《是咁的,我一炮過有咗三個女朋友(假)》

983 回覆
148 Like 26 Dislike
2022-08-20 12:03:12
吳純好堅強
2022-08-20 13:11:17
硬係覺得會好似青梅竹馬嗰陣咁俾吳純食埋恆樂隻豬
2022-08-20 19:37:40
吳純
2022-08-21 15:02:35
吳純扮到正常,恆樂先會正常咁係佢身邊。

吳純無等恆樂嘅回應就返咗屋企,着住泳衣嘅佢攤咗落床,臉朝下,淚水慢慢湧出。

或者,自己對恆樂嘅鐘意俾想像中多,只不過一直都冇察覺到。

呢份鐘意嘅感覺要有人嚟爭嘅時候先放大,自己真係好可悲。

但係好傷心。

自己都做到咁出面都收皮。

由細個到依家嘅回憶就好似走馬燈咁浮現係吳純腦海,每一幕都有恆樂身影。

幼稚園、小學、中學畢業。

每次分手都陪自己喺便利店出面飲酒,有新劇會一齊喺廳到追,想食糖水嘅晚上都會捉佢出去。

恆樂一直都係自己身邊。

下一幕就係恆樂拖住胡蝶,之後搬出去嘅畫面。

心絞痛。

日久生情。

只不過以前一直都冇察覺。

傷心,就只可以今晚傷心。

聽日要act like normal,唔係嘅話我哋就冇辦法move on。

明明係自己選擇破壞青梅竹馬關係,明明以前唔會後悔自己做嘅決定,但係今次真係有一啲啲痛心。

不過唔走呢一步,佢哋嘅關係就只會一直都係青梅竹馬。

將近失去先發現嘅情感,真係可悲。

吳純望望手機,胡蝶打咗幾次俾佢,但吳純全部都無聽。

胡蝶又打嚟。

吳純遲疑咗陣,接咗個電話佢乜都無講,只係嚎啕大哭,胡蝶則一語不發咁將哭泣聲收入耳內。

胡蝶打嚟本來係想阻止吳純,又或者問結果,但係聽到佢喊嘅嗰一刻已經估到結果。

胡蝶估唔到吳純會咁快同咁突然出手,一切都毫無先兆,如果佢唔講嘅話,自己真係會乜都唔知。

胡蝶擔心自己出手之前,恆樂已經做咗人哋男朋友。

儘管心入邊對吳純同情,但知道佢失敗嘅時候就有一種安心感湧上心頭。

好矛盾,自己好仆街,因為人哋嘅不幸而感到安心。

但係如果人哋係幸運嘅話,不幸嘅就會係自己。
2022-08-21 15:03:26
背德感。

高興但唔可以高興。

所以胡蝶只能靜靜咁聽住吳純喊。

另一邊廂,恆樂就喺廳到閉目養神,整理緊頭先發生咩事。

「唔通係我嘅桃花期!?先係子瑜後到肥佬,依家再到吳純⋯⋯肥佬唔應該計⋯⋯」恆樂自言自語。

恆樂估唔到吳純對自己有異性嘅鍾意。

比起心動,佢更多嘅係震驚。

不過對方都話聽日一切如常,就一切如常。

反正無論如何恆樂都唔打算疏遠吳純,佢一直都好珍惜呢份青梅竹馬嘅關係,所以佢都唔想吳純離開自己身邊。

不過可以玩嗰對波呢個真係非常大嘅誘因,再者,佢哋兩個識咗咁耐,相處上都冇乜問題,夾又真係夾得幾好,做女朋友⋯⋯等多陣之後⋯⋯都可以?

只係個feel未係咁大,同埋子瑜真係比到好多心動自己。退一步講仲有胡蝶,講feel嘅話胡蝶真係排最後。但係講相處,同埋夾唔夾,一定係同吳純相處最舒服。

但係自己已經拒絕咗吳純,所以只能盼望溝到子瑜。
2022-08-21 15:05:46
烈日當空、藍天白雲、深綠嘅海水同白啡色嘅沙,明媚的陽光下嘅石澳沙灘上有三個外貌清秀嘅女仔。

佢哋三個有一個共通嘅身份——常恆樂嘅假女朋友。

雖然都係假女朋友,但各人嘅情報量好唔同。

頭戴闊邊帽、身穿黑色一件式、露背、小部分北半球露出嚟嘅係子瑜。子瑜知道恆樂除咗佢之外有兩個假女朋友,其中一個係胡蝶,另一個係同子瑜素未謀面嘅恆樂嘅青梅竹馬,名叫吳純。恆樂俾過吳純嘅相子瑜睇,所以子瑜應該認到吳純個樣。

