[長氣多圖][無限期] 香港staycation之旅(2)

Lm

DAY60 木戶 名代宇奈とと 金鶴拉麵 香港歷史博物館

話說由上年頭開始無得去日本
其實我就唔算好掛念呢個地方
你問我好係咪好想快d開關我就可以答你唔係
更甚至我已經遺忘左旅遊既感覺
唯一掛念既
就只有鰻魚飯
拉麵刺身既話係香港隨時都可以食到日本級數
但唯獨係鰻魚飯
市面上大部份都係急凍來貨
如果想搵到炭燒活鰻既真係少之又少
所以之前食過既炭家真係香港唯一既正宗鰻魚專門店

咁其實呢排不斷搵資料
除左食omakase
都見到仲有間叫做蟹道野田有養真活鰻
話係來自鹿兒島既
另外見北角仲有間叫做菊志炭燒
仲聲稱自己用靜岡野生鰻
不過之前去過東京魚政見到野生鰻要成萬幾yen
如果五舊水食得到好似唔係幾現實
我就唔知佢係咩貨黎

咁除此之外
真係搵唔到有咩其他餐廳可以食到日本鰻
所以真係退而其求之
搵d見到用炭爐燒既已經好開心
咁就搵到唔少串燒店都有蒲燒鰻魚飯食得到
見到有人推介木戶
又真係見到佢午市有鰻魚丼食得到
就book左個星期日去食午市
順便去埋歷史博物館行下
展開呢個遊記第一次既劣食之旅

木戶開係凱譽8號
近期先岩岩封左黎檢測

原來以為呢類型既舖頭要book位先食到
就book左12點黎到食
但其實walkin都可以
不過就會坐bar檯位咁解

木戶由日本大廚木村先生主理
餐廳係用備長炭炭爐燒烤
環境都算唔錯

有居酒屋風味
曾經我都比人老點話香港炭爐牌照好難申請
以為香港真係無乜用炭爐既餐廳
但其實望一下就知道
好似比較高級既日式餐廳全部都有用炭爐既
有無牌照我就深究唔到
個誤解就好似話三文魚唔食日本人一樣

除左bar檯仲有四人檯


我地坐counter包箱

仲有頂既
都幾c服

午市只有定食
無餐廳主打既單點串燒

價錢由最平88蚊到最貴258
都唔算貴既

落單之後就見到大廚忙住燒烤

不過距離太遠
如果坐bar檯果邊就可以望得好清楚

聽講主廚來自宮崎
其中一項叫做家族南蠻雞都幾吸引既
但兩個人食唔到咁多
其實一個餐就預左想食鰻魚飯
咁最後都係揀左雞串燒定食

由右至左係
雞頸肉
雞中翼
雞腿肉
雞賢
同雞皮
單點好似每樣都要40蚊串
咁呢個定食都算係咁
我自己就無乜點食過真既燒鳥店
暫時仲未分析到太好同壞
不過雞肉都有炭味
但就好似唔係好夠熱

係日本食鰻魚飯
閒閒地都要等大半個鐘
咁等得耐其實都好合理
落單果時問過餐牌兩款鰻魚飯有咩分別
小二就話平少少果個鰻魚同飯會分開既
而貴少少果個就係鰻重有盒既
話份量會多d
咁就當然揀貴十蚊果份
差唔多都食晒串燒先上

鰻魚盒係精美既
配菜就全部lunch set都係一樣
有齊前菜沙律茶碗蒸味噌湯

打開個鰻魚盒

望落去其實幾正
仲要舖滿晒成個盒

係好吸引既
而且食落都算肥美
餐牌上面就完全無寫產地
我估應該唔會係活鰻
不過燒得幾好
好食過市面上好多濕鳩鰻魚飯
但好可惜
鰻魚係滿足既
不過個飯就完全唔合格
個飯濕到痴撚左線完全痴埋一舊

