《妖具》-我無啦啦做左個道士，仲要係全香港最大粒果個 ! ?【2】

別西卜只好看看剛才癲狗的位置，癲狗戴著般若面具倒在暗處之中。

「我地實驗室誠邀各位加入！」

「尤其係你陳會長…」般若慢慢望向呀行。

另一邊廂在工廈內的眾人也留意到有些不對勁的地方，想聯絡癲狗但卻與他失去了聯繫。

突然之間所有螢幕在同一時間關掉，在黑色的螢幕中出現了一個淡淡的圖案，亦伴隨著時間的流逝﹐圖案越發清晰。是一個五芒星加一個圓形所組成的標誌﹐而在五芒星中間有一隻眼﹐而眼珠是一個時鐘。

過了一陣子螢幕閃爍了一下，所有的畫面上同時出現了一個帶著般若面具的男人。

「1、2、3聽唔聽到？」那男子在調較鏡頭把鏡頭對好位置後便走到鏡頭對準的中間位置。

「咁多位朋友仔大家好！」

「我係般若…」

「大家又可以叫我19號。」他身穿白色的實驗袍﹐與般若面具十分不搭。

「費話就不多講啦 ! 」19號坐在一張椅子之上﹐開始對著鏡頭演講。

「相信咁多位獵魔公會嘅朋友仔一早就聽聞過我地實驗室﹐又或者你地會認為我地係撒旦教。」

「雖然咁多年黎我地都同撒旦教有住緊密的聯繫﹐但希望你地可以分番清楚我地叫『實驗室』。」

19號做了一個奇怪的手勢﹐把雙手放在胸前形成一個三角型。

「實驗室誠邀各位加入﹐不論各位嘅出身、能力、天賦﹐我地一一都可以幫各位改善。」19號緩緩站起，語氣變得激昂。

「平等才是世界的真理﹐若果世界本身不公平﹐就由我地實驗室去改變。」

「唔知咁多位有冇疑問?任何疑問都可以盡情發問。」

「問問題？嘜佢聽到我地講野嫁咩？」米露有些不解。

「香港靈異協會新界分部部長，體術同控屍嘅專家，身為靈食家但卻冇任何靈力…我講得啱唔啱呀米露小姐？」

米露有些愕然，沒想到對方對他的調查如此徹底。

「我地唔止聽到你嘅說話，而且對你地獵魔公會嘅每一個人都有深入嘅了解。包括啱啱到嘅星雲大師。」

「咁我再問多次有冇疑問？」19嘅淡定若閑，仿佛一切都盡在他掌握之中。

推

文呢？

「你地嘅目的係咩？」小藍沖口而出。

「啪！啪！啪！」19號無原無故地鼓起掌來。

「呢個問題問得真係好！小藍姐果然係協會最強問問題非常之到位！」

「我地嘅目的只有一個！揭開呢個偽善與謊言嘅世界！為世界帶來平等！」

「依加所謂的平等只係既得利益者所表現出黎嘅偽善與謊言。」

「呢個世界由出生開始就已經注定係唔平等！點解有人係李嘉誠個仔，而有啲人卻出生於第三世界？」

「又有人話上帝關上你一扇門，就會為你打開一扇窗。但又有幾多人到死嘅時候都未見到果一扇窗打開？又有幾多人上帝不單單冇關上佢嘅門，甚至仲為佢開更多更多嘅門？」

「又或者，何為善？何為惡？撒旦就係惡？上帝就係善？」

「點解撒旦就一定係惡，而上帝就一定係善？你知唔知？你又知唔知？」19嘅指著屏幕前嘅眾人問道。

「你唔知、你都唔知。不過我知！原因好簡單，就係因為撒旦係天使戰爭輸左！」

「勝者為王，敗者為寇。歷史從來都只係屬於勝利的一方。」

「試想一下，如果當時天使戰爭若果係撒旦勝出，上帝就會成為壓迫人類嘅魔鬼，而撒旦就會係打倒惡人嘅英雄。」

「如果打破呢個偽善與謊言嘅世界嘅人就係魔、妖。咁我等就算成魔成妖，都唔願係呢個虛偽的世界屈膝求存！」

「我地要做接下來嘅勝利者！揭開呢個偽善與謊言嘅世界，由我地實驗室寫出真正客觀嘅歷史！」

有文啦

最近我開左個新ig

Ig: _baymaxko_

希望大家可以follow下
會慢慢更新番之前果d 最新消息都會係ig 公佈


不知不覺都已經差唔多一年（雖然長期都好似單機）

不過多謝大家嘅支持有咩都可以dm 我同我傾下計

好耐無留言尋晚果兩篇文講目的真係可以削減下, d內容可以叫做無內容 簡單講話係佢地組織統治下實現既公平, d字數用去推動下你既故既進度好過你寫一大抽野出黎但零進度

