呢個app免費好好用，有曬全部camino路線，介紹詳細，庇護所有評分，可以參考下
西班牙朝聖之路 (五十日長篇)
WiFi密碼
984 回覆
115 Like
3 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁
呢個app免費好好用，有曬全部camino路線，介紹詳細，庇護所有評分，可以參考下
唔該巴打先
我而家plan緊 3月尾 4月頭
唔計行路，起點/終點 來回Madrid 都要用一日
如果由Leon行過去 +/- 1日 都係成15日
好糾結
我而家plan緊 3月尾 4月頭
唔計行路，起點/終點 來回Madrid 都要用一日
如果由Leon行過去 +/- 1日 都係成15日
好糾結
真係唔夠時間的話 可以考慮吓搭巴士去Finisterre
後面嗰幾日路程意義無咁大
不過行咗好耐終於見到海個感覺係幾正
後面嗰幾日路程意義無咁大
不過行咗好耐終於見到海個感覺係幾正
因為屋企裝修順便去旅行
因為庇護所七點先有早餐食，所以就冇人五半點起身執野走人，今日可以比平時訓多成粒鐘。
早餐都係常見嘅餅乾加蛋糕仔，麵包搽果醬、牛奶同咖啡。
雖然食早餐係三個人一齊食，但係一樣分開出發。
唯一唔到既係，今日姐姐好快執完嘢就出左發，我同大叔今日就殿後，之後我地又去搵cafe買麵包晏晝食，點知麵包買唔到，但係就俾我地撞到Charlie。
當我地正想入間Cafe嘅時候， Charlie就啱啱食完早餐推門出黎，咁都咁啱撞到所以就一齊行啦。
今日條路由Logrono到Najera，基本上都係冇得揀一定要行28km，因為只係得兩個選擇：
1.行12km去到Navarrete就停，然後成日都唔知可以做乜
2.行28km去Najera，一個更靚更值得停留嘅小鎮。
相信正常人都會選擇後者，所以我都有心理準備今日要行好耐。
一開始出城條路都算係有趣，沿住個公園行有山有水，經過一個湖風景算係唔錯。
但係出左個湖之後就弊喇，一路沿住高速公路行，不斷吸廢氣。
加上今日嘅朝聖者異常地多，路上每隔二三十米就一批朝聖者，真係想係路邊搵個地方小便都唔得。
Navarrete係一個好多庇護所嘅小鎮，應該係俾啲唔住Logrono嘅人黎呢度投宿一晚，小鎮本身冇乜特別，不過佢有個都算幾華麗嘅教堂，App話佢既祭台係呢個地區最有代表性嘅作品之一，屬於十七世紀巴洛克風格。
其實我本身都幾鐘意睇教堂，
法國之路上每個村鎮，無論幾細都好，都會有一座教堂係村嘅中心，而佢既規模同精緻程度住住同條村嘅大細唔成正比，算係展現左朝聖之路係中世紀輝煌嘅一面。
所以每經過一個教堂，我都會去睇下佢有冇開門，呢個亦都可以話係我朝聖嘅方式(事先聲明我唔信教架)。
雖然沿路大部份教堂都因為冇人看管而唔開門，我諗我每去五間先有一間開，但係每次開到門，見到教堂裡面嘅建築嘅時候，我都會覺得好彩我有入到黎，因為裡面真係幾靚。
呢個就係一出城嗰陣個湖，唔知點解同Charlie影相嗰時都係呢個pose
大叔喺我參觀教堂既時候又行左去，之後由呢度去Najera又係一直沿住高速公路行，而且高手可以選擇唔補給直踩十六公里過去，應該會悶到喊。
不過一般人都會兜路行多一公里去 Ventosa 休息下，然後再行十公里到 Najera，而我地當然都係咁行。
