西班牙朝聖之路 (五十日長篇)
WiFi密碼
984 回覆
115 Like
3 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁
加油呀巴打～～我都係5月嗰時行
話說, 樓主你行咁多日, 多唔多落大雨嘅日子, 大到要著雨褸或者行唔到今朝五點就已經有鬧鐘響，只可以話遇到嘅朝聖者愈黎愈痴線，愈黎愈早起身，六點鐘嗰陣間十人房計埋我只係走淨三個人。
我照樣六點半之後先起身刷牙，見到姐姐喺隔離房執好曬嘢準備出發，
我心諗，冇見十日點解連啲生活作息都變埋，以前佢係唔會咁早開始行喎。
姐姐話噚晚間房好多人打鼻鼾，加上訓隔離條友腳臭，所以成晚都訓得唔好。
今朝一聽到其他人嘅鬧鐘響，就即刻起身執野走，所以今日姐姐仲早過我出門口。
我食完早餐之後亦都要同呢間庇護所講掰掰，呢度係我第一間連續住兩晚嘅庇護所，
雖然佢只係一間普通既大型municipal，但係可能因為時間耐左，所以對呢度都有感情。
直到依家我都仲記得佢有個好多人既廚房、飯廳同露台，係嗰度我遇到好多新朋友，雖然大部份都係hi-bye，不過成個氣氛上既轉變係幾令人深刻。
Astorga嘅日出同噚日嘅一樣咁迷人，我一路行一直忍唔住擰轉頭望，
除左耀眼嘅日出之外，可能亦有一部分係因為我唔捨得離開Astorga，呢度真係好靚好舒服，呢種唔大唔細嘅小鎮原來係最適合我。
離開呢度之後就會入返山區，去到Santiago之前只係淨返一個大城市Ponferrada，依家對前路嘅感覺係百感交雜，
有對行到終點嘅期待，
對離開Astorga、就快行完camino嘅不捨，
又好開心可以再次咩起個背囊行路～～
當然，唔少得嘅就係行路嗰陣全身腰酸背痛嗰種苦澀。。。
除左Astorga之外，之後喺camino上面，有訓超過兩晚以上嘅城鎮就只有三個，所以呢度對我黎講都算係一個幾特別嘅地方。
今日頭20km都係平路，直到最後5km先至開始爬升，目的地係高1400米嘅Foncebadon。
大部份朝聖者既目的地唔係Rabanal就係Foncebadon，不過我都估到姐姐係唔會行20km咁少去Rabanal，所以都預左要行到Foncebadon。
而且今日行多啲嘅話聽日就可以行少啲，咁就可以係大城市Ponferrada追返 Josan，呢個我都好樂意嘅。
一開始呢段平路我同平時一樣龜速，可能因為唞左成日冇行過，今日再行返既時候覺得好唔習慣，行左冇耐就覺得個膊頭好攰、隻腳好重，但係沿路又有好多未見過面嘅陌生人，成個氣氛迫住我一直行唔想停落黎。
因為沿路有好多人都唔識，所以一路都係毒行，有時心情好先講返句 "buen camino"，其實一直俾人爬頭，仲要同人打招呼既話都幾攰，到最後我有時都係望住地下，避免同其他人有眼神交流。
淨係有個好串既西班牙佬，我同佢打招呼竟然俾佢無視左，佢成日行得勁快爬我頭，不過去到前面嘅小鎮就會坐低唞好耐，然後我就慢慢行過佢啦。點知佢休息完之後又會勁快咁爬返我頭，成個情況就係一個字～煩～四個鐘入面見六、七次，打招呼又唔應人。
就係呢個西班牙佬，成日爬我頭！
沿路好多朝聖者喺圍欄上面整十字架，行到黎呢度仲係精力十足～
行左15km左右有個大叔上黎yo我(之後聽姐姐講呢個大叔乜人都 yo，所以成個camino都識佢)，大叔叫 Marc係美國人，今次已經係第二次行camino，不過對上一次已經係四年前。
Marc一樣係由 SJPP出黎，但係去到Ponferrada之後佢老婆同個女就會加入佢，一齊行埋最後二百公里。
不過以依家嘅進度，佢去到Ponferrada要訓多晚等老婆仔女，所以去到嗰度就要同大家講再見。
我同 Marc一齊行到Rabanal，都係傾下點解要行camino、一路上遇到啲咩經歷，咁我都係答返啲官方答案。
講真，我真係唔知我確實為左啲咩行camino，我淨係覺得出黎之前嘅自已好lost好失敗，好想有一個大改變。
雖然好老土，但係我行camino就係想認清楚自己，我連自己鐘意咩，想做咩都唔知道，更加唔好話要咩人生目標。 其實依家都已經行左廿幾日，我真係完全無頭緒，我最驚嘅就係行到Santiago都仍然冇答案，咁呢三十幾日會唔會白行呢？
去到Rabanal我坐左係路邊Line姐姐，問佢去到邊度，點知原來佢完全冇打算等我，已經行緊上山去Foncebadon。
Foncebadon嗰度只係得一間 donativo庇護所，淨返其他嘅albergue要七歐以上，加上間庇護所得十八個床位，危機感突然出現鳥！如果搶唔到床位，就變左好似上次 San bol咁，唔通要繼續行？！
所以我一收到指領要去Foncebadon，就即刻加速行埋最後5km。
最後呢段路一直上山，而且開始落毛毛細雨，週圍起曬霧乜都睇唔到。其實我最鍾意呢個天氣行山，所以就一直(少有地)人過人，沿路至少過左二三十個人。
之後諗返，行上落山同行平路啱啱好係調返轉，真係好少人喺 camino嘅上山路段爬到我頭。可能係我比較喜歡上上落落時沿途嘅風景，所以行到呢啲路段就特別精神。
