」恆樂面帶歉意咁答。

之後佢哋兩個就交換咗contact，子瑜喺電腦save低咗啲嘢再upload上drive之後就準備閃人。

臨走前子瑜突然攬住恆樂講：「我之後會搵你拍拖㗎啦，等我電話！再見啦男朋友！」

然後子瑜就急急腳咁走咗，佢嘅溫暖同埋香味都殘留喺恆樂身旁。

子瑜走咗之後恆樂先發現，自己用開嗰部電腦喺隔咗兩個位，今鋪真係唔好彩坐錯位先搞到咁大鑊。

恆樂嘆口氣就求其剪好段片，upload上blackboard就返屋企休息。

小惡魔。

恆樂眼中嘅子瑜就好似一隻小惡魔，蠱蠱惑惑。而自己就成為咗呢隻小惡魔嘅（假）男朋友。

二、青梅竹馬嘅復仇

恆樂返到屋企嘅時候，老母已經煮好飯，而飯檯上就有位不速之客。

「你又嚟痴餐呀。」恆樂邊邊怨邊坐埋飯檯。

「伯母煮飯好食呀嘛！」

不速之客叫做吳家純，花名吳純，意即唔純。係恆樂嘅青梅竹馬，大恆樂一歲，由細到大都住喺恆樂隔離屋，係一個大姐姐嘅存在，平時都會過嚟恆樂屋企痴餐食晚飯。

不過喺恆樂眼中，吳純大姐姐嘅地方就只有佢嘅肉體，隨170cm身高而嚟嘅一對長腿，佢擁有一對D級巨乳，街邊嘅港女可以話係望塵莫及，身材都唔算肥但都有啲肉地，係男人鐘意嘅肉地。

呢位大姐姐嘅行為同智商同佢嘅肉體完全唔掛勾，恆樂成日都覺得呢條女好小學雞。

大波加長腿令成日喺ig post J圖嘅吳純收獲唔少followers，係大學入面都有唔少fans同朋友。順帶一提，吳純同恆樂唔係讀同一間U。

因為由細到大都係埋一齊，恆樂只係當佢係家人而非異性咁看待，所以即使吳純依家只係笠住一件露臍同強調胸部嘅緊身tee-shirt，同埋露出長腿嘅真理褲，恆樂都無動於衷，應該係，只少無扯。

呢個成日喺社交網絡暴露自己身體嘅女人，叫做吳純係非常之合理，恆樂淨係夠膽喺心入邊咁諗，佢冇呢個勇氣講出口。

恆樂見到佢玩緊ig之後就講：「又post j圖呃like呀？」

「咁你想唔想睇啊？」吳純講完就show咗張泳衣相俾恆樂睇。

又幾圓，波同屎忽都係。

「呢⋯⋯呢啲濕碎啦！無興趣！」雖然把口咁講，但係恆樂對眼忍唔住係咁望向相片入面嘅球體。

「係嘅，你都見過我裸體，我哋又一齊沖過涼，呢啲泳衣照小兒科啦！」

「呢啲係五歲嘅事！你咁樣講好容易令人誤會㗎！」

「嘻嘻。你怕羞呀？」吳純細細力篤恆樂面頰。

「邊有呀！不過你男朋友唔介意咩？」恆樂擰歪臉。

條八婆從來唔缺男朋友，呢樣係恆樂非常之妒忌嘅地方。佢最少已經有過3個男朋友，應該乜都玩過曬。

「唔好提佢！我哋分咗手啦！」吳純嬲爆爆咁講。

呀樂咁多異性緣嘅

留各等文

「咁快，你哋好似一齊咗一個月咋喎。」

「佢賤人嚟㗎，佢出軌呀！有機會我一定搵佢報仇！我唔想講佢啊！你剪片份功課做完啦？」

「總算做完，雖然有啲波折，我依家可以話係筋疲力盡。」有咗女朋友，但係不過係假嘅呢件事，恆樂已經決定咗打死都唔講出口，更何況佢都唔知可以點樣解釋。因為佢哋應承咗唔可以爆子瑜Vtuber嘅身份出去。

「咁等姐姐我幫你揼下骨。」吳純講完就走到到恆樂後面，成對波貼到佢背脊，再用手幫佢按下膊頭。

「你無帶bra，feel到乳頭呀。」恆樂坦白講，熟都某種程度嘅異性朋友係唔會介意開咸濕笑話。

「你怕羞？」吳純不以為然繼續按。

「丁點都無呀。」但恆樂其實扯扯地。

「咁咪得囉！你舒唔舒服呀？」吳純問。

「非常可以啦。」雖然成日同吳純鬥嘴，但係要讚人嘅時候佢都係會讚。

「咁陣間到你幫我按啦，呢排膊頭好酸。」吳純講。

「咁大對，緊係累。」恆樂光明正大咁性騷擾。

「咸濕仔。」吳純用手指同時篤恆樂左右面頰。

「咁你呢？完Sem啦？」恆樂將話題拉返去讀書度。

「差一個考試姐，但係我哋埋土人求其讀下書就pass，所以我當完咗㗎啦！」吳純充滿自信咁講。

「BBA真係輕鬆。By the way，你sem break有咩搞？」恆樂問。

「Sem break就忙啦，要同啲friend出去飲吓嘢、去下Party Room打麻雀咁囉。但係我個賤人ex都會去囉！你呢？仲有冇喺小巴到表白？」吳純突然搬出恆樂嘅黑歷史。

好羨慕呀樂呀

「喂！」被爆黑歷史嘅恆樂紅都面晒咁彈起身。

「你哋唔好嘈啦，開飯啦。」恆樂老母捧住一盤蕃茄炒蛋由廚房走出嚟。

「開飯lu！」吳純開心咁合十雙手。

「你入去幫手拎碗筷啦！」恆樂命令吳純。

「衰仔！你去拎啦，人哋客人嚟㗎！」恆樂老母用力地敲咗恆樂個頭一下，之後恆樂就死死地氣咁入廚房拎嘢。

「唔該曬喎恆仔！」吳純得戚咁繞住雙腳講。

「日日嚟黐餐都叫佢客人⋯⋯」恆樂口噏噏咁行入廚房拎碗。

「恆仔唔想見到我咩？明明同姐姐我由細玩到大。」吳純用娃娃聲講。

「見少啲又唔會死。」拎住碗筷出嚟嘅恆樂答。

「多個人食飯開心啲呀嘛！我當咗家純係自己人㗎喇！」恆樂又俾老母鬧。

「多謝媽咪！我哋係時候正式上契！」吳純開心咁講。

「好嘅阿女。」

「咁到時候我咪係契⋯⋯細佬。」恆樂諗到呢度心情即刻有啲低落。

「唔洗擔心喎契弟！哈！」吳純開懷大笑。

食完飯之後，吳純就綁起馬尾走入廚房：「我洗碗啦，伯母你去返工先啦。」

恆樂老母返開夜間七仔，所以平時食完飯就會走。

「咁麻煩曬你啦阿妹，我走先啦！衰仔你去幫下人啦！」恆樂老母講完就出咗門。

「喂！恆仔，入嚟接力呀！」洗完一隻碗嘅吳純喺伯母走咗之後就即刻叫恆樂接力。

「你個人真係，扮曬嘢。」恆樂雖然把口抱怨，但係都行入廚房幫手。

恆樂知道，為咗保養好自己嘅皮膚，有皮膚敏感嘅吳純唔會點樣接觸洗潔精。恆樂都唔忍心見到佢有主婦手，所以都算係心甘情願入去洗碗。