《是咁的，我一炮過有咗三個女朋友（假）》

「咁咪有氣氛囉。」恆樂對住胡蝶咧齒笑。

「多謝你。」

「多謝自己啦！PIC做得好大家先開心。」恆樂將功勞交返俾胡蝶。

胡蝶面色先沉一沉，再向恆樂展示禮貌嘅笑容。

然後，胡蝶嘅PIC活動就此告一段落。

眾人散水之後，平日唔太飲酒嘅胡蝶腳步浮浮，連直線都行唔到，所以恆樂決定要送胡蝶返屋企，即使恆樂都因為飲得太多而醉醉地。

叫咗㗎DC，恆樂同胡蝶就坐喺後座。

深夜，一男一女都醉醉地，一齊坐的士，荷爾蒙嘅氣息濃烈得不得之了，兩個人隨時去爆房都唔出奇。

胡蝶借醉挨落坐隔離嘅恆樂身上，恆樂就順勢攬住胡蝶，心諗點都要抽下水。

沉默咗一段時間，首先開口嘅係胡蝶。

「我⋯⋯好無用⋯⋯」

「點會呀？」恆樂本能式地回應。

「我明明係莊員，但係⋯⋯我就係投入唔到⋯⋯就連搞氣氛都做唔到⋯⋯好無用⋯⋯」

「我覺得大家唔介意你做得好唔好，見到你嘅存在佢哋已經好滿足。」

見到系花棟係到，啲人已經好滿足，衰啲講句，啲人根本唔介意胡蝶做得好唔好，佢只不過係一個吉祥物嘅存在。當年恆樂支莊揀胡蝶做下莊都係因為胡蝶嘅外貌，花樽嘅角色對一支莊、一個Soc嚟講係好重要。有個生招牌係到，從公關嘅角度睇可以話係非常重要。

呢度順帶一提，大學揀下莊嘅時候，話就話係民主選舉，但係現莊有好多手段去篩選人，所以係咪真正嘅自由選擇，其實好有保留。總之恆樂枝莊經過篩選之後就揀咗胡蝶成為其中一個下莊。