當我同 Charlie行到去Ventosa 嗰時大叔已經飲住嘢坐係到等，由於我實在太窮唔可以餐餐都食十歐嘅朝聖者餐，所以就咁點左杯咖啡就算。
話說朝早冇買到麵包，雖然我背囊係有咸火腿同芝士片，都冇理由齋食火腿芝士架，咁點算好呢。 大叔佢點左份朝聖者餐，跟餐有麵包所以我同Charlie就攞左黎夾火腿芝士食。
理論上，餐包係任食，所以大叔見我地食曬啲麵包就好"慷慨″咁叫人添麵包，結果最後加包人地收左錢(大佬，三個人食一份麵包，人地唔收錢至奇)。
食完飯之後要行多10km，可以話係全程憑意志力完成，事關條路實在太唔似行山，完全冇朝聖嘅感覺。
睇下佢又係呢個pose
就快到終點嘅時候我地終於追返姐姐，佢除左隻鞋坐左係路邊，話啲腳趾行到好痛。
其實噚日行完30k之後佢已經話有個水泡生左係指甲下面(唔好問，我都想知點解可以生到係指甲下面 )，以佢話，可能係隻鞋頭太迫。
雖然姐姐隻舊鞋之前都着得好舒服，但係為左今次朝聖之路佢著左一隻普通襪加一隻厚羊毛襪，所以鞋裡面嘅空間就變細左，可能就係因為咁迫住啲腳趾。
去到Najera我地又跟住個app搵左一間評分唔錯嘅庇護所，點知去到既時候已經滿左。第一個諗法就係：咩料呀，四十個床位嘅私營庇護所都full，依家玩賽跑牙？
但係睇下時間其實都已經成三點，只可以怪自己行得太慢，而且都可以安慰下自己：打呼王就住左係呢間albergue，今晚見唔到佢就安落喇。另外我地去嘅公營庇護所亦都係donativo ，所以氣氛應該唔錯～～
點知氣氛點止唔錯，去到先發現原來呢間庇護所就係著名既百人交響樂廳。
第一次訓一百人通鋪真係呆左，而且兩張牀並排一齊，感覺好似要同隔離牀一齊訓咁，不過點都好至少有地方訓唔駛訓街囉。
坐左陣又拉隊四個人一齊出去行下，Najera小鎮風景亦都好靚，Charlie話佢好鐘意呢度。而我睇番介紹，呢到最出名嘅就係一座成立於1052嘅修道院，因為佢之後喺十五十六世紀亦都經歷過重建，所以成棟建築融合左歌德式、文藝復興式同巴洛克唔同嘅風格，App話強烈推薦參觀。
咁我就緊係有聲有色咁話到裡面好靚好值得去
，拉埋大家一齊去睇啦，點知又伏左所有人 。
其實裡面唔係話唔靚，只不過入場費要成4歐，多少會有高啲嘅期望。
成個修道院感覺有啲似英國嘅教堂，有迴廊，設計簡潔，不過就唔係太大，所以大叔行左都冇半個鐘就出左去等我地。
我覺得嘅然都入到黎，咁就留耐啲啦，話曬都係朝聖之路，就去下教堂同修道院感受下以前朝聖者既感覺囉。
之後大家就分開行等餐廳六點開門，我同Charlie去左河邊嘅公園，坐左係草地上面曬太陽。
大叔自己一個番左庇護所訓陣。
姐姐就先番庇護所收衫，然後再出黎買對新鞋，因為佢覺得再着住嗰對舊鞋嘅話佢會捱唔到Santiago。
其實我同大叔噚日喺Logrono已經幫佢睇過唔少對鞋，話曬都大城市可以選擇嘅款式自然多啲，最平既鞋所羅門Gortex先六七十歐左右，
但係姐姐就話再行多日睇下情況如何，再搞唔掂先買新鞋。
去到Najera全個鎮得一間舖頭賣鞋，當然係冇乜得揀，所以係無選擇既情況下姐姐買左對五十幾歐嘅行山涼鞋，咁就唔會再發生頂腳趾嘅問題。
講番我對鞋，我都係着cheap cheap所羅門嘅 trail runner，係香港出發嗰時着住對新鞋過去，行左一個月就發現對鞋已經唔防水
