[毒撚出城]大英祖國17日回鄉之旅

同之前一樣，我都係使用London Pass去參觀溫布萊球場
如果冇London Pass就盛惠22蚊英鎊
一入場就會見到溫布萊球場既舊相片


舊溫布萊球場使用既旋轉閘口


舊溫布萊球場模型，當中包括舊球場最出名既雙塔


而家既溫布萊球場模型，右邊就係而家世界上最大無支撐的拱門

介紹完溫布萊球場既歷史之後，作為英格蘭國家隊既主場，當然要講埋1966年拎世界盃既歷史啦


1966年英格蘭國家隊就係溫布萊球場捧起雷米金盃
可惜呢個盃係1970年巴西三奪冠軍可以永久保存後被偷走
而家世界上可以睇到既雷米金盃都只係仿製品


2020年歐洲國家盃將會由多國合辦
而英國就成功爭取到係溫布萊球場舉行決賽

溫布萊球場既博物館位於Crossbar之內，Tour Guide會派一部導覽機之後由參觀人士自行參觀


溫布萊球場會舉行英格蘭大大小小既賽事決賽
由最高級既足總盃去到社區盾、甚至係英冠升班附加賽都有


英格蘭係現代足球既發源地，所以佢地國家隊主場就係Home of Football

溫布萊球場係舉辦得最多次歐聯決賽既場地，總共有7次咁多


當中利物浦就係1978年係溫布萊第二次捧起歐聯冠軍


溫布萊球場除左足球賽事外，亦都會舉辦其他活動
當中有拳擊比賽、欖球、美式足球以及演唱會等等


參觀完展覽，去到呢個咁靚既裝飾下就停低等Tour Guide同另一個參觀人士

等埋另一位來自俄羅斯既女參觀者後，就出發去球場既其他地方
Tour Guide邊行邊介紹，印象最深刻就係佢話溫布萊球場係世界上最多廁所既場地，總共有2618個咁多


行左一陣就出去睇球場草地同看台啦
(呢個就係Tour Guide )


由高空望晒成個球場
雖然溫布萊球場Stadium Tour都係要人帶，不過因為Tour得兩個人參加，所以想係邊度停都可以隨時提出
而且呢個Tour Guide影相好掂，佢幫你影相拎既角度同構圖都係一流

1948年倫敦奧運所用既五環旗仍然保留係溫布萊球場內


睇完五環旗之後就開始望入球場後勤地方
係球場內不同地方都有溫布萊球場既舊相展示


Tour Guide特別介紹呢張舊溫布萊球場雙塔被拆既相


係球場內部第一個睇既就係記者室
呢度真係好大好靚，導覽機更加有記者會既360度影片
只可惜而家呢度被熱刺污染左

溫布萊球場有4個更衣室，我地會參觀其中2個
第一個就冇特別佈置，只係掛起左不同球會既波衫


最特別只有謝拉特既國家隊4號波衫


第二個就佈置成英格蘭國家隊既主場更衣室
(呢個就係一齊行Tour既俄羅斯女性，不過佢對足球冇興趣，全程都係問演唱會既野 )

英格蘭國家隊由1至23號既波衫
我就當然坐埋去8號軒達臣度影相啦

離開更衣室後就準備經球場通道出場
(可唔可以幫我用PS整走個Come On You Spurs )


