《是咁的,我一炮過有咗三個女朋友(假)》
綠嶺
983
回覆
148 Like
26 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
第 33 頁
第 34 頁
第 35 頁
第 36 頁
第 37 頁
第 38 頁
第 39 頁
第 40 頁
小火花
2023-01-12 00:54:45
講到咁白,恆仔唔係仲唔get啊
綠嶺
2023-01-13 19:16:35
「嗰兩個女仔都唔想破壞友誼,又唔想朋友傷心,結果一個讓愛,另一個同咗條仔一齊之後,為咗令我朋友開心,佢開綠燈俾我朋友同條仔出街。」
「咁同送綠帽俾自己有咩分別⋯⋯」恆樂又夠膽咁講。
「女人真係勾心鬥角仲好,兩個女人打完之後都唔會有咁多花臣。但係當兩個女人做好朋友,而且真係為對方著想嘅時候就難搞啦。真係好似睇電視咁,兩個人因為爭仔而大打出手都仲好,打贏嗰個最少可以話事。但係佢哋兩個都唔想傷害對方,所以將條仔推嚟推去,結果自己受傷,朋友又受傷,得個男人爽。綠帽嘅嘢⋯⋯都係搏下唔會有⋯⋯終始雙方都覺得欠咗對方,要為對方做啲嘢去補償。」
「其實⋯⋯洗乜補償。」
「所以你都唔明女人心。講返我朋友,因為持續同朋友男朋友aka自己鍾意嘅人約會,背德感同興奮混雜,兩種矛盾嘅心情係佢同個男仔忍唔住曳曳之後,我朋友終於俾罪惡感壓倒,選擇咗逃避。佢改晒電話同聯絡方法,仲搬埋屋等佢哋兩個人搵唔到佢,因為曳曳之後,我朋友唔知點面對嗰兩個人。之後又過咗段時間,個男仔癲到係女朋友面前同我朋友表白,但係佢哋都係無一齊。」為保形象,子瑜特登用「曳曳」呢個term。
呢個時候嘅chatroom已經俾「臭雞」兩個字洗緊。
「⋯⋯」恆樂以前都無諗過子瑜有咁多掙扎。
「但係我朋友最近先發現,原來自己錯得好緊要。」
「錯?錯嘅只有個男。」恆樂話自己。
綠嶺
2023-01-13 19:18:44
「唔係。我朋友先係錯嗰個。就係因為佢一齊選擇逃避,佢每一個選擇都係逃避,為咗唔同朋友爭仔而壓抑呢份感情,就算個男仔同咗佢表白,佢都因為朋友嘅感受而拒絕。咁樣做根本就係唔尊重自己嘅感情、個男仔嘅感情同埋佢朋友嘅感情。我朋友從來都無表達過自己嘅感受,亦都無好好同其他人溝通過,所以佢同呢兩個人嘅關係最後先會搞到咁尷尬咁結束。如果⋯⋯如果我朋友肯早啲好好咁去面對自己,同埋再堅強一啲嘅話,或者可能都係同唔到個男仔一齊,但最少唔會同朋友喺互相傷害下結束。」子瑜講到聲音都震起嚟。
「公主⋯⋯」恆樂為子瑜痛心,明明佢係施害者。
「吸~」子瑜深呼吸一口,再講:「講返正題,你朋友最鍾意嗰個女仔鍾唔鍾意佢根本唔重要。」
「唉!?」子瑜口個答案出乎恆樂意料。
「重要嘅唔係逃避、唔係身邊嘅人,而係邊個一直係你身邊。」子瑜又選擇逃避。
「身邊⋯⋯」恆樂鸚鵡咁覆述。
「只有喺你身邊嗰個,先係真正重要嘅人。你痛苦嘅時候我佢同你一齊、你開心嘅時候佢同你分享、你無所事事嘅時候佢陪住你。」子瑜心揪咗一下。
「所以係你嘅話,你唔會同個男仔一齊?」恆樂做最後一點試探,唔知道會唔會一絲挽回嘅機會。