行文青風、綠白格紋荷葉袖兩件式嘅裙式泳衣嘅就係胡蝶,目前知道吳純係恆樂假女朋友,未知第三名假女朋友存在。

純白經典款比基尼、身材最為高挑、乳房為三人中最大嘅就係吳純,目前知道恆樂有兩個假女朋友,分嘢係吳純同胡蝶。亦係恆樂口中得知恆樂對呢兩個女仔以外嘅女仔非常之有興趣,換句話講即係最鐘意,但未知呢個女仔嘅身份。

三條女之中有兩條女好不安。

時間返到三條女喺筲箕灣狗鐵站等嘅時候,最早到嘅子瑜因為思索緊點樣同胡蝶解釋恆樂嘅事而苦惱。

過咗陣,當佢見到吳純同胡蝶肩並肩咁樣出閘,再行過自己身邊嘅時候,佢就知道瀨嘢。

胡蝶苦惱咁不停講嘢,但係吳純就好似愛理不理咁係咁笑着hea應胡蝶。

之前恆樂俾過吳純嘅相子瑜睇,所以子瑜知道呢條女就係恆樂嘅第三位假女朋友同青梅竹馬。

不過喺胡蝶講嘢之前,子瑜都心存僥倖,我覺得佢哋只係咁啱撞到,吳純唔會係一齊玩嗰條女嘅。

點知道世事就係咁橋。

一嚟就震撼教育,子瑜成個人精神晒。

「子瑜,早晨呀!佢叫做吳純,係我新識嘅朋友。」胡蝶手掌指向吳純介紹。

今鋪仆街。

子瑜一額冷汗,心諗今鋪都唔知點解釋。

恆樂三個假女朋友聚首一堂,而知道大家共同身份嘅就只有子瑜。

最少喺恆樂到聽返嚟嘅版本,得子瑜一個知道晒事件嘅全貌。

但係喺條仆街仔唔知嘅情況下,吳純同胡蝶傾咗啲乜嘢根本冇人知。

子瑜本身諗住同胡蝶好好講清楚恆樂嘅事,但依家又出現咗個極大變數,今次真係唔知點拆。

一係依家大家三口六面講清楚,胡蝶對恆樂無乜好感嘅話子瑜就去馬。

胡蝶對恆樂有feel嘅話⋯⋯再算。
2022-08-21 15:27:05
準備百合貼貼,求正評
2022-08-21 15:54:42
2022-08-21 16:13:02
GChi百合3P綁住傷人心嘅恒仔
2022-08-21 21:03:17
恆樂cls
有咁正嘅女 可以諗起個肥佬
2022-08-21 21:51:52
希望子愉勇敢啲
2022-08-21 23:39:05
入戲肉了
2022-08-23 03:20:20
Pish
2022-08-23 17:21:49
竟然唔係開後宮,而係百合
2022-08-23 21:26:07
子瑜又唔知吳純同胡蝶知唔知對方都係假女朋友,唔清楚互爆有咩後果。

頭好痛⋯⋯

吳純突然撲向煩惱嘅子瑜,子瑜心諗唔通呢個係抱頭攪殺!?唔通吳純知道子瑜係假女朋友所以要殺人滅口!?

估唔到自己要咁樣慘死。

只不過背脊嘅觸感軟淋淋,好舒服。

子瑜用力咁吐出一句:「放⋯⋯放開我⋯⋯我死啦⋯⋯」

點知吳純無視子瑜嘅SOS,反而攬得咁實仲好興奮咁講:「你真係好可愛!」

「可⋯⋯愛⋯⋯」子瑜臉開始青起嚟。

旁邊一臉驚青嘅胡蝶拍拍吳純手臂講:「吳純,你放開子瑜啦⋯⋯」

「好啦。」吳純聽話咁放手。

「唔⋯⋯唔⋯⋯該晒⋯⋯」重獲自由嘅子瑜吸住大口氣講。

「胡蝶你果然講得無錯!子瑜真係好可愛!」吳純滿足咁豎起手指公講。

子瑜心諗今鋪含晒,三個假女朋友係晒到。

子瑜好想問佢哋知唔知道大家都係恆樂嘅假女朋友,又好想知道佢哋知道嘅情報量同自己差幾多。

子瑜最想知道嘅係其他人知道子瑜都係假女朋友未。如果其他人都知道嘅話,自己就唔使咁辛苦咁去解釋。

「胡蝶呀,你同吳純點識㗎?」抖返順條氣之後子瑜問。

「friend 搭friend 囉。」吳純搶先回答。

「friend ⋯⋯」子瑜若有所思地回答。

子瑜心諗,唔通係恆樂?但佢冇理由咁蠢,會比兩個假女朋友咁樣認識。

⋯⋯

應該唔會咁蠢?