未到庇護所我就已經追返姐姐，我問佢如果我地兩個人去到庇護所，只係淨返一個床位咁點算，佢諗都唔駛諗就答緊係我訓呢度你就繼續行啦！吓？我特登喺Astorga等埋嘅人，竟然係咁寡情薄義，雖然我已經早就心裡有數，上次賣低我自己一個人去參觀Burgos Cathedral，我都知道呢個人係點諗嫁啦，但係估唔到姐姐講野又會咁直接。
我照樣六點半之後先起身刷牙，見到姐姐喺隔離房執好曬嘢準備出發，
我心諗，冇見十日點解連啲生活作息都變埋，以前佢係唔會咁早開始行喎。
姐姐話噚晚間房好多人打鼻鼾，加上訓隔離條友腳臭，所以成晚都訓得唔好。
今朝一聽到其他人嘅鬧鐘響，就即刻起身執野走，所以今日姐姐仲早過我出門口。 我食完早餐之後亦都要同呢間庇護所講掰掰，呢度係我第一間連續住兩晚嘅庇護所，
雖然佢只係一間普通既大型municipal，但係可能因為時間耐左，所以對呢度都有感情。
直到依家我都仲記得佢有個好多人既廚房、飯廳同露台，係嗰度我遇到好多新朋友，雖然大部份都係hi-bye，不過成個氣氛上既轉變係幾令人深刻。
Astorga嘅日出同噚日嘅一樣咁迷人，我一路行一直忍唔住擰轉頭望，
除左耀眼嘅日出之外，可能亦有一部分係因為我唔捨得離開Astorga，呢度真係好靚好舒服，呢種唔大唔細嘅小鎮原來係最適合我。
離開呢度之後就會入返山區，去到Santiago之前只係淨返一個大城市Ponferrada，依家對前路嘅感覺係百感交雜，
有對行到終點嘅期待，
對離開Astorga、就快行完camino嘅不捨，
又好開心可以再次咩起個背囊行路～～
當然，唔少得嘅就係行路嗰陣全身腰酸背痛嗰種苦澀。。。
除左Astorga之外，之後喺camino上面，有訓超過兩晚以上嘅城鎮就只有三個，所以呢度對我黎講都算係一個幾特別嘅地方。
今日頭20km都係平路，直到最後5km先至開始爬升，目的地係高1400米嘅Foncebadon。
大部份朝聖者既目的地唔係Rabanal就係Foncebadon，不過我都估到姐姐係唔會行20km咁少去Rabanal，所以都預左要行到Foncebadon。
而且今日行多啲嘅話聽日就可以行少啲，咁就可以係大城市Ponferrada追返 Josan，呢個我都好樂意嘅。
一開始呢段平路我同平時一樣龜速，可能因為唞左成日冇行過，今日再行返既時候覺得好唔習慣，行左冇耐就覺得個膊頭好攰、隻腳好重，但係沿路又有好多未見過面嘅陌生人，成個氣氛迫住我一直行唔想停落黎。
因為沿路有好多人都唔識，所以一路都係毒行，有時心情好先講返句 "buen camino"，其實一直俾人爬頭，仲要同人打招呼既話都幾攰，到最後我有時都係望住地下，避免同其他人有眼神交流。
淨係有個好串既西班牙佬，我同佢打招呼竟然俾佢無視左，佢成日行得勁快爬我頭，不過去到前面嘅小鎮就會坐低唞好耐，然後我就慢慢行過佢啦。點知佢休息完之後又會勁快咁爬返我頭，成個情況就係一個字～煩～四個鐘入面見六、七次，打招呼又唔應人。
就係呢個西班牙佬，成日爬我頭！
沿路好多朝聖者喺圍欄上面整十字架，行到黎呢度仲係精力十足～
行左15km左右有個大叔上黎yo我(之後聽姐姐講呢個大叔乜人都 yo，所以成個camino都識佢)，大叔叫 Marc係美國人，今次已經係第二次行camino，不過對上一次已經係四年前。
Marc一樣係由 SJPP出黎，但係去到Ponferrada之後佢老婆同個女就會加入佢，一齊行埋最後二百公里。
不過以依家嘅進度，佢去到Ponferrada要訓多晚等老婆仔女，所以去到嗰度就要同大家講再見。
我同 Marc一齊行到Rabanal，都係傾下點解要行camino、一路上遇到啲咩經歷，咁我都係答返啲官方答案。
講真，我真係唔知我確實為左啲咩行camino，我淨係覺得出黎之前嘅自已好lost好失敗，好想有一個大改變。 雖然好老土，但係我行camino就係想認清楚自己，我連自己鐘意咩，想做咩都唔知道，更加唔好話要咩人生目標。
其實依家都已經行左廿幾日，我真係完全無頭緒，我最驚嘅就係行到Santiago都仍然冇答案，咁呢三十幾日會唔會白行呢？ 去到Rabanal我坐左係路邊Line姐姐，問佢去到邊度，點知原來佢完全冇打算等我，已經行緊上山去Foncebadon。
Foncebadon嗰度只係得一間 donativo庇護所，淨返其他嘅albergue要七歐以上，加上間庇護所得十八個床位，危機感突然出現鳥！如果搶唔到床位，就變左好似上次 San bol咁，唔通要繼續行？！
所以我一收到指領要去Foncebadon，就即刻加速行埋最後5km。
最後呢段路一直上山，而且開始落毛毛細雨，週圍起曬霧乜都睇唔到。其實我最鍾意呢個天氣行山，所以就一直(少有地)人過人，沿路至少過左二三十個人。
之後諗返，行上落山同行平路啱啱好係調返轉，真係好少人喺 camino嘅上山路段爬到我頭。可能係我比較喜歡上上落落時沿途嘅風景，所以行到呢啲路段就特別精神。
