《是咁的，我一炮過有咗三個女朋友（假）》

擇日不如撞日真係好緊要
愛情就係要嗰下衝動

「喂⋯⋯呀！子瑜。」胡蝶見到子瑜都係呢到，想馬上cut線。

「等陣！」率先嗌出聲嘅係未準備好嘅子瑜。

「⋯⋯」胡蝶無出聲，但都無離開。

「我想講⋯⋯對唔住。」子瑜道。

「點解你要道歉？你有做錯咩？」胡蝶以平淡嘅語氣反問。

「係我錯。如果嗰陣時我同你講話我鍾意恆樂，或者一切嘅結局可能會唔同。」子瑜心有戚戚然地講。

「所以你講咗，我就唔會搶咗你個恆樂？」

「我唔係咁嘅意思。」子瑜怯懦地答。

胡蝶好想發脾氣，失戀嘅時候要講啲咁嘅嘢佢真係最後爆炸，但係胡蝶覺得錯嘅唔係子瑜而係偷步嘅自己，所以胡蝶先忍住無潑婦罵街。

如果胡蝶無忍住自己，大概佢依家已經忍唔住無理取鬧咁屌柒子瑜。

「你知唔知道，佢同我講，比起我，佢最鍾意嘅係你。」胡蝶講。

「⋯⋯嗯。」子瑜既高興又心痛。

「所以你先係贏家，依家你嚟攞彩？」

「我唔係呀⋯⋯我只係想同你好好咁傾下。胡蝶你冷靜啲先，你平時唔係咁樣。」

「咁你想講乜？」

「關於恆樂嘅事，我真係覺得好對唔住你。」

「因為你勾引我男朋友出軌？」

其實胡蝶自己都有責任，鬼叫佢用心計陰鳩子愉

「⋯⋯嗯，對唔住。如果一開頭我就同你講我鍾意佢，你會唔會就唔再追佢？」子瑜試探性地問。

「你以為我睇唔出你一開頭話唔鍾意佢嘅時候係講大話？」胡蝶反問。

「呀？」

「就係因為我知道你講大話，我更加忍唔住要盡快出手！就係因為我知道我唔出手嘅話我就無機會同鍾意嘅人一齊，當時我先咁不知廉恥咁偷跑！」胡蝶激動起嚟。

「所以就算我同你講我鍾意恆樂，你照樣會對恆樂出手？」子瑜反問。

「係。因為我真係鍾意佢。」

「我曾經以為只要我讓愛，你同恆樂兩個就可以好好咁得到幸福，可惜最後都係俾我摧毁，我真係覺得好對唔住。」子瑜道。

「所以，一直以嚟我得到嘅嘢都係因為你唔要，我先有機會得到手。」

「我唔係咁嘅意思！」

「我都好辛苦㗎！你估我睇唔出一開頭你話唔鍾意恆樂嘅時候係講大話咩？你估我想同朋友爭仔咩？但係唔得呀！我真係鍾意恆樂呀，所以當時我要催眠自己話你唔鍾意恆樂，咁樣先可以因為傷害朋友帶嚟嘅罪惡感，再去追恆樂呀！就係因為你講大話，我更加唔知道點部署！我最怕你突然反口將恆樂搶走，所以我先按耐不住去出手再佢追返嚟！係你話唔鍾意恆樂，我先出手咋！」胡蝶嘅話語因為情緒高漲而混亂起嚟。

「我知道⋯⋯所以錯嘅係我。因為我呃咗你，所以先搞到你咁痛苦。如果當時我可以誠實一啲、可以冷靜一啲同你傾下，我哋或者唔洗搞到咁樣。」子瑜懺悔道。

「所以你依家嚟告解，然後我就係嗰個衰人？嗰個重色輕友嘅罪人？我只係鍾意一個人咋。」知道自己有啲無理取鬧嘅胡蝶低住頭講，始終自己插手先破壞咗子瑜嘅戀情，但又放唔開男朋友。

「所以，我哋大家都無錯。」子瑜道，反正大家都有錯，咁不如打和。

子愉講得好
但係我始終都仲係同情胡蝶

ＣＬＩＣＫ完其實會點

「就係因為我知道你無錯我先咁嬲！我知道你為咗唔好令我傷心，你先主動遠離恆樂！我都知道我嘅偷步傷害咗你，但係個衰人無論如何都會走返去你身邊！我知道先係錯嗰個，係因為我嘅任性，我先傷害到你同傷害到自己！我都好內疚，但係我真係好鍾意恆樂，呢份心意足以令我推低晒罪惡感去推動我追求恆樂！」胡蝶吸口氣再講：「我知道唔係你錯，就係因為知道唔係你錯，我先唔知道要點樣發洩呢份唔甘心同悲傷！除咗怪自己，我又仲可以點呀！因為錯嗰個係我，將事情推到去呢個局面嘅亦都係我！」胡蝶歇斯底里地叫。

胡蝶激動起話語引嚟嘅係沉默。

「對唔住。」率先打破沉默嘅係胡蝶，佢心情平復落嚟後再講：「所以，我無怪到你。因為錯嘅係我，係我明知朋友嘅心意，我都忍唔住去追朋友鍾意嘅人。」

胡蝶如果胡蝶唔係心虛，佢都唔會咁講。

「我都有錯。係我想隱瞞，想抽身，但係又藕斷絲連。我做唔到從一而終⋯⋯係因為我堅持唔到先搞到咁。」子瑜講。

雙方都覺得錯嘅係自己，但又唔能夠完全怪罪於自己。

「咳咳。」喺一邊食花生嘅吳純突然乾咳兩聲，佢續道：「我都唔明你哋嘈乜！鍾意就去追人好平常姐？理鬼得對手係邊個咩！」

「⋯⋯」子瑜同胡蝶都無言。

「不過我話嘅，呢單嘢係子瑜唔啱。」吳純擅自落判決。

「huh？」子瑜愕然。

其實吳純講得啱喎
計來計去盞最後大家都唔開心

「係話你呀。胡蝶明知道你同恆樂嘅心意後都硬上，明知道德上會俾人責難都跟從內心去行，都叫做有面對自己內心，帶住做衰人嘅心都要達到目的。雖然會俾人話臭雞，但又點呀？咁胡蝶真係鍾意恆仔，仲坐言起行去追佢。」吳純講。

