西班牙朝聖之路 (五十日長篇)
WiFi密碼
986 回覆
115 Like
3 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁
你遇到嘅韓仔韓妹有無自備辣椒醬?
冇呀，全條路都冇，我淨係覺得好熱，唯一有蟲蟲嘅地方就係Itero de la Vega 間albergue
當時我又冇留意喎，我淨係覺得韓國人由朝到晚都用緊廚房，而且佢地至少都七八個人一堆，每次都要等佢地煮完我先可以煮，所以到後尾我都冇乜點自己煮嘢食
Burgos出之後行高原個幾日，無樹又曬，一無風，就好多好細粒嘅蟲仔飛埋黎，煩到跳舞
可能係季節嘅問題，之後七、八月我去左其他地方玩，好似真係多左蟲蟲飛。五、六月嘅朝早都幾凍，如果六點前出門口都係得三四度左右，我諗啲蟲蟲仲未敷化出黎
高原個陣，一無風，d蟲蟲就圍住你個頭飛，仲係咁撞埋黎 ，極燥底。
，極燥底。韓國人好多時都自己煮。聽講佢地有好多朝聖攻略
講起煮野，我遇到嘅其中一個台灣阿姨帶咗好多包米去行 ，一種露營用嘅輕便米。佢仲要唔食任何唔新鮮嘅野，咩罐頭啊，公仔面啊，全部唔食。
講起煮野，我遇到嘅其中一個台灣阿姨帶咗好多包米去行
，一種露營用嘅輕便米。佢仲要唔食任何唔新鮮嘅野，咩罐頭啊，公仔面啊，全部唔食。首先要交代返今日要行嘅路線，
其實噚晚大家就已經討論左好耐，不過我留返係呢個post度講：
今日會途經camino出名既無人區，由上一條村行到下一條村要行17km，而中間只係得一架車仔係路邊買小食嘢飲。
沿路都冇乜樹陰或者可以休息嘅地方，所以如果暑假行既話，呢段路可以話係地獄路段，要喺太陽低下暴曬三粒鐘。
而最大嘅問題係，呢段路係由Carrion de Los Condes 開始行到去Calzadilla de la Cueza，而我噚日住嘅Villarmentero 離Carrion 仲有成12km，所以我淨係得兩個選擇：
一係行12km去Carrion訓一晚，之後第二日就挑戰17km無人區。
一係就長痛不如短痛，一日直落行29km去Calzadilla。
美國情侶、女神同高恩都唔唔想一日內行接近三十公里，所以佢地行到去Carrion就會停，加上佢地唔介意坐巴士，其實係可以坐巴士skip左嗰段。
而其他人包括我在內，就會行 29km去 Calzadilla，因為行12嘅話實在太短，行到庇護所之後，接住黎成日都無所事事。所以就算我好唔想行29km，但係都焗住冇得揀。
然後，由Villarmentero 去Carrion 又一樣可以向左走向右走，嗰條支路就連 app上面都冇寫，係Josan張地圖建議既路線。同噚日一樣：
行左手邊，沿公路行4.4km，吸住廢氣咁去下一條村。
行右手邊，有鄉間小路，但係要兜多1.5km。
咁我見佢都係行多少少啫，而且我又唔駛趕路，所以就決定兜路行，話唔定會有靚景睇。
點知出門口行左半個鐘，唔單止冇靚景睇，天氣仲要一反常態，個天陰陰沉沉好似隨時想落雨咁。
依家諗返，如果camino精神上嘅分水嶺係離開Burgos嗰日，
咁天氣上嘅轉變就係由今日開始，之後既路時不時都起霧、落雨，真係估佢唔到，原來西班牙五、六月嘅雨量係咁高。
Josan今日行得好快，行左冇耐就已經拋離左我，而我亦都唔想一路追住佢咁辛苦，所以就自己一個係後面慢慢行。
行到仲有3公里就到 Carrion嗰時，雨就開始愈落愈大，之前十幾日都冇攞過出黎用嘅防雨罩終於要出動喇！
大家都停曬係路邊，幫個背囊笠個雨罩，有啲人仲著埋雨褸。
你問我如果曝曬同落雨我會揀邊個，雖然我兩個都好憎，但係我都會揀落雨，因為至少歐洲嘅雨唔擔遮都得。
Carrion de Los Condes 係一個幾大嘅鎮(相對之下)，我去左超級市場補給下，因為上一次見到大型超級市場已經係四日前嘅 Burgos，所以我又買返幾罐罐頭做後備(重到喊 )。
我又去左兩間唔同既教堂坐左陣，走過時又見到另一間好大好靚嘅教堂，但係咁啱裡面好似做緊彌撒，所以我冇入到去，相都冇影就繼續行。
就咁hea下就係Carrion行左成個鐘，嗰時我問Josan行到去邊，佢話佢已經行緊無人區。
可能係因為今日落住雨嘅關係，行高原嘅時候竟然冇之前幾日咁辛苦，慢慢行，雖然都係一個鐘4km左右，但係一路都唔駛點樣休息，算係行得幾舒服。
行左出Carrion冇耐，突然有個男人行得好快咁係我身邊出現，同我講左幾句韓文。
