[長氣多圖][無限期] 香港staycation之旅(2)

估唔到香港旅行都可以爆po
https://lihkg.com/thread/2183921/page/1
好慶幸自己係香港既旅行仲未爛尾
不過另一方面亦都意味住我們仲未脫離到武漢肺炎既魔爪
果班人渣仲猛咁叫人打病毒入自己身體
睇怕成件事真係到2022年都未完到
咁我就繼續自己探索香港既旅程
上年上半年原本都只係諗住去行下香港既景點
後來女朋友帶左我去米芝蓮餐廳食過之後就好似開左大門咁
再加下下半年我由景點轉到酒店玩
由本身乜星都未試過之下
後而家已經食左三間三星
個心理轉變係大既
除左要接受無得出外既事實
仲要望住自己家鄉沉淪
另外仲有諗要搬出去住
唔寫下遊記可能我已經痴左線
咁而家福布斯酒店四五星以上既都去左超過一半
可能就會去更多既離島睇下
食下唔同既好西既黃店
咁都係希望呢個遊記唔會爛啦

上一個po行程同自己未來少少既預計
DAY1 蒲台島->Beef & Liberty->赤柱
DAY2 天際100->每日->Ozone
DAY3 太平山->大富翁夢想世界->凌霄閣摩天台428->楚撚記大排檔
DAY4 玄鮨->Epure->觀塘海濱花園->平山
DAY5 Sukiya->梅窩->銀鑛灣瀑布->La Pizzeria->逸東軒->普慶餐廳
DAY6 Aaharn->大館
DAY7 龍逸軒->1881 Heritage->嘉頓山->素年
DAY8 昂坪市集->Ebeneezer's Kebabs & Pizzeria->天壇大佛
DAY9 鮨樂->香港文華東方酒店(上)->Cafe Causette
DAY10 香港文華東方酒店(下)->文華廳->香港摩天輪
DAY11 九龍海逸君綽酒店(上) ->炉端燒
DAY12 九龍海逸君綽酒店(下)->The Promenade
DAY13 Mamaday->香港四季酒店(上)->龍景軒
DAY14 香港四季酒店(下)->The Lounge->Caprice
DAY15 香港朗廷酒店(上)->朗廷會->唐閣
DAY16 香港朗廷酒店(下)->The Food Gallery->Bostonian Seafood & Grill
DAY17 香港海洋公園萬豪酒店(上)->萬豪貴賓廊->Marina Kitchen
DAY18 香港海洋公園萬豪酒店(下)->Pier Lounge & Pier Bar->香港海洋公園->1仔冰室
DAY19 香港鐵路博物館->大埔海濱公園->Fat Belly Butcher & Gin House
DAY20 香港萬麗海景酒店(上)->Club Lounge->滿福樓
DAY21 香港萬麗海景酒店(下)->萬麗咖啡室->Mirage Bar & Restaurant->金紫荆廣場
DAY22 Kitchen->香港W酒店(上)
DAY23 香港W酒店(下)->Kitchen->星宴中餐廳->WooBar->西九文化區
DAY24 Cafe Gray Deluxe->奕居(上)
DAY25 奕居(下)->Cafe Gray Deluxe->燈籠滷味
DAY26 大澳->香港大澳文物酒店(上)
DAY27 香港大澳文物酒店(下)->Tai O Lookout->大澳->蘇廬
DAY28 香港麗思卡爾頓酒店(上)->Tosca di Angelo
DAY29 香港麗思卡爾頓酒店(下)->The Lounge & Bar->天龍軒
DAY30 嚐囍煲仔小菜->心經簡林->Involtini Italian Cuisine
DAY31 香港美利酒店(上)->Murray Lane->Popinjays
DAY32 香港美利酒店(下)->Garden Lounge->香港公園->四季常餐
DAY33 香港瑞吉酒店(上)->潤
DAY34 香港瑞吉酒店(下)->潤->L'Envol
DAY35 南豐紗廠->韓閣
DAY36 南丫島->牧羊少年咖啡館
DAY37 東平洲->好湯好麵
DAY38 香港半島酒店(上)->吉地士->Lady Nara
DAY39 香港半島酒店(下)-露台餐廳->嘉麟樓

