《是咁的，我一炮過有咗三個女朋友（假）》

Push

「因為佢同我講咗佢都有搵你扮男朋友。」吳純輕描淡寫咁講。

「Nani！？」恆樂激動地對住吳純胸脯噴大氣，吳純就覺到痕痕地，但無推走恆樂。

「你答返我個問題先啦，胡蝶，你好在意佢？」吳純溫柔地問。

「⋯⋯佢係幾可愛嘅，但係呢排最在意嘅唔係佢。」恆樂知道講大話係呃唔到吳純，所以佢決定老實答。

吳純驚訝，竟然唔係胡蝶。

吳純仲以為佢哋兩個走得好近，不過唔係胡蝶嘅話，唔通有第三個女仔？咁樣嘅話吳純又係唔係恆樂在意嘅女性之一？

恆樂提到呢排，即係呢段時間喺佢身邊嘅唔止一條女？

吳純強忍住心中嘅不安問：「邊個嚟？或者咁問，你有幾多個在意嘅女仔？」

「兩三個囉。」恆樂聲都震晒咁講。

「咁排最頭嘅係咩人？」吳純馬上追問。

「你唔識㗎啦。佢係一個職業有啲特別嘅女仔，佢比到好多刺激感我。」恆樂坦言，反正呃不到，不如老實答。

「估唔到你叫雞！」吳純因為聽到職業有啲特別呢一句所以咁問，吳純嘅直覺異常地好，成日可以問到問題嘅核心。

「佢唔係雞！佢只不過係職業有啲特別，但係佢冇出賣過自己肉體。」恆樂馬上激房咁澄清。

「賣子宮唔賣身？」吳純不假思索咁再問。

「都話佢唔賣身！佢份工同性無關係！佢係比較特別嘅直播主，講明先，佢無影啲性感照或者裸照，佢連樣都無露！」恆樂為咗唔好俾人再追問落去，一口氣將其他同做雞有關係嘅答案篩選走。