我唔知點應佢，只可以同佢講“Buen Camino"，之後佢先反應過黎知道我唔係韓國人，然後問返"where are you from"。咁我答佢Hong Kong啦，然後大家點過頭，佢就好快咁走左。
隔左冇耐，一個六十幾歲嘅伯伯慢慢喺我側邊追左上黎(頂！連伯伯都行得快過我
)，咁又係"where are you from?" "Hong Kong, and you?" "Japan"
哇，除左第一日SJPP遇到個日本婆婆之外，伯伯係我遇到第二個日本人！日本伯伯Hitoshi係退休老師，以前係中學教英文，所以喺我遇過少數可以溝通交流嘅日本人。
話說佢十幾年前就已經有計劃要行朝聖之路，所以到佢六十歲退休嗰陣時，就特登去大學上堂學左幾年西班牙話，咁樣就可以同本地人無障礙交流。
依家Hitoshi 終於行緊 camino，可以話係多年嘅苦練今日終於大派用埸。
之後我見佢去點嘢食、checkin呀，佢嘅西班牙話好似都 work 嘅。
另外，Hitoshi伯伯同其他日本人一樣好有計劃性，出發之前已經諗好要用幾多日行完 camino，計劃曬所有要住既地方同要參觀既城市，所以佢係唔會有咩即興見到個鎮好鐘意，然後改變主意住嗰到
，
因為佢對全條法國之路都瞭如指掌，變左佢好清楚自己想停邊度，唔想停邊度。
(條路既風景好特別，行左三個鐘都冇變過)
Hitoshi話我地速度差唔多，keep住咁樣可以一齊行(講真，如果速度差唔多嘅話，點解佢會追到我
)。不過伯伯咁友善，一齊行都冇話唔得吖，所以我地就又繼續傾左一陣。
然後係無人區行左大約一半路程之後，路邊終於出現左幾張長凳俾人坐下，一開始爬左我頭嗰個韓國大叔都係到，仲同 Hitoshi打招呼。
坐隔離仲有一個酷酷嘅台灣女人，一樣係未見過，當時我地只係禮貌上打個招呼，而今日之後亦到冇再遇到。提起佢係因為去到Santiago之後，好巧合咁竟然係庇護所門口撞返，而我地又竟然仲認得對方個樣。 台灣女人比我快四日到Santiago，佢仲話行緊嗰時見過大叔(應該係大叔有提起我，所以個女人先對我有印象)。
愈講愈遠，講返 Hitoshi同韓國大叔先，大叔叫 Marco，係伯伯camino上嘅戰友，因為佢地兩個日日爆三十，基本上已經拋離曬一開始一齊出發嗰啲人。
Marco就好好奇咁問我係幾時由SJPP出發嘅，咁我話係8號，問返佢地，原來佢地係11號先開始行。
哇～今日係我第一次遇到11號出發嘅人，遲我三日嘅人都開始追到上黎，咩料！ 然後伯伯又話一開始嗰時仲遇到兩個香港女仔，而且幾靚，
，而我就係佢第三個撞到嘅香港人。唉，諗返我已經超過兩個星期冇講過廣東話，到底幾時先可以用自己既語言講嘢。
休息完之後，大家就跟返自己速度各有各行。Marco行最前，Hitoshi中間，我殿後(最後我真係連伯伯都追唔上，最後一個到 Calzadilla) 。
你地可能會問，既然Marco同 Hitoshi嘅速度都唔一樣，點解佢地仲可以一齊行咁耐嘅～～
咁係因為佢地兩個嘅思維係一樣，都係會跳過大城市，淨係去小鎮到過夜，所以之前所有大城包括Pamplona, Logrono同 Burgos 都係冇住過嘅，而佢地就會好好彩咁係庇護所遇返。
加上每次Marco想行多啲嘅時候，都會遇到唔同嘅事情發生，據佢地所講就係"accidents always happen"，比如整親隻腳、水樽漏水、皮帶斷左(我自己作嘅 )，所以Hitoshi 就"always catch up" 。其實咁都幾好，可以自然而然咁遇到其他朋友，唔駛好似我咁成日問人去到邊。
其實噚晚大家就已經討論左好耐，不過我留返係呢個post度講：
今日會途經camino出名既無人區，由上一條村行到下一條村要行17km，而中間只係得一架車仔係路邊買小食嘢飲。
沿路都冇乜樹陰或者可以休息嘅地方，所以如果暑假行既話，呢段路可以話係地獄路段，要喺太陽低下暴曬三粒鐘。
而最大嘅問題係，呢段路係由Carrion de Los Condes 開始行到去Calzadilla de la Cueza，而我噚日住嘅Villarmentero 離Carrion 仲有成12km，所以我淨係得兩個選擇：
一係行12km去Carrion訓一晚，之後第二日就挑戰17km無人區。
一係就長痛不如短痛，一日直落行29km去Calzadilla。
美國情侶、女神同高恩都唔唔想一日內行接近三十公里，所以佢地行到去Carrion就會停，加上佢地唔介意坐巴士，其實係可以坐巴士skip左嗰段。
而其他人包括我在內，就會行 29km去 Calzadilla，因為行12嘅話實在太短，行到庇護所之後，接住黎成日都無所事事。所以就算我好唔想行29km，但係都焗住冇得揀。
