《是咁的，我一炮過有咗三個女朋友（假）》

一定係傾點樣4p榨乾佢

傾點樣殺男人

撳錯負評sor

班女之後就乖乖地等子瑜影完相，再行埋子瑜到進行佢哋嘅計劃。恆樂就因為心靈受創而縮埋角落。

「Hello子瑜！好耐冇見！」

「呀⋯⋯係你哋呀⋯⋯」子瑜臉上閃過一絲恐懼，腳都忍唔住退後一步，但係佢好快穩定住情緒，展露出笑容答。

「以前係劇團學到嘅化妝技巧，你都形容得好好喎！」

「係呀，托你嘅福。」

恆樂覺得有啲奇怪，子瑜嘅聲音聽落好正常，但又有種慌張嘅感覺，同唔係太想延續對話嘅感覺。而且子瑜右腳嘅腳尖係指向側邊，大概佢係好想逃離呢段對話。

「使乜客氣！估唔到你都會Cosplay vtuber！」

「但係點解你唔Cosplay日本嘢，要搵個香港嘅嚟辦呀？」

「本土嘢邊有人睇啊？」

「就係冇人睇先幫手宣傳，哈哈。」子瑜抑壓自己嘅不滿去假笑回答。

子瑜心諗本土唔代表差，只係你哋從來都唔比機會本土嘢。

子瑜冇心同人嘈交，所以佢吞咗成句落肚。

「咁就啱啦！不如我哋聽日一齊出？」

「一大班vtuber一齊出，一定好多人嚟睇！」

「多人睇宣傳效果好好多喎！」

班八婆七嘴八舌咁講。

「但係你哋喺日本，我香港喎。」

子瑜隨口拋出一個藉口推搪。

「有乜所謂！文化大融合！vtuber一家親！」

「你咪當俾個機會我哋宣傳本土嘢！你諗吓喎，我哋企埋一齊嘅話，一定多啲人睇！」

「但係⋯⋯」子瑜欲言又止，平時佢對住恆樂話一就一個種性格蕩然無存。

「使乜諗咁多好處！當我哋一大班朋友聚吓舊，一齊玩咪得！」

子瑜聽到朋友兩個字時眼角不受控制咁向上彎，但佢強行控制自己表情。

「但係我比較習慣一個人。」子瑜再拋出藉口。

「唔好咁唔俾面啦，你離開劇團嘅時候已經冇同我哋講聲突然離開，而家咪當補償我哋。」

聽到劇團嘅當下，子瑜內心激烈地抖動，數十個波浪喺佢心入面翻雲覆雨。

「我⋯⋯」子瑜開唔到口講內心嘅想法。

賓大哥出手未

好睇呀, 如果可以更新快啲就仲好~

男主好廢

只會出針

咁快出大絕

恒仔衝呀

八婆們見子瑜唔講嘢就開口：「咁你聽日幾點過嚟九展？我哋約定你聽日呢度見啦！唔好再諗住拒絕我哋啦。」

「十一點會到。」子瑜沖口而出之後後悔，唔應該比佢哋知道自己幾點會嚟，但係已經太遲。

「好啦！咁就約定聽日11點喺度等！」

「咁先係朋友呀嘛！」

「朋友⋯⋯」子瑜低吟。

「咁約定好聽日一齊出啦喎！」

「哦⋯⋯好⋯⋯朋友。」子瑜講。

八婆們再同子瑜寒暄左幾句之後就走人，恆樂之後就行埋去搵子瑜。

見到子瑜面色唔係咁好，恆樂就問：「喂，你無嘢呀嘛？個班八婆你識㗎？咪撚理佢哋啦，聽日自己出。」

「我無事。佢哋係我啲朋友，無事嘅。我依家叫uber，我哋一齊返去我工作室先。我有啲攰。」子瑜蒼白嘅面上勉強展露笑容。

恆樂有啲心酸，但聽到子瑜咁講又無謂反駁，決定順從佢意思先。

返到葵芳，今次兩人去嘅唔係party room，而係party room隔離嘅studio。

與其話係studio，不如話係一間屋。

Studio分咗前後，前面細細間嘅係直播房，入邊有晒電腦同綠幕。直播房後面有道門通去再入面，入面有一個大廳，有廁所沖涼房同睡房。簡單嚟講就係前舖後居。

子瑜返到studio，連衫都未換就攤起梳化休息。

「你真係冇嘢？」恆樂問。

「冇。」子瑜嘅語氣聽落唔似冇嘢。

「真係無嘢？」恆樂追問。

「無呀。」擺到明有嘢。

「真⋯⋯」

「都話無嘢！」子瑜將咕臣扔向恆樂。

恆樂單手接實咕臣再講：「你唔好扭扭擰擰啦，同我講啦。講出嚟我都九成幫你唔到，但係有人聽你講嘢你會舒服啲。」

「邊有人安慰人嘅時候會話幫唔到手？」子瑜忍唔住竊笑。

「笑返咪幾好睇。」

「你讚我都唔會俾你做鹹濕嘢。」

「你到底對我有幾大誤會？話時話嗰三條八婆都話我個樣好鹹濕，唔通我真係淫樣？」

「無誤會！你真係鹹濕！」子瑜言之鑿鑿咁講。

「男朋友係要鹹濕啲，咁樣都係為咗你咋，怕你唔了解男人想要啲咩。」恆樂理直氣壯咁講。

「哈，俾你激死！真係辛苦晒你！」子瑜企起身再講：「我沖過涼換過衫再同你講。」

今日嘅活動出咗一身汗，子瑜同恆樂都全身癡笠笠。

