西班牙朝聖之路 (五十日長篇)
WiFi密碼
984 回覆
115 Like
3 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁
有個知道camino魅力嘅老豆真係
所以我唔係太鍾意一早開始行山(一早嘅意思係天都未光)
10月西班牙日出要成8半之後...一定摸黑出發, 而且好凍好大風, 朝早可以得6~8度+強風, 無手套吹一陣就凍到痛, 唯有伸入褲袋.
我到Pamplona個日太晏, 個Albergue full咗都無位, 去service centre個度, D服務人員幫我搵咗間hostel, 15歐, 無伙食, 全程唯一一次單人房.
後尾遇到兩個台灣大嬸, 佢地唔會住大城市...不過有幾次同我行就住低咗
果然人嘅記憶係唔可靠嘅, 睇返D相, 原來有12度
留名 啱啱7月行完
到依家仲日日啩住嗰時啲生活
樓主你頭幾日同我行程一樣
到依家仲日日啩住嗰時啲生活
樓主你頭幾日同我行程一樣
佢太好人～可惜我係個不孝子
咁咪行唔到Pamplona?! 其實個舊城區都幾覩。
原來十月咁遲先天光，有機會再行都係四月好
唉，我之後都試過幾日天未光就行，可能係因為冇頭燈，次次都行錯路，一係就行得勁慢，到最後我都係放棄等日出先行
原來十月咁遲先天光，有機會再行都係四月好
唉，我之後都試過幾日天未光就行，可能係因為冇頭燈，次次都行錯路，一係就行得勁慢，到最後我都係放棄等日出先行Camino係有佢嘅魔力
lm，一個人行咁多日山真係好勇
上次係Santiago de Compostela見到個啱啱到終點嘅亞洲人kick到地下舊石仆街 隔離班西班牙仔笑到仆街
原來樓主仲係第一次獨遊，第一次就玩啲噉嘅嘢，真係好撚勇， 我第一次毒遊只係敢去台灣
我除咗老竇叫你去，仲有乜原因令你踏出這一步？
我除咗老竇叫你去，仲有乜原因令你踏出這一步？
咁仆街，整係笑都唔扶下人
真係勁好 會鼓勵個仔去做呢d
另一個原因係因為好多朋友都獨遊過，自己就一直淆底冇試過，所以好想試番次。唔係話毒遊就威啲，我覺得一個人有一個人好，成班 friend有成班friend好，呢次出黎只係想講俾自己聽我都可以自己一個
咁啱camino 又係俾一條友行，所以就 go
不過仲有另一個原因就睇下幾時寫到啦～～～
咁啱camino 又係俾一條友行，所以就 go不過仲有另一個原因就睇下幾時寫到啦～～～
樓主有冇信教？宗教原因？
Nonono～冇信仰
樓主幾大？英文水平如何？溝通ok嗎？
btw雖然有啲強人所難，我都明打文辛苦，但可唔可以分多啲段或者打多啲公仔，容易睇啲
btw雖然有啲強人所難，我都明打文辛苦，但可唔可以分多啲段或者打多啲公仔，容易睇啲
今日由Pamplona 出發，目的地係廿五公里外嘅Puenta La Reina (應該叫做皇后橋鎮，但係因為貪方便之後大家都叫佢皇后鎮)。
其實大家開始有共識，只要嗰日唔超過30k就可以輕鬆行，一超過30就好似打大佬咁 ，所以無論如何都要避免30呢個magic number。
用左成鐘先行出個城，一路上都冇遇到乜特別事，只係覺得可以去番山入面行舒服好多，而且今日係久違嘅上山，更加有行山嘅感覺。
呢個伯伯係拖住隻驢仔朝聖，好歡迎大家同佢影相。
之後幾日路上都見到佢，但係唔知從邊日起就唔見在