子瑜諗咗諗,心入面有咗答案後講:「唔會,我朋友對個男仔仲有感覺,但係鍾意唔等於要一齊,如果一段關係會帶嚟過多痛苦嘅話⋯⋯我,可以揀嘅話我會選擇唔踩入去,無可能會走入去。」一年嘅沉澱令子瑜已經唔會咗心軟。
「無可能⋯⋯」
「無可能。所以,一直係身邊嘅人先至係最重要。你一直都無好好咁面對嗰個喺你身邊、為你著想、為你默默付出嘅女仔⋯⋯」
「我⋯⋯」
「你聽住!」子瑜喝令一聲再講:「 無錯,你係愧對咗嗰個女仔,呢樣係無可厚非。但係你無論如何都唔可以逃避,你要好好咁面對你有負於佢嘅事,然後補償或者走下一步。」
子瑜講緊嘅係自己,但係佢明明希望呢個男仔可以跑得一齊咁選擇自己為一個女仔買張機票,再去外國搵佢,呢個諗法唔過份啦。
綠嶺
2023-01-13 19:26:53
「⋯⋯嗯。」恆樂都需要時間沉澱。
「講到尾,搞到咁,最根本嘅原因就係你愛自己、自私得太緊要,但係嗰個女仔都無離棄過你,咁好嘅女仔,你唔係放手呀嗎?」黑雪公主打趣咁講,子瑜總係為他人抬轎。
「⋯⋯你無講錯。」恆樂一直都知道自己好自私,只係從來都無將自己嘅個性擺上檯面諗,所以先無諗過係咪自己問題。依家恆樂被子瑜當頭棒喝先開始反思自己,同埋自己點樣對胡蝶。
恆樂諗到啲嘢後問:「咁你⋯⋯個朋友,佢有冇憎嗰個男仔?」
恆樂最後想要一個答案,當係了個心願。
恆樂知道自己嘅存在破壞咗兩個女仔嘅生活,等等先⋯⋯好似係佢哋兩個拖恆樂落水先,不過點都好,恆樂已經認定咗自己做錯,加上佢對子瑜都仲有feel,呢個答案,恆樂無論如何都想知道。
「em⋯⋯你覺得呢?」
恆樂一𣊬間又再次因為子瑜嘅調皮而心動,佢怯生生咁答:「我希望佢唔會憎個男仔。」
「咁樣呀⋯⋯咁嘅話⋯⋯我唔可以話你知個答案。嘻嘻。」子瑜滿足咁笑。
「點解唔可以?」
「呢種唔知道答案、心入面屈住屈住嘅感覺,你都係時候感受下。」
「咁⋯⋯」恆樂無言,的確呢種唔上唔落嘅感覺真係好辛苦。
「好啦,就咁啦。你好好同女朋友傾下啦,唔洗話我知結果㗎啦,bye!」子瑜風暴式咁講完一大串話之後就cut咗恆樂線。
呢個突發嘅call in令子瑜緊張、害怕,最後終於安全度過
Chatroom班毒撚鬧緊嘅臭雞就係佢哋鍾意嘅黑雪公主,呢樣嘢無穿煲真係好。
子瑜放個尿break,平復咗心情之後就send咗句加油俾恆樂,然後就block咗佢,再將恆樂由contact list移除。
可惜,最後都係忍唔住解block恆樂,情絲好難斬斷。
只能隨緣,或者某位黑馬王子會搵上門。
大西北姿粉客
2023-01-13 23:20:15
子愉又搞事
結果恆仔根本就唔會從此只愛胡蝶,而係心入面始終有兩個女人
小火花
2023-01-14 00:53:54
無子愉都唔要胡蝶囉
綠嶺
2023-01-14 13:39:07
至於恆樂,即使佢聽完子瑜嘅說話,恆樂都仲係猶豫不決、扭扭擰擰,唔知去唔去搵胡蝶好。就算搵胡蝶,又應該點開口?
確定吳純會離開自己後,恆樂心就有個缺口,一直係身邊嘅人突然離自己而去嘅感覺真係好難受。
就好似晾衫嘅時候,個衣架一直都勾唔中晾衫竹咁。
如果胡蝶都離開嘅話,呢種感覺係咪又會重現?
