給十九歲的我 張婉婷 #1 fan

既然今日都塵埃落定，我可以出多個post講呢套戲
雖然都依然有機會俾人話我係打手。
Yes, 我係人渣，我冇信哂萬字文。


張婉婷畢業作品已經拎金像獎最佳導演

我敢講全香港由「非法移民」開始都未試過有讀電影嘅學生嘅畢業作品能夠超越到「非法移民」嘅高度。戲入面仲要全部喺同學同埋素人演出咁濟，有邊個導演有佢嘅功力？

仲要畢業兩三年之後嘅第二、三部作品，橫掃金馬獎金像獎多個獎項。

佢基本上由第一套戲到而家都未試過有一套戲係差

成個職業生涯都係得到認同，攞獎攞獎攞獎。

佢一早上咗岸，仲使鬼追求名利錢？


如果你質疑呢一點，我會想問一問你，佢哩十幾年仲係咪一個多產嘅導演？有冇濫拍電影黎賺錢？點解要拍紀錄片呢啲完全係票房上係唔會搵到幾多錢嘅種類黎"搵錢"？

我寧願佢追求名利錢，返大陸呃飯食
就唔駛咁戇居，幫母校拍一套吃力不討好，仲要冇錢收，仲要倒貼嘅紀錄片，仲要用十年拍加剪

就算給十九歲的我，佢拍嘅時候已經係六、七十歲，作品出到嚟係好到我覺得全香港冇其他人會拍到。
後生仔後生女都更加拍唔到，十年唔使搵錢咩？

你有錢有地位嘅時候想貢獻返俾社會或者自己嘅母校，結果就出事，搞到你晚年咁悽慘。喺功利社會講心，講教育意義，然後得到咁嘅結果。

BTW, 唔好同我攞KJ音樂人生去比較給十九歲的我
個導演當年係nobody, KJ音樂人生成就嘅係導演。
KJ個導演因為套戲由nobody變成somebody.
佢亦唔係由2001年拍到2007年。
佢係2001年拍過男主，到2007年又決定再拍男主。
男主角亦喺佢拍完一啲片段，馬上要求佢唔可以放上電影，佢亦都應承咗男主角唔會。但佢唔止放嗰啲片段上電影，仲要放埋上trailer....
佢得到咗名利後，亦都冇關心過男主角嘅生死

但給十九歲的我拍攝期間，導演同團隊係咪有付出真心同關心幫Madam補英文/陪香港小姐食飯/俾啲女仔拍微電影玩下

唔好拎個用紀錄片上位嘅張經緯黎比較一個80年代已經係美國拍戲，啲戲紅撚到衝出咗亞洲，大把人識同鍾意嘅一級名導演。

佢已經上咗神壇三十幾年，好穩陣嗰隻，你想屈佢靠給十九歲上位，同屈一個盲人偷睇國家機密冇分別。

睇過套戲嘅人，細心回想返幾次社會事件，啲畫面係咪揀啲示威者相對和平一面嘅畫面？定係揀咗對示威者不利嘅畫面？
回想返套戲想講啲社會事件對年輕人嘅未來嘅影響，
用嘅係咩音樂？係咪反映咗導演擔心香港年輕人嘅未來？
回想返套戲除咗某啲運動片段，有冇透過學校選舉或者學生同女督察對話反映咗年輕人嘅想法？

回想返套戲啲唔同老師呈現嘅面貌，會唔會令教育者睇咗之後，反省自己對學生夠唔夠關懷同胸懷？

回想返套戲，會唔會諗起東京奧運嘅時候，有啲人怪某個運動員退出港隊。但套戲所呈現嘅馬燕茹，會唔會令你了解到退出港隊，最痛嘅就係當事人。退出唔代表當事人半途而廢/唔努力，相反人哋係真係盡左所有嘅力，投入所有嘅時間。

套戲明明就俾機會我哋了解年輕人，唔同嘅年輕人。


但以後都唔會再有香港紀錄片係講年輕人
點解會有人想take 哩個risk?