「咁奇怪？」唔知道vtuber存在嘅吳純一頭霧水，佢再講：「總之你唔係叫雞沉船？」

「唔係！點解你會覺得我叫雞？」恆樂反問。

「你咁鹹濕，真係唔出奇。」吳純直言。

「⋯⋯你對我有好大誤會。」恆樂不滿咁講。

「咁我、胡蝶同呢個女仔，你會點樣排？」吳純轉移話題。

叫雞係咩事唔純嘅吳純真係有啲純

吳純掟直球

享受咗咁耐洗面奶，竟然仲未推低條女
係咪正常男人嚟

依d女先好 唔轉彎末角 瘋狂直球

所以我係吳純派

Push

你幾個都痴撚線，我係4p派

「咩點排？用咩角度先？」恆樂問。

「你最喜愛。」

「竹咁第一梗係你啦！」恆樂得戚咁講。

「咪玩啦，我認真問㗎。」吳純輕輕掃恆樂背幾下。

「er⋯⋯」恆樂都知道自己俾個答案唔係認真，只係為咗氹吳純而隨口講出嚟。

恆樂猶豫緊講唔講出真實嘅答案，因為佢心目中嘅答案唔係吳純想要嘅答案。

話時話，點解佢無啦啦問埋啲咁嘅嘢？

唔通吳純好似子瑜咁對恆樂有好感？恆樂心諗。

但恆樂又即刻反駁自己，無理由㗎，我哋識咗咁多年，又會無啦啦咁？明明佢都拍過幾次拖，所以無可能嘅，吳純只係因為好奇先咁樣問嘅啫。

「講啦，諗乜鬼。當係洗臉奶嘅報酬。」吳純大概睇穿咗恆樂嘅困惑，所以直接叫佢講。

「你咁樣算唔算賣身？」恆樂試圖轉移話題。

「答你就答啦。」吳純微微用力鑽恆樂太陽穴。

「痛痛痛⋯⋯！我講啦我講啦！」吳純停手後，恆樂再講：「我哋兩個太似屋企人啦。」恆樂答。

「即係我排最尾？」吳純扮作唔介意咁講。

「對異性上嘅好感係囉。」恆樂老實講。

「咁呀，原來係咁呀。」吳純重覆，表情卻冇一絲變化。

吳純心入面翻天覆地起嚟，原來自己咁唔重要。

吳純率直嘅性格令佢即使呢一刻有啲唔開心，佢都想問清楚晒所有嘢，了解多啲恆樂呢一刻嘅內心。

「吳家純小姐，你無嘢？」見吳純咁正經，恆樂覺得有啲唔慣，吳純睇落似燒壞咗個腦。 再者，恆樂都擔心呢個答案會令到吳純唔開心，所以佢想問清楚。

「無事，咁你鐘意另一個女仔多過胡蝶？」吳純冇理會心中翻騰緊嘅感覺，繼續將問題問落去。

「無錯。」恆樂點頭。

「原來係咁。」吳純繼續目無表情咁講。

一直都走到最近嘅吳純原來排到最後。

心中一沉。

吳純bb
feel到好慘

live 左留名

推返一下先

呢個結果同吳純預期嘅有啲出入，但重要部分嘅同設想嘅一樣。

吳純一早已經預咗自己排最後，因為佢哋兩個真係好似屋企人，唔似有異性關係嘅男女。

吳純同恆樂真係相處得太似朋友、似屋企人，恆樂冇意識到自己係異性緊係理所當然。

所以要同恆樂一齊，或者應該話成為女朋友後將恆樂留係自己身邊嘅話，吳純就唔可以好似咁樣繼續做佢青梅竹馬。

要突破僵局，就需要一啲勇氣。

吾志所向一往無前。

「喂，常恆樂。」吳純推開恆樂。

「咩料？無得洗面啦？」恆樂失望問。

「你做我男朋友好無？」吳純一本正經地問。

吳純投出直球，佢唔鐘意演內心戲，佢諗到就會做。

呢個係佢諗到唯一可以打破困局，又可以搶先喺胡蝶前嘅手段。

但係咁樣有極大嘅風險，失敗嘅話佢哋兩個嘅關係就會變到尷尷尬尬，最後好可能連朋友都做唔成。

吳純當然知道呢啲後果，但係佢從來都唔係考慮後果嘅人。

「依家咪扮緊囉。」恆樂滿臉疑惑。

「唔係扮，係真男朋友。可以扑嘢嗰種。」

「吓！？你無嘢呀？係唔係發燒燒壞腦？」恆樂唔相信吳純係認真，仲伸手去摸吳純額頭。

「我認真。你唔好再鳩鳩下。」吳純正經地講。

「咁突然我好難做。」恆樂不以為然，因為佢覺得吳純玩緊佢，吳純一定係某個角落放咗cam。

「即係拒絕？」

「咪玩啦師傅⋯⋯我哋識咗咁多年⋯⋯」

「識咗咁多年就唔可以一齊？」