「⋯⋯」胡蝶臉上五味交陳。

吳純對子瑜講：「但係你呢？你下下都偷襲，偷襲完又淆底逃走。你每次都係食一啖，賺完就走，然後又後悔。你話就話揀胡蝶，但係揀完胡蝶之後，你次次都揀返恆樂，之後又內疚。第一次就同胡蝶斷聯，第二次走埋嚟英國，你之後仲想點？」

「我都唔知⋯⋯」子瑜怯懦地答。

「Nonono！你今日再唔俾個內心答案出嚟，大家就只會繼續loop落去，就好似我咁，我同恆仔講我有咗男朋友，直接了當咁解決我嘅心意。始終青梅竹馬只能係青梅竹馬，二嚟唔迫到恆樂覺得身邊你人陪佢嘅話，條衰仔係踢唔郁。」吳純頭頭是道咁講。

「吳純⋯⋯」子瑜道。

「我無事。子瑜諗好未？都係唔好諗啦！我話你知啦！你諗住唔傷害到胡蝶所以逃避，點知最後都係忍唔到手，咁即係你鍾意恆樂多過胡蝶啦！咁仲有乜好諗？與其每次做完之後後悔，不如嚟一次轟轟烈烈，之後唔洗再後悔。即係叫你唔好理胡蝶啦，搶恆樂返啦你！你鍾意佢㗎！」吳純交出佢嘅諗法。

「唔搶呀，搶咩呀。我走到嚟英國成年，佢都無搵過我。更何況，我點可以唔理胡蝶感受⋯⋯」

「你係想理佢感受，但現實做唔到呀嘛，係咪先？恆樂都話咗鍾情於你，都講到咁嘅地步，胡蝶仲點同佢一齊呀？胡蝶真係再同恆樂一齊嘅話，佢就要日日心思思諗住條仔係咪鍾意自己，膽戰心驚咁拍拖。我想講嘅係，而家胡蝶咩感受唔輪到你考慮，呢樣嘢已成定局。恆仔係鍾意你㗎啦，你嘅決定只會影響你自己同唔同佢一齊，唔影響胡蝶同恆樂。」吳純邊講邊偷望向胡蝶。

「⋯⋯我⋯⋯我係英國成一年，離開咗佢一年，最後就只能夠兜咗個大圈後，推翻我過往嘅一切？」子瑜質疑自己。

「你仲想點呀！佢都話咗揀你，你又鍾意佢！有乜好猶豫！你之前猶唔夠咩？就係你呢份猶豫不決，以前傷害過我幾深？依家仲想傷害更多人咩？玩夠未呀！」胡蝶打從心底吶喊。

胡蝶激動地追問：「你可唔可以拎走佢，等我唔好再有假希望？當為咗我，你唔好再拖落去。更重要嘅係，為咗自己，你唔好再呃自己、唔好再壓抑自己啦！你對自己唔誠實，除咗傷害咗我，最重要嘅係你自己都好痛苦呀！」胡蝶雙手包裹住子瑜嘅雙頰，溫柔地望住子瑜雙眼講。

「⋯⋯」子瑜終於忍唔住流起淚嚟，胡蝶則用手指幫子瑜拭去淚水。

「你答我，我之前都問過，你對恆樂有冇意思？你想唔想同佢一齊？」胡蝶用溫柔嘅聲聲問眼前嘅好友。


////

facetime點抹眼淚

Bug咗

同問

「子瑜。」

「你好。」

子瑜身穿白色碎花連身長裙同披上一件紅色毛衣、頭戴白色畫家帽、眼戴正方框嘅平眼鏡。

「送俾你嘅。」恆樂將花遞畀子瑜。

「多謝。」

兩個沉默咗一會。

「er⋯⋯對唔住⋯⋯我未諗好講乜嘢。」恆樂道。

「你無變過。」子瑜微笑住講。

「係。」

「所以⋯⋯你想做乜？」同兩個女仔傾完之後子瑜知道要點做。

不斷去逃避就等於多次畀假希望胡蝶，再由子瑜親手傷害胡蝶。

長痛不如短痛。

子瑜都唔想再逃避。

所以子瑜今日盛裝迎賓，就為咗做一個了結。

子瑜明知嗰個男人嚟做乜，佢哋明知故問。

「我哋⋯⋯不如食個飯再講？」

「好呀。」子瑜自然地拖住恆樂嘅手。

大概佢哋兩個之後就會一齊，唔會再有人受傷害吧。

完

抹個 mon 都得嘅

大概佢哋兩個之後就會一齊，唔會再有人受傷害吧。

完

吓 咁就完咗？

靈異事件

竟然 open end

咁吳純係真係冇仔扮有仔 我好似估中左
最後都起碼黎個復合Q

其實如果揀嘅話 係咪恆樂生日嗰度就會完

啱啱追晒
正皮咗
支持樓主

完得咁突然

我覺得係最尾嗰句累事
冇咗嗰句，就咁用「好呀」收尾冇嗰嗰種爛尾feel

你講得啱
真係感覺會自然啲

新讀者留名
胡蝶好慘
男主係大仆街,
覺得一開頭接受青梅竹馬對個個都係GOOD END

蝴蝶死左 貞子咁穿過個mon