好耐之前已經想復活節去一次日本
今次終於可以換到機票出發
可惜今年既復活節排左係四月中後段時間
結果第三次春天去日本
都係落得賞唔到櫻既同一樣命運
今次到中九州旅行
應該都算係上年去南九州既後續
當日因為新年關係
食唔到天文館既鰻魚飯
新市街既豬扒飯一樣食唔到
亦因為上次坐左三架觀光火車
決定要掉低屋企人花一日時間去肥薩線黎一次列車之旅
一切又一切既思念
就變成左今次中九州之旅
同之前一樣
因為有舖儲PASS既心態
基於上次去九州已經用左南九州PASS
但今次又要來回鹿兒島
想爆頭之下都係選擇左用全九州PASS
因為得五日
所以第一次就係鹿兒島住左一晚
第二日先上阿蘇
行程如下
17/04 DAY1 香港-鹿兒島->鹿兒島城 ->鹿兒島
18/04 DAY2 鹿兒島->草千里->阿蘇火山->九州橫斷特急->世界之塔->別府塔->別府溫泉
19/04 DAY3 別府->大分府內城->阿蘇BOY!->岡城->阿蘇神社->南阿蘇
20/04 DAY4 南阿蘇->白川水源->南阿蘇小火車->上色見熊野座神社->出水
21/04 DAY5 出水->肥薩橙食堂->SL人吉->人吉城->伊三郎新平->伊三郎新平->青井阿蘇神社->翡翠山翡翠->阿蘇
22/04 DAY6 阿蘇->水前寺成趣園->熊本城->香港
復活節只係請多左兩日假
總共只係去左六日旅行
基本上成個旅程都係圍住阿蘇火山進行
廿年前細路仔既我第一次去日本就係跟團去左九州
當時最有印像就係阿蘇火山
當日買既鎖匙扣我仲KEEP到而家
所以今次既旅程亦都有重溫舊地既感覺
以後有機會繼續制霸九州地區
應該會再細分為西九州同北九州
去多兩次就可以完成九州既旅程
今個旅程
日子雖短
但卻係近年感受最深既一次
除左入住溫泉酒店
仲係南阿蘇天文台住左一晚
欣賞左自己從沒有留意既夜空
亦都係我自己最滿意既旅程
基本一切都照住自己既安排而行
六日間
仲要全部都係晴天
一滴雨都無落過
好神奇
去之前
特登入左隻GMASTER 1635
用左幾次騰龍2875之後
我發覺自己都係鐘意WIDE鏡
呢支野可以影埋人像
應該以後既旅程都靠晒佢
不過一樣都唔係D咩見得人既相
影得衰屌細力D
之前係連登開過既遊記POST
日本山陰山陽
https://lihkg.com/thread/220010/page/11
日本關西名古屋
https://lihkg.com/thread/395127/page/1
英國倫敦
https://lihkg.com/thread/278840/page/8
日本東海道
https://lihkg.com/thread/451855/page/1
日本南九州
https://lihkg.com/thread/535359/page/1
意大利西北
https://lihkg.com/thread/624247/page/1
日本中部北陸
https://lihkg.com/thread/684922/page/1
俄羅斯
https://lihkg.com/thread/753355/page/1
台灣嘉義
https://lihkg.com/thread/869213/page/1
日本北信越
https://lihkg.com/thread/951368/page/1
日本南北海道
https://lihkg.com/thread/1049262/page/1
行程表
https://travel98.com/member/62235/trip