總之，大家對胡蝶嘅期待唔係嚟自佢嘅工作能力，單純嘅係佢嘅外表。

恆樂支莊都相信，正常嘅大學生有嘅處事能力唔會太差，所以佢哋對胡蝶嘅工作能力都係有啲信心。

雖然恆樂有啲醉，但係唔可以講出口嘅嘢，佢都係唔會講出去。

「咁樣⋯⋯我接受唔到⋯⋯我都想幫到手。」胡蝶雙眼通紅。

「你已經幫到好多㗎啦。」恆樂試圖安慰。

「我⋯⋯想改變。我唔想再咁內向同怕生。」

「呢個就係你今日悶悶不樂嘅原因？」

「你睇得出呀？」

「睇唔出呀。」

「衰人⋯⋯」

「Sorry。」

「我⋯⋯想可以活潑啲，想可以同其他人正常傾偈。我想改變。」胡蝶平淡嘅語氣帶點罪疚感同決心，大概佢一直都想同過去嘅自己訣別，只係未有呢個機會。

「點解要改變？做自己唔好咩？你無必要為咗其他人而改變自己。」

「我只係想正常一啲⋯⋯我想可以好似一般上莊嘅大學生咁，一樣咁outgoing、咁健談、咁唔怕同陌生人講嘢。」

「我覺得你真係唔需要變⋯⋯唔需要為咗成為一般人而改變自己。」

「但係變成嗰個樣已經係我理想中嘅自己。」

胡蝶無波動嘅聲線令恆樂心中嘅湖泊泛起漣漪，恆樂都唔想駁斥啲乜，甚至因為自己唔想胡蝶改變而有啲羞愧。

點解唔想胡蝶改變？

大概係驚，恆樂驚因為胡蝶改變而唔再熟悉，怕佢會去到遙不可及嘅地方。

或者自己只係想胡蝶喺自己身邊，一個可以觸手可發嘅下莊，美麗而且端莊嘅莊花。

可以同呢個高嶺之花咁親密，多多少為恆樂帶嚟優越感。

若果本來只有自己想可以親近嘅冰山美人，佢身上嘅冰山溶化後成為眾人伸手可得、親和力十足嘅女人嘅話，大概恆樂就唔可以再成為唯一係佢身邊嘅男人。

恆樂抗拒胡蝶改變嘅原因，係因為自己，自己微不足道嘅自豪感。

恆樂不禁因為自己嘅私心而沉一沉，覺得自己真係好醜惡。

然後，恆樂偷偷下定決心要為助胡蝶一臂之力。

唔怪之得對胡蝶咁flirt

push

樓豬做咩

Push

恆仔究竟想點

「我會支持你。我會幫你，令你成為理想中嘅自己。」喺罪惡感驅使下恆樂講。

「我想成為嗰種可以唔經大腦、唔理氣氛直接講出心裡所想、隨心所慾表達自己內心所想而令唔好受但又好受眾人喜愛嘅人。」胡蝶概括咁講。

「呀⋯⋯」恆樂諗起一個同呢一堆形容詞百分之一百吻合嘅人，恆樂覺得如果俾胡蝶見到嗰個人嘅話，可能對胡蝶有所幫助：「胡蝶。」

醉薰薰嘅恆樂捉起胡蝶雙手，雙目直視雙頰泛紅嘅胡蝶：「依家，不如嚟我屋企？」

「！！」胡蝶嘅胸口好似突然被空氣炮打中，雙頰快速咁變紅起嚟，佢低頭講：「我⋯⋯未沖涼好臭⋯⋯」

「唔緊要。」嗰條傻女人唔會介意。

「但係咁突然⋯⋯」

「無問題。」依家先一點，佢一定未瞓。

「我真係⋯⋯可以咩⋯⋯」胡蝶抬頭，用水汪汪嘅雙眼望實恆樂。

「嗯。」

「咁⋯⋯OK。」胡蝶講完又垂低頭。

然後，佢哋就將目的地改向恆樂屋企。

落車後，胡蝶緊張地問：「真係可以？我可以上去？」

「唔洗驚，佢唔會介意。」

「佢？」

「放心啦！」恆樂講完就拉住疑惑嘅胡蝶上樓。

邊個佢

推

唔通係搵吳純？

樓主是咪好中意卡比獸

恆樂真係傻尻

個肚好正

呢啲天生柴刀樣

坐𨋢嘅時候，胡蝶扭扭擰擰咁問：「我真係可以上去？」

「唔洗擔心，我會好好睇住你。」

「嗯。要好好睇住我。」雙頰持續泛紅嘅胡蝶低頭微笑。

去到單位嘅門口，恆樂無打開門，而係打個電話：「開門。」

然後，單位內有個年青女子一臉不滿咁就出嚟：「咩事呀！咁鬼夜！嘩！你成身酒味！」

女子——吳純誇張咁將手喺鼻前揮動，試圖撥走身前嘅酒臭。

「吳純姐，佢叫胡蝶，想你幫幫佢。」恆樂無視吳純嘅抱怨直入主題。

「吓。」失望到身體僵直嘅胡蝶頭腦頓時清醒，佢伸個頭去恆樂耳邊細細聲講：「唔係去你屋企咩。」

「嘩，好敏感。」耳仔被胡蝶吹咗幾口氣嘅恆樂不而為然咁大聲講，恆樂嘅舉動令胡蝶尷尬到雙手掩面。胡蝶生怕俾人誤會係會主動挑逗男人嘅淫婦，尤其而家有外人係到。

「呢到我屋企呀。」恆樂無理會尷尬嘅胡蝶，佢指住身後面嘅單位講。

「咁點解我哋唔入去？」胡蝶急忙咁問。

「我哋嚟搵佢㗎。」恆樂理所當然地道。

「咁佢係邊個？」胡蝶望住吳純問。

「佢係我青梅竹馬。」

恆樂講完之後，胡蝶就仔細打量吳純，然後唔小心漏口：「咁靚女。」

「我靚女！？你都幾識貨喎！」吳純開心咁講，白滑嘅雙腳打成交叉。

「點解要搵佢呀？」胡蝶又喺恆樂耳邊問。

「好好。等我講返重點先，佢叫胡蝶，係我下莊。佢個人比較內向，佢話想識啲自把自為、隨心所欲又唔理人感受而且外向加健談嘅人學下變到識社交。」恆樂表明來意，雖然佢嘅說話有啲敵意，但係吳純自動filter走唔理人感受嗰句。

