《是咁的,我一炮過有咗三個女朋友(假)》
綠嶺
983
回覆
148 Like
26 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
第 33 頁
第 34 頁
第 35 頁
第 36 頁
第 37 頁
第 38 頁
第 39 頁
第 40 頁
鐵拳無敵鍾培生
2022-09-22 00:06:39
所以好正
呢個世界就係需要哩啲人先可以推進到
如果靠子愉、胡蝶,咁恐怕恆仔個孫出世都未搞掂
綠嶺
2022-09-22 14:39:04
子瑜頭先已經大概估胡蝶係鍾意恆樂,要佢喺胡蝶面前講話自己鍾意佢鍾意嘅男仔,呢隻啱啱先好返少少嘅友誼小船好快就會又沉過。
子瑜諗到嘅方法就係保守咁回應:「唔好問我住啦⋯⋯你呢?你鍾意佢?吳純。」
唔知道吳純已經表白嘅子瑜將個波拋番比吳純,試圖搏對方唔會係胡蝶面前坦率講自己嘅心意。
子瑜算錯嘅一點就係胡蝶同吳純已經互相同對方表達自己係鍾意恆樂,呢一個傳波仔其實冇乜作用
「我?我梗係鍾意佢啦,我仲同佢表咗白。」吳純坦言。
「表白!?」子瑜激動到同胡蝶分開,筆直咁望住吳純叫出嚟。
對子瑜嚟講完全係出乎意料。
「係呀,不過佢已經拒絕咗我。」吳純嘅表情稍微暗沉落嚟。」
「哦。拒絕咗。」子瑜馬上放下心嚟,估唔到條淫蟲會拒絕大波樂嘅表白。
「咁你呢⋯⋯你點睇佢?」胡蝶插嘴,用佢水汪汪嘅雙眼,筆直地望住子瑜講。
波又傳返落子瑜到。
「我⋯⋯」子瑜猶豫咗一陣,佢決定重施故技:「胡蝶,你好鍾意佢?」
「呀⋯⋯嗯。我鍾意佢。」胡蝶先係驚訝一下,再點頭回應。
「咁呀⋯⋯」其實子瑜本身已經大概估到,但胡蝶開埋口就100% confirm。
尷尬啦,子瑜要點講好?
職業扮工
2022-09-22 19:06:16
鐵拳無敵鍾培生
2022-09-23 00:45:23
希望子愉誠實啲
Chicharito_14
2022-09-23 01:31:19
Push
綠嶺
2022-09-23 21:26:30
依家在場唯一難堪嘅就只有子瑜,朋友已經搶先表明自己鍾意嗰個男仔,而如果話自己鍾意恆樂,咁樣佢同胡蝶嘅關係就會變得好尷尬。再者,佢唔想胡蝶,佢嘅朋友傷心。
胡蝶同子瑜係上堂嘅時候認識,當時嘅子瑜經歷過話劇社事件之後唔太相信別人。
然而,本身係上堂識咗對方嘅胡蝶收到風話子瑜喺話劇社出事之後,子瑜收埋咗自己一排,胡蝶就即刻搵子瑜。
子瑜開頭連胡蝶嘅電話都唔聽,只係想摺埋自己,但係胡蝶鍥而不捨下,子瑜最終回應咗呢一位當時唔太熟嘅朋友。
開頭子瑜對胡蝶嘅糾纏覺得煩厭,明明只係同學,點解要煩住自己?當胡蝶同自己講話佢哋已經係朋友嘅時候,朋友之間有苦難嘅時候互相支持係好正常嘅事。聽到胡蝶咁講,子瑜就感動起嚟,冇再收埋自己。
不過即使冇胡蝶嘅出現,子瑜都可以憑自己堅強嘅內心企返起身,只不過佢都好慶幸胡蝶又走到佢身邊。
當時嘅胡蝶本着想幫朋友嘅心搵子瑜,善良嘅佢本身就好關心身邊嘅人,所以當佢知道子瑜受苦嘅時候,佢馬上就會去幫助自己認定係朋友嘅人。
胡蝶認定咗係朋友嘅人,佢就會鍥而不捨咁樣去幫佢,同認識時間嘅長短無關。
子瑜放開擁在懷中嘅胡蝶就講:「我同恆樂只係朋友。」
子瑜決定收起自己心意,朋友優先。
子瑜選擇咗避免同朋友爭仔嘅局面。
雖然心腸係狠下嚟,但係表情唔係咁易控制。
胡蝶由子瑜嘅苦笑中睇得出,子瑜唔係咁諗。
鐵拳無敵鍾培生
2022-09-23 23:08:29
子愉點解要講大話
咁胡蝶遲下咪更加憎佢
小火花
2022-09-24 17:19:07
你估你放棄,樂仔就會改變心意咩。。
一分十九秒
2022-09-26 17:31:59
Push
綠嶺
2022-09-26 17:40:12
抽搐嘅眼角、微微顫抖嘅身軀、繞唔起嘅嘴角,種種跡象都顯示子瑜好不安。
最重要嘅係佢雙手嘅手指互相扼住,胡蝶好清楚呢個係子瑜講大話嘅時候嘅自然習慣。
唔通佢係鍾意恆樂?