「又唔係⋯⋯點解無啦啦？點解係依家？我又唔覺你對我有鐘意嘅感覺喎。老老豆豆，佢而家好奇怪喎師傅。」

「鐘意⋯⋯又真係唔係話傾心，好感就有嘅。只係我想同你一齊，我想未來都係你身邊。」

「咁又唔使一齊嘅，無論如何我都會係你身邊，大佬呀，我哋隔離屋嚟㗎。」

「咁我唔可以做你女朋友？」吳純又問。

吳純I love you
好少見到啲咁率真嘅角色

不要表白 去強姦 推到恆樂 人生有幾多時間比你演內心戲

有吳純咁嘅女朋友都好

去盡 d 啦吳純
推倒青頭樂

Push

路過一推

「難搞喎⋯⋯我對你真係無嗰方面嘅feel。」恆樂俾人追求，但絲毫無心動。

老實講，恆樂依家仲喺覺得吳純玩緊佢，冇理由突然之間有呢啲好事發生係自己身上。

再加上，恆樂真係冇試過吳純係拍拖對象。咁當然有講過佢係女仔咁樣看待，始終對波咁大。

但係成為情人⋯⋯無。

講到尾情侶同埋普通朋友嘅差距，到底係咩？

互相支持對方、一齊行街食飯、聽對方互訴心事，呢啲恆樂同吳純一直都有做緊，但係佢哋就唔係情侶。

恆樂心入面莫名其妙地抗拒同吳純一齊， 某種心情去制止自己去想像自己同吳純一齊。

係一種心理上嘅厭惡。

或者係一種心理上嘅機制，去制止自己同屋企人亂倫。

恆樂一直都將吳純是為屋企人，所以或者因為呢個原因恆樂先冇辦法跨出呢條界線，從而令佢由頭到尾都冇對吳純心生過愛情。

恆樂當吳純一直都可以坦誠咁面對對方，所以恆樂先咁坦白講出自己嘅心情。

「咁你又吸我對波吸得咁開心？」吳純保持溫柔嘅聲線問。

吳純知道咁樣講只不過係失敗中嘅一絲掙扎，佢知道恆樂只不過係鹹濕，並唔係鍾意吳純。

但係吳純想要一點點慰藉。

答案係問出口之前吳純已經知道。

但係都要問出口，一定要好好咁確認先能夠整理好自己嘅思緒。

「一時忍唔住⋯⋯咁大對，點忍呀？」恆樂鹹鹹濕濕咁講。

「我哋一齊嘅話你可以任摸。」吳純開始利誘。

吳純心知道就算咁樣一齊都唔會長久，但係佢就係想將恆樂留喺自己身邊。

「好吸引⋯⋯但係不了。我哋做青梅竹馬就夠。」恆樂耍手擰頭，佢真係冇打算過同吳純改變呢一段關係。

「哈，即係你對我嘅身體多啲興趣。你對我有冇女性上嘅好感？有定冇，一個字。」吳純面笑心痛。

「有，對波咁正。當然，樣同腳都唔差啦。」恆樂仲當緊吳純喺度同佢玩緊所以不以為然咁答。

恆樂之所以可以咁直接咁講，係因為佢覺得吳純只係戲弄緊佢先咁樣講。恆樂相信佢哋兩個識咗咁耐冇理由依家先要一齊，吳純大概係因為有啲心理唔平衡所以先咁樣問佢。

恆樂認為吳純係想搵人肯定一下佢嘅魅力先咁樣問恆樂，但係恆樂當然唔會俾佢如願以償，始終佢哋兩個係一對經常打鬧嘅青梅竹馬。

恆樂覺得吳純都唔係認真，咁佢都唔洗太認真去面對。

「唉，總之我同你講，我對你有異性嘅好感，之後我會全力追你返嚟，你好好準備。」吳純大概都估到恆樂覺得佢哋兩個依家只係玩玩下，所以唔能夠認真咁答。於是乎，吳純用非常認真嘅語氣咁樣講，希望恆樂知道佢唔係玩玩下。

「喂喂喂，等陣先，我跟唔上喎，到底發生咩事？你真係想做我女朋友？點解無啦啦呀？要係呢個時間點？？」恆樂一頭霧水，因為聽到吳純出乎意料認真嘅語氣，恆樂開始覺得有啲唔對路。

唔通吳純真係鐘意咗我？恆樂諗。

「好難講⋯⋯總之，我要趕喺其他人前面將你拎到手。」吳純宣言，即使俾人拒絕過一次，但唔代表佢要放棄。

「你冷靜啲先。你真係要咁做？我可以當乜都冇聽過喎。我哋仲返到轉頭。」恆樂終於感受到吳純係認真，於是乎唔想呢段關係有任何改變嘅恆樂提出當乜事都冇發生過。

「返轉頭做乜？我依家呢個moment對你有feel，想你做我男朋友，我真係咁諗所以先咁樣講。我好唔滿足留於青梅竹馬呢個身份，我想同你拍拖。」吳純話一就一，正面面對所有嘢。