而且呢幾日都有個韓國女仔自己一個行，韓國人自己一個行其實唔多，通常都係成群結隊可以一齊講韓文煮飯仔。
(事實上，行得法國之路，好多人都係想接觸多啲唔同嘅人，比較重視人與人之間既交流。相反，想面對自己內心世界，同自己嘅心靈對話的話，其他camino會有更多獨處嘅時間 )
大叔同姐姐都話個女仔個樣好似寶兒 ，所以就直接叫佢寶兒。
寶兒行得好慢但係會一直行唔休息，雖然一開始我地行得快過佢，但係每當我地停低飲嘢就會俾佢反超，所以每次都會快過我地行到目的地。
同寶兒由Roncesvalle 到 Torres del Rio每日都見面，但係之後就一直冇見過，好多camino 嘅人都係咁樣靜靜黎到靜靜離開，其實係有啲傷感。
上山嗰時，唔知點解傾傾下講到去政治。
政治永遠都係一個超敏感嘅話題，就算你同嗰個人幾熟都好，一拉扯到政治就好似一個計時炸彈，你係唔會知佢幾時爆。
不過今次講嘅係台灣政治，我完全冇插嘴既空間。(可能咁先至係好事) 講既大概係台灣政府到底透唔透明、民唔民主，中間仲講到退伍軍人示威抗議削減福利，我好多新聞都冇聽過，成個辯論聽到一舊雲。
總之大致上就係咁：
大叔：台灣政府表面看起來很民主，事實上一直在監控市民，甚麼民主自由都是假的，明天誰誰誰消失了也不知道！
姐姐：台灣已經很民主，可以選舉自己的議員總統，部門與部門之間也有監督，甚麼被監控都是陰謀論。
拗到最後姐姐就冇出聲，大叔見姐姐冇點應佢亦都冇繼續講落去，我地三條友就前後腳咁行到上山頂。
當時我隱隱約約覺得有啲唔妥，裂縫大概就係嗰陣時一啲一啲慢慢變大，可能大家本來就唔適合一齊行落去，
即使開始嘅時候大家相處幾開心都好，之後既分歧會慢慢浮現，
依然係唔可以逃避貌合神離既問題。
同人生中認識既好多人一樣，住住會因為一啲事、一啲諗法嘅唔同而愈行愈遠。
有時我會諗，如果永遠都可以好似一開始咁你話幾好，
但係人生永遠都係向前行，唯有安慰自己：舊嘅唔去，新嘅唔黎～～
行到上山頂，呢度係法國之路其中一個經典場面，
上面寫住"where the path of the wind cross the path of the stars"，真係幾浪漫。
山上既天氣同景色都好正，係到休息左半個鐘先繼續行，如果唔係因為太多人我真係想係呢度大叫～
成班人坐曬係到，好似已經行到去Santiago 咁
落山嘅時候開始覺得隻腳好痛，
沿路落斜一直都係石仔路，feel到腳板底已經有水泡，然後膝頭哥痛！
頂！我廿三歲就膝頭哥痛，老左點算！？
事後諗番，應該都係因為個背囊太重，背囊連食物同水大概有十一公斤，而我體重唔到六十公斤。
官方建議係咩住體重十分之一嘅嘢，
但係我依家負重係超過體重嘅五分之一，
所以行左幾日之後就已經全身腰酸背痛。
落山之後行平路依然覺得好辛苦，膊頭好似壓住兩個鉛球咁，行路既姿勢好唔自然。
去到山腳嘅一間bar，大家都衝曬入去坐下，
姐姐飲左一支四歐嘅可樂，
我同大叔嘅啤酒就只係兩歐。
隔離檯有個西班牙人件t-shirt上面印住"李小龍”三隻字，
雖然真名叫Miguel，但係我地都係叫佢Bruce Lee。
李小龍住係西班牙東南沿岸，係一個漁夫，因為自己係自己老闆，所以好多時間行camino。
佢係一個典型嘅朝聖者，bar同bar之間行得勁快，然後一坐低就係半個鐘不停飲酒。
雖然大家英文唔係太溝通到，但係feel到佢係一個好友善嘅人。