「咁我係咪一齊沖？」恆樂問，試圖成為幸福賓周。

「唔係！！！你去party room嗰邊沖！Party room沖涼房嘅鎖匙我陣間俾你！你千祈唔好偷睇我沖涼！打死你！」子瑜又變返平時嘅模樣。

恆樂喺子瑜手上接過鎖匙之後就企係原地唔郁。

「你企係到做乜？」子瑜問。

「等你入去沖涼囉。」恆樂答。

「唔洗，你快啲走。唔好諗住偷睇我沖涼。」

「你自己一個沖涼好危險㗎喎。可能無啦啦有賊入屋打劫，一個唔好彩劫埋色咪大獲？所以我決定留係到睇住你沖涼去保護你。」恆樂理直氣壯咁講。

「最有機會劫色嗰個企咗係我面前！」子瑜講完就推恆樂出studio外面，再講：「你快啲走去沖涼！」

恆樂唯有死地氣咁走去party room沖涼，本身仲諗住可以摸下、揸下同插下。

摸、揸、插但恒仔好廢

恆仔咁廢

連登仔嘅話直接衝入沖涼房，唔演咁多內心戲

台灣咩

沖涼後嘅恆樂卸下n賓裝，換返今朝嚟子瑜party room時穿嘅衫，白色t-shirt同黑色短綿褲，基本上同居家裝無分別，所以拎到外宿瞓教都唔會唔舒服。

話說子瑜都幾有錢，又有party room，又有人課金俾佢做vtuber。

又話說，子瑜今日對住班八婆嘅舉動好奇怪，睇嚟佢哋幾個之間發生過啲事。

子瑜平時對住恆樂就古古惑惑、跳跳脫脫，但係對住班八婆嘅時候就心不在焉、驚驚青青咁，反差大到令恆樂覺得好唔舒服。

恆樂吹乾頭之後拿拿臨沖返入studio，啱啱好遇到沖完涼，用毛巾抹緊濕漉漉髮尾嘅子瑜。

子瑜穿住一件oversize嘅白色t-shirt，但胸脯都有明顯嘅凸起。恆樂勉強見到子瑜有穿條短一短嘅真理褲，白滑但唔算長嘅雙腿露咗出嚟。

半濕嘅頭髮帶點性感，檸檬味洗頭水嘅香味撲鼻，恆樂忍唔住睇到出神，九成因為性慾，一成因為心動。心動子瑜咁無防備咁企係佢面前，話唔定子瑜都reday執返濟？

恆樂搖搖頭，心諗都係算，而家玩唔到咁大。子瑜對我有好感，我如果亂出手嘅話份好感好可能就會消失。本來累積好感嘅話可以無限q，但依家出手嘅話就會淨係得一q。

經過理性分析之後，恆樂決定按兵不動。

「做乜眼甘甘咁望實我？」子瑜防備心好重，佢知道恆樂一定係諗緊鹹濕嘢。

「⋯⋯呀，你太靚姐。」恆樂隨口答，心諗絕對唔可以俾子瑜知佢望緊對波。

子瑜當然唔知道恆樂嘅內心戲，聽到有好感嘅異性讚自己，子瑜難掩內心嘅高興，佢微微低頭，用手指繞住微濕嘅髮尾講：「多謝。」

好可愛！恆樂個心盪嚟盪去，有啲feel，不得了。

恆樂心諗，唔通自己沉咗？

唔係。

恆樂知道因為子瑜係女。

對男人嚟講，只要條女樣唔差，同埋對自己好少少，無論條女係邊個，男人都一定可以鐘意對方。特別係毒撚，條女對自己好少少就可以成副身家俾曬人，恆樂大概都係呢啲人，只要有個樣唔差嘅女仔話想同佢一齊嘅話，恆樂一定會狗沖。

More

live咗

Push

恆仔啲心態好寫實

文呢

恆樂覺得自己對子瑜唔係鐘意，只不過係一時嘅性慾帶嚟嘅好感。

不過點都好，子瑜同恆樂表白嘅話，恆樂100%會應承再好好做男朋友嘅角色，成隻船沉曬落子瑜到。

毒撚，有一條女就唔會分手，好專一的，大概係因為太少俾人愛，怕分手會再無人愛自己。或者係因為佢哋知道自己無市場，到咗手就一定要好好珍惜，可能係成世嘅唯一機會。

所以唔一定係子瑜，只係咁啱係佢。如果有其他女向恆樂表白，恆樂大概會狗沖，given條女樣唔差。

點解一時性慾就唔可以成為追求異性嘅理由？

恆樂問自己怕乜，點解唔可以沉？

係囉，點解唔可以？

食到嘅話點解唔食？食咗又冇蝕底。

不過，恆樂又覺得子瑜唔係啲隨便拎嚟食完就飛嘅女，雖然識得唔耐，但恆樂對子瑜係有啲特別嘅諗法，又有啲好感。

互相有好感，但對方唔打算一齊，暫時。

恆樂雖然好想拍拖，但係唔急得，唯有隨緣。

主動追求子瑜？見步行步，連登仔話啱feel就可以一嘢拖手落去，到時就可以一齊。而佢對子瑜未有呢個feel。

胡蝶。

吳純。

突然呢兩個名係恆樂腦海閃過。

諗起追女點解會諗係佢哋兩個？

吳純係青梅竹馬，無可能嘅，應該。

真係有啲似家人，但係可以食嘅話恆樂大概都會食。

真係無可能？

都真係無。

咁胡蝶呢？

呢個就有。

必備劇情

葵廣+卡比獸