話說呢單案件發生係2006年3月17號星期五凌晨一點幾(希望我冇記錯),事件發生後嘅即日已經有晒鑒證科同警務人員現場搜證,如果有睇我節目當年,講到第二日就已經叫食環署清洗成個隧道!陰謀嘅事就發生係七個月後,2006年10月20號深夜凌晨,有組織罪案及三合會調查組即係O記,帶着八個職員去到案發現場帶被封鎖現場嘅膠條攝錄機等等,以我嘅理解就係想喺現場製造一個佢哋想嘅現場環境證據,放滿佢哋想要嘅道具,拍攝低用作後來死因庭嘅證據,由於徐步高係冇辯方律師根本就冇可能質疑上庭嘅資料係咪真實!幾恐怖可!但當晚咁橋有一位記者想回到隧道就撞到呢班警察,咁班警察當然好愕然就表示即刻收隊離開!但係當然你可以想像佢隨時可以喺死因庭開之前在凌晨返到隧道做呢場大龍鳳,即係話其實上庭嘅所有證據都可以係假㗎!都可以係偽造!同埋用客觀啲去諗你七個月先返到現場搜證?有冇可能呀?除咗刻意做假之外我諗唔到第二個原因!當然我手頭上完全冇嗰八個O記嘅同事名單,就算有都要佢哋肯出嚟指證警方做假,10年後要佢哋咁樣做真係難過登天!
呢單野我從來都冇講過!嗰個溫馨提示嘅警員叫我唔好再查落去㗎嘛!真係越查越恐怖!咁依家就比大家參考吓!
雲海講番...嘩 好陰謀論...單案真係好睇過戲
有無巴打有當年既報導片段分享 除左tvb