之後下午成三點先行到去皇后鎮，寶兒同李小龍已經係餐廳入面食緊嘢，
見到李小龍好熱情咁揮手叫我地入去食，
咁我地就食左個十歐嘅朝聖者餐，有前菜、主菜、甜品和餐酒啦。味道就ok la
冇錯，上面呢個係前菜，我第一次見到過menu starter 係 pasta or paella 都O左
估唔到既係，皇后鎮間庇護所竟然有八人房，
呢個係我暫時住過最少人嘅房，同房仲有一路上都見面嘅兩個西班牙肥佬(斷手那個)。
嗰日係 common area又遇到另外三個台灣人，
大家交換下資訊然後一齊出去行下個鎮仔。
呢個角度係由曬衫既地方影過去，
我係到曬衫嘅時候影左張相，
第二日悲劇又發生，
我竟然唔記得收衫就直接出發，
一套底衫褲，一對襪就成為我camino上最先嘅陣亡將士。
之後我地幾個人輪流坐左係個草坪搽藥油，
因為藥油陣味實在太勁，房裡面搽實俾鬼佬鬧爆。
以姐姐所講，佢地見到我成班人係到卒藥，一定會話：這班奇怪的亞洲人。
嗰晚李小龍幫我地整左個火腿三文治做晚餐，亦即係朝聖之路上面最常食到嘅食物。第四日完！
其實大家開始有共識，只要嗰日唔超過30k就可以輕鬆行，一超過30就好似打大佬咁
，所以無論如何都要避免30呢個magic number。用左成鐘先行出個城，一路上都冇遇到乜特別事，只係覺得可以去番山入面行舒服好多，而且今日係久違嘅上山，更加有行山嘅感覺。
呢個伯伯係拖住隻驢仔朝聖，好歡迎大家同佢影相。
之後幾日路上都見到佢，但係唔知從邊日起就唔見在
而且呢幾日都有個韓國女仔自己一個行，韓國人自己一個行其實唔多，通常都係成群結隊可以一齊講韓文煮飯仔。
(事實上，行得法國之路，好多人都係想接觸多啲唔同嘅人，比較重視人與人之間既交流。相反，想面對自己內心世界，同自己嘅心靈對話的話，其他camino會有更多獨處嘅時間
)大叔同姐姐都話個女仔個樣好似寶兒
，所以就直接叫佢寶兒。寶兒行得好慢但係會一直行唔休息，雖然一開始我地行得快過佢，但係每當我地停低飲嘢就會俾佢反超，所以每次都會快過我地行到目的地。
同寶兒由Roncesvalle 到 Torres del Rio每日都見面，但係之後就一直冇見過，好多camino 嘅人都係咁樣靜靜黎到靜靜離開，其實係有啲傷感。
上山嗰時，唔知點解傾傾下講到去政治。
政治永遠都係一個超敏感嘅話題，就算你同嗰個人幾熟都好，一拉扯到政治就好似一個計時炸彈，你係唔會知佢幾時爆。
不過今次講嘅係台灣政治，我完全冇插嘴既空間。(可能咁先至係好事) 講既大概係台灣政府到底透唔透明、民唔民主，中間仲講到退伍軍人示威抗議削減福利，我好多新聞都冇聽過，成個辯論聽到一舊雲。
總之大致上就係咁：
大叔：台灣政府表面看起來很民主，事實上一直在監控市民，甚麼民主自由都是假的，明天誰誰誰消失了也不知道！
姐姐：台灣已經很民主，可以選舉自己的議員總統，部門與部門之間也有監督，甚麼被監控都是陰謀論。
拗到最後姐姐就冇出聲，大叔見姐姐冇點應佢亦都冇繼續講落去，我地三條友就前後腳咁行到上山頂。
當時我隱隱約約覺得有啲唔妥，裂縫大概就係嗰陣時一啲一啲慢慢變大，可能大家本來就唔適合一齊行落去，
即使開始嘅時候大家相處幾開心都好，之後既分歧會慢慢浮現，
依然係唔可以逃避貌合神離既問題。
同人生中認識既好多人一樣，住住會因為一啲事、一啲諗法嘅唔同而愈行愈遠。
有時我會諗，如果永遠都可以好似一開始咁你話幾好，
