《是咁的，我一炮過有咗三個女朋友（假）》

Push

終於開打

Push

樓豬一出番黎就咁爆

如果事實真係咁嘅話，到底喺子瑜眼中嘅胡蝶係點？一個被恥笑嘅對象？講出一個對方知道唔係事實嘅謊言，但仲講到七情上面。

一個愛惜嘅朋友？因為係朋友所以唔好意思拆穿對方嘅謊言？

胡蝶唔知。

胡蝶只係知道自己係子瑜面前好羞家，已經唔知道點樣面對子瑜。

胡蝶覺得子瑜背叛左自己，但係明明講大話嘅係胡蝶，明明佢哋兩個就無試過以恆樂為話題傾偈，乜嘢約定都無做過。

胡蝶將自己嘅一廂情願當成約定，即使知道咁樣係無道理，但胡蝶就係無辦法唔咁諗。

感情唔係真係咁容易控制，理性上話俾自己錯嘅事，感性上接受唔到。總之胡蝶對子瑜有着一種惱羞成怒嘅感覺，但係自己依然當佢係朋友，又或者咁講，胡蝶唔想失去呢個朋友。

胡蝶突然發現，自己呢排啲心情成日都好矛盾，一切都係發現自己鍾意恆樂之後嘅事。

原來自己都有咁多感情變化，但係每一樣都令自己好痛苦。

除此之外，就係愛情方面。子瑜同恆樂到底係咩關係，據自己所知，恆樂係冇女朋友。但係子瑜就邀請過恆樂上嚟唔知佢哋兩個做過啲乜。

或者佢哋先係真正嘅情侶？

所以自己嘅初戀已經結束？

未開始已經結束。

友情已經出現裂口，唔通連愛情都要失敗？

儘管一切都係未知之數，或者子瑜同恆樂真係乜事都冇，一切可能都有一個合理嘅解釋。

可能佢哋知有性關係，並唔係情侶。如果咁樣嘅話，胡蝶都尚算可以接受。始終恆樂實際上係單身，自己又唔係佢女朋友， 根本冇資格去話佢。

如果佢哋並唔係情侶關係，咁樣就好啦。

咁樣嘅話自己嘅愛情仲有啲希望。

心有一種被人用手捉住嘅感覺，呼吸都變得焗促起嚟。

友情同愛情就係因為小小嘅一個銀包而受到衝擊。

「子瑜，你識樂仔㗎？」吳純保持一貫輕佻嘅語氣問。

吳純只係順從好奇心問，佢完全無聯繫到子瑜同恆樂可能係假情侶，胡蝶嘅內心戲同吳純完全絕緣。

當然，胡蝶都好想知道呢個問題嘅答案。

開打開打 想問下依家進度去到邊？

吳純bb做得好

恆仔喺隔離齋望？

有得比佢望算偷笑

掛住胡蝶BB了

胡蝶好自然咁將好多嘢聯繫埋一齊，吳純今朝話恆樂有一個好在意嘅女仔，而嗰個女仔唔係胡蝶或者吳純。

子瑜。

胡蝶將吳純口中嘅嗰個女仔同子瑜畫上等號。

但係無證據。

子瑜嘅回答好關鍵。

如果子瑜就係嗰個女仔，而子瑜又鍾意恆樂，咁樣胡蝶嘅願望就好難成真。

如果恆樂同子瑜只係朋友，咁一切都會相安無事，係對「大家」最好嘅結果。

如果。

「我⋯⋯我同恆樂⋯⋯」子瑜欲言又止，子瑜知道自己一定要解釋清楚，如果唔係胡蝶一定要着，但係依家係咪將真相講出嚟嘅最好情況？

明明自己乜嘢都冇解釋，明明知道自己乜都唔講嘅話胡蝶只會胡思亂想，誤會只會越嚟越深，明明唔出聲就只會令大家互相猜疑，最後關係就會走到盡頭。

呢一刻就係互相懷疑緊。

明知咁多嘢但係子瑜就係開唔到口。

子瑜唔知道由邊到講起，唔知點講先唔會傷到胡蝶，唔知道胡蝶會唔會接受同原諒自己。

明明講大話嘅胡蝶先係錯嗰個，胡蝶講大話都有錯，但子瑜卻覺得自己先係有錯嗰個，子瑜心中知道胡蝶有可能對恆樂有好感，但因為擔心同朋友爭仔而隱瞞。

我同佢只不過係假扮情侶，但係我已經鍾意咗佢。

子瑜講唔出呢一句事實。

因為子瑜左右搖擺嘅態度，眼框不知不覺已泛起淚光嘅胡蝶怯生生咁問：「子瑜⋯⋯你識恆樂？」

