《是咁的，我一炮過有咗三個女朋友（假）》

Push

N寶
故事發展得太快跟唔上

賓大哥

無啦啦連n賓都出埋嚟

「多謝梁諾衡Superchat！」黑雪公主收到五百蚊嘅super chat，之後佢就會讀出super chat嘅內容：「洪水橋案真兇係波台狗n寶。n寶？乜水係n寶呀？」

然後，直播聊天室就被「n寶」兩字洗版。

「乜嘢n寶呀，我唔識呀。」黑雪公主講。

又收到superchat，所以黑雪公主讀：「多謝樂文！被捕條友身上穿著果件阿仙奴波衫喺香港數量稀少，但N寶曾經自爆過佢係有同款波衫，所以N寶好大機會就係真兇。」

又有課金，再讀：「條友唔係第一次犯法，之前曾經巴士放過針，今次又再犯法真係完全唔出奇。」

黑雪公主用可愛嘅聲線講：「下，放針？n寶又放針又殺人，佢咩人嚟㗎！」

又又又有錢落袋：「多謝小璇！之前連登肉類切割員個po，n賓已經自爆過單嘢佢有份，本身以為玩膠，原來係真。自從黑警高調拉人後N賓就冇上過水，時間完全脗合。」

「呢個n寶乜水呀？好可怕呀！本公主要搵多啲守衛嚟保護我。」

「多謝倩兒！我以前是放針，怎麼現在是殺人？歌詞嚟㗎？」

「好啦好啦，唔好再用n寶洗版啦。」

「信和有得買經典N寶立牌，黑雪可以買嚟玩。我點解要買殺人犯嘅立牌呀？」

「好啦，唔好再講n寶啦。我哋講返cw，下個禮拜cw，我要出cos啦！！有冇人估到我出咩角呢？」

「估唔估到呢？唔係n寶呀！我唔係出n寶呀！我都唔識佢！！」聊天室被n寶洗版，無人理黑雪公主嘅提問。

「喂也！你哋再唔估我就唔理你哋㗎啦！我會嬲㗎！」黑雪公主不滿咁講。

「好啦好啦！大家都好醒，估到我出咩！無錯！我要扮嘅就係自己！我要做黑雪公主！到時見！」

子瑜以黑雪公主嘅身份拋低預告。

子瑜將呢事話俾恆樂知。

「所以你就問我咩係n賓？」恆樂問。

「係呀，不過呢樣係其次。」

「主要係乜？」

「我要出cos我自己！我要出黑雪公主！我要宣傳自己，等多啲人睇我！課金俾我！」

「你唔驚俾人認到真人樣咩？」

「呢個唔係最大concern，分咗妝之後無人認到我㗎啦。到時我成個樣會唔同曬㗎，我真係可以變到黑雪公主咁。」子瑜自豪咁講。

「姐係你喬裝。」

「點解你唔問我最大concern係乜？」

「咁你最大嘅concern係咩？」

「無啲誠意！我唔想講啦！」

「講啦，講啦。」

「唔講呀！

「我做乜你先肯講？」

子瑜情不自禁地流露出笑容，一副奸計得逞嘅樣講：「真係做乜都得？」

見到子瑜咁嘅樣，恆樂即刻退縮：「唔係，我唔想知啦，你千祈唔好講，我乜都唔會做。」

「喂你！應承我呀！」

「你笑得好古惑，我信唔過你。」

「我古惑？古惑得過你有三個女朋友？」子瑜諷刺咁講。

恆樂就好似被篤到痛處：「er⋯⋯」

「你做錯咁多嘢，依家叫你做少少嘢都唔得？」

「但係我唔想知啦喎。」

「你做唔做？一腳踏三船。」

「做呀做呀！你唔好再提啦！！我求下你。」

「我要你陪我出cos，當然你都要cos呀！但係最重要嘅係你要保護我同照顧我，有危險或者我唔舒服嘅話你要帶走我。」

「出cos有乜危險？」

「俾肥毒攝影師非禮囉。」

「你對你啲米飯班主咁臭口得唔得㗎？」恆樂問。

「佢哋唔知咪得！」子瑜自豪咁講。

「同埋邊有毒撚會咁大膽，眾目睽睽下非禮cosplayer？」恆樂提出。

「呀，本來機會都係五十五十，你依家立完flag就請你好好保護我。」子瑜嘆口氣。

「我要點保護你呀？Vtuber俾人知道有男朋友好大鑊㗎喎。我成個人棟係你隔離？」恆樂問。

「你都cosplay，再係我附近行嚟行去睇住我。」子瑜係恆樂耳邊訴說佢嘅計劃。

「你玩鳩我咋？」

「邊係，最意想不到嘅事先最有用。話唔定啲人睇你多過睇我。」

「啲人淨係睇我嘅話你仲點宣傳自己？」

「放心啦，邊有人會唔睇靚女？」

鏡頭拉返到九展，化作n賓嘅恆樂被唔少人圍觀。

Push

「呢個⋯⋯係唔係n賓？」

「n賓嚟㗎喎！我認得個背囊。」

「九展接駁巴士係咪俾人放咗針？」

「佢唔係俾人拉咗咩？」

路人七嘴八舌咁談論恆樂。

「好受歡迎喎。」子瑜透過耳機同恆樂講。

子瑜依家係恆樂後面唔遠嘅地方，佢哋兩個各有一隻耳戴上耳機去同對方通話。

同恆樂唔同，子瑜無走到人群眼前，化好妝換好衫嘅佢就係恆樂附近俾人影相。

子瑜一身黑紫色哥德蘿莉裝，頭上綁住黑色緞帶，黑色長假髮觸及腰間，雙眼戴上紫色隱形眼鏡。子瑜仲係腳邊擺咗張qr code，係黑雪公主嘅Youtube channel。

