《是咁的，我一炮過有咗三個女朋友（假）》

「哎呀，有人開心到面紅。」子瑜滿足咁笑起嚟，就係冇察覺恆樂耳根都紅透。

你開心我都好開心，即係你對我都有心意。

但係唔可以，友情對我嚟講都好重要。

子瑜天人交戰。

「⋯⋯」恆樂無言以對，自己竟然會怕羞。

「行啦！再去玩Lu！」恆樂再次俾子瑜拉住走，子瑜唔想停，時間唔多。

時間無多，我係三點嘅灰姑娘。只不過我嘅結局係我要將王子送出去，喺我嘅決定之下。

恆樂好享受，好享受同呢個女仔一齊。

雖然成日俾佢整蠱，但係同佢嘅相處時光每一刻都好有驚喜、好有刺激感、好有新鮮感。

可以同佢拍拖真係唔錯，而且追到佢嘅機會真係唔細，對方都承認過對自己有好感。

恆樂覺得只要強勢一啲去表白，子瑜嘅身心就會落入恆樂手上。

恆樂突然諗起網上面話要拍拖係唔需要表白，只需要一嘢拖落去隻手就可以。

但係恆樂而家已經拖緊，對波都摸埋，到底要點部署？

點先可以砌到，唔係，係點想可以一齊？

諗唔到。

恆樂暫時將要表白呢個念頭放埋一邊，好好咁享受遊玩嘅時光。

子瑜拉住恆樂去玩唔同嘅機動遊戲，又去咗旋轉木馬前面影情侶相，又去咗城堡拖住手影相，又去咗精品店度買老鼠頭箍一齊戴喺頭上面，基本上成個要做嘅佢哋都做齊。

所有嘅事情都係由子瑜主動話去做，恆樂一直都係被動嘅角色。

情侶會做嘅大概就係呢啲。啲觀眾同我講，男仔都會想同黑雪公主去迪士尼咁樣玩。

去到晏晝，子瑜喺toy story個區域到同恆樂坐埋一邊，然後喺手袋入面掏出蛋糕遞畀恆樂：「生日快樂！」

用最少時間整出嚟嘅蛋糕。

「多謝！你整㗎？」

點解你要咁高興？點解個樣要咁喜出望外？

你咁開心嘅話⋯⋯我⋯⋯會⋯⋯我會⋯⋯

「係呀。」

為你而整。

「無毒？」

多心。我點會狠心去傷害你？

「無呀！」

「咁我食啦。」

「等陣！」

「又點呀？」

「食之前影張相啦。」

留個念，第一次整蛋糕畀男仔，第一次為你慶生。

子瑜講完之後就將臉貼到恆樂臉上，然後拎起手機同恆樂以及蛋糕合照。

子瑜嘅體溫傳到恆樂身上，香味飄入恆樂鼻腔，肌膚嘅觸感如是。

恆樂斜視子瑜，心不受控地動起嚟，就喺子瑜㩒制嗰一刻，恆樂忍唔住錫咗落子瑜塊臉到。

「啾～」

映照喺手機螢幕上嘅係子瑜震驚嘅樣子。

子瑜不發一言咁垂低頭，恆樂就覺得大禍臨頭，擔心自己俾人告非禮所以默不作聲。

恆樂心諗頭先氣氛太好，所以忍唔住錫咗落去。但係呢條女而家唔出聲即係點？我係咪瀨撚咗嘢，佢係咪準備報警。我係咪要因為非禮坐監？聽講性罪犯入到監倉會俾人屌屎眼，今鋪我係咪貞操不保？