胡蝶嘅話語就好似矛咁，刺痛子瑜嘅身體。

胡蝶嘅反應已經代表咗一切。

見到眼泛淚光嘅胡蝶，子瑜大概肯定到胡蝶對恆樂嘅感情。

鍾意嘅男仔去過另一個女仔住嘅地方，會不安到想喊係好正常。

子瑜由此（胡蝶眼泛淚光）認定胡蝶係鍾意恆樂，已經冇需要再問去肯定呢個答案。

「恆仔話過有一個女仔佢非常之在意，仲對佢好有好感，可以話係當下最鍾意嗰一個。唔通嗰個就係你？」吳純搖頭晃腦咁問，連頭腦唔係太清晰嘅佢都意識到恆樂個銀包喺呢度出現係有啲唔妥。

吳純呢個問題正中紅心，可以話係一箭雙雕，胡蝶同子瑜嘅心同時被牽動起嚟。

胡蝶當然想知道答案，銀包係到嘅答案，始終關乎到自己嘅戀情。

子瑜就開心咗1秒，估唔到個衰仔會同其他人講鍾意自己。子瑜情不自禁咁春心蕩漾，但係好快又會將心情壓制落嚟， 因為呢個氣氛唔適合發情，友誼嘅小船遇上大風浪。

子瑜稍微分析一下現況，恆樂同過吳純或者胡蝶講話佢最愛嘅就係子瑜（子瑜自行腦補最愛兩字），同樣鍾意恆樂嘅胡蝶同吳純就心知不妙，如果子瑜都鍾意恆樂嘅話，呢場愛情遊戲已經分出勝負。

總之自己就係最接近勝利嘅人，可以話係既定利益者。

冇錯，子瑜係鍾意恆樂，但佢唔忍心見到胡蝶呢個傷心嘅模樣。

比起恆樂，胡蝶同自己嘅友情來得深厚，雙方認識嘅時間亦都更長。

子瑜做唔出選擇恆樂而要放棄胡蝶。

子瑜想講自己同恆樂只不過係朋友，咁啱搵咗佢扮男朋友，為咗佢呃啲毒撚貨金俾我。

咁樣講就唔會hurt到胡蝶。

子瑜心裏覆述左呢個對白一次之後開口。

「我⋯⋯佢⋯⋯係我男朋友⋯⋯」即使經歷咗咁多內心戲，子瑜講出同心裏面預先準備定唔同嘅對白。

全場人都因為呢句說話而感到驚訝，包括講出口嘅子瑜，因為就連佢都無諗過自己會咁樣表達自己同恆樂嘅關係。

子瑜開口嘅時候，突然之間有一種輸人唔輸陣嘅感覺，莫名其妙地覺得唔可以喺度輸落嚟。

輸？明明唔係比賽，明明唔想同人鬥，明明話咗要揀友情。

呢個答法可以話係最差嘅選項，因為咁樣同宣告吳純同胡蝶已經失戀冇分別。

因為女人嘅妒忌心同埋競爭心，子瑜控制唔到自己咁講出呢句說話。

講完之後子瑜就心知仆街，胡蝶同吳純一定係受到重擊。子瑜亦都非常之震驚原來自己咁重爭勝心，明知唔可以講出口嘅說話都咁樣講。

總之就係口不對心，把口仲要講錯嘢。

忍唔住宣戰，但係子瑜講完嘅下一秒就後悔。

子瑜good job

要打了

準備三娘教子

終於到狗血劇情

子愉做得好

「咁呀⋯⋯」

「嗯⋯⋯」

吳純去到呢一刻先知道事情大了，依家先感受到氣氛有啲唔妥當。

胡蝶則深陷喺不安嘅情緒入面，佢震驚到唔知講咩好。

子瑜心知不妙，慌張嘅不停擰頭，諗緊有冇辦法解開呢個尷尬嘅氛圍。

特別當子瑜望到胡蝶就快喊嘅表情，心就不奇然咁軟落嚟。

「不過你哋唔好誤會啊，我同佢只係扮情侶㗎咋！」覺得玩大咗嘅子瑜連忙揮着手咁修正，子瑜已經唔忍心再見到胡蝶呢一副傷心嘅模樣。

子瑜咁樣玩，即係首先將另外兩條女推向絕望，再拉佢哋返上嚟，就好似玩過山車咁。

「假男朋友⋯⋯？」胡蝶有如突然見到希望，充滿希冀咁抬高頭望向子瑜。

「係呀⋯⋯你知道啦我份工有啲特別⋯⋯俾錢我使嘅大部份都係男人，要學下點樣氹佢哋⋯⋯我諗到嘅辦法就係搵個人扮我男朋友，喺佢身上學下點樣氹男仔。」子瑜因為擔心自己講嘢啊漏洞或者講錯，所以佢斷斷續續小心翼翼咁講。