「咁即係你唔會追佢?」胡蝶續問。
比起心意,胡蝶更擔心對方會有實質行動。
「唔會呀,都話唔鍾意佢。」子瑜苦笑。
苦笑。
選擇。
既然子瑜都咁講,胡蝶決定無視一切跡象,當子瑜真係唔鍾意恆樂,咁樣一切都會方便啲。
子瑜唔係講緊大話,佢唔鍾意恆樂,佢同恆樂只係朋友。
唔係,子瑜話唔係就唔係,自己唔洗擔心佢點睇。
胡蝶喺心中欺騙,不,說服自己。
「多謝你。」胡蝶突兀地道謝,明面上都無嘢值得多謝。
子瑜領會到啲乜嘢咁,微微點頭道:「嗯。」
「你哋無啦啦講咩多謝?不過你唔鍾意恆仔係好事,佢個人太鹹濕,唔值得擁有你呢啲咁可愛嘅人做女朋友!」吳純永遠都能夠喺適當嘅時候出嚟破壞氣氛。
「嗯嗯!」胡蝶急忙點頭。
「係啦!條成龍唔配。」子瑜隨便附和。
「咁我⋯⋯我會追恆樂,因為我真係鍾意佢⋯⋯可以?」胡蝶先係堅定咁講,後來卻向子瑜詢問。
大概胡蝶仍未能夠說服自己子瑜唔鍾意恆樂,女生嘅直覺,胡蝶太相信自己嘅直覺。
胡蝶直覺係子瑜鍾意恆樂,但子瑜因為在乎胡蝶呢位朋友而唔敢明言。
胡蝶心中浮現罪惡感,自己提早講出鍾意恆樂呢件事搞到子瑜要壓抑,無論子瑜係唔係真正咁鍾意恆樂,子瑜喺胡蝶面前都唔可以講出鍾意恆樂,要將感情壓抑,否則友誼同個人形象都會崩塌。
就結果而言,胡蝶率先喺眾人前表白嘅行徑令子瑜無論如何都無辦法講出心入面真實嘅諗法,無論佢係唔係真係鍾意恆樂,即使胡蝶嘅直覺話子瑜同自己鍾意同一個男仔。
自己係咪做錯事?
係咪唔應該咁樣講出口,講出鍾意恆樂嘅事?
朋友嘅感情同自己有衝突時,我選擇咗自己。
胡蝶都好煎熬。
胡蝶苦思一會,佢要揀嘅係恆樂。
「你無必要問我喎,我同恆樂只係朋友,我同佢無嘢㗎!你同佢發展我無所謂喎,我仲會同你打氣。」子瑜微笑住答。
綠嶺
2022-09-26 17:41:09
子瑜嘅笑容令胡蝶揪心起嚟,明顯地講大話嘅笑容。
因為自己嘅愛情迫到朋友進退兩難。
胡蝶亦確信子瑜喺鍾意恆樂,唔係嘅話子瑜就唔會笑到咁苦。
「不過胡蝶點鍾意佢都好,恆仔都會繼續扮我男朋友,始終我啲莊員已經當咗佢係我男朋友。」吳純一個屈尾十又做氣氛破壞者。
「我都會!我都需要佢繼續扮!」聽到吳純嘅話後子瑜衝口而出,講完出口知道返唔到轉頭嘅子瑜就連忙解釋:「因為⋯⋯我仲想佢幫幫我,幫我學同男仔相處。」
「其他男仔,唔得咩?」胡蝶問。
「唔得呀!我同恆仔公認㗎啦!」吳純大條條咁講。
「我無識其他男仔,得佢可以幫我。」子瑜解釋。
明明應該放手,但子瑜見到吳純嗰種理想當然就馬上唔執輸咁強行宣告自己要留係恆樂身邊,即使已經選擇唔鍾意佢。
子瑜就只係想留喺恆樂身邊,即使因為被牽制而唔能夠出手,但係都想盡量親近恆樂。
子瑜怯生生咁低下頭,等待胡蝶嘅答覆。
胡蝶知道子瑜想留係恆樂身邊,或許係為咗追求,胡蝶唔係恆樂女朋友,所以根本無權力去阻止他人接近。
但係胡蝶冀望嘅係吳純同子瑜都可以遠離恆樂身邊,恆樂身邊嘅女人有胡蝶就夠。