然後，由Villarmentero 去Carrion 又一樣可以向左走向右走，嗰條支路就連 app上面都冇寫，係Josan張地圖建議既路線。同噚日一樣：
行左手邊，沿公路行4.4km，吸住廢氣咁去下一條村。
行右手邊，有鄉間小路，但係要兜多1.5km。
咁我見佢都係行多少少啫，而且我又唔駛趕路，所以就決定兜路行，話唔定會有靚景睇。
點知出門口行左半個鐘，唔單止冇靚景睇，天氣仲要一反常態，個天陰陰沉沉好似隨時想落雨咁。
依家諗返，如果camino精神上嘅分水嶺係離開Burgos嗰日，
咁天氣上嘅轉變就係由今日開始，之後既路時不時都起霧、落雨，真係估佢唔到，原來西班牙五、六月嘅雨量係咁高。
Josan今日行得好快，行左冇耐就已經拋離左我，而我亦都唔想一路追住佢咁辛苦，所以就自己一個係後面慢慢行。
行到仲有3公里就到 Carrion嗰時，雨就開始愈落愈大，之前十幾日都冇攞過出黎用嘅防雨罩終於要出動喇！
大家都停曬係路邊，幫個背囊笠個雨罩，有啲人仲著埋雨褸。
你問我如果曝曬同落雨我會揀邊個，雖然我兩個都好憎，但係我都會揀落雨，因為至少歐洲嘅雨唔擔遮都得。
Carrion de Los Condes 係一個幾大嘅鎮(相對之下)，我去左超級市場補給下，因為上一次見到大型超級市場已經係四日前嘅 Burgos，所以我又買返幾罐罐頭做後備(重到喊
)。我又去左兩間唔同既教堂坐左陣，走過時又見到另一間好大好靚嘅教堂，但係咁啱裡面好似做緊彌撒，所以我冇入到去，相都冇影就繼續行。
就咁hea下就係Carrion行左成個鐘，嗰時我問Josan行到去邊，佢話佢已經行緊無人區。
可能係因為今日落住雨嘅關係，行高原嘅時候竟然冇之前幾日咁辛苦，慢慢行，雖然都係一個鐘4km左右，但係一路都唔駛點樣休息，算係行得幾舒服。
行左出Carrion冇耐，突然有個男人行得好快咁係我身邊出現，同我講左幾句韓文。
我唔知點應佢，只可以同佢講“Buen Camino"，之後佢先反應過黎知道我唔係韓國人，然後問返"where are you from"。咁我答佢Hong Kong啦，然後大家點過頭，佢就好快咁走左。
隔左冇耐，一個六十幾歲嘅伯伯慢慢喺我側邊追左上黎(頂！連伯伯都行得快過我
)，咁又係"where are you from?" "Hong Kong, and you?" "Japan" 哇，除左第一日SJPP遇到個日本婆婆之外，伯伯係我遇到第二個日本人！日本伯伯Hitoshi係退休老師，以前係中學教英文，所以喺我遇過少數可以溝通交流嘅日本人。
話說佢十幾年前就已經有計劃要行朝聖之路，所以到佢六十歲退休嗰陣時，就特登去大學上堂學左幾年西班牙話，咁樣就可以同本地人無障礙交流。
依家Hitoshi 終於行緊 camino，可以話係多年嘅苦練今日終於大派用埸。
之後我見佢去點嘢食、checkin呀，佢嘅西班牙話好似都 work 嘅。 另外，Hitoshi伯伯同其他日本人一樣好有計劃性，出發之前已經諗好要用幾多日行完 camino，計劃曬所有要住既地方同要參觀既城市，所以佢係唔會有咩即興見到個鎮好鐘意，然後改變主意住嗰到
，因為佢對全條法國之路都瞭如指掌，變左佢好清楚自己想停邊度，唔想停邊度。
(條路既風景好特別，行左三個鐘都冇變過)
Hitoshi話我地速度差唔多，keep住咁樣可以一齊行(講真，如果速度差唔多嘅話，點解佢會追到我
)。不過伯伯咁友善，一齊行都冇話唔得吖，所以我地就又繼續傾左一陣。 然後係無人區行左大約一半路程之後，路邊終於出現左幾張長凳俾人坐下，一開始爬左我頭嗰個韓國大叔都係到，仲同 Hitoshi打招呼。
坐隔離仲有一個酷酷嘅台灣女人，一樣係未見過，當時我地只係禮貌上打個招呼，而今日之後亦到冇再遇到。提起佢係因為去到Santiago之後，好巧合咁竟然係庇護所門口撞返，而我地又竟然仲認得對方個樣。
台灣女人比我快四日到Santiago，佢仲話行緊嗰時見過大叔(應該係大叔有提起我，所以個女人先對我有印象)。 愈講愈遠，講返 Hitoshi同韓國大叔先，大叔叫 Marco，係伯伯camino上嘅戰友，因為佢地兩個日日爆三十，基本上已經拋離曬一開始一齊出發嗰啲人。
Marco就好好奇咁問我係幾時由SJPP出發嘅，咁我話係8號，問返佢地，原來佢地係11號先開始行。
哇～今日係我第一次遇到11號出發嘅人，遲我三日嘅人都開始追到上黎，咩料！