我希望你哋滿意哩個結果

樓主走先

我不嬲預測風向吹到咁行係兩個原因：
想爭獎同埋想套戲唔再面世

今日都塵埃落定，啲PR今日都收工啦
仲有人會理我咩

offtopic 講起張婉婷，應該都冇乜人知，93年佢已經幫亞視新聞拍過一個牟宗三先生特輯，都係紀錄片形式，唔知樓主有冇睇過，非常正。其中有一幕我特別深刻(3:00)，係影住牟先生好似平時咁揸住拐杖行入新亞中學，再行上去新亞研究所講夜校課，同時影住啲中學生放學同周圍走嚟走去，但係佢哋都唔知道突然之間行過嘅呢個阿伯，係影響力非常深遠嘅新儒家哲學大家

https://youtu.be/kE_MPexQINc

你唔蝦老人家，蝦細路女

香港人都唔稀罕紀錄片，俾啲有金句嘅賀歲電影佢哋就夠㗎啦
佢哋而家連自己失去咗啲咩都唔知

輕輕一推

推

你每一句嘅贊賞都係對阿聆嘅傷害

推
撐樓主

好好笑， 出名就不想再出名？佢回塘好耐， 得歲月神偷可以見得人， 不是為爭獎為名， 點解有一個成人後一直沒簽名冇同意的人要佢刪除片段佢不肯，
仲有6個入面其實有兩個反對， 一個是被隊crew 欺騙

有一個是喊足五年先有得退， 佢真是關心學生點解逼人留下來？ 喊足五年先delete

有感情又如何一有感情就可以不顧他人意願？


佢是出名先更恐怖， 家長就是因為佢是知名導演先信佢

有冇人知首純音樂係咩歌，次次聽都想喊
本身等佢出soundtracks
https://youtu.be/-0bJrj98-Gw

請證明香港小姐事先知道Ling未簽，佢都會跟住唔簽。定係香港小姐點都會簽？

請證明Ling話喊足五年先有得退嘅嗰個人，佢喊足五年呢件事有冇誇張失實？

佘係簽咗consent, 佢approve咗套戲可以公映，但又出黎講"真心話", 咁樣係咪仲叫反對？

家長咁耐以黎都冇出黎講一句，你點知佢哋覺得導演係名導演所以信佢？

有幾出名？講真我80後都唔撚識佢

希望佢唔會打萬字文話我蝦佢

你咁老咁無知仲咁大大聲
無知係咁值得驕傲？
佢出唔出名唔係由我哋決定，係由客觀事實決定

笑死, 佢拍完神偷之後就拍19啦, 佢回塘咪因為主力回饋母校囉.
講真歷史會還番公道俾佢, 一定會上神枱, 19一定係歷史級數電影, 除非香港消失左無人再提.

on9先信喊5年先比退，轉校唔撚得嘅？又唔係得英華可以讀書

真係唔知
好有意境
謝分享

樓主敢言 最憎d偽道德撚 揸住雞毛當令箭

首先, 唔係個個年青人都想比人了解
而且要了解年青人絕對有比紀錄片呢種咁單向嘅方式更好
ok, final fantasy一吓, 就算當時人肯比公眾了解, 而你又話紀錄片搵唔到錢, 問心, 會唔會免費公開播影？唔好講到話了解年青人咁大義, 好醜架

唉 但歷史還返公道俾佢又點
佢都未必會知
佢哩個歲數要承受咁多惡毒說話，
真係命都短幾年（touch wood 希望唔會)
唔想佢含屈而終

透過欺榨手段拍返黎的個人成長紀錄片
真係唔需要再有

但佢真係值得擁有. 可惜只係大部分香港人有生之年應該都睇唔到.

根本係無視年青人意願
犧牲人地人生去so called 了解年青人
呀唔係
自願先叫犧牲
被迫個d叫獻祭