，之後係西班牙南部玩，計埋先着左兩個月，對鞋已經穿左個窿
，真係有啲心痛。到底係因為對鞋嘅質量太差定係因為朝聖之路嘅環境太惡劣呢？
六點大家一齊去到餐廳集合，因為間餐廳係tripadvisor第一名，所以都算係朝聖者嘅飯堂。
點菜嘅時候完全靠曬Charlie，呢個就係識講西班牙話嘅重要性，而且佢本身就做煮嘢食嘅，所以佢點咩食我就跟住點咩就一定唔會伏。
不過，Charlie本身呢個人其實就有少少伏，大叔三翻四次話要羊唔要牛，點知Charlie都係唔記得所以幫大叔嗌左牛，之後姐姐話見到上菜嘅時候大叔黑左一下臉，都唔知Charlie係咪特登嘅。
食飯嗰陣傾左好多自己地方嘅食物，我就緊喺幫港式點心買下廣告啦，而阿根廷菜我就真係聽都冇聽過，唔知有朝一日會唔會有機會去到南美呢。
嗰晚嘅百人交響樂演奏完全無影響到我嘅睡眠質素，只要打呼王唔係到，行雷都整唔醒我，所以打呼王嘅鼻鼾分貝應該比行雷仲要高。
早餐都係常見嘅餅乾加蛋糕仔，麵包搽果醬、牛奶同咖啡。
雖然食早餐係三個人一齊食，但係一樣分開出發。
唯一唔到既係，今日姐姐好快執完嘢就出左發，我同大叔今日就殿後，之後我地又去搵cafe買麵包晏晝食，點知麵包買唔到，但係就俾我地撞到Charlie。 當我地正想入間Cafe嘅時候， Charlie就啱啱食完早餐推門出黎，咁都咁啱撞到所以就一齊行啦。
今日條路由Logrono到Najera，基本上都係冇得揀一定要行28km，因為只係得兩個選擇：
1.行12km去到Navarrete就停，然後成日都唔知可以做乜
2.行28km去Najera，一個更靚更值得停留嘅小鎮。 相信正常人都會選擇後者，所以我都有心理準備今日要行好耐。
一開始出城條路都算係有趣，沿住個公園行有山有水，經過一個湖風景算係唔錯。
但係出左個湖之後就弊喇，一路沿住高速公路行，不斷吸廢氣。
加上今日嘅朝聖者異常地多，路上每隔二三十米就一批朝聖者，真係想係路邊搵個地方小便都唔得。
Navarrete係一個好多庇護所嘅小鎮，應該係俾啲唔住Logrono嘅人黎呢度投宿一晚，小鎮本身冇乜特別，不過佢有個都算幾華麗嘅教堂，App話佢既祭台係呢個地區最有代表性嘅作品之一，屬於十七世紀巴洛克風格。
其實我本身都幾鐘意睇教堂，
法國之路上每個村鎮，無論幾細都好，都會有一座教堂係村嘅中心，而佢既規模同精緻程度住住同條村嘅大細唔成正比，算係展現左朝聖之路係中世紀輝煌嘅一面。
所以每經過一個教堂，我都會去睇下佢有冇開門，呢個亦都可以話係我朝聖嘅方式(事先聲明我唔信教架)。
雖然沿路大部份教堂都因為冇人看管而唔開門，我諗我每去五間先有一間開，但係每次開到門，見到教堂裡面嘅建築嘅時候，我都會覺得好彩我有入到黎，因為裡面真係幾靚。
呢個就係一出城嗰陣個湖，唔知點解同Charlie影相嗰時都係呢個pose
大叔喺我參觀教堂既時候又行左去，之後由呢度去Najera又係一直沿住高速公路行，而且高手可以選擇唔補給直踩十六公里過去，應該會悶到喊。
不過一般人都會兜路行多一公里去 Ventosa 休息下，然後再行十公里到 Najera，而我地當然都係咁行。
當我同 Charlie行到去Ventosa 嗰時大叔已經飲住嘢坐係到等，由於我實在太窮唔可以餐餐都食十歐嘅朝聖者餐，所以就咁點左杯咖啡就算。
話說朝早冇買到麵包，雖然我背囊係有咸火腿同芝士片，都冇理由齋食火腿芝士架，咁點算好呢。