但係人生永遠都係向前行，唯有安慰自己：舊嘅唔去，新嘅唔黎～～
行到上山頂，呢度係法國之路其中一個經典場面，
上面寫住"where the path of the wind cross the path of the stars"，真係幾浪漫。
山上既天氣同景色都好正，係到休息左半個鐘先繼續行，如果唔係因為太多人我真係想係呢度大叫～
成班人坐曬係到，好似已經行到去Santiago 咁
落山嘅時候開始覺得隻腳好痛，
沿路落斜一直都係石仔路，feel到腳板底已經有水泡，然後膝頭哥痛！
頂！我廿三歲就膝頭哥痛，老左點算！？
事後諗番，應該都係因為個背囊太重，背囊連食物同水大概有十一公斤，而我體重唔到六十公斤。
官方建議係咩住體重十分之一嘅嘢，
但係我依家負重係超過體重嘅五分之一，
所以行左幾日之後就已經全身腰酸背痛。
落山之後行平路依然覺得好辛苦，膊頭好似壓住兩個鉛球咁，行路既姿勢好唔自然。
去到山腳嘅一間bar，大家都衝曬入去坐下，
姐姐飲左一支四歐嘅可樂，
我同大叔嘅啤酒就只係兩歐。
隔離檯有個西班牙人件t-shirt上面印住"李小龍”三隻字，
雖然真名叫Miguel，但係我地都係叫佢Bruce Lee。
李小龍住係西班牙東南沿岸，係一個漁夫，因為自己係自己老闆，所以好多時間行camino。
佢係一個典型嘅朝聖者，bar同bar之間行得勁快，然後一坐低就係半個鐘不停飲酒。
雖然大家英文唔係太溝通到，但係feel到佢係一個好友善嘅人。
之後下午成三點先行到去皇后鎮，寶兒同李小龍已經係餐廳入面食緊嘢，
見到李小龍好熱情咁揮手叫我地入去食，
咁我地就食左個十歐嘅朝聖者餐，有前菜、主菜、甜品和餐酒啦。味道就ok la
冇錯，上面呢個係前菜，我第一次見到過menu starter 係 pasta or paella 都O左
估唔到既係，皇后鎮間庇護所竟然有八人房，
呢個係我暫時住過最少人嘅房，同房仲有一路上都見面嘅兩個西班牙肥佬(斷手那個)。
嗰日係 common area又遇到另外三個台灣人，
大家交換下資訊然後一齊出去行下個鎮仔。
呢個角度係由曬衫既地方影過去，
我係到曬衫嘅時候影左張相，
第二日悲劇又發生，
我竟然唔記得收衫就直接出發，
一套底衫褲，一對襪就成為我camino上最先嘅陣亡將士。
之後我地幾個人輪流坐左係個草坪搽藥油，
因為藥油陣味實在太勁，房裡面搽實俾鬼佬鬧爆。
以姐姐所講，佢地見到我成班人係到卒藥，一定會話：這班奇怪的亞洲人。
嗰晚李小龍幫我地整左個火腿三文治做晚餐，亦即係朝聖之路上面最常食到嘅食物。第四日完！
好喔～
我英文麻麻，只係一般溝通
我英文麻麻，只係一般溝通
老實講，官方建議背包重量為體重十分一 基本上無乜可能。
除非你成日寄個袋去下一站。
全部行李帶哂，大家都約莫10kg多少少。
除非你成日寄個袋去下一站。
全部行李帶哂，大家都約莫10kg多少少。
一講政治就好易反面，講宗教野都係。好睇 繼續支持
樓主點解個袋咁重 有冇d野你孭左全程都用唔著
有一日我癡左線，以為山入面冇嘢食，所以買左好多食物，淨係水果都1.5kg，最後咩住十二三公斤嘢上山。
真係冇得再輕
可能得把遮可以放棄，用得幾次。最慘就係咩左咁多日，去到波圖個商場就漏低左
可能得把遮可以放棄，用得幾次。最慘就係咩左咁多日，去到波圖個商場就漏低左
push