然後伯伯又話一開始嗰時仲遇到兩個香港女仔， ，而我就係佢第三個撞到嘅香港人。唉，諗返我已經超過兩個星期冇講過廣東話，到底幾時先可以用自己既語言講嘢。 休息完之後，大家就跟返自己速度各有各行。Marco行最前，Hitoshi中間，我殿後(最後我真係連伯伯都追唔上，最後一個到 Calzadilla) 。
你地可能會問，既然Marco同 Hitoshi嘅速度都唔一樣，點解佢地仲可以一齊行咁耐嘅～～
咁係因為佢地兩個嘅思維係一樣，都係會跳過大城市，淨係去小鎮到過夜，所以之前所有大城包括Pamplona, Logrono同 Burgos 都係冇住過嘅，而佢地就會好好彩咁係庇護所遇返。
加上每次Marco想行多啲嘅時候，都會遇到唔同嘅事情發生，據佢地所講就係"accidents always happen"，比如整親隻腳、水樽漏水、皮帶斷左(我自己作嘅
)，所以Hitoshi 就"always catch up" 。其實咁都幾好，可以自然而然咁遇到其他朋友，唔駛好似我咁成日問人去到邊。就快行到去Calzadilla 嗰時，我望黎望去都見唔到個鎮，但係睇地圖就話淨返五百米。
真係達陣既時候先至發現原來成條村又係凹左落去，感覺有啲似Hontanas 咁，所以離遠望過去係揾唔到條村。
Checkin 左之後Hitoshi 提議我地三個人夾分洗一機衫，呢個idea實在係太好喇，我已經三個星期冇用過洗衣機，加上今日落雨，洗完的衫都唔會乾，而且洗加乾衣每人只係2歐，成交！
沖完涼之後我問下 Josan行到邊，原來佢行多左6km去下一個鎮，所以今日一共行左35km ，係個我想像唔到既數字。Josan行得咁快，唔知我以後仲有冇機會見到佢呢？
嗰晚我地去左Bar食朝聖者餐，
係我食過有史以來最伏嘅一餐，
完全唔飽不特止，仲要係好難食，我慳左幾日幾錢竟然用左係呢餐到，而且佢咁伏一樣係收十歐。
主菜係豬扒煎蛋飯，俾佢陰左，原來係香港茶餐廳嘅碟頭飯
坐隔離係一對韓國夫婦，佢地兩個都辭工過黎行 camino，不過係帶帳篷慢慢行嗰隻。因為每日只係行十公里左右，所以由 SJPP到呢度已經行左成個半月。
食完飯之後，突然仲狂風雷暴，有啲似香港嘅黃色暴雨，我同伯伯就係餐廳入面避雨避左好耐，到最後都等唔到所以要濕身跑返庇護所(因為就快九點半鎖門)。
訓覺嗰時雨一直係度落，唔知點解，一路聽住雨聲同行雷，特別容易訓著而且睡眠質素好好。
～～～～～～～～～～～～～～～～～～
聽日就會行到Sahagun，亦即係法國之路嘅中間點，全條路嘅一半，都可以算係一個理程碑。所以我就總結一下呢十七日以來住過嘅地方，行過嘅路。
Day 1 Roncesvalles 27km
Day 2 Larasoana 25km
Day 3 Pamplona 16km
Day 4 Puenta La Reina 25km
Day 5 Estella 22km
Day 6 Torres de Rio 29km
Day 7 Logrono 20km
Day 8 Najera 28km
Day 9 Santo Domingo21km
Day 10 Tosantos 28km
Day 11 Atapuerca 25km
Day 12 Burgos 20km
Day 13 Hontanas 31km
Day 14 Itero de la Vega 20km
Day 15 Villarmentero de Campos 25km
Day 16 Calzadilla de la Cueza 29km
Day 17 Sahagun 23km
Total distance : 414km 平均每日只係行24km，雖然係有啲 hea，但係算叫做行得舒服。
真係達陣既時候先至發現原來成條村又係凹左落去，感覺有啲似Hontanas 咁，所以離遠望過去係揾唔到條村。
Checkin 左之後Hitoshi 提議我地三個人夾分洗一機衫，呢個idea實在係太好喇，我已經三個星期冇用過洗衣機，加上今日落雨，洗完的衫都唔會乾，而且洗加乾衣每人只係2歐，成交！
沖完涼之後我問下 Josan行到邊，原來佢行多左6km去下一個鎮，所以今日一共行左35km
，係個我想像唔到既數字。Josan行得咁快，唔知我以後仲有冇機會見到佢呢？ 嗰晚我地去左Bar食朝聖者餐，
係我食過有史以來最伏嘅一餐，
完全唔飽不特止，仲要係好難食，我慳左幾日幾錢竟然用左係呢餐到，而且佢咁伏一樣係收十歐。
主菜係豬扒煎蛋飯，俾佢陰左，原來係香港茶餐廳嘅碟頭飯