「唔該，請問你係咪cosplay緊？」突然有個身穿灰色t-shirt牛仔褲、肚腩突起、手持cannon相機同汗流浹背嘅男人向恆樂問。

「都算係。」 恆樂壓低聲線答。

「可以影張相嗎？」

「⋯⋯請。」恆樂本來想拒絕，但係難得cosplay n賓，無理由唔影下相留念。

「多謝。」

肥佬抬起相機，zoom近恆樂腳邊嘅背囊，「咔嚓」一聲影完後講：「本體完成。」

「本體？睇嚟師兄你識啲嘢。」

「n賓嘅本體從來都係背囊，你對n賓嘅認識都唔淺。睇嚟你唔係衣架咁簡單。」肥佬托一托起霧嘅眼鏡。

怪唔得扮n賓

「當然。」恆樂係褲袋拎出幾支針同喺背囊入面拎出一件阿記波衫再講：「n賓武器，波台狗衫。」

「Bravo！！」肥佬激動地大叫。

肥佬呢下咆哮吸引咗唔少人過嚟睇咩事，然後愈嚟愈多人搵恆樂影相，仲有條隊係同佢合照。

喺影相嘅空檔，恆樂透過耳機問：「子瑜你點呀？」

「無你咁忙囉！」子瑜語帶不滿，佢心入邊唔妥恆樂竟然多fans過佢。

「你唔好嬲先，我話過唔cosplay，係你逼我搞喎。」

「哦，咁即係我錯啦？」

「我又唔係咁嘅意思。」

「玩下你咋！我邊會咁易嬲！」

「你嚇撚死我，我以為你又扮嬲要我氹。」

「你當我係咩女人呀？不過你覺得點啊， Cosplay好唔好玩？」

「開心呀！估唔到呢個世界有咁多志同道合，鐘意n賓嘅人！」恆樂興高采烈咁講。

「你今日唔好用晒啲體力啊！聽日我哋仲要嚟。」

「聽日？唔係今日搞完啦咩？」

「CW搞兩日㗎！我哋聽日都要嚟呀n賓！」

「吓，屌你呀。我依家好攰㗎喎。」

「你屌我？」子瑜怪罪恆樂用粗口鬧佢。

「可以屌？」恆樂問子瑜係唔係可以物理上屌。

「你知道我唔係咁嘅意思！」俾恆樂撚到嘅子瑜激動到叫。

「咁可唔可以？」

「唔可以呀！」子瑜嬲到面紅耳赤。

「唔該，請問可唔可以影張相？」有一位毒撚向子瑜問。

子瑜馬上又憤怒模式切換到可愛模式，掛上招牌笑容回應：「當然可以！」

子瑜擺咗幾個post，叫人subscribe黑雪公主嘅Channel，再同毒撚攝影師致謝。

然後，子瑜嗰到又大排長龍，反之對恆樂有興趣嘅人已經走晒，所以恆樂就走到子瑜附近等佢影完相走人。

有好多人問子瑜佢係咪黑雪公主本人，而佢每一次都矢口否認，佢話自己係佢fans，今次出cos係想幫佢宣傳。

影相影到有啲累嘅子瑜就叫恆樂幫幫手截龍，於是恆樂就走到隊尾幫手截人。

「嗰個係唔係子瑜？」

「幾似佢喎！」

「應該真係佢！」

