《是咁的，我一炮過有咗三個女朋友（假）》

胡蝶好正

真真正正做到黃子華講嘅「不主動、不抗拒、不負責」

煩膠黎架喎

即使兩個人仲係一齊，恆樂都未曾真心咁開心過。

「⋯⋯」

「⋯⋯」

恆樂同胡蝶行葵廣嘅時候，兩個人就只會無言咁拖住。

「點解⋯⋯你唔問嗰日嘅事？」一段時間後，恆樂終於忍唔住開口問。

「你仲係香港⋯⋯我已經無嘢想問。」胡蝶淡言地答。

如果恆樂要追子瑜而離開香港嘅話，胡蝶根本就阻止唔到。

「點解仲同我一齊？」

「咁樣⋯⋯仲算一齊？」

「我都仲當你係女朋友。」

「女朋友⋯⋯呀⋯⋯」胡蝶拖住恆樂嘅手輕輕發咗下力。

「如果⋯⋯可以嘅話⋯⋯不如當個日嘅事無發生過？我哋重新開始。」恆樂無恥地提出。

恆樂都好似無以前咁想溝女，無咗子瑜之後就無咗動力去追女仔。

咁啱胡蝶又仲係佢身邊，有個伴係到都算係咁。

同胡蝶嘅感情確實唔深，而且停濟不前，但係有個伴總好過無。

身邊得返胡蝶嘅恆樂無恥地要求胡蝶裝作無見到恆樂出軌，重新同佢一齊。

賤撚到。。。。。。。

恆仔好賤呀

我對恆仔好失望啊，竟然最後都放棄子愉

咩叫身邊得翻蝴蝶 明明仲有個吳純係屋企等緊佢

「我⋯⋯做唔到住⋯⋯」胡蝶口咁講，但係依然拖實恆樂。

「咁我哋依家係咩關係？」恆樂問。

「你頭先咪話咗我係你女朋友。」胡蝶低頭指出恆樂先前嘅說話，自己嘅諗法隨胡蝶低頭收起到內心深處。

「咁你點諗？你只係講我當你係女朋友。咁你呢？你有當自己係我女朋友？」恆樂察覺到胡蝶隱瞞自己嘅諗法，再將所有嘢拋到恆樂身上，嗰種責任嘅重擔令恆樂十分不適。

胡蝶唔想去思考、唔想為咗做出自己嘅決定而痛苦，所以佢先想將所有嘢推畀恆樂。

胡蝶唔想諗佢同恆樂嘅關係，要去諗嘅話，胡蝶大概會掙扎與痛苦好長時間。

唔想痛苦嘅話，咁不如將所有嘢推晒落恆樂到，佢話一就一，咁樣自己就無咁痛苦，悲傷嘅回憶亦都唔洗上返嚟。

「⋯⋯點解要搵個名俾佢？繼續拖手、繼續做嗰啲嘢、繼續閒話家常，咁樣咪好。點解要俾個名去我哋嘅關係？你想我係女朋友，我咪係女朋友囉！」胡蝶激動起嚟，恆樂正正喺到迫胡蝶反思。