⋯⋯

可能真係會。
2022-08-23 21:44:37
恆樂:正是在下
2022-08-23 22:08:42
子瑜對恆樂嘅智商有啲疑慮,佢可能真係做得出將兩個炸彈放埋一齊嘅行為。

「朋友⋯⋯」胡蝶細聲咁咕嚕幾聲咁講。

「好啦!我哋出發去沙灘啦!我叫uber!」吳純振臂高揮之後就立馬叫咗㗎 Uber,再一手拖住子瑜一手拖住胡蝶走去坐的士。

子瑜心諗,唔通今日我要成為拆彈專家?

本來以為剩係得一粒炸彈,點知突然出現兩粒大炸彈。本身仲有自己嗰粒炸彈要拆,今鋪真係剪不斷理還亂。子瑜頭都大埋,佢而家淨係想狠狠地教訓恆樂,怪責佢自己唔好好拆彈。

不過話時話,子瑜諗起自己都係炸彈之後就冇咁嬲。

子瑜已經冇乜去玩嘅心情,淨係想快啲拆好晒啲炸彈。

到底吳純同胡蝶知唔知道佢哋各自喺恆樂嘅假女朋友?

吳純同胡蝶知唔知道子瑜都係假女朋友?

吳純同胡蝶又有冇鍾意恆樂?

子瑜一日未搞清楚呢啲問題,個心一日都囉囉攣。
2022-08-23 22:30:49
子愉好適合做皇后主理後宮
然後胡蝶同吳純就做妃嬪

2022-08-23 22:44:05
Push
2022-08-23 23:42:09
本來以為剩係得一粒炸彈,點知突然出現兩粒大炸彈。

係六粒大炸彈
2022-08-24 16:01:28
另一方面,胡蝶喺地鐵車廂出閘之後就遇到吳純,胡蝶馬上就關心佢,問佢琴日做乜嘢喊同埋發生咗咩事。最重要嘅係胡蝶想知道吳純同恆樂表白嘅事,想知係咪真係拒絕咗,即使琴日聽到吳純哭成淚人,但自己都想要確切嘅答案。

又要關心對方,又驚對方會以為自己係想探口風先關心佢而生氣,胡蝶處於呢個兩難嘅局面。

本來以為子瑜會冇咁快到,胡蝶可以慢慢探口風,但係點知一出閘就見到子瑜,唯有暫時收口。

見到子瑜之後,心入邊有湧現一股愧疚感,自己呃咗子瑜話恆樂係自己男朋友,明明只係假女朋友。

不過佢哋都隱瞞就要繼續隱瞞落去,雖然欺騙朋友唔係好事,但係而家只能焗住隱瞞落去。

胡蝶而家淨係想知道恆樂同吳純咩關係,自己仲有冇機會坐正。

至於吳純,佢心諗呢兩個女仔都好可愛,之後着泳衣一定好好睇,嘻嘻。

琴晚嘅表白雖然失敗,但係自己已經講明咗會去繼續追求恆樂,所以呢啲未來嘅事未來再算。

恆樂有一個比胡蝶更鍾意嘅女仔,呢樣嘢就陣間得閒先同胡蝶講,至少睇咗佢泳裝先再講。

吳純嘅情緒平復得好快,雖然有啲唔開心,但係都冇阻佢今日興奮嘅心情。

大概呢啲就係頭腦簡單嘅特徵。

今日好好睇美少女着泳衣,嘻嘻嘻。

再好好咁同佢哋玩。

吳純笑得像一個純真的孩子。
2022-08-24 16:04:14
去到沙灘之後,三人就係更衣室換上泳衣。

「要露出嚟啦!」吳純講完就交叉手咁除咗自己件表衫,再兩三下散手除埋下身嘅藍色牛仔熱褲,衫底下嘅肌膚馬上暴露喺陽光底下,佢嗰套性感嘅純白比堅尼泳衣非常搶眼,特別係佢對波咁大。