坐隔離係一對韓國夫婦，佢地兩個都辭工過黎行 camino，不過係帶帳篷慢慢行嗰隻。因為每日只係行十公里左右，所以由 SJPP到呢度已經行左成個半月。
食完飯之後，突然仲狂風雷暴，有啲似香港嘅黃色暴雨，我同伯伯就係餐廳入面避雨避左好耐，到最後都等唔到所以要濕身跑返庇護所(因為就快九點半鎖門)。
訓覺嗰時雨一直係度落，唔知點解，一路聽住雨聲同行雷，特別容易訓著而且睡眠質素好好。
～～～～～～～～～～～～～～～～～～
聽日就會行到Sahagun，亦即係法國之路嘅中間點，全條路嘅一半，都可以算係一個理程碑。所以我就總結一下呢十七日以來住過嘅地方，行過嘅路。
Day 1 Roncesvalles 27km
Day 2 Larasoana 25km
Day 3 Pamplona 16km
Day 4 Puenta La Reina 25km
Day 5 Estella 22km
Day 6 Torres de Rio 29km
Day 7 Logrono 20km
Day 8 Najera 28km
Day 9 Santo Domingo21km
Day 10 Tosantos 28km
Day 11 Atapuerca 25km
Day 12 Burgos 20km
Day 13 Hontanas 31km
Day 14 Itero de la Vega 20km
Day 15 Villarmentero de Campos 25km
Day 16 Calzadilla de la Cueza 29km
Day 17 Sahagun 23km
Total distance : 414km 平均每日只係行24km，雖然係有啲 hea，但係算叫做行得舒服。
台灣阿姨咁都可以係camino上生存到，其實真係一啲都唔簡單
咁係因為佢地兩個嘅思維係一樣，都係會跳過大城市，淨係去小鎮到過夜，所以之前所有大城包括Pamplona, Logrono同 Burgos 都係冇住過嘅，而佢地就會好好彩咁係庇護所遇返。
同台灣阿姨一樣
, 阿姨話大城市太熱鬧太多人....我諗其實係生活習慣有關, 可能阿姨本身唔係住城市, 有可能韓國大叔同日本阿伯本身都唔係住大城市
Calzadilla 我又同你住同一間albergue
如果無記錯, 呢間albergue 應該係村口, 佢後面過兩條街, 有間bar, 有羊髀食, 超正....成程camino 好好食嘅一餐
可惜我個時電話叉緊電放低咗
其實西班牙嘅“大城市”又唔係真係咁“大”啫，論熱鬧我諗花蓮、台東同Leon、Burgos有得比
我記返起，albergue後面兩條街間餐廳評分高好多，但係日本伯伯嫌太遠 ，所以就去左對面間 Bar食，真係伏到喊
我記返起，albergue後面兩條街間餐廳評分高好多，但係日本伯伯嫌太遠
，所以就去左對面間 Bar食，真係伏到喊不嬲對歐洲無咩興趣, 不過你寫得好, 我會繼續追文, 加油
多謝支持
已經一半
法國之路嘅一半
通常過咗一半，除非有乜受傷，唔係都行得哂
噚晚一直落雨落到今朝先停，但係天色依然陰暗。對於影相黎講係差啲，不過呢個溫度就好適合行山，終於唔駛一路行一路曝曬。
我同平日一樣七點幾先出門口，但係依然比 Hitoshi同Marco早出發，一開始行嘅時候大霧迷茫，除左行緊條路之外其他乜都睇唔到。
行山條路係同條車路並排，俾人行嗰條路仔好窄，只係可以俾一個人行，但係因為太大霧我又唔敢行出車路，免得俾車車死。
所以每次聽到後面有腳步聲，就要停低俾後面追上黎既人過左先(包括Marco )，好似又返左黎香港行山咁。
行左無耐，身後出現左已經有一段時間無見過既日出 ，可能係因為個太陽係由山頂升上黎，所以感覺特別殘眼，之後啲霧氣亦都好快就散曬。
行左6km去到Ledigos，我直接行車路兜過左條村，呢次好似係我第一次唔跟箭咀，連條村都冇入到就走左。
我都唔記得點解當時我冇入村，可能係進入左審美疲勞嘅階段，又或者係我身體太疲勞，所以唔想行入去。
而村口又係分叉路口，可以揀自己鐘意行既路～～
依家好似每日都有人生交差點咁，永遠都有兩條路，總有一條山路，一條車路，山路雖然難行少少但係就“得意”啲，車路好似快啲但係就要不斷吸廢氣。(我緊係揀左山路)
山路沿途既幾條村仔風景都唔錯，其中我對Moratinos 印象特別深刻。
大部份朝聖者都會係嗰度休息一下，因為都行左十幾公里，而村口就有間 Bar，所以就會好自然咁坐左喺嗰度。
Bar嘅對面有幾個山丘仔，山坡嘅側面有好幾對門，門嘅高度好矮，但係顏色就幾鮮艷，望落去就好似哈比人屋仔咁。
