《是咁的，我一炮過有咗三個女朋友（假）》

咁嘅勢吳純會唔會有續集
雖然我子瑜派

諗唔到吳純點反cup

一係子瑜同胡蝶都唔撚恆樂，吳純睇唔過眼恆樂變廢人勉強接收

下，咁就完咗啦?

男主太渣喇掛？結局都幾差…..都係《同居女孩》最好睇，久唔久都會重溫

IF——

恆樂喺機場同子瑜喺胡蝶面前熱吻過後——

恆樂喺機場到狠狠地傷害咗胡蝶，但係子瑜離開後，留返喺機場嘅二人又要面對對方。

恆樂本來打算就咁走咗去，唔想被任何責任綁住，但係望到坐喺地上喊嘅胡蝶，恆樂嘅罪疚感就湧上心頭。

恆樂顧唔上途人嘅目光，靜靜地望住將自己捲縮成一個球體嘅胡蝶抽泣。

恆樂伸出右手想去撫摸胡蝶嘅後背去安慰佢，但自己嘅左手又突然伸出嚟㩒住自己，同自己講無呢個資格安慰人。正確啲講，呢隻手伸過去只會將胡蝶傷害得更深。

恆樂都唔明，自己有咩咁吸引？

將子瑜同胡蝶都玩弄過後卻發現自己無半點優點。

但係依家唔係講呢啲嘢嘅時候。

無論做乜都死，恆樂只能夠坐喺胡蝶身邊，等到對方有動靜為止。

過咗唔知幾耐，連電話都無玩、只係靜靜地坐係到等嘅恆樂終於等到胡蝶有動靜。

眼角泛紅卻再無淚水嘅胡蝶猛然地企起身，吸引了櫃檯花生友們嘅目光。

胡蝶無視他人嘅眼光，佢用手稍微掃理一下瀏海，含一下嘴唇，搖一搖頭。

胡蝶忽然擰向恆樂，伸出震顫嘅手，心靈變返以前嗰個怕羞且內斂嘅女孩，嗰種因為爭仔而變得剛烈嘅性格逃逸無蹤。

依家嘅胡蝶只係細膽、無勇氣面對他人嘅小女孩。

胡蝶伸出嘅手，佢想當一切都無發生。

胡蝶想要嘅係恆樂會拉起自己嘅手，只要結果好就好。

中間嘅波折就由得佢，結果好就好。

本來就係因為自己插手而有波折出現。

第一次有咗最好嘅朋友、第一次有咗心愛嘅男朋友、第一次同時擁有呢兩段關係，所以只要佢哋幸福就好——

邊可能！

我都想兩樣都得到，但係⋯⋯無可能。

嗰個場面擺咗係我面前。

我必須要揀一個。

我揀恆樂。

答案一早揀好。

所以，我要恨子瑜。

將一切錯誤都怪到子瑜身上，我無錯，恆樂都無錯。

咁樣錯嘅就只有唔再喺身邊嘅「朋友」。

要怪就怪子瑜。

咁諗嘅話，內心好過好多。

只要恨子瑜，咁我就可以繼續同恆樂一齊，因為出軌唔係恆樂錯，錯嘅係子瑜。

錯嘅係子瑜！

一切都係子瑜做成。

但真係？

只能夠真係。

胡蝶安慰自己咁諗，所以佢想繼續同恆樂一齊。

恆樂識趣地捉返住胡蝶嘅手，但係雙方卻無開口講過一句話。

到底點解要揀我？我到底有咩好？我又點樣先了解到自己？

到底我揀結果而無視出軌係咪正確？到底當年喺子瑜同恆樂嘅關係中打尖係咪正確？係咪要恨子瑜？簡化脈絡去憎子瑜又有咩好處？

兩人帶住唔同諗法回程，不發一言地挨住對方返歸。

推