[毒撚出城]大英祖國17日回鄉之旅

係Pier Head有三座1900年代起好既建築物，被稱為The Three Graces，呢座就係其中之一既Port of Liverpool Building


聖誕節臨近，The Three Graces對出既海濱邊成左一個遊樂場


呢個Ice Jet睇落好似冇咩野，但一見到轉得咁快就知道唔講得笑
D人玩完出黎個樣重辛苦過玩過山車



行到Pier Head既盡頭就見到The Titanic Memorial
佢係紀念鐵達尼號沉沒時仍然緊守崗位工作到最後一刻既船員

行完Pier Head海濱就行Museum of Liverpool


首先會介紹利物浦既碼頭歷史，第一個碼頭係1715年已經開始使用


跟住有Manchester Dock既木製水閘
Museum of Liverpool正正建築係填平左既Manchester Dock之上


1830年，英國第一條完全使用蒸汽火車既鐵路正式開業，Lion蒸汽火車就係其中一架火車連接曼徹斯特同利物浦

至於利物浦既碼頭區域，亦都建設左Liverpool Overhead Railways
1893年開業直到1956年結束，因為佢係架空鐵路，所以又被稱為Dockers' Umbrella


係航運逐漸沒落同被取代後，利物浦既碼頭亦都要搵新出路
其中Albert Dock就係1984年改變成為旅遊景點


Albert Dock同附近地區既模型，右上角就係填平左既Manchester Dock亦即係而家Museum of Liverpool既所在地

睇完1樓就上去2樓睇埋Liverpool Overhead Railway


呢個區域模擬返以前Overhead Railway既車站


重有當年既車廂環境

最後就睇埋位於3樓既Double Fantasy，係講John Lennon同小野洋子


現場既環境會令人覺得好憂傷，所以我冇影過任何相，除左Lennon Wall
呢度都係建議大家親身去感受一下，單靠文字唔會有果個震撼


參觀完Museum of Liverpool已經天都黑齊，咁就可以去Albert Dock行多陣同埋睇下夜景

當自己一個人係Liverpool One行緊既時候，今朝認識既兩位利迷話不如一齊食晚飯，咁反正夜晚係利物浦都冇咩野行，就不如一齊出黎吹下水


係Liverpool One見到既馬車，隻馬好唔開心咁樣


會合左之後就行左去China Town附近既Bar睇波同食晚飯


叫左一個雜扒Share黎食


我自己就食一個Mac n Cheese
Bar既野食真係幾抵，雖然唔係好食但至少夠平，叫個野食飲兩杯野就坐一晚

睇完曼聯作客賽和修咸頓2比2之後就離開，去China Town行下


不過China Town一入夜就閂晒門，反而附近既街道重有好多中餐館營業中
不過China Town值得一讚就係新年快樂而唔係新年快乐

最後就再次行返去Albert Dock同Pier Head既海濱
係同行利迷介紹下認識左The Three Graces同利物浦既景點


首先係最高既Royal Liver Building


夾係中間最唔起眼既Cunard Building


同埋今朝已經影過既Port of Liverpool Building
該利迷話「日頭睇你唔會覺得呢三座建築物有咩特別，但夜晚睇就好靚」，我睇完表示認同


睇完The Three Graces後我地就講再見啦，佢繼續係海濱散步而我就返去酒店休息
我間房就係2樓左邊數起第4間房，所以望出黎個景都算唔錯

rms Titanic係為左抗衡rms Lusitania而建造, 可惜首航撞冰山咁就無左

第十一日 (2/12/2018) 星期日


呢一日一早就起左身，一來係緊張訓唔著，二來係樓下好嘈
一落到去就見到道路封閉


向住Albert Dock方向行，行到一半就見到好多聖誕老人
原來今日有特別活動


企左係度睇左一陣，見到男女老幼都參加，有D重帶埋隻狗
同埋聖誕老人除左紅色都有藍色，唔知係咪愛華頓球迷所以著藍色呢

睇聖誕老人睇到咁上下，我就去Albert Dock既海事博物館參觀


一開始既展覽係介紹RMS Lusitania既一生


RMS Lusitania既模型

RMS Lusitania由Cunard Line所建造，係1908年落水後一直來往利物浦同紐約
但去到1914年第一次世界大戰爆發後，部分既郵輪被徵用作英軍專用船隻例如改裝成皇家醫療船