大叔佢點左份朝聖者餐，跟餐有麵包所以我同Charlie就攞左黎夾火腿芝士食。理論上，餐包係任食，所以大叔見我地食曬啲麵包就好"慷慨″咁叫人添麵包，結果最後加包人地收左錢(大佬，三個人食一份麵包，人地唔收錢至奇)。
食完飯之後要行多10km，可以話係全程憑意志力完成，事關條路實在太唔似行山，完全冇朝聖嘅感覺。
睇下佢又係呢個pose
就快到終點嘅時候我地終於追返姐姐，佢除左隻鞋坐左係路邊，話啲腳趾行到好痛。
其實噚日行完30k之後佢已經話有個水泡生左係指甲下面(唔好問，我都想知點解可以生到係指甲下面
)，以佢話，可能係隻鞋頭太迫。雖然姐姐隻舊鞋之前都着得好舒服，但係為左今次朝聖之路佢著左一隻普通襪加一隻厚羊毛襪，所以鞋裡面嘅空間就變細左，可能就係因為咁迫住啲腳趾。
去到Najera我地又跟住個app搵左一間評分唔錯嘅庇護所，點知去到既時候已經滿左。第一個諗法就係：咩料呀，四十個床位嘅私營庇護所都full，依家玩賽跑牙？
但係睇下時間其實都已經成三點，只可以怪自己行得太慢，而且都可以安慰下自己：打呼王就住左係呢間albergue，今晚見唔到佢就安落喇。另外我地去嘅公營庇護所亦都係donativo ，所以氣氛應該唔錯～～
點知氣氛點止唔錯，去到先發現原來呢間庇護所就係著名既百人交響樂廳。
第一次訓一百人通鋪真係呆左，而且兩張牀並排一齊，感覺好似要同隔離牀一齊訓咁，不過點都好至少有地方訓唔駛訓街囉。
坐左陣又拉隊四個人一齊出去行下，Najera小鎮風景亦都好靚，Charlie話佢好鐘意呢度。而我睇番介紹，呢到最出名嘅就係一座成立於1052嘅修道院，因為佢之後喺十五十六世紀亦都經歷過重建，所以成棟建築融合左歌德式、文藝復興式同巴洛克唔同嘅風格，App話強烈推薦參觀。
咁我就緊係有聲有色咁話到裡面好靚好值得去
，拉埋大家一齊去睇啦，點知又伏左所有人 。其實裡面唔係話唔靚，只不過入場費要成4歐，多少會有高啲嘅期望。
成個修道院感覺有啲似英國嘅教堂，有迴廊，設計簡潔，不過就唔係太大，所以大叔行左都冇半個鐘就出左去等我地。
我覺得嘅然都入到黎，咁就留耐啲啦，話曬都係朝聖之路，就去下教堂同修道院感受下以前朝聖者既感覺囉。
之後大家就分開行等餐廳六點開門，我同Charlie去左河邊嘅公園，坐左係草地上面曬太陽。
大叔自己一個番左庇護所訓陣。
姐姐就先番庇護所收衫，然後再出黎買對新鞋，因為佢覺得再着住嗰對舊鞋嘅話佢會捱唔到Santiago。
其實我同大叔噚日喺Logrono已經幫佢睇過唔少對鞋，話曬都大城市可以選擇嘅款式自然多啲，最平既鞋所羅門Gortex先六七十歐左右，
但係姐姐就話再行多日睇下情況如何，再搞唔掂先買新鞋。
去到Najera全個鎮得一間舖頭賣鞋，當然係冇乜得揀，所以係無選擇既情況下姐姐買左對五十幾歐嘅行山涼鞋，咁就唔會再發生頂腳趾嘅問題。
講番我對鞋，我都係着cheap cheap所羅門嘅 trail runner，係香港出發嗰時着住對新鞋過去，行左一個月就發現對鞋已經唔防水
，之後係西班牙南部玩，計埋先着左兩個月，對鞋已經穿左個窿 ，真係有啲心痛。到底係因為對鞋嘅質量太差定係因為朝聖之路嘅環境太惡劣呢？六點大家一齊去到餐廳集合，因為間餐廳係tripadvisor第一名，所以都算係朝聖者嘅飯堂。