明明一齊叫既串燒定食個飯都仲係粒粒分明

唔明點解可以咁大分別
即刻扣撚晒分

食完諗住埋單走人
原來仲有甜品

蕨餅兩件

埋單436

都係果句
鰻魚係OK既
但飯好差
呢個價錢雖然唔可以話佢性價比低
但就真係可以做得更好
服務黎講都OK既
不過無咩溫度
唔係貼心果隻
我仲以為呢種格調既餐廳應該會做得更好
但其實都係一般般
我諗師傅技術係唔差既
不過餐廳可以配合得再好d

咁貴既鰻魚飯仲未食到啦
平價既就叫做試過下
好似之前比alfred劣評過既過江龍名代宇奈
好多年前杜如風都係節目有介紹過
不過果間係日本店
當時見到幾百yen可以食到咁撚大條鰻魚真係驚為天人
不過人大左
睇既野都唔同晒
平野無好呢個定律都刻左係腦入面

咁都有過下口癮去左呢間鰻魚飯既專門店
而家名代宇奈係香港都有四間
由和心集團經營
我就去左黃埔果間

次次行經aeon其實都有望過呢間野
但永遠都無人既
餐廳名都有寫係備長炭燒鰻魚飯專門店
門口就已經可以望到入面廚師燒鰻魚既畫面
咁我估都唔會呃人唔係用備長炭掛

餐廳格調都算平實

始終都算係連續餐廳

人流少

坐到四人位都幾唔錯

餐牌就好多野揀



對照番日本官網餐牌價錢
其實大約都係十算以內
日本餐廳黎到香港貴左都係意料中事
就唔算話係貴到離晒譜
而且呢間餐廳而家唔洗加一
都算係咁

所有飯類食物都有味噌湯跟

加15蚊可以轉鰻魚肝湯
呢個普通味噌湯就完全無特別

溫泉強鰻魚飯

食鰻魚飯最驚就見到呢種碗
感覺好似好渣咁
其實溫泉強飯就點都好食
加埋碎鰻平平地七八十蚊其實都叫做可以一戰既

咁呢度都有盒上既鰻魚飯
原條太貴
普通鰻魚重又好似唔夠過癮
就揀左特上

份量都算多

唔算肥美
咁呢個價位都無咩可能係活鰻
亦都唔知係邊度產地
只可以話係一分錢一分貨
但起碼用明火炭燒過
個畫面效果都算係咁
味道比起街邊食到既叮叮貨色算係好少少既
但係就食到有少少骨

呢餐食左兩個鰻魚飯
埋單236

無加一
其實我覺得性價比算係咁
可以過下口癮
又可以舒舒服服咁食
服務不過不失
可能睇過L佛劣評
都算符合番自己既預想

最後一間係連登仔狗都唔會屌既拉麵店
金鶴
呢間野最出名就係抄襲
當食過座銀之後
其實係無可能會過黎食一間價錢唔平得幾多
但劣化既雞白湯拉麵
之但係係網上面見到話
呢間金鶴最好食既竟然係鰻魚飯
仲聲稱自己選用台灣活鰻係店內劏
即叫即燒
咁就即管黎試下佢
而且餐廳係eatigo訂檯
某幾個時段係可以做到五折優惠
金鶴係香港都有成五間
我地就去左土瓜環分店
夜晚八點半先有呢個五折優惠

位置就係鐵路便當對面既天橋底

門面算幾港版既日式

舖頭有兩層
下層係bar檯
不過基本上都會坐上面

個格局都幾唔似拉麵店

二人位算窄

不過可以有籃放野
呢間野好搞笑既
我自己覺得
佢見你用eatigo優惠呢
態度就係比較西既
但因為我點左個正價既鰻魚飯
咁果位類似經理既態度就即刻唔同晒
仲幫我地調左去四人大檯
話食物多可以好放d咁

