[多字多圖][絕不爛尾] 關西名古屋紅葉之旅

黎到第三篇既遊記
雖然UPLOAD相好煩
但我覺得呢個都係回憶既一部份
我好享受
https://lihkg.com/thread/220010/page/1
https://lihkg.com/thread/278840/page/1

呢個遊記其實已經係就快一年前既旅行
趁我就黎唔記得
同埋下個月就去靜岡
想係去之前出埋呢篇遊記
雖然只係好大路既關西大城市遊

其實日本我細細個都去過幾次
不過自助式旅遊今次去關西都只係第二次
對上一次去東京
只係算跟人玩

今次旅行
好聽D就係就係朋友全權交晒比我
唔好聽
就係朋友完全唔想理

咁自此之後
我都好享受PLAN行程呢一PART
到後來去山陰山陽同英國都無咩大問題

今日呢個時間
我都PLAN埋北九州同南九州
只要買起張機票
幾乎就可以跟自己既行程出發

基本上
我係想環遊晒日本咁多個縣去
睇下呢兩三年間可唔可以完成佢

講下今次個行程
因為當時GOOGLE完
發覺神戶好無聊
所以就放棄左佢而選擇左更遠既名古屋
雖然好九唔搭八
但都叫做去多左個地方
名古屋同關西既感覺都幾唔同
算係唔錯既體會
同埋紅葉京都真係世界級無得輸

DAY1 香港->大阪->道頓堀
DAY2 大阪->環球影城->梅田空中庭園
DAY3 大阪->大阪城->大阪歷史博物館->通天閣->日本橋->黑門市場->心齋橋->大阪咲洲行政大樓展望台
DAY4 大阪->名古屋->犬山城->磁浮鐵道館
DAY5 名古屋->熱田神宮->名古屋科學館->名古屋城->豐田紀念館->大須商店街->名古屋電視塔->綠洲21
DAY6 名古屋->京都->二條城->銀閣寺->錦市場->伏見稻荷大社->京都塔
DAY7 京都->嵐山小火車->度月橋->金閣寺->京都御院->八阪神社->清水寺
DAY8 京都->平等院->奈良公園->香港

今次係我第二次坐UO
應該都係最後一次
記得四年前去東京果時連行李都係真心平
而家又多人搶又貴
真係狗都唔再屌

UO呢班機下午先出發
去到基本上就無一日
出發前係太興食番個港式咖哩飯就出發了


UO架機真係無咩好影
轉個頭已經落左機

其實機上面係有得買機場快線
但問完個日本空姐可唔可以中間落車佢又九唔搭八
最後都係決定維持原本決定
坐海南電鐵

查過只係慢果幾分鐘

上左車
先知道原來真係普通地鐵黎
即係機場快線同東涌線既分別

都算多本地人坐
唔係太舒服
下次都係坐番快線
而家好似仲有減價添

係車上面換左張電話卡黎玩
發覺影相無得關聲
朋友用IPHONE反而無呢個問題
上網SEARCH過先知原來真係SIM卡問題
日本影相一定要有聲
所以如果想係日本影囡囡
就一定要用IPHONE

我間酒店就係難波站對上
黑門市場同道頓堀中間
勁方便
不過大阪既酒店都相對地貴
係大阪呢三晚就係住呢間新開既御宿野乃
屬於DORMY INN集團
特色就係有免費宵夜同大浴場