預計係
DAY4x 港島香格里拉大酒店(上)->豪華閣貴賓廊->夏宮
DAY4x 港島香格里拉大酒店(下)->Cafe Too->珀翠餐廳

以前都有係度遊過下遊記


日本山陰山陽
https://lihkg.com/thread/220010/page/11
日本關西名古屋
https://lihkg.com/thread/395127/page/1
英國倫敦
https://lihkg.com/thread/278840/page/8
日本東海道
https://lihkg.com/thread/451855/page/1
日本南九州
https://lihkg.com/thread/535359/page/1
意大利西北
https://lihkg.com/thread/624247/page/1
日本中部北陸
https://lihkg.com/thread/684922/page/1
俄羅斯
https://lihkg.com/thread/753355/page/1
台灣嘉義
https://lihkg.com/thread/869213/page/1
日本北信越
https://lihkg.com/thread/951368/page/1
日本南北海道
https://lihkg.com/thread/1049262/page/1
日本中九州
https://lihkg.com/thread/1121830/page/1
日本道北
https://lihkg.com/thread/1285227/page/1
日本山梨
https://lihkg.com/thread/1487369/page/1
泰國曼谷
https://lihkg.com/thread/1646140/page/1
瑞士
https://lihkg.com/thread/1819047/page/1
https://lihkg.com/thread/1907275/page/1
日本中部白川鄉
https://lihkg.com/thread/1911363/page/1
香港
https://lihkg.com/thread/2183921/page/1

爆房推介

cls
開左po一分鐘都無

爆房係個步驟黎既姐

DAY37 東平洲 好湯好麵

我地既第一日
係去左香港既南極
蒲台島
而今日
我地終於去左香港既東極
東平洲
話說日本我都只係去左最北既稚內
終於可以超越日本了

不過去東平洲
係好痛苦既一件事
因為船期係少之又少
b
只有星期六日同公眾假期
而且基本上只有九點一班船
地點仲要係馬料水碼頭
即係放假仲要跟番番工時間起身
真心痴撚線

因為都有聽過有加班船
就無咩點提前排位
大約八點幾先去到大學站

B出口轉左一直行就係



東平洲係地質公園既其中一part
未有武漢肺炎之前
曾經諗過既香港旅行
其中就係想去制霸全地質公園
係仲有包括萬宜水庫東壩
荔枝窩
吉澳
鴨洲
橋咀洲等等
直至而家
先開始左第一步

跟住指示會橫越吐露港


去到竟然見到條咁既人龍

講緊呢度離開碼頭都仲有幾分鐘路程

一路排就一路有職員不斷係度數人
成日會聽到排後面無位上船既說話

東平洲仲有少數居民
而信箱就擺左係碼頭

碼頭邊有呢d banner

九點開船
船飛九十蚊

雖然官網就只有九點一班船
但其實就一定唔會夠坐
咁就開左好多班加班船
不過船就唔係無窮無盡既
去到最後佢已經叫我地打定輸數唔會有位
當然諗既係如果去唔到東平洲咁做咩好
可能會等十二點去塔門既船
或者直接離開搵個地方行
結果排到我地前面仲有五個工人姐姐
但就只有三張船飛
最後果班工人姐姐諗唔諗都係無買到
就比我地趕到搭呢架尾班船

可以用八達通比錢

算係有驚無險
而呢班工人姐姐竟然仲係碼頭歡送我地坐船離開
諗起都痴線

最後一班係架細船

因為船程要個半鐘
就算最早開既船都唔會夠時間可以番到黎再接人
所以排我地後面既就只有失望而回

雖然趕得切買飛
但就係坐左係上層呢兩排位

係要咁樣迫住坐個半鐘
雖然坐得唔係幾舒服
但總好過失望而回既

船上面有本東平洲既書仔
有東平洲地圖同岩石介紹

廿蚊本
我就無買到

個半鐘船程得閒就行出去鬆展下根骨

由馬料水出發
過左馬鞍山
前面好快就已經乜都無

感覺好似旅行書d越南下龍灣咁
事實係東平洲對面就係支那版圖
近過香港本土好多

亦都見到呢種貨輪

個半鐘比想像中快


東平州海岸公園


唔可以釣魚
唔可以露營
亦都唔可以擺賣
而呢度係幾乎收唔到電話
就算拎個公司機個支移動都係收唔到

一行出去就真係不得了

清撚到

再行出d已經見到五千萬年歷史
被稱為香港最年輕既岩石


打卡位


東平洲地圖

原本係諗住逆時針咁環島行一個圈
但十一點幾先落船
五點三就要回程
又要食飯
再加埋八婆港女嘈生晒既時間
事實係做唔到
最後我地係行到斬頸洲就橫cut番入大塘
食完野再沿岸一路行過去更樓石
就無去到龍落山同洲背呢d地方