點菜嘅時候完全靠曬Charlie，呢個就係識講西班牙話嘅重要性，而且佢本身就做煮嘢食嘅，所以佢點咩食我就跟住點咩就一定唔會伏。
不過，Charlie本身呢個人其實就有少少伏，大叔三翻四次話要羊唔要牛，點知Charlie都係唔記得所以幫大叔嗌左牛，之後姐姐話見到上菜嘅時候大叔黑左一下臉，都唔知Charlie係咪特登嘅。
食飯嗰陣傾左好多自己地方嘅食物，我就緊喺幫港式點心買下廣告啦，而阿根廷菜我就真係聽都冇聽過，唔知有朝一日會唔會有機會去到南美呢。
嗰晚嘅百人交響樂演奏完全無影響到我嘅睡眠質素，只要打呼王唔係到，行雷都整唔醒我，所以打呼王嘅鼻鼾分貝應該比行雷仲要高。
講番我對鞋，我都係着cheap cheap所羅門嘅 trail runner，係香港出發嗰時着住對新鞋過去，行左一個月就發現對鞋已經唔防水
我路上都見人地著salomon, 可能你個種跑鞋款唔啱用黎長征
我當時都係出發前5個月買咗對新鞋Arc'teryx Bora Mid GTX, 著咗5個月先出發都仲係夾腳, 買個時已經特登買大咗, 預腳腫預著兩對襪....對鞋好com啊, 但我隻腳就頂佢唔順, 出咗勁多水泡
睇人地行嘅遊記都幾得意, 因為步速唔同, 基本上好多時大家住嘅村鎮都唔一樣
我住咗起Ventosa, 無去住到Najera
其實town同town之間個距離係咪好近
行一兩個鐘又一個村or鎮咁....堅係近...不過每條村/鎮可能都係得1~3家albergue(庇護所)住, 會有機會full.
9,10月行嘅好處係, 秋收, 路邊有果食
偷人地D葡萄, 見到有工人, 問佢地都會畀,
藍莓咁細粒, 有核, 但勁甜
偷人地D葡萄, 見到有工人, 問佢地都會畀,
藍莓咁細粒, 有核, 但勁甜
多謝巴打
我都覺，負重長征對隻鞋好唔com，arc'teryx貴嘢呀我唔捨得買
之後去其他地方玩我攞左去補鞋，結果係咁：
之後去其他地方玩我攞左去補鞋，結果係咁：
你冇住 Logrono 哦
無，經過個時先發現前一佢地有event, 成地垃圾。
我對鞋個時去炮台山個間行山鋪買，半價買咗千1蚊，舊年又著住上富士山講起我有帶涼鞋去，300幾蚊嘅涼鞋，中段腳底出水泡就換涼鞋，著咗4日個涼鞋底就裂咗
我記得你行得好快
樓主步速同我一模一樣
我諗如果嗰時我撞到樓主會一齊行到尾
btw najera間albergue真係最痴線嗰間
樓主步速同我一模一樣
我諗如果嗰時我撞到樓主會一齊行到尾
btw najera間albergue真係最痴線嗰間
咁又幾抵着，仲可以着咁耐。好過對涼鞋好多
真毒L無朋友緊係行得快。大家都係地球人
但係出左個湖之後就弊喇，一路沿住高速公路行，不斷吸廢氣。
有無帶頭巾? 睇遠方絲打篇行行北方之路, 一樣要行公路邊
, 好很大塵...有時天熱都要罩住塊臉
Logrono 個箭嘴, 大城入面要搵箭嘴真係好麻煩....每個大城都係
我雖然有時行公路邊 不過又唔係好記得有廢氣
不過有次直情有工廠係正路邊 大煞風景
不過有次直情有工廠係正路邊 大煞風景
冇呀～冇諗過用得着
我聽講北方之路啲箭咀仲難搵，入到 Bilbao、Santander 真係出唔翻黎
我聽講北方之路啲箭咀仲難搵，入到 Bilbao、Santander 真係出唔翻黎
即係要靠google map