不過間房都係偏細
勉強放得落兩個GIP
同埋無浴缸
所以後尾幾晚我都直接去浴場沖熱水涼
爽得多




我地到步既時間唔早
CHECK IN之後其實都就到宵夜時段
所以出發道頓堀之前就試下佢個免費拉麵

好普通
無咩野
不過叫做唔洗錢

咁黎左前就搵過酒店格離有間釣船
未試過就想去玩下
無BOOK位既結果就係無得坐船
坐左入面

咁明明我開個窗都已經釣得到
佢係要我走出去一個釣魚區釣
個釣魚區淨係得個格仔大
勁ON9
無心咁樣釣又一場黎到
就求其叫幾樣野食算



無咩特別過唔到癮價錢又唔係平
不過都叫做係呢次旅程既第一餐
睇開D啦

食完就出發道頓堀

基本上黎得大阪就一定會黎



地標固力果

而心齋橋D舖頭就好多都收晒


轉左個圈就打道回府

見到連登仔最出名果間

一於打大佬
NOODLE IN SOUP
做乜鳩

但係好鬼平
其實都無第二樣野揀
就咁街邊一個檔位


無傳說中既臭味
唔算難食
仲食食下越黎越多人

食完再周圍行
原來佢仲有幾間分店

再搵下有無章魚燒買
就搵到呢間
格離間一蘭好多人出出入入

睇住佢即場整



其實就算係日本
整章魚燒都幾快
我係唔明點解屯門有間章魚燒要排成個幾兩個鐘先有得食

一心想番酒店先試
點撚知番到去就變成咁

喊出黎

其實番到去都成點鐘
聽日仲要一早去期待已久既USJ

DAY1 完

一樣

一樣

真係一模一樣

DAY2

第二日就預定去環球影城
大阪有公營地鐵有近鐵有JR
咁環球影城係得JR先去到
而我地買既大阪周遊卡係唔包JR
所以交通黎講都幾煩
但事實呢張卡雖然坐唔到JR
卻又係抵到爛
佢差唔多包晒大阪市所有景點
所以去大阪
呢張周遊卡係基本

大阪既JR都幾多圖案



我自己呢
十幾年前都同屋企人黎過
當時跟團剩係玩得三個機動遊戲
都幾無癮
但令我知道今次去USJ一定唔可以玩未來戰士
因為太ON9

呢隻大白鯊都係

玩完絕對係浪費自己既人生

咁個個同事都話要排遊戲要排好耐
我自己又無買快證
就一早黎到等開門
其實人又唔算好多
不過都叫做要排下隊



個個都話入到去
第一時間就係去拎哈利波特既籌
咁我又無理由唔跟大隊
但搵黎搵去都搵唔到個籌係邊
我就知道中伏了
可能係因為萬聖節過後
人流比較少
哈利波特果區可以直入而唔洗排籌
咁就浪費左唔少時間

其實天氣真係麻麻地
成日都落雨
但唔影響心情
係衰在唔係咁想拎部相機出黎影

哈利波特區

入面玩左禁忌之旅同過山車
架過山車係兒童級
可以不理
最熱門既係禁忌之旅
即係呢座野

外型係幾似下
裡面就係戴住3D眼鏡坐住一架郁黎郁既車
3D畫面係幾好睇
但刺激比唔上過山車
都算幾有趣既
用黎做頭盤熱身係一個唔錯既選擇

離開哈利波特區就去左侏羅紀區
我自己覺得侏羅紀係最好玩既
尤奇係翼龍
係真係無得輸
坐上去之後成張凳會九十度升起
形成一種好似真係要起飛既動作

未起步都已經嚇死人
成個過程速度十足
加上幾下直插落地底
要我打分
翼龍絕對可以配得上十分滿分
大大話話做左咁耐人
翼龍真係我人生最好玩既機動遊戲
可惜真係太多人排隊
基本上無可能再玩多次

玩完翼龍格離個滑浪飛船都變得好普通
不過呢個一定要買雨褸

最重要係包埋自己個袋
因為玩呢個一定會全身濕晒
無得避

見有時間就去睇埋個水世界
成個劇最大賣點係米高比爾式既爆炸爆炸同爆炸
係場邊都感受到熱氣

全日我都掛住玩
淨係係侏羅紀區食過一隻雞比咁大把
不過真係幾大隻幾香

番番去荷里活區
玩多架過山車

呢架絕對推薦玩逆轉世界
如果翼龍係十分
逆轉世界都僅得有八分
普通正向無玩過評價唔到
但逆轉世界可以玩到係成個屎忽離凳咁濟
有幾下都有錯覺要拋出去咁
不過逆行既車係比正向既車少
可能要排得耐少少