碼頭對出有個大型廁所

我就唔敢去
女朋友話入面都好臭

再行過少少已經係士多

唔知點解
我就係一心想黎到新昌食海膽炒飯

不過我地尾班船太遲黎
已經太多人full晒
決定轉個圈先再番黎食

呢種紋路真係好鬼型


周圍都有嚴禁捕魚既標示

但對面就係支那
我就唔信支那種唔做

環島有兩條路行
一條係行沙灘

另一條係行樹蔭路

其實差別唔大
最後都係會出番去沙灘行
中間有番d原居民既屋
有問過路佢地都肯答既

另外都有好多廢屋


座標我就唔識睇了


呢度d岩我唔可以稱佢為奇形怪狀
因為我覺得真係好有型

上面個窿見過真係有人捐入去打卡

木板加玻璃樽

好有無人島feel
不過而家島上面係企左三四五架滿船既人流

望到呢個畫面

我真係以為自己去左宮崎青島咁
係鬼之洗衫板呀
再加埋個鳥居

完全就係同一樣既景色
偶爾同自己製造思想混亂
幻想自己已經唔再係呢個香港市
再加上電話無訊號
係真係可以放空一日既
可惜地獄就係我地面前
出番去
又要面對呢個奶共政府
日日都推你去死
日日都無運行