呢啲屋仔係以前啲村民既酒窖，依家大部份都荒廢左，不過令我記得呢條村並唔係因為啲屋仔，而係因為一離開幾個小山丘之後，突然有隻狗衝左出黎，對住我不停吠。
我就攞住碌行山竹同隻狗對峙(講到好似好耐咁，其實得嗰十秒 )，之後就有個西班牙大叔走左出黎，喝返往佢隻狗。
唔知係咪因為我，定係隻狗本身就突別兇殘，大叔用左成分幾兩分鐘成趕返隻狗入屋。行左咁多日，好似真係得呢日差啲俾狗追。
俾狗嚇完之後我坐左係教堂出面食餅乾，定下驚，呢個時候Hitoshi伯伯已經追到上黎，佢就同我講"Quick! Let's go!" 叫我快啲跟上去，所以之後去Sahagun嘅路我就同伯伯一齊行。
其實今日可以算喺休息日，因為噚日都行左29km，所以今日只係行23，而且Sahagun 咁啱亦都係我想住一晚嘅地方，計劃非常之完美。
Histoshi亦都一改之前逢大城鎮淨係路過嘅作風，今日決定停係 Sahagun呢個“大鎮”(人口都有成三千架 )。
會停 Sahagun係因為佢之後想去 Leon訓一晚，咁按返距離由Sahagun行去Leon啱啱兩日時間，而且伯伯趕路嘅日子已經過左，所以之後嘅路段就有時間好好享受。
按計劃行到Santiago之後，伯伯會飛去德國會合佢由大阪飛過嘅老婆仔女，歐遊一個月後先返歸。 我問佢點解唔同老婆一齊行 camino，答案好簡單，就係因為老婆唔鐘意行山囉，所以淨係join之後嘅旅行就得喇。
然後講返伯伯一家人住大阪，我就話“其實我好鐘意日本架，但係大阪就真係麻麻地～人多車多成個香港咁樣～～”
跟住又同佢講我係心齋橋行街嗰時，週圍都聽到普通話同廣東話，唔知嘅仲以為自己返左大陸。
咁原來伯伯一樣唔係太鐘意市中心，所以放假嗰時(退休之前)都要去要離開大阪市區，去郊外充下電，總之我地都認同依家大阪嘅遊客實在太多。
成功一點達陣 Sahagun！
Sahagun係法國之路嘅中間點，其實一開始第二日既時候大家就已經傾到呢個小鎮。
汪汪話呢度有間酒店唔錯，既然已經行左一半，所以可以考慮豪一晚住酒店。(對上一次見到汪汪已經係Pamplona ，雖然姐姐一直有同佢line，但係就應該冇機會再見到佢了 )
姐姐就話可以襯教堂開門嗰陣，入去office攞張中途證書，上面會印返你個名同日期，證明你係由SJPP行到呢度。
所以夾埋Santiago終點張證書、世界盡頭(Finisterre 同 Muxia)嘅兩張證書，行一轉最多可以收集到四張。
(今日住嘅庇護所係教堂改建，有啲似 Pamplona嗰間。江湖傳聞話呢度有Bed Bug，好彩最後遇唔到
)
我放低個背囊之後就即刻去左山上面個教堂，依家已經改建左做博物館同 Office。要攞中途證書就要係門口交低3歐，其實我唔知嗰個係整證書嘅錢，定係博物館嘅入場費。
不過門口個女人笑容勁好，叫我放低 passport同 credential先，慢慢行完個博物館先，出黎嗰陣張證書就印好喇，咁我就冇理由咁狗，問佢淨係攞證書嘅話係咪免費。
其實個博物館本身都 ok嘅，雖然啲展品都係嗰啲啦，不過就勝在少人而且坐嘅地方舒服，呢個對朝聖者黎講係十分之重要。
攞到證書之後有一種悲喜交雜嘅感覺，
悲嘅係，咁快就已經行到一半，剩低十幾日就行到Santiago，我想像唔到返去正常生活既日子會係點。
喜嘅係，我終於行到呢度，如無意外我應該可以順利去到 Santiago！
喺香港出黎嘅時候，我仲同阿媽講，我可能堅持唔到去 Santiago，如果真係太辛苦，我可能行完一兩日就會放棄，然後係西班牙玩一個半個月就返香港。
然後老母就黑左面，對住我話，乜你成日做嘢都半途而廢架，做人要有始有終，唔可以下下都話放棄！
唔知係因為我覺得佢講得好有道理，定係因為激將法 work，之後行緊嗰陣我一直都冇諗過要撘車，就係唔想中途出 cheat或者棄 game。
其實老母都冇講錯，由細到大我做乜都係半途而廢，一係就話太難冇興趣，一係就自己太懶冇恆心，乜嘢學樂器、外語，全部都係失敗收場。
Camino最有魅力嘅地方可能係在於，佢有個目標俾到大家，
大家嘅終點都係Santiago，只要你唔好停、不斷行終有一日會行到。
唔同其他旅行甚至人生，好好人每日都渾渾噩噩唔知做緊乜(包括我)，冇一個可以奮鬥嘅目標，變左每日都好似冇動力去做嘢咁。
我同平日一樣七點幾先出門口，但係依然比 Hitoshi同Marco早出發，一開始行嘅時候大霧迷茫，除左行緊條路之外其他乜都睇唔到。