見仲有唔少時間去睇多個劇場
浴火赤子情

講點拍救火戲
一開始覺得中晒伏咁
點知去到最後真係成個場著晒火
係果下有D嚇親

最後玩既就係蜘蛛俠

其實USJ仲有第三架過山車
可惜當日我去到維修緊玩唔到
如果有去過新加坡既環球影城
呢個蜘蛛俠同變型金剛就係同一樣既機動遊戲
都係坐係架車向前向後然後有唔同既佈景版唔同既劇情
我覺得變型金剛造得好好多

咁USJ既機動遊戲基本上都玩齊晒
淨番果D都無咩興趣玩
離開既時間都係四點幾鐘


成日基本上淨係食左隻雞比
所以一出去就搵左間摩西漢堡充飢

USJ出面都有條街可以周圍睇下野

同埋有間JUMP SHOP都唔錯


見仲有大把時間
就早左去梅田行下
梅田真係好大
係度行左一晚
都係完全唔會記得D路既
淨係呢條路
我都唔知來回行左幾多次



當日香港仲未有GU
所以去掃GU係指定節目
梅田有間GU都幾大間下
當中仲有呢隻自助機
鄉下仔搞左好耐都唔識


原來只要將D衫放晒入櫃桶佢就會自己計到數
好勁

行到耐都累
其實今晚想食燒肉
兜左好耐都搵唔岩心水
上網搵左好耐
終於黎左呢間

白雲臺
原來係韓燒黎

但都好多日本人黎食

佢唔知點解唔比叫set
好痴線
最後散叫左幾款




同埋豪一豪佢叫左呢隻仙台牛

佢話係A5級

食落口個肉質係真係同其他好唔同
但丁屎咁大舊都要幾千YEN

不過幾好招呼
離開果時會幫你噴D淨味既噴霧

食完飯上去梅田空中庭園
呢個仲難搵
雖然大大舊就係GOOGLE MAP上面
但要過去係要行條長隧道先過到
又係要搵左好耐先見到

空中庭園用周遊卡又係唔洗比銀兩
所以真係好抵玩
如果買兩日卡
可以搭得到更多既地鐵

由底望下去係幾型既

不過可能同梅田站有D距離
係真係算少人

庭園既模型


大阪夜景(隔住個窗)




行左成個圈見到


原來仲可以上天台

天台就真係天台黎
無遮無掩
個景開揚好多
同無玻璃窗擋住


不過勁大風
又落雨

玩左陣就走人
打道回府番道頓堀食宵夜
道頓堀D拉麵全部都開到凌晨
所以有好多選擇
呢三日晚晚都落搵拉麵食

尋日食完金龍打大佬
今日就試下係香港個個都話名大於實既一蘭

呢間係屋台館

唔係平時見開既自閉式風格

都係果句
唔算難食
又唔係好食咁撚樣

玩左一日
番到酒店
間房廁所大細
輪流沖涼太煩
就試埋樓下個溫泉

入浴11RULES


話就話係溫泉
其實只係個大浴場
大家大男人赤身露體
我浸浸下都唔再遮遮掩掩
仲豪放過D鬼佬

DAY2 完

推
想參考下樓主紅葉行程

推
想參考下樓主紅葉行程

我去清水寺因為係夜間參拜先可以去到ja
如果日頭一定去唔晒咁多

推
想參考下樓主紅葉行程

我去清水寺因為係夜間參拜先可以去到ja
如果日頭一定去唔晒咁多

係呀 我本身都諗住夜晚去 同埋我plan左京都住5晚 應該點都夠時間

文呢？

聽日盡量出

DAY3

其實已經係最後一日係大阪
但今日先至真真正正係大阪自由行

酒店唔包早餐
就食番個松屋早餐

其實已經係第二次食
都仲係睇唔明佢部機果D字係咩餐
最後都係出左呢種早餐
寡到喊
真係食個牛肉飯都無咁嬲

不過成個場得個阿婆同後面阿伯兩個人打理晒
好厲害

今日第一站係大阪城
雖然好多人話佢係假野
但我覺得黎到呢度
都要上去睇下既

出左森之宮站就已經係大阪城公園
一出站就見到紅紅地既樹葉

人又唔算多
涼涼地好舒服

仲有班幼稚園細路仔係度野餐

好治癒