係密集恐懼症呀


其實個鳥居係海岸公園個牌黎

今日天氣好好
雖然好曬
但又唔算好熱

疊石

以我自己既理解
應該係為左紀念先人

好靚

但係格離個八婆好嘈

然之後係山路

離開斬頸洲仲有一公里路程

東平洲地勢算平坦
山路都無乜上山落山
係石路較多行得比較崎嶇

呢度就有條路落去斬頸洲既

但呢度成契弟聚左係度唔上唔落
條氣唔順我就直接放棄左呢個景點向前行
但原來前面仲有條無咁斜既路可以行落去

不過就要跨過d大型岩石

頭先比人塞撚住果條路


斬頸洲就只係一條兩邊都岩壁既路


又幻想下自己去左立山黑部
兩邊都係雪牆既畫面
應該係度拎兩把劍出黎學文遠講
無人可以越過我劍圍

而頭先係沙灘行到黎斬頸洲都係指定釣魚範區

行到呢度已經一點半
如果繼續環島既話真真係無四點都去唔到終點既更樓石
所以係呢度決定左打橫cut番去碼頭


中間會經過呢個舊軍營
成個集中營咁
呢條路無乜野睇
所以完全無人行
都曾經驚會行錯路
因為呢度收唔到電話
好多野都無得上網搵
真係唔可以靠直覺黎行

好彩最後都行番落士多

其實仲有間呢間坪州士多
但唔知點解我完全無興趣停低

最後就番到左新昌士多醫肚

士多有熱水沖身
不過就要課金

好可惜今日係食唔到出名既海膽炒飯
呢個應該要睇運氣先食得到

另外佢地都有套餐同單點



我地就叫左個咖哩海鮮炒飯

另外叫左碟椒鹽魷魚鬚

同埋豆腐花

個環境就係咁

其實佢係上左個豆腐花先
個炒飯都大碟
夠兩個人食
肚餓就乜都好食
係重口味左少少
咁樣埋單165
個價都ok

醫完肚又番到碼頭起步點

東平洲正式名稱為平洲
不過為左要同大嶼山格離果個平洲區分
所以就加左個東字以作識別
曾經我都到過平洲
當時係為左轉船去喜靈洲做野
或者將來都會再去旅行觀光一次

三點鐘已經好多人選擇回程

而我地就出發往去香港既最東點

更樓石

仲有750米左右路程

沿岸行又曬又多石


入少少就有d舊屋


呢個叫做阿媽灣

直面就係奶頭村
d名好鬼正

中間有座天后宮



我就無行入去詳細睇

香港最年輕既岩石層


原來呢D橫紋既岩石係被稱為千層糕


之後諗住沿岸邊一直行過去更樓石
發覺唔係咁易
所以入番佢中路

入面係指定既BBQ場
仲有人係度紮營


最後黎到更樓石

因為大岩石比較堅硬
經過風化侵蝕之後
就形成左兩條巨形石柱

右面果舊行就上到去
但左面果舊就要爬先上到去

東平洲位於香港最東
並無好似蒲台島最南面咁有座燈塔
所以呢兩座更樓石可以話係香港最東既指標

咁香港最東之旅黎到呢度就差唔多要結束啦
時間都差唔多四點
又要用番大半個鐘原路出番去碼頭
東平洲路就唔複雜既
只係太多石頭成日都會屈到隻腳咁樣樣

雖然我地搭尾班船過黎
可能船公司都怕唔夠船番去
所以都keep住一直有船係碼頭
回程無咁迫就相對舒服啦

番到馬料水行番火車站就可以望到呢間沙田凱悅

曬左一日
如果可以咁樣stay都係舒服既
不過無plan過
而且沙田凱悅都無任何特別值得住既地方就唔諗了

咁就坐幾個站黨鐵過去大圍果邊
去左呢間好湯好麵

話說呢間餐廳並唔係第一次黎
當日一月宣佈好湯好麵拎左2021年既米芝蓬推薦
咁蘋果就緊係不斷係度番loop佢地既報導啦
原來餐廳係由幾個酒店人成立
大廚更係前四季酒店三星法國菜caprice既副廚
聲稱食物係真材實料
整成十二款湯底
食物成本超過四成
同佢以前做caprice既時間有得揮
比出面坊間餐廳就高好多
咁睇完個報導係餐廳拎左米芝蓮幾日之後
我就搵埋大圍朋友一齊去試啦
餐廳十二點開門
聽佢話平時超多人排隊
所以我就特登早半個鐘到場
但已經見門口企左幾個
門口就有個牌比人跟隊用既
應該就真係日日都大排長龍

當日門口仲未有貼米芝蓮既牌出黎

總共有十二款麵揀

其實睇完好多都話佢麵質就唔算好特別
主要都係飲佢地湯底
結果等左陣後面就已經咁既樣


當日仲係二人限聚
基本上入左頭一輪人之後既就要再等多半個鐘以上先有次輪
本身佢就話我唔齊人唔入得住
好在朋友係淨番最後兩個位果時到達
如果唔係真係唔知要等幾耐先食到
不過諗住其實佢都有比一位入去食既
咁唔通我一個人叫兩碗麵又唔得咩

餐廳個場幾細
都係得廿個位左右
仲要一半唔比坐

而個位都唔算闊

都係岩岩好可以擺碗麵多d

咁一場黎到
緊係試佢既海龍皇湯啦

因為要met蝦款係有跟塊濕手巾
報導就話碗湯係用法式整法
用原隻蝦黎煮成濃湯
最後再加埋蝦頭油
一上檯碗麵係勁香
飲落好濃海鮮味
有d似飲叻沙咁

另外朋友叫棉花雞

都好足料
個湯就清d
我覺得就唔算好特別

雖然每個麵賣近百至過百
但其實去食個拉麵都係呢個價錢
佢咁足料既價格都算係公道
重要係幾好食
而且雖然係細店
但加水都加得算密
唔會話你食完就唔再fill趕你走

咁之前果次就試左海龍皇
今次想試佢另一個招牌好頭好尾

點知夜晚黎到已經賣晒
唯有揀其他
今次夜晚食條龍感覺短少少
不過都排左差唔多半個鐘

今日行左多路
所以一次就叫左三個麵
佢都有比碗我地自己分
問佢最後果碗可唔可以遲d上
但就話因為都一直整緊所以做唔到
都明白既

第一個係佛跳牆

算係咁多個麵第二貴既
感覺就同上次果個棉花雞差唔多
係再多左鮑參翅同帶子

第二個係上次都掙扎緊叫唔叫既黑口黑麵

跟餐有件比堅尼圍裙跟幾特意

飲落個湯好似都係差唔多
係個色唔同左
有對比就有傷害
亦都唔算好特別

第三個見廚師推介都試過晒就亂咁叫既叉燒飽

睇落最普通反而有驚喜
十足日式拉麵咁樣
但塊叉燒我覺得好食過拉麵店
仲要大大塊
個湯再濃d

不過後兩碗麵就差唔多時間上
食完叉燒飽再食番黑口黑麵就已經涼左
下次真係唔應該比佢再咁叫法

我好少餐廳真係會去超過一次
仲要係咁短時間
而呢間好湯好麵真係吸引到
去完第二次都仲會想去第三次試埋佢個好頭好尾
同埋個海龍皇真係值得番尋味既

DAY37 完

樓主俾呀嫂開發咗

係。想俾佢包養

Lm

唔洗好有米都可以做到
無旅行去咪放肆下

初三做乜同職員嘈嘅？

無咩特別啦
勿相認

好想睇港島香格里拉
幾時會出

復活節先去
可能去左九龍香格里拉先
零房價正

睇完有啖好食都真係吸引既
睇評價都係香宮好過夏宮
不過我應該分散食埋灘萬同angelini

DAY38 香港半島酒店(上) 吉地士 Lady Nara

試過四間福布斯五星酒店之後
係二月尾
終於黎到香港最著名既酒店
半島酒店
從來經過門口噴水池
都會想像到底咩人會入住
係武漢肺炎之前
根本唔會有任何幻想
就算之前話有生日入住優惠
都要成兩千蚊住最低級客房仲要唔包早餐
當笑話聽完就算
估唔到今時今日我竟然係入住左佢地既套房
仲坐埋勞斯萊斯

