我承認我係一個達粉,從Sleeping Dog睇到Rage2,基本上都係風雨不改。
我之前都有出過po叫人珍惜達哥: https://lihkg.com/thread/1079528/page/1
但今次真係要停睇一陣
只要達哥一直無表態,我對佢都會有所保留
身為一個公衆人物(仲要係香港KOL界公認龍頭),如果你對香港市民最關心既事情視而不見,不敢回應的話,我覺得你都唔配賺我地香港人既錢。
有可能你會話我惡過共狗,同紅軍無分別,逼人表態。
但我只不過係過唔到自己心理關口,我希望(或者必須知道)我支持既人係同香港人企同一陣綫。並不是深夜發個test video個滑鼠指住個焦土,或者自己直播講:知道我為人既兄弟就知道我性格。
你一向既夢想都係希望可以帶歡樂俾人,但今晚既直播,我真係完全笑唔出
當然你有權保持沈默,等事情過去後繼續娛樂大眾。作為你粉絲,我無反對的理由。
但老實講句,大戰當前,你講既每一句話,都娛樂唔到我。
6月9號!大家到時見!