未到庇護所我就已經追返姐姐，我問佢如果我地兩個人去到庇護所，只係淨返一個床位咁點算，佢諗都唔駛諗就答緊係我訓呢度你就繼續行啦！吓？我特登喺Astorga等埋嘅人，竟然係咁寡情薄義，雖然我已經早就心裡有數，上次賣低我自己一個人去參觀Burgos Cathedral，我都知道呢個人係點諗嫁啦，但係估唔到姐姐講野又會咁直接。
去到 Foncebadon，成個山頭都俾大霧籠罩住，感覺就好似上左大帽山，四週圍白茫茫一片乜都睇唔到，而且上到黎已經有少少涼意，令人覺得置身於荒山野嶺入面(其實呢度有成四五間私營庇護所)。
去到庇護所一如所料，已經見到有班人喺度排隊等 check in，數一數人頭，我同姐姐分別排二十同廿一，而床位就只係得十八張，換句話說即係冇得訓，第一日床位大戰就搶輸左。
不過，排緊隊有個台灣人同我地講，你地再等下，排住隊先啦，話唔定排排下隊會有人走呢。估唔到呢啲好事亦都真係發生左：
排最後嗰三個鬼妹本身就只有兩個人有床訓，加上佢地仲有兩個朋友未行到黎，所以就決定唔繼續排，去揾間私營庇護所住。
咁我同姐姐就變左排十七同十八，運氣黎到既時候真係擋都擋唔住。
不過亦都係可能因為今日竟花光所有運氣，之後我地就中伏鳥。
庇護所係 donativo，提供早晚餐，雖然食既野真係好一般而且完全食唔飽，但係我識得感恩今晚唔駛訓地下～～原來呢間庇護所都幾好人，雖然已經full左，但係佢會喺地下鋪床俾之後黎到嘅人，雖然訓得冇咁舒服但係總算唔駛訓街。
我地隨便食左幾塊麵包就出去行下，食野嗰時識左新朋友Ellie、Sean同美麗，佢地全部都係台灣人，另外仲有個日本女人，同埋四個韓仔韓妹。其實佢地全部人包括姐姐在內都係互相識認，只不過我喺Astorga訓多晚，所以先遇上呢批人。對佢地黎講，我先至係唯一嘅新朋友～
Foncebadon 呢條村實在太細，行唔到幾步路就已經行完，而且山上面真係幾凍，俾風吹到我都唔想繼續行落去。 咁我同姐姐仲有美麗就搵左間餐廳坐下，裡面啲裝修好有古代feel，算幾特別。講返美麗點解叫美麗，因為佢真名真係咁叫，今次唔係我亂作花名，唔好話我亂咁黎。雖然美麗只係三字出頭，但係望落就比姐姐就老好多，呢個就變成camino上嘅一個迷思～～到底姐姐係點樣keep住睇落咁年青架？對當事人可能唔係咁好笑，但係Marc就一直叫姐姐"my 22-year-old friend" 。
最後姐姐俾左12歐點左份扒，份量大得驚人，我同美麗為左慳錢就只可以望住佢食。最慘就係庇護所既晚餐都完全食唔飽，當晚就係又餓又凍咁過左。
去到庇護所一如所料，已經見到有班人喺度排隊等 check in，數一數人頭，我同姐姐分別排二十同廿一，而床位就只係得十八張，換句話說即係冇得訓，第一日床位大戰就搶輸左。
不過，排緊隊有個台灣人同我地講，你地再等下，排住隊先啦，話唔定排排下隊會有人走呢。估唔到呢啲好事亦都真係發生左：
排最後嗰三個鬼妹本身就只有兩個人有床訓，加上佢地仲有兩個朋友未行到黎，所以就決定唔繼續排，去揾間私營庇護所住。
咁我同姐姐就變左排十七同十八，運氣黎到既時候真係擋都擋唔住。
不過亦都係可能因為今日竟花光所有運氣，之後我地就中伏鳥。庇護所係 donativo，提供早晚餐，雖然食既野真係好一般而且完全食唔飽，但係我識得感恩今晚唔駛訓地下～～原來呢間庇護所都幾好人，雖然已經full左，但係佢會喺地下鋪床俾之後黎到嘅人，雖然訓得冇咁舒服但係總算唔駛訓街。
我地隨便食左幾塊麵包就出去行下，食野嗰時識左新朋友Ellie、Sean同美麗，佢地全部都係台灣人，另外仲有個日本女人，同埋四個韓仔韓妹。其實佢地全部人包括姐姐在內都係互相識認，只不過我喺Astorga訓多晚，所以先遇上呢批人。對佢地黎講，我先至係唯一嘅新朋友～
Foncebadon 呢條村實在太細，行唔到幾步路就已經行完，而且山上面真係幾凍，俾風吹到我都唔想繼續行落去。
咁我同姐姐仲有美麗就搵左間餐廳坐下，裡面啲裝修好有古代feel，算幾特別。講返美麗點解叫美麗，因為佢真名真係咁叫，今次唔係我亂作花名，唔好話我亂咁黎。雖然美麗只係三字出頭，但係望落就比姐姐就老 最後姐姐俾左12歐點左份扒，份量大得驚人，我同美麗為左慳錢就只可以望住佢食。最慘就係庇護所既晚餐都完全食唔飽，當晚就係又餓又凍咁過左。
多呀～有十日以上要着雨褸行，入左 Galicia之後基本上每日都落雨
預告 - 我嘅 Santiago de Compostela ；
預告 - 我嘅 Santiago de Compostela ；
我睇人地篇葡萄牙之路, 都係講去到 Galicia省, 想無雨都幾難...而我個次10月頭入到Galicia....係無遇過大雨
, 最多就香港春天個種毛毛雨
最後姐姐俾左12歐點左份扒，份量大得驚人，我同美麗為左慳錢就只可以望住佢食。最慘就係庇護所既晚餐都完全食唔飽，當晚就係又餓又凍咁過左。
有次我行到一個鎮, 2點過D到, 個鎮好細, D bar就擺哂D枱出條main street度, 見到人地個扒餐幾juicy 咁, 心諗我晚餐要叫!