胡蝶反思之際吳純搶答:「咁大家一齊繼續做佢女朋友!個衰仔真係有女朋友先再諗下我哋呢啲假女朋友點啦!佢一日未有真嘅女朋友,我就一日都會癡住佢。雖然佢有女朋友嘅話我都會癡住佢。」
胡蝶表情有啲複雜咁答:「嗯。大家都係因為有需要先搵佢扮男朋友,我又未係佢女朋友,所以我無權趕走佢身邊嘅女仔。大家就繼續好好咁做佢女朋友。」
「咁就啱啦!更何況你未必真係追到恆樂呢!」吳純笑住講。
「嗯嗯。」胡蝶尷尬地點頭。
子瑜聽到後就鬆一口氣,依家仲可以留係恆樂身邊。
胡蝶對住子瑜莞爾一笑,心中嘅波浪在翻滾,自己唔係唯一嘅女人。
迫到子瑜講唔會追恆樂,但子瑜又選擇留係恆樂身邊,子瑜又有冇察覺自己嘅矛盾?
危機感。
胡蝶因為朋友子瑜而感到危機感,為愛情帶嚟變數嘅友情。
子瑜,若你奪去我嘅愛情,我哋仲可唔可以做朋友?
至於子瑜,佢對胡蝶有嘅係歉意,今日嘅衝動有好多。
對恆樂嘅好感硬係唔能夠好好控制,明明已經選擇咗退讓,但係有幾次都忍唔住講話想留喺佢身邊。
我呢個女人真係好矛盾,又好卑鄙。
連鍾意都唔可以照直講。
最後嘅吳純則心諗,恆仔個衰仔都竟然咁多女埋身,睇嚟佢都有啲料到。
胡蝶、子瑜同吳純,繼續以假女朋友嘅身份留喺恆樂身邊。
小火花
2022-09-26 23:07:23
原本以為會係修羅場, 最後竟然變左樂仔可以光明正大 開後宮
鐵拳無敵鍾培生
2022-09-27 00:25:48
但其實就算子愉講話唔鐘意恆仔都好,
到最後落決定嘅都係恆仔,
而就算佢拒絕埋恆仔都好
恆仔大機會只會變頹,而唔係會轉而鍾意胡蝶,咁都係製造咗個悲劇啫
伊藤園菜肉包
2022-09-29 01:21:38
推
文青死全家
2022-09-29 08:55:25
好好睇 推比多d人見到
綠嶺
2022-09-29 13:58:05
星期六再更新sorry sorry
伊藤園菜肉包
2022-09-29 19:04:55
辛苦晒
綠嶺
2022-10-01 23:06:46
「好!打機!」吳純馬上拎返起遙控器繼續打機。
銀包決定由子瑜交返俾恆樂,而交遞嘅過程中,胡蝶同子瑜都不約而同地發現,寫係身份證上嘅係恆樂生日。
下個禮拜就係恆樂生日。
然而在場嘅大家都默不作聲。
打打下機吳純突然好似諗到啲乜咁然後開口:「話時話,下個禮拜係恆仔生日。」
子瑜同胡蝶同時虎軀一震,佢哋兩個唔願意放上枱面嘅說話又畀吳純一臉唔在乎咁放到陽光下。
「係呀可⋯⋯」
「係咩⋯⋯」
胡蝶同子瑜斷斷續續咁講,眼神不約而同地避開對方。
「我已經諗好咗點樣同佢慶祝㗎啦,準備好晒㗎啦。約好咗㗎啦。」吳純突然拋出一句。
子瑜同胡蝶猛然咁擰頭望向吳純,估唔到對手已經率先出手。
實際上,吳純並無約到恆樂,因為佢哋每年冇需要特別約定都會喺晚上碰面,所以吳純當自己已經約好咗恆樂慶生。
子瑜因為強烈嘅落後感,子瑜又再衝口而出:「我都會同佢慶祝!」
子瑜講完之後就馬上後悔,明明已經決定咗退讓,點解自己一遇到恆樂嘅事就會咁衝動?
