撈左按揭好耐，你問我答 (2)

情況:
我買樓時 我家姐做左我擔保人
依加想用家姐名買樓,用我媽做擔保人。
問題:
我想做轉按,同時我家姐又做買樓按揭。
會唔會唔可以同時進行?

你今次轉按係想甩家姐名定點？ 你個操作都複雜，如做得唔好會比人減成數又減壓測指數

你同家姐或媽人工夠唔夠自己食一個按揭？

今次轉按純係因為層樓升左
令我按揭 可以做6成 本來8成
(好似可以慳保費? 加賺回贈?未去銀行問)
可以退到保費的，變相慳左

同時間 我屋企手上有450萬左右, 物識緊岩既樓盤
咁如果有岩既樓盤 (目標: <500萬既樓),就想落我家姐名借按揭 (成數:2成左右?) 再加我媽做擔保人。

1) 我+家姐食本來個按揭,有餘數
2) 我+媽 人工唔夠食本來個按揭, 可能需要放數十萬落去,先可以抽我家姐名出黎
(買樓既本錢會少左,但家姐可以自己做按揭)

問題1:咁如果咁岩我依加申請轉按時,又咁岩有盤睇中, 會唔會要等轉按手續完成先可以到家姐做按揭?
唔洗，同銀行講番個情況，佢地會照批，因為都係要減成數同壓測指數，程序上無分別

問題2:比較下面三個情況,邊個可取啲?

情況1:我轉按(我加擔保人家姐不變) ,之後家姐加我媽做擔保人做按揭


情況2:我先用數十萬落去抽我家姐名出黎(加我媽做我擔保人),之後家姐可以自己做按揭
呢個最好，大家都借得足。同樣唔洗等轉左按先買樓，同銀行講番情況，再後補除名文件即可。

情況3:定我應該先係我個按揭轉按套現多30萬出黎 (用盡埋我加家姐quota), 之後家姐加我媽做擔保人再借?(擔保人:媽年齡58,當critical case 計, 月入15000 ,借兩成=100萬, 還15年(75-58?))
就咁計應該無咩問題?(好似係 )
呢個反而我唔明你諗緊乜，如以借足非借盡角度諗（因你層樓理應係轉按慳保費，非再套現），情況2係比較好，你同家姐都唔洗比銀行因有其他按揭貸款而減成數同壓測，可以分別借足自己人工，而又唔影響大家

多謝巴打先,太多複雜問題