行山條路係同條車路並排，俾人行嗰條路仔好窄，只係可以俾一個人行，但係因為太大霧我又唔敢行出車路，免得俾車車死。
所以每次聽到後面有腳步聲，就要停低俾後面追上黎既人過左先(包括Marco
)，好似又返左黎香港行山咁。 行左無耐，身後出現左已經有一段時間無見過既日出
，可能係因為個太陽係由山頂升上黎，所以感覺特別殘眼，之後啲霧氣亦都好快就散曬。行左6km去到Ledigos，我直接行車路兜過左條村，呢次好似係我第一次唔跟箭咀，連條村都冇入到就走左。
我都唔記得點解當時我冇入村，可能係進入左審美疲勞嘅階段，又或者係我身體太疲勞，所以唔想行入去。
而村口又係分叉路口，可以揀自己鐘意行既路～～
依家好似每日都有人生交差點咁，永遠都有兩條路，總有一條山路，一條車路，山路雖然難行少少但係就“得意”啲，車路好似快啲但係就要不斷吸廢氣。(我緊係揀左山路)
山路沿途既幾條村仔風景都唔錯，其中我對Moratinos 印象特別深刻。
大部份朝聖者都會係嗰度休息一下，因為都行左十幾公里，而村口就有間 Bar，所以就會好自然咁坐左喺嗰度。
Bar嘅對面有幾個山丘仔，山坡嘅側面有好幾對門，門嘅高度好矮，但係顏色就幾鮮艷，望落去就好似哈比人屋仔咁。
呢啲屋仔係以前啲村民既酒窖，依家大部份都荒廢左，不過令我記得呢條村並唔係因為啲屋仔，而係因為一離開幾個小山丘之後，突然有隻狗衝左出黎，對住我不停吠。
我就攞住碌行山竹同隻狗對峙(講到好似好耐咁，其實得嗰十秒
)，之後就有個西班牙大叔走左出黎，喝返往佢隻狗。唔知係咪因為我，定係隻狗本身就突別兇殘，大叔用左成分幾兩分鐘成趕返隻狗入屋。行左咁多日，好似真係得呢日差啲俾狗追。
俾狗嚇完之後我坐左係教堂出面食餅乾，定下驚，呢個時候Hitoshi伯伯已經追到上黎，佢就同我講"Quick! Let's go!" 叫我快啲跟上去，所以之後去Sahagun嘅路我就同伯伯一齊行。
其實今日可以算喺休息日，因為噚日都行左29km，所以今日只係行23，而且Sahagun 咁啱亦都係我想住一晚嘅地方，計劃非常之完美。
Histoshi亦都一改之前逢大城鎮淨係路過嘅作風，今日決定停係 Sahagun呢個“大鎮”(人口都有成三千架
)。會停 Sahagun係因為佢之後想去 Leon訓一晚，咁按返距離由Sahagun行去Leon啱啱兩日時間，而且伯伯趕路嘅日子已經過左，所以之後嘅路段就有時間好好享受。
按計劃行到Santiago之後，伯伯會飛去德國會合佢由大阪飛過嘅老婆仔女，歐遊一個月後先返歸。
我問佢點解唔同老婆一齊行 camino，答案好簡單，就係因為老婆唔鐘意行山囉，所以淨係join之後嘅旅行就得喇。 然後講返伯伯一家人住大阪，我就話“其實我好鐘意日本架，但係大阪就真係麻麻地～人多車多成個香港咁樣～～”
跟住又同佢講我係心齋橋行街嗰時，週圍都聽到普通話同廣東話，唔知嘅仲以為自己返左大陸。
咁原來伯伯一樣唔係太鐘意市中心，所以放假嗰時(退休之前)都要去要離開大阪市區，去郊外充下電，總之我地都認同依家大阪嘅遊客實在太多。
成功一點達陣 Sahagun！
Sahagun係法國之路嘅中間點，其實一開始第二日既時候大家就已經傾到呢個小鎮。
汪汪話呢度有間酒店唔錯，既然已經行左一半，所以可以考慮豪一晚住酒店。(對上一次見到汪汪已經係Pamplona
，雖然姐姐一直有同佢line，但係就應該冇機會再見到佢了 ) 姐姐就話可以襯教堂開門嗰陣，入去office攞張中途證書，上面會印返你個名同日期，證明你係由SJPP行到呢度。
所以夾埋Santiago終點張證書、世界盡頭(Finisterre 同 Muxia)嘅兩張證書，行一轉最多可以收集到四張。
(今日住嘅庇護所係教堂改建，有啲似 Pamplona嗰間。江湖傳聞話呢度有Bed Bug，好彩最後遇唔到
)我放低個背囊之後就即刻去左山上面個教堂，依家已經改建左做博物館同 Office。要攞中途證書就要係門口交低3歐，其實我唔知嗰個係整證書嘅錢，定係博物館嘅入場費。
不過門口個女人笑容勁好，叫我放低 passport同 credential先，慢慢行完個博物館先，出黎嗰陣張證書就印好喇，咁我就冇理由咁狗，問佢淨係攞證書嘅話係咪免費。
其實個博物館本身都 ok嘅，雖然啲展品都係嗰啲啦，不過就勝在少人而且坐嘅地方舒服，呢個對朝聖者黎講係十分之重要。
攞到證書之後有一種悲喜交雜嘅感覺，
悲嘅係，咁快就已經行到一半，剩低十幾日就行到Santiago，我想像唔到返去正常生活既日子會係點。