今次join既package係繾綣星夜情人節優惠
之前從來都唔見半島會擺係第三方網站做優惠
今次算係破天方放左係kkday擺賣
雖然同官網優惠係一模一樣
但就可以用95折code
又再一次衰左係貪平上面
好在今次唔再需要任何改期之類既野發生
咁就用左5084 book左呢個套房送1500credit既優惠
有得選擇先係皇道
好在上次個嘉麟樓package cut得快
今次可以自選餐牌食得到
另外套票仲有單程勞斯萊斯接送
仲可以上天台停機坪影相參觀侯機室

半島酒店被稱為遠東貴婦
1928年開業
已經差唔多成百年歷史
屬於一級歷史建築
由嘉道理家族擁有同管理
佢旗下世界各地既半島酒店
全部都係福布斯五星
都真係世上一個最頂級既品牌
而且係前年尖沙咀放tg果時
半島仲有開放過比民眾避難
對比起其他紅藍酒店
已經算係比較有良心

酒店曾經成為過日軍既臨時總部
香港總督就係酒店336室簽署投降書
及後被改名成東亞酒店
直至重光
原本酒店只有6層
直到90年代擴建新翼
將屋頂設成直昇機場
而家半島樓高30層

酒店擁有兩間米芝蓮一星餐廳
一間法國菜吉地士
另一間中菜嘉麟樓
係二月頭book左酒店之後已經即刻打電話問晒兩間餐廳
結果只book到嘉麟樓
gaddi's只有入waiting list
可能佢地唔做星期日
所以星期六特別多人book

咁係入住前一個星期左右
酒店方面已經有mail問單程接送想點樣安排
我就揀左係樓下接我到酒店
結果呢個亦都係正確選擇
因為到達酒店會有專人接車再帶上房checkin

入住當日既朝早司機都有打比我話因為車身長
唔知入唔入到停車場
最後就泊係街邊

IP都唔洗check
車價好似成八百萬

第一次坐勞斯萊斯
仲會送我入酒店
係有虛榮感既
所以為左無咁失禮我今次都係拖旅行gip算

睇番sunny同creamy
架車側邊位係有把遮可以拉出黎

伸長隻腳都唔會掂到前面

前面倚背好似會有電視機

無玩到
其實架車都唔係話特別長
入停車場都應該無問題既

呢兩個圓形制可以較冷氣


頭頂燈制


車頭女神像


另外好似都有水飲
不過窮撚都係唔係幾敢搞部車
驚整爛野

其實由屋企出發到尖沙咀都只係十五分鐘車程
要課金既話就唔係幾抵玩
睇過個生日package單程要課六百幾
來回就九百幾
沿路都真係見到係有人望既
不過真係試過濕完就算

輕鬆到達門口
有人會幫你拎行李同帶上房

另外都可以搵人幫手影下相
佢地話噴水池門口長期都有三架會泊係度可以影相

今次係我第二次in room checkin
我諗以前半島真係可以有人會帶上房既
但staycation之後應該無咩可能做得到
我估係坐勞斯萊斯入黎就應該先有咁既服務
其實無就預左既
只係之前班人吹到瑞吉太大
所以連一個管家都見唔到個落差先咁大咁失望

因為唔想望九龍酒店
book果時係有request到前庭景
但一入門口係完全估唔到佢將我地原本間高級套房升級左做豪華套房
基本上呢幾個月住酒店都無咩點比人upgrade過
就算係麗思卡爾頓其實upgrade完都係相同房型
只係個景唔同左
但今次係叫做升級左做千三尺既套房
就算再高兩級既新翼套房都只有千一尺
再望出去其實都有海景真係不得了
真心有驚喜
而且係再問多幾次之下
佢地終於話吉地士有位可以比到我地
不過已經兩點幾就黎last order就要快d落去
咁就食完飯先再參觀間房