變左我地睇完好空虛, 兩篇野唔洗睇都得咁,本身你個故世界觀已經大, 出文唔算多同快, 搞到近期d故事有點拖得太耐了

新呢兩篇真係好似睇緊近年海賊王咁一堆野但無內容好拖戲 加油

其實呢段嘅內容係想比大家知佢地眼中嘅世界係點

佢地唔係單單一個追求平等嘅組織，而係佢地相信嘅野係呢個世界不被認可嘅事。

想推翻呢個世界認知嘅一切，用佢自己嘅想法說服眾人。點解佢地同撒旦教合作，就係因為對上帝嘅不信任。

不過我出文係慢嘅有時我都想出多d但我又打唔切放完工好攰又唔想斷更，所以體諒下

「咇咇咇咇咇咇咇…」19號的手機響起。

「哎喲～原來我地已經傾左咁耐，有咩下次再傾過。」

「依加已經係下午茶時間。我知你地仲有問題想問我，唔緊要記住我19號，香港分部代言人，之後我地會係逄魔之時再見。」19號揮揮手趕着走到攝影機前。

「到底你地想做被圈養嘅家畜，定還是做一個敢盡去了解真理嘅人？」

「而我地嘅實驗就係令大家有機會可以擁有改變嘅資本，而唔係因為天賦而受到唔公平嘅限制。務求咁多位都可以係同一個起跑線開始了解呢個世界！」

「如果對我地有興趣，你地自然會有方法聯絡我地。」

「最後一句，實驗無上，天理冇償！」19號再次做出那奇怪的手勢，然後便關掉了攝影機。

獵魔公會的所有人都沉默了，思考著剛剛19號所提出的獨特見解，雖然大家都知道是其中一種可能性，但如果是真的﹐便是對信仰的衝擊。

突然之間，獵魔公會的辦公室內傳出一句「實驗無上，天理冇償！」

眾人立即跑到獵魔公會內，只是一個男職員一直重複著一句說話「實驗無上，天理冇償！」

男職員看到眾人的到來，便歪頭用詭異的笑容向著大家笑，那笑容令人不寒而慄，完全無法想像是一個正常人的笑容，那𠝹開的嘴角，跟裂口女一樣。

「實驗無上，天理冇償！」男職員把手中的美工刀一下子刺入頸部，鮮血噴向眾人。

頓時眾人的心都震驚不已，獵魔公會內工作的人都經過嚴格的審查，絕對不可能有邪教的人存在，但男職員的行為卻顛覆了眾人的認知。萬萬沒想到他們居然潛伏得那麼深。

另一邊，般若放下手中的ipad，剛才iPad 中播放著一段影像。

「係你地…」別西卜放棄了抵抗，眼神變得遊離。

「陳會長…你有冇興趣加入我地實驗室。」般若伸出手，示意友好。

我還在思考為什麼他們對我有特別嘅興趣，般若便收回了了友誼之手。

「唔洗急住覆我，反正你同我地室驗室嘅命運一早已經牽連一齊。」

「不過今日嘅目的唔係呢樣….」般若慢慢走向別西卜。

「別西卜，我好掛住你，同埋你朋友仔瑪門都等緊你。」般若拍一拍別西卜的肩膀。

「唔好行埋黎！」別西卜仿佛知道面具下的人是誰。

「做咩咁驚呀？」般若用力按著別西卜。

別西卜吃痛連忙向後退去，拿出蒼蠅變做的手槍向般若射去。

般若也拿出了同款的手槍，別西卜也十分驚訝。

「砰！」兩隻作為子彈的蒼蠅同時碰上，碰上的一瞬間便爆體而亡，那汁液微微濺到別西卜的臉上。

「別西卜呀～別西卜～睇黎太耐你已經唔記得左我啦喎。」般若淡定若閑，但眼神中滲出濃烈的紅光。

「唔好過黎！」別西卜不斷重覆這一句，邊說邊縮，但般若裝作沒有聽到，慢慢走近別西卜。

「掌心雷！」一道閃電直線從背後打向般若，般若一個側身輕鬆躲過，閃電打到地上。

「砰！」般若看也沒看便向後射去，呀行亦留意到般若手上有一隻同款的戒指，在槍發射的同時戒指也發出紅色的光芒。

「天靈靈﹐地靈靈﹐四大金剛護我身。」神秘人瞬間拿出一張符紙﹐手中立即掐出一道法訣。金光覆蓋了他的全身﹐擋下了般若的一擊。