雖然RMS Lusitania冇被徵用，但係全黑塗裝下於1915年5月一次橫渡大西洋既航程中被德國潛艇擊沉
事件導致1,198人死亡，包括部分美國公民


係第一次世界大戰結束之後，有人製作壁畫去紀念船上遇難既人


至於被改裝成皇家醫療船既RMS Mauretania，反而係整個一戰期間都安全完成任務，戰後更加服役至1934年先被拆毀

已Upload，今晚會出

呢兩隻船最後都悲劇收場

睇完RMS Lusitania就去睇另一個展覽The Battle of the Atlantic


剛才睇既RMS Lusitania就係一戰時期被擊沉，所以展覽都係有關一戰時既海戰
而The Battle of the Atlantic就係第二次世界大戰時既海戰，由1939年開始直到1945年先完結


係二戰時期，英國仍然係依靠海上運輸將貨物物資由世界各地運返英國
於是德國就係大西洋靠近英國既海域佈置一系列既潛艇同水雷，務求將英國既海上運輸路線封鎖

德國主要利用U-Boats去轟炸途經目標海域既英國船隻
特別係1940年德國入侵法國後，U-Boats更加可以由法國既軍港做補給同出擊，覆蓋範圍更廣大


U-Boat U-99模型同相片
U-Boats其實都係潛艇既稱呼，係用來區分同盟國(Submarine)同軸心國既潛艇


除左用U-Boats直接攻擊外，德國亦都會用戰機/U-Boats係海域投下水雷
當金屬製造既船經過水雷附近時，金屬既磁性就會引爆水底下既水雷
係戰爭初期，德國就係英國附近投下左幾千粒水雷

當1941年德國入侵蘇聯後，蘇聯正式加入大西洋海戰
德國除左要係大西洋對付英美聯合海軍外，重要係北冰洋攻擊蘇聯船隻


黑色部分係德國佔領左既地方
而蘇聯既船隻為左避開德國攻擊，就派戰機係離開挪威岸邊更遠既地方護航


當英美開始聯合護航同盟國船隻後，德國將U-Boats攻擊拓展到加勒比海，係1941-1942年間加勒比海擊沉既船隻比英國附近海域更多

lm

高質深度post，繼續留名欣賞

由1942年開始，當雷達愈來愈成功地發現德國U-Boats，英美甚至加拿大可以將大西洋護航既力量幫助埋北冰洋既蘇聯船隻


當德國發現近岸唔能夠再有效使用U-Boats時，就將U-Boats調派到大西洋中部，係海中心攻擊同盟國船隻


納粹德國海軍既旗幟同埋相關既物件展示

其實呢個展覽係好多野睇好豐富，我係度睇到唔捨得走，只可惜我下晝要去睇波，而睇波係更加重要既

博物館內亦都有講座，今期係講鐵達尼號
我都想聽架，不過1點半先開始但我4點鐘就要睇波

博物館另一個非常吸引我既展覽就係Titanic and Liverpool: the untold story


人地細個第一架模型多數係高達，而我第一架模型就係鐵達尼號
鐵達尼號相信都唔洗點介紹，大家都耳熟能詳


冰山最恐怕既地方唔係水面上突出既部分，而係你唔知水底下既冰山係有幾大
所以當鐵達尼號扭到盡剛剛好避開水面上既冰山時，其實水底下已經被冰山割開船隻底部


鐵達尼號首航時既路線同埋浸沒時附近船隻既最近位置
路線下面亦都有D小知識，包括由見到冰山到撞埋去只有30秒時間等等

當鐵達尼號係4月11號晚上11點40分深夜撞到冰山後，只係2小時40分鐘，鐵達尼號已經完全沉沒係大西洋之中
不過為左避免恐慌，船員係冇通知所有乘客即時逃生


有睇電影既都可能記得Captain Smith係船隻沉沒一刻返去舦房既一幕
呢一位經驗咁豐富既船長最終都葬身於佢最熟悉既海洋


呢個展覽都解答左一D疑問，包括係咪真係有Jack同Rose兩個乘客、鐵達尼號係咪號稱永不沉沒的郵輪等等