點知被個窮遊波蘭仔捉咗我去住意粉撈醬, 無肉又無菜
勁無營養, 唔知係咪食咗幾餐咁無營養嘅晚餐, 加埋午餐食餅+朱古力就算...就到santiago前幾日就開始有幾聲咳, 到咗之後仲病埋
Galicia成年入面有一半時間都落雨，根本就冇可能避開
好彩到左先病，算係不幸中之大幸
但係西班牙菜本身都唔太健康，多肉少菜，搞到我日日都要狂食 yogurt，如果唔係就屙唔出
但係西班牙菜本身都唔太健康，多肉少菜，搞到我日日都要狂食 yogurt，如果唔係就屙唔出
姐姐話噚晚間房好多人打鼻鼾，加上訓隔離條友腳臭，所以成晚都訓得唔好。
我有一晚慘過你姐姐...
住咗間公營albergue, 好大間, 教堂接住, 好多間房, 每間房4人...
惡夢就係...同房有個韓國肥仔, 有臭狐
,仲要扯鼻寒好似演唱會咁, 成間房震嘅
真係好辛苦, 完全瞓唔好, 為咗之後唔再遇到佢, 我決定加速
如果出去食, 我starter 次次都係 salada
我本身鍾意食酸&辣, 所以我幾鍾意沙律落醋
好過落醬
同埋我好鍾意去佢地嘅超市買生果食, 佢地D 桃係實身ga 勁硬, 蘋果咁
啲桃有分白肉和黃肉，巴打呢隻白肉貴嘢，味道清甜果肉結實
食salad唔夠飽呀，starter要食 pasta食先啱啱好夠食～～～
食salad唔夠飽呀，starter要食 pasta食先啱啱好夠食～～～
有啲似 Ponferrada 間庇護所
睇黎你又同我住埋同一間 而最衰嘅係我去到呢度, 竟然係星期日...差唔多乜鋪都無開...得超市有開講韓國肥婆果度唔知點解覺得好有喜感
人地好孝順架。。。
Foncebadon 呢個地方其實係唔錯，除左凍啲之外，佢遠離大城市同所有閒人，係一個幾有朝聖feel嘅地方。
而且Foncebadon 距離今日嘅重頭戲：Cruz de Ferro，只係2km左右，行半個鐘快好就到。
因為庇護所包早餐，所以班痴線佬未至於5點就起身嘈醒所有人，大家都等到7點食完早餐先開始行。
出門口嘅時候就已經落緊雨，出面就好似silent hill咁，除左條路其他乜嘢都睇唔到。 唔知由邊日開始，出門口之前都會幫個背囊笠返個防雨罩，呢個已經成為每日日常一部分，因為即使出發嘅時候冇落雨，行行下都一定會落。
Cruz de Fero (即係Iron Cross) 係法國之路其中一個最重要既check point，如果第四日行到嘅風車山代表開始，呢度就係臨近終結。
按傳統，朝聖者會由家鄉帶住一塊石頭，一路咩住佢黎到Cruz de Ferro然後將佢放低。
塊石頭代表你嘅罪孽，你嘅罪孽愈深，咩住嘅石頭亦都應該愈重。不過，石頭亦都可以係你唔想再記住、唔想再有嘅壞習慣，將石頭留係十字架下面，就係將一切惡習同傷心事留喺度，行落山之後就要重新做人。
我一路都冇執塊石頭旁身，直到我行到去Iron cross，我先至喺側邊執起塊石仔，象徵式咁將佢放上小石丘上面。我都唔知塊石頭對我黎講算係乜，可能係懶惰，可能係懦弱，我放低佢之後又應該做一個點樣嘅人呢？其實呢啲咁虛無既問題真係愈諗愈lost。
好多人都行到黎，除左影相之外，大家都企起到望往個十字架，沉澱一下過去廿幾日嘅經歷。
不過雨繼續落，路始終係要繼續行，Marc、美麗、Ellie嗰班人都行得好快，掰掰之後就行到唔見左影，要去到Ponferrada間庇護所先見返佢地。
由Cruz de Ferro又行左2km左右，就去到Manjarin，亦都係Camino上其中一間最出名嘅庇護所。
理論上Manjarin係一條村，但實際上成條村就淨係得間庇護所。呢度冇熱水冇暖氣，加上佢只係一間簡陋嘅木屋，噚日訓呢度既話可以話係屋漏偏逢連夜雨。
我係庇護所門口撞返Mazarife識嘅法國佬，原來佢噚晚就住呢度，成晚落雨屋頂一直漏水，加上間屋又冇暖氣，所以凍到完全訓唔到覺。我諗 Manjarin都係要夏天先黎住，依家咁嘅天氣黎訓真係需要莫大嘅勇氣。
不過今日見到法國佬嘅時候，佢竟然係自己一條友行，之前提過佢路上識左個女人，一齊行 camino行左兩個半月，今日就唔見左佢呢個女朋友。
當時我都不以為然，之後Josan先話我知，原來嗰個女人飛甩左法國佬想自己行，所以嚴格黎講，法國佬堅係失戀，簡直就好似離婚咁。
我同姐姐講之前係Mazafie就遇過法國佬，點知佢話佢再之前都見過法國佬，而且仲見到一件好奇怪嘅事：
嗰時姐姐同佢朋友行行下，竟然見到有對情侶喺camino路邊野戰～～
冇錯，係日光日白眾目睽睽之下做愛，不過佢地係女上男下，女人背住條路，男人就訓低左睇唔個人，所以姐姐就男女兩個人嘅正面都睇唔到。
之後睇返髮型，因為個女人有曲髮，姐姐就覺得個女人望落好似法國佬個女朋友，所以就估嗰個男人就係法國佬。 唔知點解我永遠都睇唔到呢啲咁有趣嘅事，除左呢件事，姐姐仲遇到一個女人係路邊屙屎，嗰個女人亦都冇諗住搵個隱蔽啲嘅地方，所以就一邊屙一邊同大家對望。