恆樂雙手揞住口望向胡蝶再講:「我指⋯⋯我都想同佢慶祝生日正日,當係多謝佢。」
子瑜向胡蝶解釋。
唔關愛情事。
明明冇必要解釋。
慶祝唔一定係正日,不過子瑜好想恆樂生日嘅正日見到自己。
想畀壽星仔喺生日陪自己。
想恆樂重要嘅日子有自己。
綠嶺
2022-10-01 23:08:36
「我⋯⋯」
輪到胡蝶迷惘。
子瑜咁矛盾,我要點做先可以令佢離開恆樂?
唔想輸,唔想無咗恆樂。
子瑜又加插一句:「我同恆樂⋯⋯只係朋友,我想好好咁多謝佢。所以就算係半日,我都想同佢慶祝。只係想感謝佢!!我無其他意思⋯⋯如果你唔介意嘅話⋯⋯之後我都唔會再叫佢扮男朋友,我想同佢嚟一次最後嘅約會,之後就唔會再纏住佢。所以,你可以放心追佢,我唔會插手。」
子瑜呢個不成解釋嘅解釋,喺胡蝶眼中似係一個請求,請求胡蝶嘅批准。
越界嘅說話唔少。
界,胡蝶表明心意後,子瑜就唔可以踏過界,鍾意朋友喜歡嘅人嘅界。
子瑜終於決定告別,以及一個告別式。
埋葬自己感情嘅告別儀式。
胡蝶見子瑜近乎渴求嘅話語、閃縮嘅眼神、被上唇咬住嘅下唇,胡蝶又點能夠拒絕呢位朋友?
更何況對方都話呢次之後就會「分手」,咁樣佢哋嘅相處變少,對胡蝶都未嘗唔係好事。
就畀子瑜好好咁告別,再送佢離開恆樂。
然後,對手就淨低已經輸咗嘅吳純。
雖然內心有所抵觸,但胡蝶理性一轉後就點頭:「我又唔係佢女朋友,所以我無所謂。不過如果可以嘅話,你可唔可以同佢淨係朝早玩?」
子瑜喜出望外咁點頭,再咬唇後講:「嗯⋯⋯多謝你。同對唔住。」
「無事。你加油呀。我信你唔會亂嚟。」
綠嶺
2022-10-01 23:09:13
胡蝶清楚自己做緊嘅有幾咁仆街。
胡蝶要自己朋友唔好再追鍾意嘅男仔,贈予佢一個約會嘅日子去告別。
要朋友為咗自己嘅戀情而犧牲朋友嘅戀情。
即使對方已經承諾過會離開,胡蝶因為擔心會有變數而明言要對方唔好亂嚟。
一切都係為咗自己。
胡蝶知道咁樣好仆街、好賤同好自私。
但係今次係佢第一次咁想追到一個男仔,亦都係第一次想追男仔,佢唔敢想像失去對方嘅日子。
胡蝶將愛情置於友情十幾層之上。
為了愛情。
胡蝶再次「決定」子瑜並唔鍾意恆樂,佢哋只係朋友。
反之子瑜。
為了友情。
將胡蝶同恆樂都當作朋友。
只是友情。
咁就可以留晒喺佢哋兩個身邊。
畀我從遠一點嘅距離眺望就可以。
咁樣兩個我喜歡嘅人都會喺身邊。
子瑜都「決定」唔鍾意恆樂。
博愛特色專一主義
2022-10-01 23:46:11
「決定」
鐵拳無敵鍾培生
2022-10-02 00:16:32
子愉bb
佢真係好善良
綠嶺
2022-10-02 22:52:59
「???」喺一旁嘅吳純一臉惘然,佢問:「無啦啦做乜講對唔住?子瑜你做錯咩事?」
子瑜嘆口氣,開始識應對吳純嘅佢就講:「無事,我踩到胡蝶隻腳姐。」
「咁你小心啲啦,踩到人痛㗎。」
「嗯。」
「話時話,好彩你哋約朝早同埋夜晚,我一早預咗同佢喺凌晨先玩遊戲,喺房入邊玩。」吳純突然加入恆樂慶生約會討論區。
子瑜同胡蝶只能夠苦笑回應,始終冇可能恆樂返屋企,加上恆樂已經拒絕過吳純,所以兩人都唔太擔心吳純會搞出乜樣花晨。點知佢真係搞啲花晨出嚟。
不過兩個人最介意嘅始終係對方,恆樂要對吳純出手嘅話一早就應該出咗,到依家都無事就即係無事。
吳純大概只係想吹噓下自己先咁講。
對吳純嘅話無上心嘅子瑜講:「哈哈,小心啲。」