「大部分都係男人⋯⋯你做雞！？」吳純激動咁樣俾出呢個結論。

「唔係！」子瑜都激動咁反駁，佢再講：「我做嘅係偶像⋯⋯虛擬偶像，主要喺網上面做直播等啲毒撚課金俾我！」

本來子瑜唔想喺其他人面前講自己做vtuber嘅事，但係呢個情況下唔理得咁多，好過俾人誤會自己做雞。

「係呀，子瑜唔係做妓女，佢冇出賣過自己身體。」胡蝶加把口幫子瑜解釋。

「咁呀⋯⋯雖然唔知咩嚟，但係唔係做雞就冇所謂啦。雖然做雞都冇所謂。」吳純講。

「咁樣你點解會搵咗佢，搵咗恆樂扮你男朋友？」比起自己嘅事有冇被子瑜發現，胡蝶更加關心嘅係恆樂嘅感情狀況。

「只係巧合⋯⋯我同佢係同學，見佢幾好人就拜託佢。」摸波威脅同埋一早有好感嘅事子瑜全部都隱瞞。

「原來大家都識得樂仔！仲要大家都搵佢扮男朋友！」吳純不以為然開心咁笑住講。

「吳純！」胡蝶情不自禁咁開聲斥責，胡蝶本來想向子瑜忍暪自己同吳純都係假女朋友嘅事，點知一個唔為意就俾人爆咗出嚟。

喺子瑜嘅角度，由胡蝶嘅反應推論，睇嚟胡蝶係想對子瑜隱瞞佢哋都有做恆樂假女朋友嘅事，但係唔小心俾隨心隨意嘅吳純爆咗出嚟。

子瑜由此決定扮唔知咁講：「扮男朋友？你地都搵咗佢扮男朋友？」

有文

子瑜諗咁樣問嘅話，或者可以畀到個落台階胡蝶，等胡蝶自己承認同恆樂只係假扮情侶，並唔係真正一齊。

「係呀，我同胡蝶都係。」吳純秒速回答。

「吳純！你又話幫我隱瞞⋯⋯」胡蝶細聲咁自言自語，因為佢諗起吳純明明應承過佢唔會爆恆樂並唔係真正男朋友嘅事。

胡蝶同子瑜講個自己男朋友，但有男朋友就冇必要去搵假男朋友。

吳純咁樣爆一爆，胡蝶判斷子瑜已經睇穿咗自己冇男朋友嘅事，只不過係假男朋友扮係真男朋友。

但係胡蝶知道自己事都要面對，於是佢紅住臉鼓起勇氣講：「無錯⋯⋯恆樂係我假男朋友⋯⋯對唔住，之前呃咗你。我話自己有男朋友嘅事係假，只不過係有人假扮我男朋友。」

胡蝶覺得好羞恥，充大頭鬼被朋友發現，今鋪真係顏面無存。

胡蝶雙腳乏力咁坐咗落地，不停流淚。

胡蝶曾經有過衝動想大發雷霆，好似潑婦罵街咁大炒大鬧，但係咁樣一來唔係佢嘅性格，二來錯嘅始終係佢，佢唔可以大條道理咁發脾氣。

吳純呢個時候先知道自己講錯嘢，不知所措咁喺原地扭嚟扭去。

出手嘅係子瑜。

子瑜輕輕攬住胡蝶安慰佢：「無事，好小事。我唔介意。」

保得住一份友情就好了。

「對唔住。明知道你被人背叛過都要呃你⋯⋯」胡蝶都攬返實子瑜。

「嗯。」

「你唔問我點解要咁講？」

「唔問。」子瑜怕越講越錯所以寧願收聲。

係呢個時候，一個唔識睇氣氛嘅人講：「話時話，咁樣恆樂話佢最鍾意個女仔睇來係你。」

擁抱緊對方嘅子瑜同胡蝶當下即刻僵硬起來。

吳純冇發現到任何唔妥，佢繼續講：「咁你鐘唔鍾意樂仔？你想唔想同佢一齊？」

子瑜心諗，咁撚大個炸彈你咁突然扔俾我？咁樣擺明係陰我姐。

吳純 真係諗到乜就講乜

吳純真係好撚正 引戰師