The boat is safer anchored at the port; but that's not the aim of boats. 出自牧羊少年奇幻之旅既作者，佢係行完 camino 之後先寫嗰本書，而佢都另外寫左一本佢行 camino嘅書。
過左Cruz de Fero同Manjarin 之後就係漫長嘅落山，因為山路實在太濕太跣所以大部份朝聖者都行返車路，唯一風險就係太大霧驚俾車車死。
落斜嘅時候真係好爽，半行半跑咁好快落到底，算係離開Burgos 咁多日以黎最有行山感覺嘅一日。
落山途中，姐姐又問返我，行到世界盡頭之後要唔要一齊逆走葡萄牙之路，我之前都諗過好唔好跟隊行，然後覺得既然自己有嘅就係時間，又未決定行完camino之後去邊，咁一於就go啦！
由Santiago去Porto 只不過係十二、三日，行到之後我仲可以留係西班牙同葡萄牙玩多陣先返香港，呢個計劃好似都唔錯。
上網睇相 El Acebo係一個幾靚嘅村仔，但係我黎到嘅時候就大霧迷茫，如果唔係有個牌話我知已經到左，我真係唔知到已經唔會留意到，原來霧後面就已經係El Acebo。
再行多冇耐就去到Molinaseca，雨愈落愈大，我地入左間bar唞下順便避雨。我指住托盤上面嘅tortilla話要一件，點知老闆就將淨返既三份之一個tortilla 全部俾曬我，結果食左我一共4歐。
呢一餐亦都由小食變左做我嘅午餐，真係好耐都冇食過咁多蛋。
食緊嘢嘅時候，電視播緊西班牙議會投票罷免現任首相，因為之前嗰個涉貪，而罷免投票亦都通過左。新首相Pedro Sánchez係一個靚仔，我唔知佢係乜人，亦都唔知佢咩背景。
之後問下Josan西班牙新首相係一個點嘅人，點知佢連自己國家換左首相都唔知。
最後行去Ponferrada 嘅4km一樣可以揀山路同車路，姐姐堅持要行山路結果就伏左大家，山路遠一公里多啲唔止，我地仲要一邊行泥路一邊鬧，鬧左成個鐘先行到去庇護所，隻新鞋著左一個月睇落好似已經著左半年咁。
講返Ponferrada呢個地方，算係西班牙有少少名氣嘅城市(至少Josan聽過呢個地方 )，嗰度有一個好完整嘅中世紀城堡，歷史留返之後講，而且人口都幾多下。
Josan有諗過好冇係度訓多晚，不過最後就決定噚晚住喺Molinaseca，今日行4km黎Ponferrada訓第二晚，會合我同姐姐兩個人。仲誇張過我由Sahagún 去 Bercianos 嗰日只係行10km，情與義，值千金。
而且Foncebadon 距離今日嘅重頭戲：Cruz de Ferro，只係2km左右，行半個鐘快好就到。
因為庇護所包早餐，所以班痴線佬未至於5點就起身嘈醒所有人，大家都等到7點食完早餐先開始行。
出門口嘅時候就已經落緊雨，出面就好似silent hill咁，除左條路其他乜嘢都睇唔到。
唔知由邊日開始，出門口之前都會幫個背囊笠返個防雨罩，呢個已經成為每日日常一部分，因為即使出發嘅時候冇落雨，行行下都一定會落。Cruz de Fero (即係Iron Cross) 係法國之路其中一個最重要既check point，如果第四日行到嘅風車山代表開始，呢度就係臨近終結。
按傳統，朝聖者會由家鄉帶住一塊石頭，一路咩住佢黎到Cruz de Ferro然後將佢放低。
塊石頭代表你嘅罪孽，你嘅罪孽愈深，咩住嘅石頭亦都應該愈重。不過，石頭亦都可以係你唔想再記住、唔想再有嘅壞習慣，將石頭留係十字架下面，就係將一切惡習同傷心事留喺度，行落山之後就要重新做人。
我一路都冇執塊石頭旁身，直到我行到去Iron cross，我先至喺側邊執起塊石仔，象徵式咁將佢放上小石丘上面。我都唔知塊石頭對我黎講算係乜，可能係懶惰，可能係懦弱，我放低佢之後又應該做一個點樣嘅人呢？其實呢啲咁虛無既問題真係愈諗愈lost。
好多人都行到黎，除左影相之外，大家都企起到望往個十字架，沉澱一下過去廿幾日嘅經歷。
不過雨繼續落，路始終係要繼續行，Marc、美麗、Ellie嗰班人都行得好快，掰掰之後就行到唔見左影，要去到Ponferrada間庇護所先見返佢地。
由Cruz de Ferro又行左2km左右，就去到Manjarin，亦都係Camino上其中一間最出名嘅庇護所。
理論上Manjarin係一條村，但實際上成條村就淨係得間庇護所。呢度冇熱水冇暖氣，加上佢只係一間簡陋嘅木屋，噚日訓呢度既話可以話係屋漏偏逢連夜雨。
我係庇護所門口撞返Mazarife識嘅法國佬，原來佢噚晚就住呢度，成晚落雨屋頂一直漏水，加上間屋又冇暖氣，所以凍到完全訓唔到覺。我諗 Manjarin都係要夏天先黎住，依家咁嘅天氣黎訓真係需要莫大嘅勇氣。
不過今日見到法國佬嘅時候，佢竟然係自己一條友行，之前提過佢路上識左個女人，一齊行 camino行左兩個半月，今日就唔見左佢呢個女朋友。
當時我都不以為然，之後Josan先話我知，原來嗰個女人飛甩左法國佬想自己行，所以嚴格黎講，法國佬堅係失戀，簡直就好似離婚咁。
我同姐姐講之前係Mazafie就遇過法國佬，點知佢話佢再之前都見過法國佬，而且仲見到一件好奇怪嘅事：