「學嘢⋯⋯唔係去佢屋企過夜⋯⋯」胡蝶失落咁低頭扁嘴細聲自言自語。

「咁鬼夜學咩呀！玩我呀？我又唔係老師！你傻撚咗？」吳純不滿咁罵，用腳踢一踢恆樂。

「幫下佢啦，當報恩。我今朝先幫完你！呢個下莊我好錫㗎，當佢阿妹咁。」恆樂合十雙手拜托，暗示住今朝扮吳純男朋友，要吳純報恩。

扮男朋友？醉醉地嘅恆樂覺得好似有啲嘢唔妥。今日好似扮咗好耐男朋友。

扮咗好耐胡蝶男朋友。

但係算，唔記得嘅話就應該無乜不大了。

介紹下莊俾青梅竹馬。

好似有啲重要嘅嘢忘記咗。

由佢。

恆樂咁諗。

推推

3P定修羅場呢

恆仔醉到自爆

「你傻㗎？定醉到神志不清？邊有人夜媽媽找去人哋屋企去介紹自己另一個朋友俾人，再教佢做人？你傻撚咗？？」吳純稀有地提出正論。

有求於人嘅恆樂強行壓抑自己嘅殺意，心諗呢個弱智嘅吳純會反駁自己。

「係囉，唔好麻煩人啦。」胡蝶同恆樂講。

「唔洗怕羞，為咗你，我會說服佢。」恆樂信心滿滿咁同胡蝶講。

「為咗我。」胡蝶聽到就忍唔住低頭傻笑。

恆樂走近吳純，喺褲袋掏出五百蚊紙，壓低聲線講：「幫幫手，今晚幫我睇住佢。」

「你唔係以為可以用錢收買我呀？你咁好侮辱我。」

恆樂拎多張五百蚊出嚟，吳純隨即收曬兩張五百蚊後講：「交俾我，我最鐘意幫人。你想我點做？」

「我陣間講乜你都話ok。」

「ok。」

恆樂見計劃成功就放返高聲線：「當胡蝶話想學做一個外向、又正能量嘅人嘅時候，我就即刻諗到你㗎啦。」

「你識貨呀！哈！」吳純陪笑。

「胡蝶，佢係我青梅竹馬，係我識嘅人入面最外向、最無腦、最吹得同最多朋友嘅人，佢一定幫到你。我想見到你成功改變，成為你理想做嘅自己。雖然有啲唐突，但係我決定唔好拖延，諗到就即刻做，所以我就帶你嚟認識下佢。」

「你係為我著想先咁做？」胡蝶感動到雙眼水汪汪咁講。

「梗係。」恆樂肯定咁講。

「咁⋯⋯我要點做？」胡蝶問。

「er⋯⋯聽佢講⋯⋯囉。」恆樂只係憑醉意就嚟咗呢到，之後嘅事佢諗都無諗過。

「無事！姐姐我知道要點做！」吳純行前攬住胡蝶：「總之胡蝶妹妹你就做我朋友先！我今晚就好好照顧你，再好好地咁教你做一個受歡迎嘅女人！」

「就係咁囉，無錯無錯。胡蝶今晚你就去吳純到過夜啦，我哋之後再聯絡。我頭好痛，依家返屋企瞓先，之後再講。」恆樂講完就頭也不回咁走返喺後面嘅屋企，衫都無換就倒頭大睡。