「話時話,我覺得恆仔真係幾鐘意我,佢成日都望實我對波。」吳純出奇不意咁托住自己對波講。
面對突如其來嘅挑釁,胡蝶同子瑜嘅妒忌心,不甘後人嘅衝動令佢哋有點兒失控。
子瑜戴晒頭盔咁講:「我覺得佢只係⋯⋯唔係成認叻或者比較,只係個衰人成日都借啲人掂我⋯⋯當然我好唔舒服好唔鍾意俾佢掂到。」
相對上無肉體優勢嘅胡蝶就轉戰另一個面向講:「不過我都聽講佢係鍾意啲比較斯文嘅女仔,佢又話過大波著衫唔好睇,佢應該鍾意啲苗條啲嘅女仔。」
「大波著衫唔好睇係因為佢想睇大波妹唔著衫姐,邊有男人唔鍾意大波?」吳純講。
「大波當然係好,但搵女朋友嘅話唔洗咁大嘅。性格同相處上有冇新鮮感同刺激感都好重要。或者帶到男人去見識多啲嘅女人都好好。」子瑜表面上係附和緊胡蝶性格嗰一句,但實際上係想講俾到好多刺激感嘅恆樂嘅自己都唔輸蝕。
「係呀,男人都鍾意啲聽話嘅女人。」最乖巧嘅胡蝶講。
「em⋯⋯我都係覺得大波最吸引男人。」
「聽話、唔洗男人煩嘅女人好似好啲。」胡蝶回應。
「身材中等又古靈精怪嘅都唔差。」子瑜又加入混戰。
綠嶺
2022-10-02 23:06:45
沉默。
一譚死水。
無客人在場嘅sale客大會。
「都無共識嘅!」吳純忽然咆哮。
「咁樣⋯⋯其實都無咩嘅⋯⋯每個男人鍾意嘅都唔同嘅⋯⋯」子瑜試圖結束呢個段對話。
「鹹魚青菜各有喜好⋯⋯可能⋯⋯或者⋯⋯係囉,」胡蝶含糊咁講。
「唔理啦!瞓先啦!早抖!」吳純講完就攤上沙發休息。
呢個晚上,胡蝶知道恆樂鍾意自己同子瑜,而子瑜話自己唔鍾意恆樂,恆樂亦拒絕咗吳純,咁即係胡蝶依家好大機會得米。
胡蝶決定子瑜係唔鍾意恆樂,所以佢唔需要擔心子瑜嘅感受,可以全力去追求恆樂。
前提係子瑜真係鍾意恆樂。
下個禮拜恆樂嘅生日,胡蝶決定係出現任何變數之前出手將一切塵埃落定,得就得,唔得就唔得。
胡蝶冀求,恆樂同子瑜喺迪士尼嘅時候唔好發生意外。
三女共渡一晚後就散水,恆樂隔咗一日終於忍唔住好奇心走咗上子瑜studio問個究竟。
「你做乜上嚟⋯⋯?」子瑜見到恆樂後先喜後悲。
高興但唔可以畀自己高興,已經決定咗唔會鍾意恆樂,即使心唔係咁覺得,子瑜都決定好咗自己嘅心意,唔可以再畀自己因為見到恆樂而開心。
「問下你咩事呀嘛!琴日你講到咁大鑊!」恆樂激動咁捉住子瑜雙肩問。
「喂也⋯⋯」子瑜雙頰通紅、怕羞咁甩甩膊頭想fing開恆樂雙手。
子瑜明明已經選擇唔鍾意恆樂,但畀佢掂一掂又春心蕩漾。
「呀⋯⋯sorry。」恆樂意會到子瑜嘅唔情願,於是佢更用力捉住子瑜膊頭。單純為咗抽水。
「⋯⋯你⋯⋯」因為恆樂特登捉住自己,子瑜無奈咁講。
「呢啲小事唔好理住啦,你哋發生咗咩事?」恆樂無視子瑜嘅不滿問。
「總之就係⋯⋯我哋幾個一齊去咗海灘玩,開頭都相安無事,但係因為有一人漏咗個銀包係到,搞到我間studio差啲爆發世界大戰。」子瑜概括咁講,之後就將銀包遞畀恆樂。
職業扮工
2022-10-03 10:00:44
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
第 33 頁
第 34 頁
第 35 頁
第 36 頁
第 37 頁
第 38 頁
第 39 頁
第 40 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