嗰時姐姐同佢朋友行行下，竟然見到有對情侶喺camino路邊野戰～～
冇錯，係日光日白眾目睽睽之下做愛，不過佢地係女上男下，女人背住條路，男人就訓低左睇唔個人，所以姐姐就男女兩個人嘅正面都睇唔到。 之後睇返髮型，因為個女人有曲髮，姐姐就覺得個女人望落好似法國佬個女朋友，所以就估嗰個男人就係法國佬。
唔知點解我永遠都睇唔到呢啲咁有趣嘅事，除左呢件事，姐姐仲遇到一個女人係路邊屙屎，嗰個女人亦都冇諗住搵個隱蔽啲嘅地方，所以就一邊屙一邊同大家對望。 The boat is safer anchored at the port; but that's not the aim of boats. 出自牧羊少年奇幻之旅既作者，佢係行完 camino 之後先寫嗰本書，而佢都另外寫左一本佢行 camino嘅書。
過左Cruz de Fero同Manjarin 之後就係漫長嘅落山，因為山路實在太濕太跣所以大部份朝聖者都行返車路，唯一風險就係太大霧驚俾車車死。
落斜嘅時候真係好爽，半行半跑咁好快落到底，算係離開Burgos 咁多日以黎最有行山感覺嘅一日。
落山途中，姐姐又問返我，行到世界盡頭之後要唔要一齊逆走葡萄牙之路，我之前都諗過好唔好跟隊行，然後覺得既然自己有嘅就係時間，又未決定行完camino之後去邊，咁一於就go啦！
由Santiago去Porto 只不過係十二、三日，行到之後我仲可以留係西班牙同葡萄牙玩多陣先返香港，呢個計劃好似都唔錯。
上網睇相 El Acebo係一個幾靚嘅村仔，但係我黎到嘅時候就大霧迷茫，如果唔係有個牌話我知已經到左，我真係唔知到已經唔會留意到，原來霧後面就已經係El Acebo。
再行多冇耐就去到Molinaseca，雨愈落愈大，我地入左間bar唞下順便避雨。我指住托盤上面嘅tortilla話要一件，點知老闆就將淨返既三份之一個tortilla 全部俾曬我，結果食左我一共4歐。
呢一餐亦都由小食變左做我嘅午餐，真係好耐都冇食過咁多蛋。
食緊嘢嘅時候，電視播緊西班牙議會投票罷免現任首相，因為之前嗰個涉貪，而罷免投票亦都通過左。新首相Pedro Sánchez係一個靚仔，我唔知佢係乜人，亦都唔知佢咩背景。
之後問下Josan西班牙新首相係一個點嘅人，點知佢連自己國家換左首相都唔知。
最後行去Ponferrada 嘅4km一樣可以揀山路同車路，姐姐堅持要行山路結果就伏左大家，山路遠一公里多啲唔止，我地仲要一邊行泥路一邊鬧，鬧左成個鐘先行到去庇護所，隻新鞋著左一個月睇落好似已經著左半年咁。
講返Ponferrada呢個地方，算係西班牙有少少名氣嘅城市(至少Josan聽過呢個地方
)，嗰度有一個好完整嘅中世紀城堡，歷史留返之後講，而且人口都幾多下。Josan有諗過好冇係度訓多晚，不過最後就決定噚晚住喺Molinaseca，今日行4km黎Ponferrada訓第二晚，會合我同姐姐兩個人。仲誇張過我由Sahagún 去 Bercianos 嗰日只係行10km，情與義，值千金。
去到庇護所門口就已經撞到Josan，佢亦都係啱啱先去到庇護所，係門口有個女人捉住佢做問卷調查。
庇護所好大間，有花園、噴水池、教堂、好多間房，同噚日一樣，我地黎到嗰陣已經有成批人係度排隊等check in，美麗同 Ellie 仲話佢地成個鐘之前已經行到(我諗我地係因為條低能山路先咁慢)。
以前我好少諗行得快定慢，但係自從 Astorga之後，遇到既呢班人令我忍唔住多左比較，成日驚行得太慢，驚去到間庇護所爆左，行得比之前大左壓力。
其實我唔知到底係因為新呢批人嘅關係，定係因為行到 camino後面就係咁樣，會有呢個轉變。
不過唔理點樣，真係好開心可以見返Josan，今日亦都係Burgos入城之後我地三個人再一次聚首一堂，都已經係差唔多兩個星期之前既事。
我地見啲房都係四人房，心諗今次正啦，我地三個人霸一間房都得啦，
點知個義工帶我地行到走廊最盡頭，一開門竟然係間八人房，仲要有五個阿伯已經係床上面攤唞緊。
嗰日沖涼房非常繁忙，其實外面教堂側邊仲有另一個沖涼房，不過大家都唔想淋住雨行出去，所以就迫曬係屋入面呢度沖，沖到連熱水都冇曬。 呢個時候我先有機會用到我咩左成個月嘅遮，算係有少少用，可以俾我擔把遮行出去沖涼。
Josan朝早就已經參觀過Ponferrada 既城堡，佢話裡面冇乜特別，入場費又唔平，而且個博物館啲介紹又淨係得西班牙文，所以我就忍痛放棄左呢個景點。
其實行到愈後我就愈少俾錢入景點，唔係因為我麻木左唔想去做觀光客，而係因為我愈來愈窮，西班牙消費真係唔低，為左慳錢只可以揀景點去唔可以全部去。
不過有咩令到Ponferrada 呢個城堡咁特別呢，咁就要講返少少歷史，戴返個頭盔先，我都係聽 Josan講啲自己又查下資料，講錯左唔好怪我。
Camino嘅來由好多人都應該聽過，或者有少少認識，我就簡單講下算。