半價餐牌是咁的

基本上大部份拉麵既話都可以有五折優惠
而且加一係以折後計算
所以如果黎食個老番拉麵
其實都係七十六蚊
咁都只係座銀既一半價錢
我曾經都有期待過鰻魚飯會唔會有半價
咁就當然係無既

咁佢就無寫話係用備長炭
應該係普通炭燒
eatigo餐牌無既全部都要收正價
所以個鰻魚飯係賣到同木戶一樣價
係呢種級數既餐廳黎講都算貴
但見佢話係活鰻又真係想試
而佢其他餐牌仲有炸豬扒炸雞飯

其實都幾九唔掂八
根本就唔係拉麵店黎
最後仲有個蟹湯拉麵

都係無折

其實今次都叫左多野食
一共兩個麵一個飯
另外apps入會會送一百分可以即時換汽水


雞白湯拉麵
呢個係平d果款

加埋牛蒡
就咁睇就真係幾座銀
不過係劣化版果隻
女朋友未食過座銀覺得呢個雞湯好濃好飲
但將來都已經帶唔到佢去了

另一個係同價既黑蒜醬油

無左牛蒡
一樣有半隻強

個麵感覺都幾普通下
但呢兩個半價後再加一後都只係五十幾錢
唔係特別好食之下都叫對得住價錢架啦


今日重點唔係拉麵
而係等左好耐
聲稱即燒既鰻魚飯
盒裝仲有蓋

個賣相算係咁

但係一打開

就好似唔係幾對路
個賣相真心差
連紋都望唔到

食落口仲神奇
件鰻魚實到好似米卡莎d腹肌咁
用筷子係完全夾唔開既
要用咬先得

我一路以為食鰻魚係應該外脆內軟
入口會化既
但係呢一舊野真係顛覆晒我既想法
好似係度食緊舊擦子膠咁
我真心唔明點解係連登鰻魚飯po會見到金鶴呢個名

最後仲有叫左蕨餅

半價但都係一般般

呢餐飯食左差唔多四舊水

總結呢間野真係九唔搭八
拉麵就抄既
而個鰻魚飯難食到一個點
真心急凍貨都好食過佢
個價仲要唔平
真係好難得我會認真去劣評一間野
而金鶴就真係可以完全滿足晒所有要求
唯獨係女朋友話個女廁好靚好靚

但我果邊男廁就好普通

咁其實都仲有香格里拉GC可以免費去試下灘萬個鰻魚飯既
酒店既鰻魚飯會唔會又比較特別呢

木戶後兩條街就係舊K11
而家地下同地底都有好多figure展覽





我曾經都講過
鬼滅算係我地認識既橋樑
而家鬼滅動畫都開始左做第二季
曾經我地都一齊睇過頭兩集
之後又已經再睇唔到

隻悟空跌低左無人理



其實佢黎K11
係想見sunny同creamy


但係黎到見到佢地未開舖

緣慳一面
youtube
亦都係我地平日話題之一
我地共用同一個acc
平時可以開番佢睇過d片黎睇
而家已經再望唔到佢既紀錄

最後黎左尖東

竟然十月已經有燈飾


科學館有pixar展


但我地係去左對面歷史博物館

當日仲可以填資料唔洗安心回家

門口都擺左香港歷史

仲有維利多亞城界石既模型




即係我咁多年黎歷史博物館
佢都係一直做緊同一個叫做香港故事既專題
呢個專題係上年結束
最快都要到出年先有新既展覽
但估唔到原來香港故事收左皮之後
而家出現既係香港故事精華展

即係以前既刪減版本

全部都係曾經有見過下既展品








不過有時去得多博物館
記憶成日會有混亂
突然間腦海彈d野出黎
有時都搞清楚係邊度曾經見過
好似既視感咁
直到而家
我仲開始有幻覺
有時行過見到長頭髮既女仔
會以為係佢差d想叫停佢
完全就係電影既情節咁樣

