最後就係介紹領隊
近代比較出名既有2000年代初期既侯利亞,係2001年帶領利物浦拎小三冠王,聯賽盃、足總盃、歐洲足協盃冠軍
亦都有2005年帶領利物浦拎第5次歐聯冠軍,同埋2006年因為神奇隊長謝拉特射一球「世界世界既波,有今生冇來世!」而拎到足總盃既肥賓賓尼迪斯
中間亦都經歷過學神年代,利物浦排係中游,起用高哲斯基同禾朗連既黑暗日子
係杜格利殊既臨時拉伕後,羅渣士走馬上任亦都曾經為利物浦帶來一絲衝冠希望
最後,當然係現任領隊高普既介紹
雖然高普暫時未能為利物浦帶來冠軍,不過睇波最緊要係有希望
係高普帶領下至少入過3個盃賽決賽,亦都暫時係英超排名第一,雖然最終可能拎唔到冠軍,但至少睇波睇得開心覺得隊波係會贏到而唔係長期死老豆、未開波就覺得輸少當贏
因為今季既成績,我係英國時都許下一個承諾,如果今季冇跣走個英超冠軍,我係2019-2020年度會再去英國、再去利物浦