喜嘅係，我終於行到呢度，如無意外我應該可以順利去到 Santiago！
喺香港出黎嘅時候，我仲同阿媽講，我可能堅持唔到去 Santiago，如果真係太辛苦，我可能行完一兩日就會放棄，然後係西班牙玩一個半個月就返香港。
然後老母就黑左面，對住我話，乜你成日做嘢都半途而廢架，做人要有始有終，唔可以下下都話放棄！
唔知係因為我覺得佢講得好有道理，定係因為激將法 work，之後行緊嗰陣我一直都冇諗過要撘車，就係唔想中途出 cheat或者棄 game。
其實老母都冇講錯，由細到大我做乜都係半途而廢，一係就話太難冇興趣，一係就自己太懶冇恆心，乜嘢學樂器、外語，全部都係失敗收場。
Camino最有魅力嘅地方可能係在於，佢有個目標俾到大家，
大家嘅終點都係Santiago，只要你唔好停、不斷行終有一日會行到。
唔同其他旅行甚至人生，好好人每日都渾渾噩噩唔知做緊乜(包括我)，冇一個可以奮鬥嘅目標，變左每日都好似冇動力去做嘢咁。
(冇乜相都唔可以一個post)
晏晝飯伯伯出左去食，但係我要慳錢所以又係自己煮意大利粉，返黎之後伯伯話佢食左鸚鵡肉。
唉，出黎嗰陣其實都冇諗過要慳錢，但係依家就食豪少少都覺得肉赤。
可能係因為見到大家行完 camino之後都會歐遊，所以我又心動想玩一輪先返香港，依家慳錢就係為左之後嘅路更舒服。
今日淨係得我同伯伯留係 Sahagun，Marco佢想行遠啲所以就唔留係呢度。
之後伯伯會係 Leon 訓一晚，而Marco就應該會跳過Leon，唔知伯伯同Marco呢對親密戰友仲會唔會遇到呢？希望佢地可以一齊衝線啦！
Sahagun成個鎮都有好多教堂，唔少得嘅當然係Pilgrims' mass，之前我其實已經暗地裡發誓我唔會再去啲咩彌撒，點知伯伯又話佢行左camino咁耐都未參加過，所以今日想去睇下。
唉～咁我又唔想拒絕佢邀請，自己留係庇護所又有啲悶(其實去左一樣係悶 )，所以就去左我到目前為止第三個彌撒。
成個鎮都係教堂同埋～～
～～爛左嘅教堂。
個教堂雖然細但係都幾靚，係度又俾我撞到比利時人，真係一路上 keep 住都遇到佢。
因為全程都係用西班牙話，我差啲又訓着左，到最後嘅時候神父叫我地起身圍圈圈，然後續一祝福每個朝聖者。
每人仲攞到張紙條，雖然唔係好明咩意思
嗰晚我諗返起Larasoana嗰陣，四個台灣人加埋我，大家係度討論Sahagun 點樣點樣。估唔到兩個禮拜之後大家都分開曬行，以後有冇機會再見到都唔知，真係有啲sad。夜晚又落返雨，個天就同我當時既心情有啲相似，好灰～～
) 晏晝飯伯伯出左去食，但係我要慳錢所以又係自己煮意大利粉，返黎之後伯伯話佢食左鸚鵡肉。
唉，出黎嗰陣其實都冇諗過要慳錢，但係依家就食豪少少都覺得肉赤。
可能係因為見到大家行完 camino之後都會歐遊，所以我又心動想玩一輪先返香港，依家慳錢就係為左之後嘅路更舒服。
今日淨係得我同伯伯留係 Sahagun，Marco佢想行遠啲所以就唔留係呢度。
之後伯伯會係 Leon 訓一晚，而Marco就應該會跳過Leon，唔知伯伯同Marco呢對親密戰友仲會唔會遇到呢？希望佢地可以一齊衝線啦！
Sahagun成個鎮都有好多教堂，唔少得嘅當然係Pilgrims' mass，之前我其實已經暗地裡發誓我唔會再去啲咩彌撒，點知伯伯又話佢行左camino咁耐都未參加過，所以今日想去睇下。
唉～咁我又唔想拒絕佢邀請，自己留係庇護所又有啲悶(其實去左一樣係悶
)，所以就去左我到目前為止第三個彌撒。成個鎮都係教堂同埋～～
～～爛左嘅教堂。
個教堂雖然細但係都幾靚，係度又俾我撞到比利時人，真係一路上 keep 住都遇到佢。
因為全程都係用西班牙話，我差啲又訓着左，到最後嘅時候神父叫我地起身圍圈圈，然後續一祝福每個朝聖者。
每人仲攞到張紙條，雖然唔係好明咩意思
嗰晚我諗返起Larasoana嗰陣，四個台灣人加埋我，大家係度討論Sahagun 點樣點樣。估唔到兩個禮拜之後大家都分開曬行，以後有冇機會再見到都唔知，真係有啲sad。夜晚又落返雨，個天就同我當時既心情有啲相似，好灰～～
行左無耐，身後出現左已經有一段時間無見過既日出
唔知邊度開始，朝早就好大霧。好多時大霧到見唔到日出。
成功一點達陣 Sahagun！
Sahagun係法國之路嘅中間點，其實一開始第二日既時候大家就已經傾到
呢度我個時跟箭嘴行，入咗去，但無開門
睇返
亞洲人真係唔多
係咪因為多數亞洲人都會遊返亞洲算
亞洲人真係唔多
係咪因為多數亞洲人都會遊返亞洲算
沿路十間有八間都冇開門，朝聖之路啲教堂都唔開，點朝聖