《妖具》-我無啦啦做左個道士，仲要係全香港最大粒果個 ! ?【2】

雙修走左甜係都冇野睇

推推

「想變強你要做好覺悟....」呀行的表情再次變得嚴肅了起來。

「做好會死嘅覺悟...」不單單小藍聽到後感覺到訝異﹐我聽到也難以置信﹐但我卻不能作出任何回應。

小藍聽到後沉默了一會兒。「如果你啱啱講嘅係真﹐就算只有1%機會我都會試。」

小藍的眼神無比的堅定﹐仿佛對於死亡絲毫不畏懼。

「有覺悟就好﹐不過做師父嘅又點會睇住你死。」呀行上前拍一拍小藍的肩膊﹐讓他放鬆一點。

呀行在背包中拿出了一條鑰匙﹐一條我也不知道它存在的鑰匙。

「小藍你應該知道咩係妖具?」小藍知道什麼是妖具﹐但其實對妖具的認識並不深。

「妖具其實分左三個等級﹐有十二件神器、七十二件魔具、同最普通嘅妖具。」

「不過我地一般都統稱之為妖具。」

「如果你要變強﹐除左修煉以外﹐妖具都係一種方法。」

「呢條鑰匙就係打開一件我係日本搵到嘅魔具。」

「一係就係你征服佢將佢變成你嘅能力﹐一係就你變成妖...即係死....」呀行把鑰匙放到小藍的手中﹐另外還有一對摺了的白紙。

「想唔想變強﹐決定權就係你手上。」

「呀行有樣好重要嘅嘢話俾你聽﹐千奇唔好比人知你有業鏡同果5支旗仔﹐我就係因為呢兩樣野而死。」連張道仲這樣強的人也因「它們」而死﹐我如果比其他人知道﹐可能死了也不知發生了什麼。

「你地慢慢諗清楚﹐呀行希望下次再見你已經準備好。」呀行露出了一個意味深長的笑容。

「接住落嚟嘅新世界就交比你地兩個﹐我走啦~」

「呀~順帶一提業鏡嘅能力係隨機嘅﹐不過我已經幫你封印咗修羅道同埋天道。再見~!」手中的戒指原本閃爍著的紅光消失了。

我再次拿回身體的控制權﹐雖然心中有無數個問題。但在拿回的一瞬間﹐感覺到天旋地轉。好像牆壁、房間的擺設都在動﹐在我倒下的時候看到小藍專心地看著手中的白紙﹐絲毫沒有留意到我。