恆樂真係唔想胡蝶都走埋。
「叮噹。」
就係恆樂煩惱之際,屋企嘅門鐘響起嚟,打開門。
「胡蝶⋯⋯」恆樂心慌慌咁講,估唔到對方會搵上門。
搵上門嘅係胡蝶。
牙籤筒岀牙籤仔
2023-01-14 21:23:25
正評係比有文
我俾我自己嘅負評係你有又蝴蝶
子瑜派
大西北姿粉客
2023-01-15 01:57:35
求下恆仔唔好再傷害胡蝶啦
綠嶺
2023-01-16 17:04:20
天才般嘅吳純喺同恆樂策劃好打俾子瑜問清問楚之後,佢覺得硬喺差啲嘢未做,所以佢諗到嘅絕世好橋就係話俾胡蝶知。
吳純喺恆樂打上黑雪公主到之前先打個電話,懶係神秘咁同胡蝶講記得睇呢個節目,會有驚喜。
吳純講完之後就沾沾自喜,覺得自己直頭去攞諾貝爾獎,完全唔明白點解佢同恆樂開頭商量嘅時候諗唔到呢樣嘢。
恆仔今鋪真係要多謝我啦。
就係因為咁樣,胡蝶就係一知半解嘅情況下睇咗個直播,親耳聽到恆樂講出自己真正嘅想法。
恆樂最上心嘅唔係胡蝶。
胡蝶係次選。
胡蝶聽完無錯係好傷心,但又興幸終於聽到一直係身邊嘅人終於講出心底話。
以胡蝶對恆樂嘅了解,佢知道恆樂同子瑜傾完之後,個衰仔係乜都唔會做。
就算會做,恆樂都會拖返一頭半個月先會搵胡蝶。
諗到呢到,胡蝶不知不覺間已經走到去恆樂門口,胡蝶嘅潛意識大概想同恆樂好好咁傾一轉所以先不自覺地去咗搵佢。
小火花
2023-01-16 23:26:48
吳純靠害架喎
大西北姿粉客
2023-01-16 23:27:43
吳純真係好正
已經想像到佢個自豪樣
AM07
2023-01-17 13:53:28
所以結果一個都冇
綠嶺
2023-01-17 23:34:36
「可以入去?」胡蝶問呆咗咁企起門口嘅恆樂。
胡蝶知道佢唔出聲,恆樂就只會呆咗咁企係到,實在太了解呢個男人。
呢個男人只會係想做愛嘅時候先會主動,其他時候都係五時花六時變。
「入嚟呀。」恆樂緩緩咁退後幾步畀空間胡蝶行入嚟。
胡蝶入屋後閂埋門,然後挨住道門講:「頭先子瑜個直播,我有聽到。」
「nani!?」恆樂嚇到叫咗出聲。
呢樣嘢完全超出恆樂嘅想像,咁樣咪即係間接自爆!?
今鋪會唔會俾人分屍?
恆樂膽戰心驚地慢慢移動近廚房,咁樣有起事上嚟都可以即刻拎刀保護自己。
胡蝶無理會恆樂,因為佢自己都好混亂,心情都好忐忑,思緒未整理好嘅佢只能夠諗到乜就講乜:「所以我只係次選?你最愛嘅⋯⋯一直都唔係我。」
胡蝶唔係問,佢只係覆述恆樂嘅說話。
「er⋯⋯唔係⋯⋯」仆街,一嚟就問啲咁嘅嘢,點答呀!恆樂心中臭罵,
「你呢個時候都想呃我?我唔係想怪你,我只係想好好咁同你傾下。我哋從來都未試過好好咁講過我哋嘅事。」胡蝶嘅語氣好平淡,語調都無乜波幅。胡蝶都覺得好奇怪,聽完恆樂講嘅嘢之後,自己竟然唔係激動而係好平靜咁坐係到同恆樂話。
「哦哦⋯⋯」恆樂尷尬地點頭。
大西北姿粉客
2023-01-17 23:41:08
仆街恆仔諗住呃鳩胡蝶
真心祝佢變school day誠
抽水專家
2023-01-18 09:50:53
其實恆仔同胡碟大家都知道對方心意
恆仔一早已經選擇左
綠嶺
2023-01-18 23:02:47
「所以,我從來都未做過你最愛?」胡蝶語中心長咁講。
「⋯⋯係。」恆樂心虛,但都選擇點頭。
「⋯⋯我都知道。」胡蝶心沉咗一下,不過都選擇講出心中話。
「你知道?」恆樂對胡蝶嘅答案感到震驚,心諗你知乜。
「我知道。一開始同你一齊嘅時候我就知道你鍾意子瑜多好多。」胡蝶眼神暗淡起嚟。
「咁⋯⋯點解⋯⋯」恆樂連完整句子都講唔出。
「 鬼揞眼。當時覺得只要同你上咗床再一齊之後,我就會慢慢成為你嘅最愛。點知你最後嘅唔係女朋友。」胡蝶搶先問答恆樂,為咗settle呢段感情,胡蝶已經唔錯退縮。
「⋯⋯對唔住。」恆樂低頭。
「唔係,我唔係要你道歉,我只係想好好咁搞清楚同講清楚所有嘢。」胡蝶表白立場。
「嗯。」恆樂勉強地點頭。
「你無嘢想問我?」胡蝶反問。
「er⋯⋯無。」恆樂尷尬地答。
「咁我講,你知唔知道因為你,我同子瑜搞到好尷尬,同絕咗交基本上無分別。」胡蝶指出。
「⋯⋯」
「當年我知道係你心目中我比唔上佢我先要用上床呢一招,你知唔知?」
「真係唔知⋯⋯」
「即係你覺得我係啲係人都可以扑嘢女人?」胡蝶問。
大西北姿粉客
2023-01-18 23:37:23
胡蝶都想自己死心
文青死全家
2023-01-20 09:16:20
挺起胸膛咁講 恆樂多謝我啦 唔係遲下閪都冇得你屌
綠嶺
2023-01-20 15:49:08
「唔係呀。絕對唔係。」恆樂唔知係扮定真心否認,佢猛烈地搖頭。
「點知同你上完床再一齊之後,你都同子瑜藕斷絲連。」胡蝶無視恆樂嘅否認繼續講。
「又係你話可以嘅⋯⋯」恆樂細細聲咁口噏噏。
「我只係話可以扮情侶,無人叫你哋搞埋一齊。」胡蝶正嚴厲色地反駁。
「你知㗎⋯⋯」恆樂驚訝原來胡蝶已經知道晒。
「我好清楚。」
「咁但係當年你話可以同佢扮情侶。」恆樂繼續唔識死咁駁嘴。
「我當年係希望你會自己疏遠唔係女朋友嘅女仔,點知你一直都唔自覺。」胡蝶一語道破。
「⋯⋯對唔住。」恆樂好想問點解有嘢唔可以直接講,但係咁做太仆街所以佢收咗口。
胡蝶一直以來嘅情緒、壓抑終於爆發。
對唔住?