恆樂終於感受到吳純係認真，但係子瑜依家係佢心中好重要，而且佢對吳純真係無乜feel。

所以恆樂開始混亂，我當你係多年兄弟，但你竟然想上我！？

講笑，恆樂只係無諗過呢段純友誼都可以唔純。

恆樂怕，怕拍咗拖嘅話，佢哋就唔可以維持而家咁樣嘅相處方式。佢怕萬一分手嘅話大家就會成為陌生人。

所以恆樂唔想改變。

唔想呢段關係有任何變數。

但對方唔係咁諗，而且係認真嘅。

恆樂迷惘、疑惑。

而家拒絕都一樣破壞所有關係

咪就係
唔明點解佢哋會覺得拒絕就ok

「我依家⋯⋯有另一個女仔⋯⋯好在意。」恆樂吞吞吐吐咁答。

恆樂腦海嘅係子瑜。

「另一個女仔？點識？邊到識？識咗幾耐？」吳純好似黑警咁盤問。（利申香港冇黑警，咪拉）

「識咗一排⋯⋯佢都搵我扮佢男朋友⋯⋯就係咁橋個個都搵我扮男朋友⋯⋯長官。」恆樂怯生生咁回答，因為感受到殺氣，恆樂唯有好似罪犯咁答問題。

「如果你追唔到佢嘅話，你打算點？」吳純冇問到扮男朋友嘅事，佢只係想專注同自己有關嘅事。

「有咩點，繼續單身囉。」恆樂正面回答。

「如果追唔到，無就返嚟屋企，我做你女朋友。」吳純拋低一個震撼彈。

「哦⋯⋯哦⋯⋯」恆樂無語，佢心諗唔係真是呀嗎？

「我認真咁問你一次，如果你而家追嘅女仔你都追唔到，你可唔可以返嚟做我男朋友？我唔介意排下隊，只要你返到屋企就得。」吳純認真地道。

「到時嘅話⋯⋯但我真係未有嗰方面嘅feel，對你。」恆樂唔好意思咁答，視線不停喺吳純身上同地面來回。

「答我好。」吳純捉住恆樂雙肩講。

「哦⋯⋯好⋯⋯」恆樂猶豫地答。

「你就住呀！應承咗我㗎！」吳純大聲呼喊，強調恆樂應承咗佢，如果嗰個女仔拒絕咗恆樂，恆樂就要同吳純一齊嘅提議。

「哦⋯⋯嗯。」恆樂含糊咁講。

「今日就咁算。」

吳純本來諗住可以嘅話就順勢推倒恆樂，但係恆樂對自己零feel呢盤冷水淋熄咗呢個念頭。

吳純走到門口，佢嘅用返平時大刺刺嘅語氣講：「聽日開始唔準避開我，我哋要好似以前咁相處，得唔得？」

「得，我當無聽過。」恆樂答。

「講明先，我對你嘅態度會好似以前咁！唔會變！但係我會諗辦法將你追到手！」吳純信心滿滿咁講，完全唔似一個啱啱俾人拒絕咗表白嘅人。

「呀⋯⋯」對吳純嘅直球，恆樂呆晒。

吳純心諗，反正我哋係青梅竹馬，又住喺隔籬屋，佢點都會見到我，如果我都表現到尷尷尬尬，咁樣嘅話自己就好難留喺佢身邊。

要做到一切如常，但又要逐步等佢意識到我係女人。

吳純諗法好單純。

傷心有啲，但唔足夠令佢放棄，吳純本來就係一個唔容易放棄嘅人。

心痛。

忍住先。

只不過係陣痛。

吳純笑臉下嘅心痛。

自己要裝作一切如常，要忍下心痛先可以繼續喺恆樂身邊。

所以吳純迫自己盡快收起心痛，要扮到一切正常，點都唔可以喺恆樂面前展現到傷心，唔可以令佢避開自己。

只要扮到一切正常就可以一切如常。

吳純唔主動扮無嘢嘅話，恆樂個衰仔一定個閃閃縮縮，周身唔自在。

吳純扮到正常，恆樂先會正常咁係佢身邊。