《妖具》-我無啦啦做左個道士，仲要係全香港最大粒果個 ! ?【3】

聲音有些熟悉，但一時半刻又想不起來。

「邊個？」張天師第一個回頭卻偏偏見不到人。

「本天師在此！邊個夠膽放肆？」張天師打算虛張聲勢，但敵在暗他們在明，作用也不太大。

「哈哈～天師？根據資料張保星先係龍虎山天師，你又係邊個？」

「哈哈保星正正係我師弟！只係本天師唔願比龍虎山所束縛…」

張天師十分輕鬆便編出一個近乎完美的故事。

「你到底何方神聖？」崎駿聽張天師的回答後便已經知道這只是一個江湖騙子，但他也只能專心對付暗藏的敵人。

「教會到底點解會知？」黑暗中那人也有相同的想法，重點只放左在崎駿身上。

「哈哈…其實教會唔知，但你應該係實驗室嘅人，不如放左我同Aoio走，我當咩都唔知，其實我不太想管其他人的生死，只想救回Aoio。」

「可以！睇下你本身有冇呢個實力。」

「Aoio應該都係水深火熱之中。」

Aoio的尖叫聲此起彼落，響亮的慘叫環繞整個空間。

崎駿雖然表面不在乎其他人，但他也偷偷按下了教會的求救訊號。

「天真！」神秘人一把刀飛出，把崎駿手中的求救器打了下來。

「歡迎黎到鎖羅盆村！」神秘人慢慢走出，那人正正是單拳超人…

「25…」崎駿發現了單拳超人手上的25號的紋身，便已經猜到他的身份。

「你地自求多福…」崎駿拍了拍張天師和經理人的肩膀。

「再見！」崎駿拔腿狂奔，他雖然是教會的核心成員，但他不是實戰人員，普普通通的驅魔或許可以，但對付實驗室，他想也不敢想。

「喂…喂…！」張天師想叫停崎駿，但瞬間便消失得無影無蹤，想叫也叫不住。

「哈哈～放心！今日一個都走唔到，同你地講鎖羅盆村一夜消失嘅真相」

「都係算～你地自己體驗下。」25號露出笑容，便消失在迷霧之中。

（以前鎖羅盆村）

山中風雨雷電交加，四個男子帶著一個女子走著山路。

「呀女頂住呀…嗚…頂住…去到鎖羅盆村就有得救嫁啦。」

「快啦！幫手㩒住佢！」三個男人用盡全力按著架上的女子。

女子看起來十分嬌小，但三個男子也按不住他。

「仲有幾耐？我就快㩒佢唔住！」

「就到啦！」帶頭的男子看了看地圖，應該也差不多了。

「頂！」男子慘叫一聲，手被女子抓出了一道深深的傷口。

「嘻嘻～哈哈哈！」女子詭異地笑著。

「奇怪，點解仲未見條村？」帶頭的男子估計應該差不多但連一些皮毛也沒看到。

再向前行多十分鐘，也只見到一些廢墟，像是已經荒廢了很久的村落。

「喂！到未啊！我…我…㩒佢唔住啦。」被抓傷的男人感覺到身體有些不對勁，身體開始發冷。

「到左…」帶頭的男子再三確定，這裡便是老人口中的鎖羅盆村。

「吓？呢度邊似呀！」

「點算呀！我覺得不如算啦！放佢係度自生自滅！我想走啦！」

「你傻左呀！我個女、你契女黎嫁，一世人兩兄弟唔係依加先黎縮沙？」

「但係…」

「冇但係！你唔救我自己去搵！」

「喂！呀發佢有啲唔妥！」被抓傷的男人開始口吐白沫，雙眼反白，身體不斷顫抖。

「快！綁住佢！呀女發病之前就係咁！」

三人立即把兩人綁在一起，前車之鑒綁的時候特別小心謹慎，怕會像呀發一樣。

「頂！又多一個！」

「村長明明話到左鎖羅盆村就有救…呃我！」那父親一腳便呀起一粒石頭，把不甘和憤怒都發洩在石頭之上。

「咚！」一下清脆的銅鑼聲傳入耳中。

乜嘢係「呀起一粒石頭」?!

