An機究竟要點做，先有機會好似Iphone咁受歡迎？？

你唔好理啦, 總之iPhone就一定係最好的
身邊的人問我用咩電話好, 我哩10年黎都係答iPhone

btw, iPhone有咩唔識用唔好問我, 我只有An機

終於有認真討論

UI的確Apple直觀好多，但Android widget 真係好多好靚好多嘢玩，又好隨意

但係要為咗令到所有widget都行得好，好難，又要追性能追電量

到最後寧願為咗用部電話順啲，唔用啲花巧嘢

其實返璞歸真先最多人用得舒服

初頭擺明Android抄iPhone ,到而家Android成日搶閘，講到自己出先咁
但係到蘋果出嘅時候，大家都係追捧蘋果

都係嗰句，唔係因為人哋跟風，亦唔係因為蘋果做得最好，只係Android做得唔好

唔同意
ios 唯一可取係所有 app 嘅 setting 擺埋一齊
Android 舊年加咗每個 app 可以唔同語言
呢樣嘢我覺得對 multilingual 嘅人好重要

二來就我鍾意 Android 啲 home gadget
不過 ios 都抄咗
UI 上其實已經冇乜分別
不過掃邊返回真係上咗癮
iPhone 仲要去左上角撳
大 mon 單手去左上角好辛苦

上年頭半個月+$2000-3000
去到11月尾仲有$500-1000

ios 咪普通女人一個
結婚前又話信教唔搞得
結咗婚又話唔搞得又話冇 mood

android 咪燕瘦環肥樣樣齊
少少錢就咩都肯做
咩嗜好都滿足到你囉

我都係咁答

都係個句，受歡迎有佢嘅渣拿

要令到啲人轉會都要第二個會做得好先得

呢個係第二個會嘅責任，點解會係消費者嘅責任？

點解消費者要，因為打壓壟斷，就要屈就自己用個唔好用嘅電話，咁樣係唔係同「受歡迎」呢樣嘢背道而馳？


根本Android手機生產商對手除咗Apple之外，其他公司生產商都係對手。
此為求快啲出新機，有噱頭多款式平價，販賣特定功能，忽略晒用家真正需求

盲腸 又好似係
特別係M字額都唔知抄嚟做乜

你點解會覺得蘋果信得過
有好多決定都係對消費者冇好處

如果計所有人口，ios真係少於20％，真係無得唔承認，一開始已經比咗數據你。即係an實際其實真係有80％以上，係咪仲搬龍門先？搬咗幾次，最多比你講到係有接近50％，咁頂多係平分天下，咁比盡你Apple都只有一半行業影響力。

加上你睇少印度？錯晒啦印度係全球IT行業命脈，大部分source code都係印度佬寫，你竟然當人哋係第三世界人哋印度軟實力已經有資格取代中國。印度竟然9成人用An機，咁你話未來IT行業邊個有影響力？

USBC無錯係歐盟迫佢放棄。你唔問吓，點解針對Apple轉usbc？而唔係要迫其他an廠用晒lightening port？歐盟就係尊重最符合mass market利益，作出呢個決定。邊個最有影響力，真相已經好明顯啦。

第一段係一個女人，你可以一部機用好耐

下一段係好多個女人喎，醫生話Fei你要係咁換機喎

咁樣比較真係合適咩

同埋人係會偏向定性，最後你咪又係會揀一個可以同你留得最耐嘅人

下一段係好多個女人喎，燕瘦環肥你要係咁換機喎

認真,
性能, 相機, 系統多源全部都係AN贏
但APPLE同圈子既人係佔多D, 係事實.
依個先係個POST既主要問題, 點解IPHONE既發展方向咁獨裁所有野都係要買返同一個BRAND先可以通用既情況底下都可以係20-40歲依個年齡層咁受歡迎.
而AN機比較多元, 唔同BRAND都可以用同一套系統, 要低階有低階要高階有高階機既情況底下反而係20-40歲依個圈子內只屬小眾呢?

我覺得主要黎講係依十年APPLE MARKETING同PACKAGE真係打得好好.
同埋羊群心理多D, 有種人有我都要有既心態, 用家會有種莫名其妙既優越感. 有小小似TESLA車主.

睇你份人係短視定睇長遠
二來唔覺得係屈就

iOS 太多嘢做唔到
剩係 block 唔到廣告已經浪費人生好多時間
除非你有錢到連登 twitter fb ig tg youtube spotify etc 全部課金
An 機裝個 app 就唔駛睇廣告

android玩機海先贏
高中低階乜都有 先係多人買嘅原因
同價錢 我相信大部分人都揀iPhone
利申：雙修

係
IT 嚟講印度 以色列呢啲都係舉足輕重嘅國家
本身識英文 勞動力龐大
鬼佬都係睇印度佬 tutorial 學 code

唔駛換
我部垃圾都用咗四年幾

咪以為d功能好吸引，條女見你用an機已 stereotype毒撚柒柒，an俠繼續用部an機睇片打飛機輕鬆

至少感覺到佢有認真從用家角度諗

唔係整個用圖片儲存指紋，AI月亮，呢啲擺明欺瞞消費者嘅功能，為咗搶市場唔理reliability 盡快
推出街

可能你會睇天線門事件，但係佢嘅堅持都係因為想用最好嘅物料比用家最好嘅體驗，我唔否認佢忽略咗功能性係唔好

主因係 marketing 同 celebrity effect
荷里活多名星用你咪覺得潮
其實冇咩客觀理由

有睇過唔同an 牌子既post發現
得佢地先會咁留意人地用咩牌子電話

3.5 指紋 叉電線 叉電器
四樣嘢都係破壞用家體驗
講音質一定係有綫耳機靚聲

十年嚟我唯一羨慕係 mag safe
不過又唔見好多人用

browser市場係自由選擇，冇同os綑綁，邊個好用就用邊個。我係見唔少iPhone/Mac人都裝chrome上網，掉轉你有冇見an機人裝safari？

就好似唔睇波嘅唔識分球隊咁理所當然
自己會比較自然會留意多啲
唔會貨比三家自然唔識分

因為20-40歲呢個年紀嘅理應好生活多姿多彩
手機對佢地嚟講只係生活好小嘅部分
係咪咁多功能/多元化唔係太重要
更加唔係要透過手機好多嘅功能去表現自己