中學果時好鍾意係冬天飲熱維他奶


香港信有明天

結果只係過左24年
人就拉撚左
報紙都執鳩埋
中共乜都唔承認
香港班柒頭又一個個走出黎奶
今次仲話投票率低係因為認同候選人
痴鳩線

佢其實仲想去太空館
但我以之前先岩岩去完無耐拒絕左
之後基本上就再無我同佢既經歷
最多都係loop番之前曾經既餐廳


DAY60 完



又一個星期
我覺得move on唔到
不過都比左d目標自己
去下之前自己想去既地方
就係香港唔同既離島
每個星期揀一座島去行下影下相
等自己困下身唔洗亂咁諗野
仲有下星期本身已經book左既酒店
我應該會照去
飯就請人一齊食
迪士尼plus開左
岩岩又入左ps5
又買左gamepass for pc
應該都夠材料可以麻醉下自己

幫推

DAY61 Cafe Revol HeySoNuts BYOB 盤子工房 班戟館 悠 Be with years

今次想講下呢一年黎去過既cafe
不過我覺得cafe定位好奇怪
因為本意應該係優閒為主
但好多都做到普通餐廳咁又要限時又乜又物
食物種類唔及西餐廳多
其實就唔算係我喜歡既類型
不過以立場黎講就真係大部份都係黃店
叫做可以食得比較安樂

有新聞寫話香港人係疫情期間平均都重左三至四公斤
咁事實係呢一年真係不斷出去搵野食
唔同類型唔同價錢都有
我自己就直頭唔止呢個數字


cafe revol算係比較早去過既餐廳之一
年頭果時去左佐敦
聽講呢間卡邦尼幾出名
係openrice成日見到話世一之類既野

餐廳係德成街
門口有幾個戶外位可以呼吸
果次平日點零鐘去到都幾多人排隊等位
差唔多半個鐘先入得

餐廳地方唔大
座位都唔多

不過都算闊落

仲有d掛畫

餐廳主打意粉

都仲有沙律或者多士既

lunch set包一杯野飲
其他咖啡計減番34蚊補錢

出去counter落單比錢
然之後再送過黎
所以無加一


餐具都係自助

仲有口罩套

咖啡果時就無影到
淨係影左紙杯塾

有餐廳logo

carbonara

無用強汁一齊煮
純粹比強黃你自己撈
見好多cafe餐廳都係咁做
無cream
算係比較正宗
即係就唔可以話佢差既
但隻麵就無乜特別咁lor

貓耳朵粉反而仲有驚喜

紅燒牛肉好香
食落去麻麻辣辣
同平時食開好唔同
但又唔會覺得好奇怪
難怪呢款有粒星係格離

咁呢間cafe revol都算唔錯既
起碼都有d特別口味
反而被吹奏既卡邦尼就唔係太特出
都仲有大把地方好食過佢
價錢黎講過百蚊一位都唔算平
不過叫做有杯靚少少既咖啡
係位唔知係老闆定店長既小二比較cool
不過餐廳無加一
所以服務真係唔包既