「即係⋯⋯我哋唔係做返情侶？」恆樂咄咄逼人。

「你決定啦好嗎？」胡蝶開始有啲歇斯底里。

「哦⋯⋯隨你。」恆樂半放棄咁答

胡蝶需要救贖

有閪你就屌啦 係咪想逼死人啊

如果淨係想吊西，咁咪話做 SP 算

胡蝶心諗，你會咁對子瑜咩？

矛盾到極。

胡蝶唔想諗，但係子瑜時不時就會浮出嚟。

好難唔同子瑜比較，胡蝶控制唔到自己，明明唔想諗。

胡蝶同恆樂一齊嘅時候有種感覺，有種自己係子瑜嘅感覺。

渾身不適。

胡蝶自己亦因為咁不自覺地妒忌子瑜起嚟，但又無法討厭佢。

傷害子瑜嘅係自己，應該被討厭嘅係自己，但係子瑜同恆樂機場擁吻嘅後一日，胡蝶收到子瑜嘅道歉whatsapp，到依家胡蝶都唔知應啲乜嘢好。

胡蝶諗過道歉，不過作為受害者嘅自己道歉又唔係好對路，又但係胡蝶覺得自己都有道歉嘅必要。

「所以，我只係子瑜嘅替代品？」胡蝶唔小心衝口而出。

如果恆樂答我，咁樣一切都唔會再有懸念。

扮咩有懸念姐 狗仔恆一定會答唔係啦

恆樂猛然回頭，心虛地吞咗啖口水再講：「你就係你。」

恆樂都唔知係唔係大話。

子瑜離開後，胡蝶成為喺恆樂身邊最長時間嘅人。

胡蝶始終係胡蝶，代替唔到子瑜。

子瑜有嘅嘢，胡蝶身上無咁多。

可以話子瑜依然係最後，胡蝶唔係最愛，但係都係鍾意到可以一齊嘅程度。

兩個人仍舊唔願意放手。

兩個都怕放手就返唔到轉頭。

愛與更愛。

「你暫時，都係以後都唔係搵我。」胡蝶遇完就頭也不回咁走咗去，眼角嘅淚水源源不絕咁流出嚟。

「SP！一定係SP！」吳純信誓旦旦咁講。


恆樂返到屋企之後馬上就同吳純分享，睇下點樣可以氹返掂胡蝶。

吳純就睇得通啦，只係 SP

胡蝶

「邊係呀，我哋有傾計唔係淨係做愛㗎。」恆樂反駁。


「屌，有撚分別咩。」吳純撥晒手咁答。


「少少啦。」恆樂唔帶解釋咁講。


「Anyway，你仲鍾意子瑜？」吳純轉移話題。


「嗯。」恆樂點頭。


「咁胡蝶呢？」吳純又問。


「都鍾意。」


「好心你啦，都成年啦，仲唔嗲唔吊，你諗下點係咪要繼續同胡蝶咁樣走落去啦。」吳純出乎意料地語重心長咁講。


「你無事呀嘛？無啦啦咁正常都有嘅。」恆樂擔心地問。


「屌你啦，我都會成長嘅好唔好？」吳純挺胸地答，挺胸時吳純嘅雙乳自然地彈咗幾下。


「終於！連個腦都開始長大。」恆樂感動地道。


「食屎啦你。你條粉腸呀，咁樣喺女朋友錫另一條女都可以全身而退，你都算犀利。」吳純拍晒手講。


「咪提啦。」恆樂唔鐘意人哋提起佢同子瑜喺機場擁吻再扔低胡蝶嘅事。


「鍾意同一齊，兩回事嚟嘅。」吳純煞有介事咁講。


「都係嘅，啲人結婚嗰個都未必係最鍾意嗰個。」恆樂點頭答。

pish

吳純會唔會突然feel到希望

但恆仔最多只係對吳純對奶有興趣

吳純已經會好滿足

「不過你諗下啦，胡蝶一個女仔乜都畀晒你，一直願意陪住你嘅得佢㗎咋。吳純語中心長地道。

「咩呀，我仲有你呀嘛。」恆樂輕浮地答。

「傻咗咩，我要走啦，陪男朋友。」吳純不以為然地道。

吓？

吳純語出驚人，恆樂呆撚咗。

不過吳純一早已經決定走下一步，作為一個隨心嘅人，加上先前對恆樂已經失望，吳純係恆樂掙扎呢段期間踏出咗一步。

兩年前，吳純發覺自己鍾意恆樂去到表白失敗。

上年吳純再進攻然後又再失敗，最後吳純已經無耐心等落去。

「吓，你幾時有新仔㗎？」恆樂扮作鎮定地答。

「無耐之前啦，唔講啦！你自己諗諗佢啦！」吳純講完之後就頭也不回咁離開恆樂間屋出去搵男朋友，又留低啲碗碟恆樂洗。

吳純都唔想講太多，簡單地交代一下自己想講嘅嘢之後就走了，當係了咗自己一個心願。

恆樂身邊嘅女伴走下又一個，走下又一個，而家淨返一個關係尷尷尬尬嘅胡蝶。

都成一年，或者自己唔可以再做仆街，係時候俾個答案。

自己都由胡蝶year 1拖到人哋就嚟畢業，呢個女仔最美好嘅青春都俾晒恆樂。

恆樂就仲係咁不負責任。

連吳純都走埋，如果恆樂乜都唔做，胡蝶好可能都會走埋。

如果胡蝶都走埋，恆樂真係唔知自己點算，又要有無盡嘅寂寞？

「點部署好呀？」恆樂長嘆。

吳純都走埋，身邊就只係得返胡蝶。

自己仲係好鍾意子瑜，但係子瑜又唔聽自己電話，到底自己可以點做？

「我諗到啦！」吳純突然返轉頭。

「nani！嚇死人咩！無啦啦返嚟。」恆樂怪責突然回頭嘅吳純。

「是咁的，你可以⋯⋯」

吳純提出一個大癲嘅諗法。

「咁撚癲！？」恆樂叫出嚟。

「呢個方法最直接，又可行，又可以埋個尾，算係咁啦！」吳純自信滿滿咁講。

「我諗諗做唔做啦。」恆樂回答。

恆樂其實都決定好，要好好咁處理呢份感情，不論係為咗自己定係為咗胡蝶。

好想知咩計咁爆

齊人之福