踢起打錯字

等我頭先對住粒石係咁呀佢都唔郁添

咁係你呀得唔夠大聲
建議大聲啲再試下

「天乾物燥，小心火燭！咚～！」一把男人聲傳入眾人的耳中。

「打更？」一條荒廢了的村莊又怎麼會有人打更。

「關門關窗，防盜防賊，防妖防魔防屍變。咚～！」

這個打更人說的話好像又與平常的不太相同。

「呀！收聲！」呀發雙手抱頭，十分厭惡打更的聲音。

「平安無事～！咚咚咚！」連續三下快速的打更聲，一張符紙直飛呀發的腦門。

「年輕人…點解帶咁大份大禮黎？」一個打更的老人緩緩走出。

帶頭的人立刻意識到在這裡出現的肯定是高人，雖然不知來意，但為了女兒也只能賭一賭運氣。

「前輩，請問呢度係咪鎖羅盆村？」

「你地係度搵鎖羅盆村？」打更人立即警覺起來。

「我地村嘅老人話比我地聽，係得呢個地方先可以救到我個女。」

「邊條村？」

「荔枝窩村，前輩一定要救下佢！」

「咚！」打更人慢慢走近女子，在他的耳邊打了一下銅鑼。

女子沒有特別的反應，反而看著打更人笑了起來。

「唉…你地跟我黎啦，我帶你地入村，我都處理唔到。」打更人看到情況後便轉身離開，一路走向荒廢了的村莊。

「咚～開！」打更人打了一下銅鑼，便大喊一聲。

但眼前的景象卻毫無變化，依舊是風雨交加的廢棄村莊。

老頭子突然之間，神秘地消失得無影無蹤。

「人呢？」三人都難以置信地看着對方，他們是同一時間看到老頭子的消失。

「鬼…？」其中一人害怕得雙腳顫抖。

「鬼咩鬼？入黎啦！」一隻手憑空出現，像是看魔術一樣。

聽到是老頭子的聲音便跟了進去。

「見つかった～（發現了～）」一個神秘人一直在暗中觀察著眾人。

三人一進村落便發現不再是廢墟，也沒有風雨雷電。

「呢邊！」老頭子走到一間客棧前。

「夜啦，有咩都聽朝再算。」

「伯耶婆，開門有客到！」頭老子敲著門。

「嘈完未呀！客滿呀！」一把女聲十分不滿地大叫出來，雖然嘴上不饒人，但還是乖乖把門打開了。

「果邊。」老頭子指向五人，老婆婆也跟著老頭的視線看去。

「死老鬼玩野呀？我地唔收活人。同埋警告你唔好亂帶人入村！」老婆婆罵了老頭子一句後便轉身離開。

「等陣！唔係呢三個。」

「三個？」老婆婆明明看到五個人，他也知道老頭子應該也不會無端端帶人入村。

「你鼎鼎大名嘅打更人都搞唔掂，黎搵我做咩？」

老婆婆口中說著，身體卻很誠實地轉了回來走向五人。

「我？哈哈～捉鬼就叻姐，講到殭屍我都係門外漢。你先係專家嘛～」

「得啦～唔洗再吹啦。」

「殭屍？我個女他係病左炸！」

「妖！死開啦！」老婆婆沒有理會男子，還一手把男人推開。

「老鬼借個更黎。」老頭子聽後沒有多想便把手中的東西掉給了老婆婆。

「咚咚咚～」快速連敲三下之後，女人的反應依舊一樣，毫無反應。

「鎖魂鑼都冇用？有啲特別…」

「係咪因為佢唔係殭屍？」男子仍然心存一絲希望。

「只係有啲特別姐，我未見過咁嘅殭屍，但係佢一定係殭屍。」老婆婆斬釘截鐵地說著，沒有給男人半點的希望。

人數咁奇怪既

原來我早幾篇睇錯人數

嚇一嚇仲以為我亂左

樓主快出文！用左一日半追曬勁好睇

今晚就出多謝g持

「唔信？咚咚咚～」老婆婆再次敲了三下銅鑼，呀發十分痛苦地扭動身體，口中不斷重複「收聲…收聲…」

「老鬼比番你～」老婆婆把東西還給老頭子。

「呢兩個今晚就留係客棧先啦…其他你搞掂。」

老婆婆從口袋裏掏出一道白符，一道符化作七道金光打進兩人體內。

呀發立即暈了過去，但女人卻又是毫無反應。

「奇怪…老鬼你有冇見過呢種情況？」老婆婆開始不太能理解。

「試下封埋佢三魂？」老頭子提出自己的想法，但老婆婆卻搖搖頭。

「殭屍一早就冇左三魂，只有傳說中嘅…」

老婆婆望向女子，但也不太敢妄下判斷，但也謹慎起見拿出一張白色符紙。

三道金光打左女子頭上的三個位，同時有三道紅光由女子的頭上爆發而出，瞬間吞噬了那三道金光。

「頂！大獲！」老婆婆也沒想到會出現這個情況。

「天地無極！冰魄封三魂，封！」老婆婆在衣袖裏掏出三支冰針。

老婆婆一手插到女子頭上爆發紅光的位置，三支冰針溶化在頭上，同時紅光侵蝕了老婆婆的雙手。

老婆婆縮開雙手，冰針亦同時發揮到功效，女子開始閉上眼睛…

「天地無極！」老婆婆把兩支冰針插在自己身上。

「咚咚咚！無事平安！」老頭子看到瞬間快速敲起銅鑼，老婆婆手上的紅色瞬間被一道柔和的金氣包圍起來。

「老鬼攞糯米黎！快！」老頭子瞬間消失在眾人眼前，過了十多秒便不知從那拿出一桶糯米。

老婆婆把雙手插進糯米桶內，糯米瞬間變成了黑色，老婆婆的面上亦出現了痛苦表情。

就這樣沉默地過了十多分鐘沒有任何一個人敢出聲音，直至老婆婆把雙手從桶內抽出來。

「妖！老貓燒鬚添！差啲命都比埋佢。」老婆婆雙手放到身後。

「老鬼最衰都係你，比埋曬啲爛主意！」老婆婆一腳伸向老頭子，老頭子腿上捱了一腳，瞬間跪倒在地上。

「咁我都唔知…」

「下次再亂出主意我就吉死你！」老婆婆拿出三支冰針要脅老頭子。

「下次一定唔會！」老頭子十分識趣說。

「唉…依加算係封印左佢，但客棧此終有客棧的規矩。老鬼呢三個你帶番去先。」

「但係我屋企冇…」話未說完便能感受到老婆婆傳來的殺氣。

「我會通知靈異協會，聽日7點叫埋村長一齊係番呢度等，到時再詳細講下發生左乜嘢事。」

「但係呢…」

「冇但係就算我同意，入面果幾個老細都唔會同意。」

「總之你自己諗辦法解決啦！我帶佢地兩個一齊入去先。」

老婆婆兩張符分別飛到兩人的頭上，兩人瞬間站起，主動跳入客棧之內，老婆婆也關上了大門。