恆樂雖然感覺上好似有啲嘢對唔上，但係頭痛得非常勁，又好眼瞓，於是佢決定乜事都好，瞓醒再算。

心中嘅違和感就暫時無視佢。

被恆樂留喺原地、非常之迷惘嘅胡蝶就怯生生咁問：「我要點做？」

「你好臭呀，入嚟我到沖涼先啦，我啲衫你應該啱住。」收咗錢嘅吳純熱情咁帶住胡蝶入屋。

走廊又回復平靜。

第二朝一起身，清醒過嚟嘅恆樂就即刻大叫：「仆街！」

因為琴日係醉意驅駛下帶咗一位（假）女朋友去同另一位（假）女朋友共宿一宵。

點解自己會做啲咁撚on9嘅事？

呢啲就係酒係做錯事？

話時話，恆樂依家諗返，琴晚嘅胡蝶好似唔介意上嚟恆樂屋企瞓，唔通可以食？

點都好要盡快由吳純屋企接走胡蝶！

佢哋兩個大概琴晚都冇乜點傾偈，胡蝶都應該有啲醉，吳純大概會由佢瞓，今朝再算。

所以要阻止佢哋兩個講我同時扮佢哋兩個假男朋友嘅事，恆樂就一定而家要去吳純屋企分開佢哋兩個！

要趁吳純未醒曬過去帶走胡蝶，順便拎返走嗰一千蚊。

然而，一波未平一波又起。

當恆樂牙都未刷，打算走去隔籬屋嘅時候就收到子瑜嘅message。

子瑜：依家上嚟我party roomr，有嘢同你講。立刻，冇討論餘地。

子瑜：相片（恆樂換子瑜波圖）

通過文字都feel到子瑜嘅殺氣，平時扮作可愛嘅氣息逃逸無蹤。

推

一嘢爆幾個鑊
但係恆仔又幾正人君子，有得食都唔食

蠢就蠢啦

七、被發現

琴日恆樂分別同兩班人嚟過呢間party room，今日又因應女朋友（假）之一嘅邀請（威脅）上到嚟。

原來呢到真係子瑜營運，今次仆街了。

恆樂心諗，兇多吉少。

恆樂覺得子瑜九成已經睇完閉路電視所以叫佢上嚟。

俾子瑜知道恆樂仲有扮其他人男朋友嘅話，恆樂今鋪就玩能完。仲要其中一條友係子瑜朋友，而胡蝶喺子瑜面前話恆樂同佢係真正嘅情侶，今次真係唔知點拆蛋。

張相流出就玩完，由其係琴日恆樂真好囂張嘅玩咗一班狗公，被人發現佢開後宮（假）嘅話，班人一定會報仇。

到時喺系入面一定會臭名遠播、身敗名裂，如果一個唔好彩上埋連登，今次就會社會性死亡。

恆樂鼓起勇氣之後就推門就入party room，子瑜翹腳坐喺沙化上等，子瑜身前嘅電視卻無打開。子瑜只係默默咁等待。

「你坐低。」子瑜無咗昔日嘅可愛，有嘅就只有兇惡、暴戾。

恆樂有裡有種預感，覺得奶撚咗嘢。

唔通琴晚單嘢同單嘢都黃咗？

冷靜啲先，最緊要唔好自爆。

有可能子瑜乜都未知。

可能子瑜只係想傾下計，依家唔好自亂陣腳。

依家唔好出聲住。

只能夠慢慢睇下子瑜嘅目標係咩，要一步一步咁試探。

子瑜乜都唔知道就最好，但係佢知道而且怪罪我嘅話，就一定要用plan b，諗辦法del咗係back up上cloud嘅摸波圖。

男女攻防戰。

恆樂緊張到個心跳下跳下，做錯嘢又驚俾人發現嘅小朋友咁。

要開口啦。

開口呀！

但係恆樂語塞了。

明明要去了解子瑜知唔知道琴日嘅事，或者要問出佢今日想講乜嘢，但係恆樂淆底到乜都唔敢做。

「我話坐低。」子瑜見恆樂呆咗咁企咗係到，所以又講多次。

今日咁早