之後去左土瓜灣既heysonuts

女朋友極力推薦
係北帝街街尾
呢間係土瓜灣都算有D名氣
而且係旺角仲有間叫black coffee既姐妹店

星期六下午三點幾去到都一樣要排隊
不過就有飛仔拎
但行左半個鐘番黎岩岩好叫到我地number
竟然有另一pair客撞飛
唔知寫錯左定點啦
讓左人結果又再遲左入

餐廳口門位有bar檯

再入面有4人檯同2人檯

就唔算係好細間果隻

檯面都算寬落


而menu就成本書咁
有晒膠套
入面仲有餐廳design
都幾有心思

食物種類仲好多





到最後仲有兩頁工藝之道

諗起之前係日本食比人鬧果間豬扒飯
佢份menu手寫左叫人尊重食物之類既野

小二都幾有禮貌
係MK少少

食物就真係即叫即整
落左單都要等一段時間先有
上檯果時真係出晒煙

揀喇沙汁意粉既原因係見佢用左成頁黎介紹喇沙汁
話個自家製喇沙汁用左十五款材料整成
麵條索晒d汁
食落去係好惹味
海鮮材料亦都夠多

另外忌廉野菌貓耳朵粉

同喇沙汁比就寡好多
比較清淡
cafe revol果個紅燒牛肉就好味好多

而今餐重點係個甜品
earl grey忌廉梳乎厘pancake

軟淋淋好鬆軟

最後係紫薯窩夫雪糕

第一次食到窩夫入面有麻糬

堅係外脆內煙韌
口感好特別

兩個主菜
兩個甜品
有加一
埋單都要成四百幾

以舊區黎講都算係中高價位
不過味道唔錯
而且甜品有驚喜
女朋友又鍾意
見店小二都有心經營
並唔似好多黃店求其鳩做西面果隻
咁都可以接受既
見佢間姐妹店black coffee食物都有少少分別
有機會可以試下果邊

咁就跳到屯門
大西北不嬲都好多黃店
尤其係紅橋一帶
幾乎清一色都係黃既
當中有間BYOB都試過係唔錯既
坐得舒服
而且價錢都唔貴
全自助式係出面買完比錢再由職員送過黎
同Cafe Revol一模一樣咁樣運作
不過當時就淨係影左兩張相

大蝦寬條麵同卡邦尼意粉

當然都唔係正宗果隻卡邦尼
不過味道算唔錯
可以自己撈強
而幾隻大蝦都煎得幾香
兩樣加埋都係146蚊
無加一
晚餐黎講唔算貴
環境都舒服
優優閒閒唔錯既

BYOB係建生附近都開左間分店
果頭有間我覺得都幾似BYOB既
叫做盤子工房

可能同市中心有段距離都唔算多人
餐廳入面唔算大
得五六張檯

牆上面有連豬

睇見都傷心



開放式徐晃


餐牌都多野揀



夜晚仲有all day breakfast

主菜黎講應該係食過咁多最親民既
可能開係屋邨掛

凍柚子特飲加九蚊


補35蚊既餐湯同沙律

呢份普普通通咁
蒜蓉包係多士黎

一樣都係叫左兩種意粉

青醬煙三文魚
幾清新
話個醬係自家制
不過就唔算好岩我口味

非正宗卡邦尼

連溫泉蛋
咁其實就唔會話好抗拒呢一款既
始終價錢定位都唔一樣
我自己係屋企煮都會咁煮
簡單方便
呢份味道都唔錯

兩份曳姐雞翼

幾香脆

咁樣都係食左兩舊水左右

比起其他cafe算係抵食
一樣都係後生仔女小二
服務正正常常
不過可能試下佢地既咖啡或者沙爹牛意似係會有更好體驗
見佢地近排轉左新menu
仲有熱狗供應
都似想向唔同方向發展
仲開埋分店
不過呢一間地點都算偏
要特登坐輕鐵入去先食到
有少少麻煩
仲好似無左晚市供應
近期都應該未有機會再食得到

第三間一樣都係屯門區
都係係番紅橋一帶
叫做班戟館

佢地餐廳好細間
成間舖得三張檯
walkin就比較困難
whatsapp book檯要先比訂金
仲有每人最低消費要百三蚊
係有d麻煩
之前book過一次但當日因為大廚有急事所以無開cancel左
呢一次算係第二次book