一出到草地望上去又係熱刺標誌


溫布萊球場既全景圖

溫布萊球場既後備席


參觀完後備席，Tour Guide就帶我地行呢條捧盃之路
溫布萊球場傳統上捧盃都要行上去Royal Box，舊球場只需行39級，重建後就要行107級


行到一半望向隔離就會見到傳媒座位


轉上去行埋呢條樓梯就去到Royal Box

去到Royal Box因為有另一個Tour既人未走，Tour Guide就同我地傾住計等佢地走


Tour Guide話中間兩個位係俾威廉王子同佢夫人坐
跟住佢問我地要唔要坐上去影張相
之後我同俄妹都分別坐上去扮下威廉王子睇波


由Royal Box望出去個景特別正
我地參觀完Royal Box之後就完結成個Tour

參觀完就返去Wembley Park站搭地鐵走人


回程都要影多次


回程我都係搭Metropolitan Line，不過今次直接搭到總站Aldgate站


有細心留意我呢日行程既話，應該會發現我係未食過野
所以我去到Aldgate後就搵左Istu試下D壽司


三文魚壽司加麵豉湯雖然要成6蚊英鎊，但食落唔差

冇呀
佢話好掛住香港點心, 完場問我餘下行程去邊

食完壽司就行去Tower Gateway站搭Docklands Light Railway(DLR)
是日行程只係安排左兩個球場，淨低既時間就搭多D交通工具，用盡個Cap
DLR係倫敦東部既一個輕鐵系統，1987年已經通車
列車全自動駕駛，但有時都會有職員負責開閂門


第一程係坐B92列車，由龐巴迪係1993年開始製造
鐵膠搭車當然要揀車頭坐啦


去到Westferry站就轉另一架B07列車去Canary Wharf站
Canary Wharf站附近係倫敦一個重要既商業區，連住車站亦都有大商場同寫字樓

係Canary Wharf站商場行左一陣之後，就繼續搭車


今次搭另一條線由Canary Wharf站去Stratford站
今次架車就有職員負責開閂門


去到Stratford站架車停定後我先影相，今次都係B92列車


當然唔少得影埋站牌

Stratford站位於倫敦東部英女皇伊利沙伯二世奧林匹克公園旁邊
所以落車後我冇即刻搭另一架車走，而係行一行公園先
一行入公園就見到ArcelorMittal Orbit同後面既倫敦體育場
ArcelorMittal Orbit都係拎London Pass可以免費入場，不過我去到時已經閂左門


倫敦體育場，係奧運過後已經成為韋斯咸既主場


所以球場外都有韋斯咸既專門店，不過同樣已經閂左門

參觀完奧運公園，就行返去Stratford站(其實都要行5分鐘)
返到去就搵地方食晚飯，最後係Westfield Stratford City度搵左間越南粉


望落好似好Pro咁，唔知食落點呢


叫左個生牛肉湯河同椰青水，加埋超過10蚊英鎊
食落味道就一般啦，唔稱得上難食但亦都唔可以叫好味


食飽就係商場內行下
呢個商場都幾多野行，如果安排行程去奧運公園不妨係度兜個圈食個飯

離開商場就去搭車啦，呢度有齊地鐵、Overground、火車同DLR
所以我諗搭咩車都諗左好耐


決定左之後就可以入閘


紅色既站牌


其實我係搭地鐵Central Line，不過我搵唔到地鐵版既Stratford站牌
雖然位於Stratford站既Central Line係地面路段，但其實Central Line係深層隧道路線，用1992列車架

搭到去Bank站之後就轉車


行去搭最短既Waterloo & City Line


成條線只有2個站，就係Waterloo站同Bank站
Waterloo & City Line同Central Line一樣係用1992列車


理所當然地我去到Waterloo站就落車

係Waterloo站又轉另一條線，今次係Bakerloo Line


Bakerloo Line同Paccardilly Line一樣都係用1970年代既列車
Bakerloo Line更加用再舊D既1972列車


1972列車既車頭車尾係用對向座位
(btw 深層隧道路線既列車原來車內扶手都唔同色，係今日搭咁多條線先發現 )


搭到去Queen's Park站就落車

去到Queen's Park就由地鐵轉Overground


Overground用Class 378 Capitalstar電力火車，係龐巴迪專為Overground而設計


2009年先開始投入服務既列車明顯新淨D同舒服D


呢條Overground路線由Watford Junction站開到Euston站


係Euston站除左呢一個箱外，搵唔到任何Overground既站牌同標誌

反正都Cap左，由Euston站去Russell Square都搭巴士


巴士係Euston埋站時我影唔到相，於是我落車就衝去車頭影相
點知司機見到後佢示意我慢慢影，話等我影埋先開車
我影完之後就同佢講Thank you，佢竟然想除埋安全帶叫我上司機位影
不過我唔想阻住其他乘客，同佢講多幾次Thank you同示意唔洗影司機位後就離開

個車長咁鬼熱情 , 俾著香港應該有唔少車長怕巴敗多過咸魚

應該搭下由港鐵營運嘅tfl rail 嘛