唔係喎，佢今朝都係咁樣錫我，我只係照板煮碗，有咩事咪攬炒囉！

子瑜

恆仔nice

一於拖恆仔去酒店圓房啦

子瑜正撚瑜
懷疑恆仔都標哂前列腺液

推

「嗚⋯⋯」

子瑜忽然抽泣起嚟。

明明決定咗今日之後要好好咁「分手」，但係點解你要咁樣對我？

錫落嚟。

咁即係我已經吸引到你。

我唔可以接受你。

你係我朋友鍾意嘅人，你唔可以不斷對我表達有好感。

我咁樣做嘅話我只會變到不能自拔，再係咁樣落去我唔能夠抽身。

我同你只能夠係朋友，因為我同胡蝶都係朋友。

我唔可以因為你而破壞我嘅友情。

但係點解你要不停畀希望我，點解你要不停俾到心動嘅感覺我？

咁樣做只係不停將我拉返入去呢個自責嘅漩渦。

我想要嘅係一個終結。

一早已經決定咗今日就係個結局。

玩完之後就同佢各散東西。

你咁樣對我，我點樣捨理你而去？

我都知道自己好矛盾，但就係控制唔到。

或者咁諗，既然係最後，我就不如貪婪地將我想要嘅嘢都搶返嚟。

面對默默抽泣嘅子瑜，恆樂只能夠喺側邊戇鳩鳩咁樣扭嚟扭去唔知想點。

突然，諗通咗嘅子瑜用雙手捉住恆樂臉頰，令恆樂正面對住自己。

「？」恆樂惘然咁望住喊緊嘅子瑜。

子瑜哄前再用力地錫落恆樂嘴唇。

牙齒都碰到了。

恆樂瞳孔放大再合上。

呢個係兩個人嘅初吻，胡迪同玩具故事人物見證下嘅初吻。

流住淚嘅子瑜強吻落去。

酒店

子愉叻女

寫得好好睇

一秒、兩秒、三秒。

率先後退嘅係子瑜，佢係依依不捨及深情地凝視身前嘅恆樂。

恆樂無俾子瑜等待，愚鈍如佢都感覺到自己要做啲嘢，於是佢主動攬住子瑜，冒住犯法嘅風險。

「喂也⋯⋯」子瑜試圖掙扎，細力地。

你咁樣做，我會不能自拔，唔能夠再咁落去。

已經越界。

明明你唔係其他人男朋友，界線應該唔存在，但我心中卻有條界。

背叛咗朋友啦。

但係又好開心，情不自禁咁開心起嚟。

恆樂因為女方掙扎而放手，相反唔顧後果嘅子瑜再撲向恆樂，吻落去。

十秒。

整整十秒後兩人嘅嘴唇先鬆開。

兩人對視，恆樂手足無措咁望住飲泣嘅子瑜。

子瑜想去到盡，不如就趁而家直接帶佢去迪士尼酒店上本疊。

唔好再理胡蝶，反正一早就book定咗酒店，子瑜心入面都期待着對方獸性大發。

恆樂伸手拭去子瑜嘅淚水，心諗今次我仲唔食硬你？並且盤算緊點樣錫落去，再叫佢做自己女朋友。

「鈴鈴⋯⋯」打破沉默嘅係電話嘅鈴聲。

子瑜嘅電話。

Bug 左？點解係子瑜嘅電話

啱的

九成係胡蝶搞事

唔夠喉

黑雪公主既鐘聲

唔係真係胡蝶搞事掛

子瑜掏出電話，胡蝶打嚟。

「子瑜⋯⋯打俾你唔好意思呀，我知道你忙緊。 我想問佢係咪同緊你一齊？因為我約咗佢三點，但佢仲未見人。」胡蝶憂心忡忡咁問。

呀，係。

胡蝶都鍾意佢。

自己點可以咁越軌，同朋友鍾意嘅男仔熱吻？

今次真係要走啦，我已經攞到都好多嘢，唔可以咁貪心㗎。

胡蝶嘅聲音將子瑜拉返出嚟，從猶豫嘅漩渦入面拉出嚟。

佢哋兩個都係我朋友，兩個人我都唔可以傷害。

「佢依家走㗎啦。」子瑜同胡蝶答完之後就收線。

「邊個打嚟？」恆樂問。

「唔重要。」In this moment。

「話時話，我哋依家⋯⋯」恆樂未講完就俾突然企起身嘅子瑜打斷。

子瑜雙眼筆直咁望住恆樂講：「常恆樂，多謝你之前一直扮我男朋友。以後你都唔使再扮啦。」

恆樂心諗唔通叫我真係做佢男朋友要諗定點樣扑嘢啦。

子瑜再講：「我哋分手啦。我哋以後就一直都做好朋友啦。」

「好⋯⋯好朋友？」今次到恆樂一臉惘然，好似自己期待會發生嘅事截然不同。

「我哋以後都係朋友。」子瑜強調。

「等陣先，頭先你唔係⋯⋯咩？」恆樂指住自己嘴唇問。

「只係告別嘅禮物。當係報答你嘅禮物。」子瑜背對恆樂再一口氣講：「我哋分手咪好囉，你可以即管去同其他女仔發展，可以有真正嘅女朋友啦。哎也，唔講啦，我約咗人啦，要走先啦。三點啦，你都要走啦。」