推

推推

不知為何我感覺到有一條滑溜溜的東西在我的臉上不斷地來回。我不知為何睜不大雙眼，好像好累…好累…這就是地獄嗎？

難道在女鬼沖過來的一瞬間我已經死了？張道仲和小藍的事都只是我的幻想？

「汪！」在我耳邊傳來一聲狗吠聲。

「小黑你話你聞到杏仁味？」一把十分熟悉的男人聲出現。

「達明？都係嘅佢應該仲死得早過我，不過都好起碼黃泉路上有個伴。咁小藍呢？佢冇事吖嘛？」我在腦海中不斷浮現出小劇場。

「咁我已經知道兇手嘅手法，真相只有一個(日文)！」熟悉的背景音樂響起﹐加上那死神小學生專有的台詞。

「汪」

「就係氰化物中毒。」

「呀～！」一聲撕心裂肺的叫聲。

「大金依度真係好無聊呀，呀行又叫唔醒，大金又唔知幾時番。小黑得番你陪我咋！」

小黑突然一下跳到我的胸膛，肺部受到了重擊。

「咳…咳…」這一下無心之失，成為了我醒過來的契機。

「呀行～你醒啦。」達明十分激動，甚至絲毫感覺不到他有少許的擔心我。

「足足三日啦，終於有人係呢個「地獄」陪我傾下計。」

這個「地獄」有些特別，沒有刀山火海，沒有駭人嘅場面。這裡只是一個普通到沒法再普通的病房，與地獄完全扯不上任何關係。

我慢慢坐起來，這才看到達明。

「搞咩呀？哈～哈」我看到達明忍不住沖口而出。

正所謂「睇人仆街最開心」我完全收不起臉上的笑容。

達明的渾身纏滿了繃帶，除了面上留了少許呼吸的空位外，就只有露出雙眼，總覺得木乃伊差不了多少。

達明嘗試把他扭不太動的脖子，轉過來望看我。

「三日啦﹐你終於醒。」我看到他居然眼眶中流出了眼淚﹐那是感動的淚水。

「三日?原來我已經死左三日啦。」我看著自己的手﹐並沒有像達明的繃帶﹐而且我感覺到十分的真實。

「死左?不過終於有人同我一齊黎到「地獄」啦~!」

「但依度完全唔似係「地獄」。」不論是我坐著的床﹐還是整個環境﹐都與我想像的地獄有很大的差別。

「依加未係...大金番左黎就好難講啦。」達明提起「大金」這個名字時﹐眼神之中充滿了恐懼。

「大金係邊個?」我完全沒有聽過大金這個名字。

「大金....大金係惡魔....魔鬼.....唔係應該用撒旦黎形容佢。」

「吱嘍~」房門緩緩地打開。

「達明...我聽到你好似講緊我壞話喎~」房門外傳來一把男人聲。

「睇黎我要幫你加強治療嘅強度....你準備好未。」達明渾身冒出冷汗﹐身體也在顫抖。

新讀者留名

多謝G持

「哦！終於醒左啦。」門外出現了一個胖子，身穿一身白袍﹐唯一有些突兀的地方就是他腰旁一個中醫木箱。

「達明乜我咁似撒旦咩?」大金沒有理會剛剛醒來的我﹐直接走向達明的身旁。

「真係咁似咩?」大金面帶著詭異的微笑﹐不得不說那笑容有一點點邪惡﹐真有一些撒旦的感覺。

「唔係...完全唔似...大金你係天使...冇錯係天使。」達明的眼神十分慌張。

「咁治療時間開始...」大金把那中醫木箱拿到達明的視野之內。

「唔好埋黎~!!!!!」達明看到木箱後差點嚇暈過去﹐我反而更想知道木箱內有什麼東西能令達明如此害怕。

銀風蛇一口咬到達明的脖子﹐毒液以肉眼可見的速度由大動脈一直擴散。大金立即從腰間拿出銀針﹐在達明的身體多處施針。

「呼~搞掂﹐已經封好曬啲穴道﹐到你地啦。」大金打開木箱﹐任由箱內的的蛇蟲鼠蟻自主地爬到達明的身上﹐很快便爬滿了達明的全身。

不要說達明達明膽小﹐我只是在旁邊看著已經渾身起了雞皮疙瘩。要是放到我的身上﹐應該會直接嚇死。

「金蟬﹐你同我睇住佢地﹐我依邊仲有一個病人。」從大金的身體之內鑽出了一隻發著金光的蟬﹐停在半空之中。

「好啦~到你。」大金便沒有再理會達明﹐而是看著我。

我仿佛在被撒旦凝視﹐我終於明白達明害怕的是什麼。

「陳行聰...你昏迷左三日﹐擘大個口睇下。」大金到我的床尾拿出病歷表。

「冇事﹐之前靈力消耗過大先會昏迷咁耐﹐已經幫你打左支靈藥﹐休息多陣就冇事。」

「你唔係惡魔?我唔洗好似佢咁?」我指著達明。

「我係惡魔?我邊度似。」

「我係巫醫﹐我叫金戈﹐一般人都叫我大金。」

「達明佢全身骨折﹐靈氣反攻五臟六腑﹐導致靈氣中毒。所以先要用銀風蛇的毒幫佢控制﹐再加上....」

大金說了一大堆專業的毒蟲名字﹐什麼黃肥尾蠍，六眼沙蛛﹐我完全不知道是什麼來的。

「叮鈴鈴...叮鈴鈴...」大金的手機響了。

「夠鐘﹐金蟬~」金蟬發出了一些聲音﹐原本爬滿了達明的全身的毒蟲﹐都十分聽話地自動自覺地爬回木箱之內。

好睇，留返個名先

多謝支持

好好睇。出多d仲好睇

多謝支持不過放完工打唔到咁多

文呢

打緊一陣出

「喂 ! 醒啦~」大金走到達明的身旁。

「啪!啪!啪!」大金「輕輕力」拍打達明的臉。

「咩事。」達明的臉紅得像馬騮的屁股一樣﹐已經腫了起來。

「你試下用靈力。」大金叫達明開始嘗試使用靈力﹐但他的雙眼在他使用靈力後開始慢慢充血。

「咳...咳...」達明口中吐出了一些黑色的鮮血。

「夠啦。」大金把達明身上的銀針拔去﹐達明明顯地感覺到血氣順暢了不少。

「睇呢個情況只要多三四日﹐應該就可以出院。」大金用手指沾上了一些黑色的血。

「仲有三四日~呀!」達明聽到還有三四日有一點崩潰。

「係喎~小藍已經幫你交左錢﹐你一陣間自己出院就得。」大金好像突然想起我的存在。

「小藍佢冇事嘛?」我印象中小藍也受了不少的傷。

「冇事﹐佢帶你地兩個過黎果陣仲精神過我﹐點會有咩事。」

「好彩小藍姐係度坐鎮﹐唔係可能今次我就要死係女鬼手上。」看來達明完全不知道之後發生的事﹐把張道仲做的一切都歸功於小藍。

不過這也是一件好事﹐最少張道仲嘅事情不用暴露。

「不過係你昏迷嘅時候除左小藍姐﹐仲有個女仔黎搵你。」

「女仔?」我有些不解﹐這年來和我熟落的女性應該就只有小藍一個﹐應該不會有其他人會來找我。

「佢話你地兩個好快會見﹐跟住佢係你耳邊講左好多野之後就走左。」

「叮~!」我的手機突然響起﹐是一個來自小藍的短訊。

『聽日去老銅玩密室逃脫兩點鐘﹐不見不散。』

「密室逃脫?」之前完全沒有聽小藍提及過。

「原來已經到左依個時間...」大金突如其來的一句﹐打斷了我的想法。

「上次玩密室逃脫差少少出唔番黎。」不知為何達明也有同感。

「自求多福...」大金輕輕拍拍我的肩膊﹐被他說一說令我也有些緊張。

「到底...」我完全不知玩一場密室逃脫﹐到底為什麼要自求多福。