子瑜同胡蝶見到吳純毫無預警下突然喺公眾地方除衫睇到面紅耳赤,但吳純反而一面理所當然。

子瑜同胡蝶見到吳純對波之後都不約而同咁將雙手放喺自己對波到,自愧不如嘅感覺湧上心頭。

「你哋快啲換啦。」吳純雙眼發光咁望住二人。

「唔好望到實一實啦⋯⋯」胡蝶嘴上雖然抱怨,佢仍然默默脫去上衣,露出佢一早着好喺入面嘅文青泳衣。脫去長裙,入面就係泳衣式嘅短裙。

「嘩!!胡蝶你都非常之可愛啊!嘻嘻。」吳純笑到成個癡漢咁。

子瑜則係吳純冇為意嘅時候除晒衫換上露背式一件頭泳衣,但係玩上身之後發現頸上邊條繩自己綁唔到,於是佢向胡蝶求救:「胡蝶,可唔可以幫我綁結?」

「好呀!」回答嘅係吳純,佢一個箭步跑到子瑜身後,用手指尖畫過佢露出嘅背。

「呀~」子瑜因為敏感而情不自禁地呻吟。

「你背脊真係好靚!又白又滑,好似公仔咁冇瑕疵!」吳純邊講邊用手指去摸子瑜。

「呀⋯⋯唔好再掃啦。幫我打結先啦⋯⋯」子瑜全身酥麻,無力反抗他人嘅襲擊,只能夠嘴上求饒。

「好啦好啦,陣間再摸!」吳純滿足之後就幫子瑜打下個結,子瑜鬆一口氣嘅同時諗起佢話陣間再摸就覺得有啲不安。

「吳純呀,你唔好咁樣蝦子瑜啦。」胡蝶嘟住嘴為子瑜出頭。

「呀~依家夠膽講嘢咁多,都唔知似邊個。好啦!我就聽你話啦!我哋依家放晒啲嘢入locker之後出發!」吳純講完之後就將三個人嘅行裝塞晒入去locker,再拉住兩條女出沙灘。

吳純就喺沙灘上擺上沙灘墊,再打開喺士多租返嚟嘅太陽傘。

「坐啦坐啦。」吳純高興地道。

「唔該晒。」子瑜同胡蝶異口同聲咁講。

「係喎,你哋有冇人有帶太陽油?」吳純翻咗翻袋,發現太陽油冇喺袋,應該係自己唔記得咗帶。

「我無呀⋯⋯」胡蝶一面歉意咁望向子瑜。

「我都無⋯⋯呀!唔緊要啦,我去士多買!」子瑜講完之後就跋腿跑去士多。

幾經辛苦終於搵到可以自己一個嘅時間,子瑜好想快啲同恆樂講而家發生嘅事,睇吓佢有冇辦法拆彈。

如果佢乜都做唔到嘅話至少自己都可以鬧鳩佢洩憤。
2022-08-24 16:48:43
微GL
2022-08-24 22:58:34
如果恆仔喺道
恐怕只會造多幾個核彈
2022-08-26 00:26:35
子瑜走到同其他兩個女仔一段距離之後,馬上拎出電話打俾恆樂。

「嘟⋯⋯嘟⋯⋯」電話響咗好多下都冇人聽,子瑜急躁起嚟講:「條友搞乜呀⋯⋯」

「喂。」恆樂沙啞嘅聲線從電話中傳出。

「你搞咩呀咁遲先聽電話!」子瑜第一句就係抱怨。

「咁呀⋯⋯冇問題呀,轉頭再講我瞓先。」睇嚟恆樂仲未瞓醒,死廢青日日都瞓到黃朝百晏。

「喂!唔好cut線知呀,有大鑊嘅事呀!」子瑜激動咁叫。

「嘩!咁大鑊啊,我哋轉頭再講啦。我諗諗計拜拜。」

「喂!」

子瑜未能夠及時阻止恆樂,瞓到迷迷糊糊嘅恆樂已經cut咗線。

子瑜只能夠原地抱怨,隔住螢幕數臭恆樂。

子瑜:賤人!胡蝶同我同吳純三個依家一齊喺石澳玩緊,你快啲諗計點拆!

子瑜:本身我唔知吳純會嚟,係胡蝶叫埋佢嚟。依家你三個女朋友聚首一堂,我依家真係緊張又刺激!你諗到解決方法嘅話,我就考慮吓實現你一個願望,所以唔該你快啲覆機!

子瑜send完呢段訊息出去之後,恆樂last seen仲係琴晚,睇嚟條友冇諗過起身。

子瑜嘆口氣,放棄對恆樂有所期待,慢慢繼續去士多買嘢。
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