事緣812年嗰時突然有人發現左十二門徒之一St. James既遺體，而佢就葬左係Santiago de Compostela呢度，之後當地人就係佢個墓上面起左個聖壇，自此就開始有朝聖者由歐洲各地行過去 Santiago朝聖。
同時期亦都係西班牙長達七百年嘅收復失地運動(Reconquista) ，八世紀既西班牙南部係屬於阿拉伯帝國嘅一部分，直到1492西班牙人成功攻陷Granada，將所有穆斯林趕出西班牙，呢場仗先正式結束。
1492呢一年亦都係哥倫布發現新大陸，嗰陣時啱啱統一嘅西班牙就開展左佢輝煌嘅時代。
基本上，朝聖之路最盛行嘅時代就係收復失地運動嗰時，朝聖唔單止係因為宗教咁簡單，朝聖者帶黎人力物力亦都直接支持左呢埸戰爭，St. James嘅化身亦都象徵戰爭嘅勝利。
當西班牙人成功驅逐曬所有外來入侵者之後，朝聖之路就慢慢失去左佢原有嘅政治功用，加上幾十年之後嘅宗教改革，德國英國呢啲地方都改信基督教唔再信天主教，原本大部份朝聖者都係黎自德國，失去左德國朝聖者之後camino 就慢慢息微。
愈扯愈遠，講返camino同政治其實係密不可分。
當年西班牙仲同阿拉伯人打緊仗，所以法國皇帝就俾左Ponferrada 坐城堡俾聖殿騎士團，要佢地保護camino上面既朝聖者，就好似黑社會收左錢要昅實個場咁。
聖殿騎士團叫Templars，全名叫所羅門聖殿的基督貧窮騎士團(The Order of the Poor Knights of Christ and of the Temple of Solomon)，係十字軍東征時嘅產物，屬於歐洲三大騎士團之一。
雖然佢叫自己做貧窮騎士團，不過實際上係富可敵國，比法國國王仲要有錢。
因為騎士團喺第三次十字軍東征就俾人趕左出耶路撒冷，冇左自己既基地，而法國國王喺東征既時候就欠左騎士團好多債，所以就索性發難渣，殺曬騎士團裡面所有話事人然後解散騎士團，唔駛還錢之餘仲可以吞曬人地啲錢，黎一個黑吃黑。
(想睇多啲東征、騎士團嘅歷史，可以睇下天國驕雄套戲)
Ponferrada 呢座城堡就見證左當年Templars嘅輝煌過去，東至耶路撒冷、西至西班牙都有佢地既足跡，對歐洲中世紀歷史進程有好大影響。
Josan仲話管理Manjarin庇護所嗰個大叔，一直都自稱自己係最後一個Templars，又真係幾不可思議。
城堡週圍都係到買 Templars嘅紀念品，同平時見到嘅St. James Cross唔一樣，Templars 有佢地自己嘅十字架。
Templar
而St. James Cross 就係一把劍，亦都係聖地牙哥騎士團嘅標誌，我個人認為呢個就靚啲喇。
St. James
行緊嗰時見到有個牌，寫住西班牙同日本唔知點樣外交關係樹立。
同 camino一樣，日本有條熊野古道一樣被列入世界文化遺產，不過牌上面寫住嘅遍路我估指嘅應該係另一條。四國遍路，沿住四國海岸線行一圈，沿途經過八十八座寺廟，一樣有印仔cup，行緊嗰時仲可以著住古裝朝聖。
嗰日晚飯去左庇護所義工推薦嘅一間餐廳，食物唔錯，加上Josan同姐姐都唔食 lasagne所以俾曬我食，我終於難得有一晚可以食飽行出餐廳。
行返庇護所嘅途中竟然俾我地撞到同我行路速度一樣嘅韓國姐姐，我喺Astorga訓多左晚，理論上係唔會遇返佢，點知佢又好似Josan咁兩日路分三日行，又俾我地開心重遇！
嗰晚我地坐左係庇護所門口食生果，隔離班朝聖者攞住部吉他一路唱Hotel California，唱得好好聽。我好耐都未試過今晚咁開心。
庇護所好大間，有花園、噴水池、教堂、好多間房，同噚日一樣，我地黎到嗰陣已經有成批人係度排隊等check in，美麗同 Ellie 仲話佢地成個鐘之前已經行到(我諗我地係因為條低能山路先咁慢)。
以前我好少諗行得快定慢，但係自從 Astorga之後，遇到既呢班人令我忍唔住多左比較，成日驚行得太慢，驚去到間庇護所爆左，行得比之前大左壓力。
其實我唔知到底係因為新呢批人嘅關係，定係因為行到 camino後面就係咁樣，會有呢個轉變。
不過唔理點樣，真係好開心可以見返Josan，今日亦都係Burgos入城之後我地三個人再一次聚首一堂，都已經係差唔多兩個星期之前既事。
我地見啲房都係四人房，心諗今次正啦，我地三個人霸一間房都得啦，
點知個義工帶我地行到走廊最盡頭，一開門竟然係間八人房，仲要有五個阿伯已經係床上面攤唞緊。
嗰日沖涼房非常繁忙，其實外面教堂側邊仲有另一個沖涼房，不過大家都唔想淋住雨行出去，所以就迫曬係屋入面呢度沖，沖到連熱水都冇曬。
呢個時候我先有機會用到我咩左成個月嘅遮，算係有少少用，可以俾我擔把遮行出去沖涼。 Josan朝早就已經參觀過Ponferrada 既城堡，佢話裡面冇乜特別，入場費又唔平，而且個博物館啲介紹又淨係得西班牙文，所以我就忍痛放棄左呢個景點。
其實行到愈後我就愈少俾錢入景點，唔係因為我麻木左唔想去做觀光客，而係因為我愈來愈窮，西班牙消費真係唔低，為左慳錢只可以揀景點去唔可以全部去。
不過有咩令到Ponferrada 呢個城堡咁特別呢，咁就要講返少少歷史，戴返個頭盔先，我都係聽 Josan講啲自己又查下資料，講錯左唔好怪我。