咁乜對唔住?
明知錯你又做?講對唔住有乜用?
「既然你都揀咗我,點解仲要三心兩意?咁嘅話你不如一開始就唔好應承我!上完床就話唔鍾意我,我哋到此為止,咁樣唔會更好咩?你又可以同子瑜一齊,我又可以死心!」胡蝶怒吼。
「⋯⋯」
未等恆樂回應,胡蝶又講:「我知道我都好仆街,想用上床嚟令你同我一齊!我知道嗰時你已經鍾意子瑜!咁我可以點?唔通面對鍾意嘅人我就只可以乜都唔做,然後將佢默默咁雙手奉上畀人?」
平日唔多嘢講嘅胡蝶係情緒嘅牽動下變到滔滔不絕。
「⋯⋯」 始作俑者恆樂不發一言。
「其實我好清楚⋯⋯你真係一個大仆街,你唔係一個好男仔。你三心兩意、出軌⋯⋯仲要係女朋友面對同佢朋友kiss!」
「對唔住⋯⋯」道歉淨係會火上加油,唔知道呢一點嘅恆樂繼續道歉。
文青死全家
2023-01-20 22:46:06
恆樂比人屌到出唔到聲 蝴蝶快拎刀
大西北姿粉客
2023-01-21 01:12:37
胡蝶講得好
小火花
2023-01-21 12:26:50
胡蝶係講得好啱,不過佢自己都係衰人
綠嶺
2023-01-21 20:12:42
「子瑜講得啱,從來你最好嘅都係自己,你當其他人都只不過係NPC,你唔會理佢哋感受。你呢啲人⋯⋯最適合就係自己一個,唔好同任何人一齊。」胡蝶續道。
「⋯⋯」恆樂被鬧到啞口無言,完全諗唔到點樣反駁,因為對方真係講中晒。
睇嚟胡蝶想分手,恆樂心諗。
都理解嘅,俾我玩咗咁耐。
「不過,我最唔明嘅就係⋯⋯明明⋯⋯明明你咁賤,但係我就係無可救藥咁想係你身邊⋯⋯我唔係想講乜嘢情情愛愛⋯⋯唔係想講鍾意到你不能自拔呢啲on9嘢。咁係嘅,我係鍾意你,但同時都好憎你呀!」胡蝶用力地推開恆樂。
胡蝶已經唔再顧自己形象,毫無保留咁發老脾。
胡蝶再講:「即使係咁⋯⋯我都仲係想你會留係我嘅生活入面⋯⋯我已經分唔清係鍾意定係習慣,我只係想你留係我身邊⋯⋯但我對你嘅感情已經太混濁,我都唔知可以點做。」
「對唔住⋯⋯」恆樂有如錄音機咁重重複複。
「不過其實所有嘢都唔重要!」胡蝶歇斯底里咁叫出聲,然後再平淡咁低住頭問:「未來,我會唔會有機會做到你嘅最愛?」
「我⋯⋯」恆樂本來想話胡蝶又話唔關愛事,依家做乜又問愛唔愛。但係都係嗰句,駁嘴就太仆街。
胡蝶用被淚水 掩蓋嘅雙眼望住恆樂, 等待佢嘅回覆。
可惜過咗幾分鐘恆樂都係猶豫不決、不發一語、乜都無做,所以胡蝶轉身用前臂拭去眼淚後就離開。
文青死全家
2023-01-21 21:37:01
冇閪屌啦 抵啦恆樂
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
第 33 頁
第 34 頁
第 35 頁
第 36 頁
第 37 頁
第 38 頁
第 39 頁
第 40 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