「葉雲…茅山派道士，靈異協會香港分部部長。初次見面幸會～幸會！」

葉雲口中吐出鮮血，雖然擋下了一擊，但也不輕鬆。

「冇事嘛？」我看到連忙攙扶葉雲，這次葉雲沒有帶著兩名道童。

「我冇事！」葉雲一下把我甩開，完全沒有理會我。

「在下茅山 南宗 葉雲 。未請教？」

「般若，實驗室。」

「不過今日我唔可以比你帶佢走。」葉雲指著別西卜。

「咁要睇下你有冇呢個本事。」般若從腰間拿出一條用黑色符碌製成的紙條﹐紙條像是有意識一樣捆著別西卜。

在別西卜碰上紙條的瞬間，身體的所有力量都被吸走了一樣，但別西卜一發力便微微破開了紙條。但手上的手鐲再次發出電流，把別西卜的力量壓制，紙條才繼續把別西卜捆綁住。

「未完成實驗嘅實驗品真係…」般若看了看別西卜身上的紙條。

「天地無極﹐乾坤借法。爆炸符﹐急急如律令！」葉雲丟出爆炸符，爆炸的威力十分巨大，現場掀起濃煙滾滾。

眾人如夢初醒，立即拿出法器。

「人多蝦人少！不過今日冇咩時間同你地玩。」般若鬆一鬆肩膀，語氣中感到有點可惜。

「陰陽流轉﹐黑白無雙﹐以鎖眾魂。」阿泳第一個反應過來，雙眼發出淡淡的紅光，從腰中抽出鐵鏈，向般若飛去。

「白無常？」般若一手捉著鐵鏈，鐵鏈動彈不得。

般若手中的戒指再次發出紅光，另一隻手中憑空出現一條鐵鏈。但好像般若戒指上發出的紅光只有我看到一樣，沒有任何人有留意到。

「點解？」阿泳看到有些不敢相信。據他所知，周婆婆把鎖魂鏈交給他時告訴過他，鎖魂鏈只有一條，而與他相配的另一件妖具-「招魂幡」早以失去了蹤影。

「去！」般若手中的鐵鏈瞬間應聲已出﹐鐵鏈無限延長﹐直接圍繞著阿泳﹐把他牢牢困著。阿泳想學般若般捉著鐵鏈，但鐵鏈發出的熱力令阿泳無法靠近。

「我們的天父，: 願祢的名受顯揚，: 願祢的國來臨，: 願祢的…」雪微與天寶一同念起天主經，手中拿著十字架。

葉雲也沒有閒著，手中的銅錢不斷丟到在般若的腳旁。

般若淡定得不可思議，完全沒有絲毫的緊張。

我本想把困著阿泳的鐵鏈拿掉，但我不管用多大的力氣又拉不開。邊拉邊看著他們的戰鬥，看看有沒有什麼破綻。

天寶從腿旁抽出一把銀制的匕首，便向般若沖去。

天寶出刀快如閃電，連續數刀揮去，快得仿佛有殘影一般。

令人十分震驚的是，般若站著一動不動，硬生生接下所有的砍擊。

但只有天寶知道，他並沒有砍到任何的東西，每一刀般若都以極微小的動作躲開。

「趙家死剩種唔係…係最後嘅傳人，趙天寶同趙雪微，成個趙家都係死係你地手上。」般若面具下的神情有些玩味。

「死剩種…」這三個字不斷在天寶的腦海中回盪著，揮刀的速度慢了很多。

天寶塵封已久的回憶瞬間浮現腦海。

「天寶！13歲生日快樂。」天寶的媽媽在黑暗之中拿出一個蛋糕。

「微微今日唔係度真係嘥曬，你地兩兄妹最鍾意的提拉米蘇，記得留番少少比微微。」

「快啲～媽我要許願。」我只是想快快許完願望便能吃那提拉米蘇。

祈禱

教會打交前一定係祈個禱先

「第一個願望，我想快啲食個蛋糕。」

「第二個願望，我想同爸爸一樣成為一個最犀利嘅鑑定師。」

「第三個願望，一家人開開心心永遠係埋一齊。」

「傻仔黎嘅！我地點會分開。快啲吹蠟燭啦！」媽媽邊笑邊撫摸著我的頭，我便一口氣把13支蠟燭吹滅。

「好～食蛋糕。」媽媽把其中一件放到我的碟子之上。

「呢個送比你。」爸爸把一個盒子交給我。

我一打開便是一個看似是放大鏡一般的工具，我一眼便看出這是平日爸爸工作時手裹拿著的東西。