貸款博士DrLoan
2018-05-22 14:31:43
- 聯權姐係我地平時叫既「長命契」, 業權係以一整體去睇, 所以即使其中一位業主死左, 業權會自動比左另一人;
相對分權, 會清楚寫明大家佔百分幾, 如 1/2, 2/3 ETC, 咁情況如其中一位業主死左, 就要靠遺囑去決定業權歸誰, 如無遺囑就由遺產官判, 會由佢既直繫或親屬繼承, 未必關你事.
- 不論聯權定分權, 做按揭時都會要求所有業主出現及一同簽名, 以確保業權完整, 所以按揭黎講兩者無分別. 姐係息同回贈同單人名無分別
- 針對怕另一位業主出去偷按樓呢樣野, 你可以放心. 只要你個銀行按揭係 17年打後做, 銀行都有份「土地查冊登記業主通知信」, 只要你層樓既填土廳記錄有咩依郁, 土地查冊署都會電子通知業主同銀行, 所以基乎所有二按, 三按, 業主貸款都會無所循形.
但, 最擔心既係佢走去借「空中釘」, 同樣係樓按一種, 但完全唔登記係填土廳, 只要借款人準時供款準時簽約就相安無事, 而一旦甩期走數就會馬上落釘變真正二按/ 三按.
- 呢個係無得防, 但你可以放心既係, 不論聯權定分權, 佢最多都係借到佢比例既錢, 唔會一半當全份計. 甚至乎如係聯權, 財務會要求律師將佢變分權, 俗稱「劏契」, 劏完既契合唔番埋, 除非下手買賣以聯權買. 同樣聯定分唔影響按揭同買賣, 只影響出意外時既業權歸依.