其實同女仔去氣氛都算唔錯
唔係fine dining
不過幾有心裝飾


個位仲擺左兩隻teddy


不過餐廳真係太細
廚房抽氣麻麻
油煙都幾勁

餐牌係用pad睇

但都係人手落單
小二只得一個女仔
把聲勁似yelloland入面果把
真係差d想去問

今次淨係叫左一份主菜

黑松露煙肉雜菌雲吞
真係小店
都要等差唔多半個鐘先有
份量都多
而且味道都好濃
雲吞好食
整體都唔錯既
係個價錢真係貴

之後兩個梳乎厘pancake一齊上
楓糖巨人

呢度d名都設計得幾得意
巨人係因為有三層高而命名
因為疊得比較高
可以做到動L效果

而曖昧係擺盤得幾靚既

比巨人矮左一層
上面擺左幾粒棉花糖
不過士多啤梨醬對我黎講真係太酸
我自己就鍾意楓糖巨人多d

無加一

三百幾蚊既價錢以小店黎講真係比較貴
呢個價錢更多係用黎係裝飾到
不過一晚只做兩轉生意
就唔會太趕
食物氣氛格調都算係唔錯
但睇佢地FB好似話近期都會結業
又會少一間黃店

之後講下元朗國
都已經係上年年中去既
叫做leisure悠
當日catgirl仲未收皮
女朋友就係睇完話好想去呢一間餐廳
因為有all day breakfast食
地點係元朗國火車站既對面
要過去就有d複雜
而家好似起緊天橋
將來算係可以輕鬆去到

餐廳唔算大
除左出面bar檯
入面都係得六七張檯
不過環境唔錯
書櫃上面有漫畫有小說有文宣

座位就有少少似學校凳

仲有好多植物

比八婆港女打卡用

餐廳除左all day breakfast
仲有意粉類

呢個係水波強卡邦尼
78蚊
以白汁為主
都係不過不失

all day breakfast有三款

女朋友揀左輕怡朝日
98蚊
四款食物擺位幾對稱
有大啡菇沙律
果麥乳酪杯
紫芋甘栗餅
芝士長通粉
望落去吸引過碟意粉
而且仲係素食
岩晒選擇困難既港女

最後係雲石芝士蛋糕

除左個樣靚少少之外都係正正常常

飲品要半價先有
當時堂食好似未洗加一
幾樣加埋二百三左右
都算正常水平
起碼叫做有份甜品
all day breakfast都算大份
黃小二都有禮貌
不過餐廳淨係做日頭生意
夜晚無得食
睇番原來悠既老閣旗下仲有花火和食等幾間既和洋式餐廳
亦都有上過黃大地
一直都有想去紅磡試下

最後係素年
之前都有去過深水步果間
算係大份又清新
係間可以推薦比人既餐廳
佢地係疫情期間逆市開埋荃灣分店
而家再係黃埔開埋

位置係百佳格離
門口全落地玻璃
見到晒入面環境
招牌只有BE兩字
由標誌既純白色轉左藍色
平日七點左右未full可以walkin唔洗等位

餐廳比起深水步大間好多
但座位同座位既距離反而更迫

好似我呢d肥仔根本入唔到去

餐牌唔知而家有無轉到

不過都同當時食既差別都幾大
飲品都有一頁紙


送既伯爵茶


首先上既係泡菜冷麵

完全唔識欣賞
完

另一份揀左肉醬意粉

上檯仲係噴晒煙
味道好好
完全係分唔到真假肉醬
仲要大大份
認真唔錯

六點半後要收加一
埋單238
紅磡呢間只有一個餐係一百蚊以內
比起深水步貴唔少
食物係唔錯既
但餐廳雖然大左
餐檯距離反而仲窄左
呢一點就唔係幾鍾意
除此之此都仲係可以一戰既



總括黎講呢
其實我就無好鍾意呢個類別既餐廳
始終都係覺得專心自家做一樣項目會比較吸引
好似手工意粉,手工拉麵,手工點心或者手工漢堡呢幾類咁
不過港女就係鍾意文青cafe
同佢去靚靚裝修既fine dining餐廳反而唔鍾意
佢話就鍾意呢種輕鬆感覺


DAY61 完

congrats