唔一氣呵成嘅話，想講嘅嘢會講唔晒。

「等陣⋯⋯！」恆樂拉住想走嘅子瑜再講：「朋友？我哋？你之前又話對我有好感？頭先又錫我，咁樣都仲係朋友？」

「嗯，朋友嘅好感。」子瑜繼續背對住恆樂答。

「喂⋯⋯咁點得⋯⋯我唔信⋯⋯你咪玩嘢！⋯⋯」恆樂用力拉到子瑜令佢正面面對自己，結果恆樂望到嘅係淚流滿面嘅子瑜，恆樂因為驚訝而鬆手。


子瑜抹一抹眼淚後講：「我哋只係朋友。 我哋錫嘅事你就當係秘密或者發夢，總之唔好同其他人講。我真係要走啦。你約咗人你都要走啦。」

子瑜轉身，筆直地背對恆樂離開。

留喺原地嘅恆樂呆咗成5分鐘，直到收到胡蝶嘅電話先知道係時候動身離開。

但係子瑜嘅哭相喺佢腦中揮之不去。

到底點解錫埋都只係朋友，唔通做埋愛都只不過係陌生人？

子瑜嘅表情明明睇落去咁痛苦，點解佢要咁辛苦都話我係朋友？明明佢
之前話對我有好感係對異性嘅好感。

到底點解今日又可以變面？

恆樂帶住迷惘走到荃灣應約，路上恆樂唔明點解子瑜要喊，又唔明點解要錫佢？

無意思都可以錫？唔通子瑜就係嗰啲無愛都可以扑嘢嗰啲？

咁點解唔扑嘢淨係錫？

唔係唔係，咁諗有啲太仆街。

子瑜絕對唔係啲咁嘅女仔⋯⋯應該？

子愉bb
點解要咁有義氣

胡蝶次次都阻住晒

走開啦 胡蝶

因為子瑜同恆樂「拍拖」嘅其中一個目的就係學點樣呃啲毒撚課金，為咗錢嘅話，子瑜應該可以玩很大？

唔係唔係，子瑜唔係啲咁淫邪嘅女仔，佢除咗古惑啲之外個人其實好純。

恆樂知道自己對子瑜唔止性慾，仲有好一定程度嘅好感，覺得佢性格好相處，而且某程度上幾夾，大家係周不時可以互撚對方嘅關係。

到底發生咗咩事令子瑜搞到咁？

子瑜應該係鍾意我？

恆樂對啲個問題唔係100%肯定，但係單純用鍾意或者唔鍾意嚟講，應該係鍾意。

假扮情侶嘅話冇必要真係錫。就算真係錫咗都冇必要喊，更加冇必要錫完之後就講分手。

恆樂直覺覺得出現咗問題，但係無論點都推論唔到原因。

諗吓諗吓子瑜嘅事，恆樂就去坐車去到荃灣，出閘時喺到等待佢嘅胡蝶急急腳跑咗過嚟。

「你冇事呀嘛？」胡蝶擔憂地問。

「冇事呀，無啦啦有咩事？」

「冇事冇事，都只係問吓。」胡蝶鬆一口氣。

胡蝶講完又哄個鼻埋恆樂到聞幾下，再振振有詞地自言自語：「香水味⋯⋯」

胡蝶掏出幾張消毒濕紙巾，喺恆樂掌搵手抹幾下，之後再抹佢塊臉：「你個身有好多污糟嘢⋯⋯我幫你抹乾淨晒佢。」

胡蝶講嘅時候雙眼變得空洞起嚟，好似漆黑一片嘅宇宙咁，心入邊仲不停重複，你唔係話咗唔會出手嘅咩，依家佢成個都係你嘅味道。

「痛痛痛⋯⋯」掌心被不停磨擦嘅恆樂忍唔住叫痛，胡蝶聞聲清醒過嚟。

「唔好意思，我見你有啲太污糟所以忍唔住⋯⋯」胡蝶失落咁低頭講。

「小事⋯⋯就算而家已經唔使再防疫，好多人已經俾人調教到防疫撚嘅形狀。」

「嗯。」胡蝶點頭。