[毒撚出城]大英祖國17日回鄉之旅

上船啦，呢架船叫Millennium Diamond


船艙內好靚，有梳化有檯亦都有落地玻璃


開船冇耐，架船轉彎向格林威治方向就已經見到塔橋
之後更加會穿過塔橋橋底

食完This This This就去上層睇風景


泰晤士河水上服務除左City Cruises之外重有Thames Clippers(當然重有其他)
Thames Clippers由倫敦交通局營運，停站同班次都密過City Cruises
不過London Pass就包City Cruises唔包Thames Clippers


另一架City Cruises既船，呢架就舊同細過我地坐果架



30分鐘左右船程就由Tower Pier去到Greenwich Pier

落船後第一個吸引我地既竟然係聖誕裝飾既郵筒


重有Cutty Sark，我地之後會返黎參觀


首先直接行去Greenwich Park



呢度超多松鼠，停左係度差不多10分鐘淨係睇松鼠食野

去到Greenwich Park重點當然係格林威治天文台


入場費要15蚊英鎊，不過London Pass又係包左


入到去第一時間就參觀子午線
彈出彈入呀打我呀笨


香港位於東經114度，時區就係UTC+8 (子午線正正就係UTC 0)

格林威治天文台既主建築物
上面個波波就係著名既八角室紅色報時波


由主建築物望出去既風景，可以望到千禧巨蛋同國家海事博物館


話明天文台，展覽品都係關於天文/地理咁，當中包括地球儀
鍾意地理既我淨係地球儀都可以睇5分鐘


另一個有世界時間既地球儀，我特登影返香港時區
天文台內重有好多好有趣既展品，不過唔一一貼出黎

離開天文台前就睇埋1851年Airy量度子午線既Transit Room


子午線既介紹
雖然Airy係1851年量度到新既子午線，不過呢條子午線到1884年正式確立

離開天文台後，就去行下Greenwich Market
不過呢度冇咩野睇，成個場好細好快行完


行完Greenwich Market就返去河邊既Cutty Sark
Cutty Sark入場費都要12.5蚊英鎊，不過都係有London Pass


一入場就見到Cutty Sark既船底同水線

不過一入到船就見到殘體字既茶葉貿易介紹


好快咁睇完最底層，跟住就去上一層船艙



呢一層有Cutty Sark轉為運羊毛快船既介紹
亦都有介紹Cutty Sark係服役期間去過咩地方運過咩貨


Cutty Sark既模型

睇完中間果層船艙就上去甲板參觀


桅杆上有職員扮聖誕老人係度做維修工作



係甲板正中間有船員訓既房
房中間擺左盤象棋，復原返當年船員既娛樂設施


係睡房隔離就係廚房，整個航程既伙食就係呢度準備

參觀完中間就去船尾既駕駛位置影相


船尾既船軚盤


係船軚盤扮完船長之後就入去船長室參觀

船長既睡房


應該係船既會議室同船長休息既地方


參觀完Cutty Sark就可以係甲板旁邊離開


離開後係會去到Cutty Sark既真正船底
為左方便維護，所以成架Cutty Sark係升起左
於是船底就成為左一個大型活動空間

參觀完Cutty Sark就返去Greenwich Pier搭船


回程架船同去程唔同D, 不過今次冇留意架船叫咩名


雖然只係5點，不過個天已經黑晒，但著左燈既塔橋就更靚


原先以為會係吊橋下過，點知唔係

過左塔橋就見到貝爾法斯特號軍艦


係泰晤士河會經過好多條橋，呢條冇記錯應該係Blackfriars Bridge


返到去市中心一帶，就會見到Coca Cola London Eye


搭左成1個鐘船程，返到去Westminster Pier就落船

落船後就行30分鐘左右去特拉法加廣場


再係特拉法加廣場行去Leicester Square既Burger & Lobster


叫左1磅半既燒龍蝦
個汁真係好好食，不論係點龍蝦肉定薯條都好正

食飽後就係Leicester Square行下，睇下燈飾咁


呢張圖可以睇到已經開始落雨，於是我地就行多一陣Leicester Square


係諗到唔知有咩做之下，一路行一路搵開蓬巴士站
最終搵到去特拉法加廣場後決定放棄，搭巴士返Hostel休息

終於追番晒
睇英超真係每個球迷既夢想

最衰自己英文差，唔係應該首選會去左英國先

黎緊應該去北歐j極光先

多謝

btw 英文差到睇都睇唔明？如果唔係都唔洗怕喎

未做過777

坐

我自己鍾意睇歷史 同博物館，英文冇咁好 始終有d浪費

第十四日 (5/12/2018) 星期三


今日又係去Russell Square站搭地鐵Piccadilly Line


搭到去Green Park站就落車


出站後求其搵左間Pret A Manger食早餐
之後就沿The Mall去今日既第一個景點


我地就係去睇白金漢宮衛兵交接
雖然好多Blog/遊記都會講到，但都要提多次睇衛兵交接前一定要上官網Check Schedule
好似我地呢一個星期只有星期三同星期五兩日會有交接

如果接受到重口味倫敦都有唔少醫學博物館

白金漢宮是日升起左皇室既旗，即係事頭婆係入面
友人重話會唔會見到事頭婆同我地揮手呢


雖然我地10點已經到達，不過都只係可以霸到對面既位置，去唔到白金漢宮閘前
企左一陣之後，就見到騎兵團係外圍經過
騎兵團過左之後，就見到白金漢宮閘口附近既人起哄


之後有架掛左皇室旗既私家車駛出黎，附近既人更加大聲歡呼
我話架車一定係事頭婆，友人話唔會掛
後來問返一個警察，佢話我地好好彩可以見到事頭婆出巡

超高質
旅遊同小知識都兼備

事頭婆離開白金漢宮冇耐，衛兵就開始出場
首先係奏樂既儀仗隊



之後就係跟隨住既步兵衛隊


當交接既衛兵入左去之後，好快就有一小隊衛兵先行離開

https://www.householddivision.org.uk/changing-the-guard-calendar
網址除左可以睇邊日有衛兵交接外，重可以睇埋係邊一個軍團負責
不過我已經睇唔返12月5號係邊一個軍團負責
(但12月4號係倫敦塔就有影低係愛爾蘭衛隊(rish Guards) )