Camino嘅來由好多人都應該聽過，或者有少少認識，我就簡單講下算。
事緣812年嗰時突然有人發現左十二門徒之一St. James既遺體，而佢就葬左係Santiago de Compostela呢度，之後當地人就係佢個墓上面起左個聖壇，自此就開始有朝聖者由歐洲各地行過去 Santiago朝聖。
同時期亦都係西班牙長達七百年嘅收復失地運動(Reconquista) ，八世紀既西班牙南部係屬於阿拉伯帝國嘅一部分，直到1492西班牙人成功攻陷Granada，將所有穆斯林趕出西班牙，呢場仗先正式結束。
1492呢一年亦都係哥倫布發現新大陸，嗰陣時啱啱統一嘅西班牙就開展左佢輝煌嘅時代。
基本上，朝聖之路最盛行嘅時代就係收復失地運動嗰時，朝聖唔單止係因為宗教咁簡單，朝聖者帶黎人力物力亦都直接支持左呢埸戰爭，St. James嘅化身亦都象徵戰爭嘅勝利。
當西班牙人成功驅逐曬所有外來入侵者之後，朝聖之路就慢慢失去左佢原有嘅政治功用，加上幾十年之後嘅宗教改革，德國英國呢啲地方都改信基督教唔再信天主教，原本大部份朝聖者都係黎自德國，失去左德國朝聖者之後camino 就慢慢息微。
愈扯愈遠，講返camino同政治其實係密不可分。
當年西班牙仲同阿拉伯人打緊仗，所以法國皇帝就俾左Ponferrada 坐城堡俾聖殿騎士團，要佢地保護camino上面既朝聖者，就好似黑社會收左錢要昅實個場咁。
聖殿騎士團叫Templars，全名叫所羅門聖殿的基督貧窮騎士團(The Order of the Poor Knights of Christ and of the Temple of Solomon)，係十字軍東征時嘅產物，屬於歐洲三大騎士團之一。
雖然佢叫自己做貧窮騎士團，不過實際上係富可敵國，比法國國王仲要有錢。
因為騎士團喺第三次十字軍東征就俾人趕左出耶路撒冷，冇左自己既基地，而法國國王喺東征既時候就欠左騎士團好多債，所以就索性發難渣，殺曬騎士團裡面所有話事人然後解散騎士團，唔駛還錢之餘仲可以吞曬人地啲錢，黎一個黑吃黑。
(想睇多啲東征、騎士團嘅歷史，可以睇下天國驕雄套戲)
Ponferrada 呢座城堡就見證左當年Templars嘅輝煌過去，東至耶路撒冷、西至西班牙都有佢地既足跡，對歐洲中世紀歷史進程有好大影響。
Josan仲話管理Manjarin庇護所嗰個大叔，一直都自稱自己係最後一個Templars，又真係幾不可思議。
城堡週圍都係到買 Templars嘅紀念品，同平時見到嘅St. James Cross唔一樣，Templars 有佢地自己嘅十字架。
Templar
而St. James Cross 就係一把劍，亦都係聖地牙哥騎士團嘅標誌，我個人認為呢個就靚啲喇。
St. James
行緊嗰時見到有個牌，寫住西班牙同日本唔知點樣外交關係樹立。
同 camino一樣，日本有條熊野古道一樣被列入世界文化遺產，不過牌上面寫住嘅遍路我估指嘅應該係另一條。四國遍路，沿住四國海岸線行一圈，沿途經過八十八座寺廟，一樣有印仔cup，行緊嗰時仲可以著住古裝朝聖。
嗰日晚飯去左庇護所義工推薦嘅一間餐廳，食物唔錯，加上Josan同姐姐都唔食 lasagne所以俾曬我食，我終於難得有一晚可以食飽行出餐廳。
行返庇護所嘅途中竟然俾我地撞到同我行路速度一樣嘅韓國姐姐，我喺Astorga訓多左晚，理論上係唔會遇返佢，點知佢又好似Josan咁兩日路分三日行，又俾我地開心重遇！
嗰晚我地坐左係庇護所門口食生果，隔離班朝聖者攞住部吉他一路唱Hotel California，唱得好好聽。我好耐都未試過今晚咁開心。
噢! 原來嗰觀光鎮叫Molinaseca....個時經過覺得, 成個鎮同camino 格格不入, D野仲好很費
睇翻相, 原來有兩個鬼妹喺下面洗腳
Ponferrada 我去到個時係星期日, 唉, 乜都唔開, 無得睇, 第二朝黑媽媽就走咗
BTW, 你住Ponferrada 間 albergue, 有無見到佢個教堂鐘轉...我第一次見到仲function嘅鐘
睇翻相, 原來有兩個鬼妹喺下面洗腳Ponferrada 我去到個時係星期日, 唉, 乜都唔開, 無得睇, 第二朝黑媽媽就走咗
BTW, 你住Ponferrada 間 albergue, 有無見到佢個教堂鐘轉...我第一次見到仲function嘅鐘
落山途中，姐姐又問返我，行到世界盡頭之後要唔要一齊逆走葡萄牙之路，我之前都諗過好唔好跟隊行，然後覺得既然自己有嘅就係時間，又未決定行完camino之後去邊，咁一於就go啦！
睇topic+你第一頁嘅post都估到你行埋, 等睇
BTW, 你住Ponferrada 間 albergue, 有無見到佢個教堂鐘轉...我第一次見到仲function嘅鐘
個鐘係乜嘢
，真係冇留意到Nonono
，又點會咁容易俾巴打估到，睇住黎啦
，又點會咁容易俾巴打估到，睇住黎啦
睇硬你啦