「呢個妝我哋見佢化過啦！」

「係啦！以前佢都問過我點樣化。」

「佢又真係幾靚女。」

「唔靚女邊有毒撚睇？」

恆樂附近，有三個cosplay日本vtuber嘅女仔講。

睇嚟佢哋識子瑜，恆樂給好奇心因此而爆發，好豎起耳仔專心偷聽佢哋講嘢。

恆樂雖然有1秒因為偷聽呢個舉動覺得自己嘅心靈都n賓化，但係呢個念頭一閃即逝。

「咁多人搵佢影相都有！」

「離開咗劇團之後佢都覺得幾好呀。」

劇團？

「我都想俾咁多人圍住影相。」

「定係你想比成班男人圍住搞咋？」

「喂也！搞都唔係呢班毒撚啦！」

「真係冇人搵我哋影相，我哋cosplay ig嘅follower連一千人都冇。」

「燒賣，你之前咪同佢好friend 嘅，不如我哋問吓佢聽日一唔一齊出？」

之前好friend。

「你想拗佢啲人氣？等影完佢就影我哋？」

「咁樣好黐身黐勢喎。」

「但係可以確切咁拗到人氣喎！至少啲人睇佢嘅時候會睇埋我哋，可以吸下人follow我哋。」

「係囉，我哋都同佢冇見咁耐。一嚟就拗人氣？」

「唔係拗，係一齊出cos。你唔講我唔講，子瑜點會知道我哋係啲兜踎cosplayer？我哋行埋去，等佢聽日一唔一齊出cos？同佢講，一團人可以輪流影，多啲休息時間！」

「洗撚咩。我哋同佢講，vtuber組團會好開心，咁樣咪搞掂囉。」

「就咁啦！」

「咁我哋等佢影埋呢一轉相就過去。佢影相嗰條隊有條傻仔企咗喺最後負責截龍，過咗佢之後我哋就過去搵子瑜啦。」

傻仔？

恆樂困惑咁側頭，心諗係咪講緊我。

「佢成個傻仔咁拎住個背囊，做乜姐。」

其實你哋好大聲，我聽到。恆樂心諗。

恆樂轉身望向佢哋，點知無移開視線，仲以自己認為好細嘅聲量講嘢。

「佢望住我哋啦。」

「一定係想強姦我哋。」

「你見唔見到佢淫邪嘅眼神，佢好可怕！」

「佢欲求不滿嘅樣，一定係啲成日打飛機嘅毒撚！」

冇錯，恆樂係成日打丁。

恆樂脆弱嘅心靈受到強大嘅衝擊，重傷。

本來恆樂想去叫班八婆咪癡埋子瑜到，但係佢相信子瑜有能力自己做決定，所以佢都無謂插手。

最重要係俾咁樣班女笑，但係自己一句聲都冇出到去反駁，恆樂覺得自己好撚廢，哭能咗。

講開又講，子瑜嘅毒舌高級過佢哋好多。

Jm9

賓大哥要放針囉

留名子愉會鬧返嗰幾條八婆

LM
仲會唔會見到胡蝶同吳純？

一定會

點解我覺得個故開始暴走

最驚啲故交代完個標題就變晒

會，仲會坐埋一齊吹水。
啲女人好古惑。

賓大哥好快退場

成日好多咁嘅故

變做女朋友（真）