[長氣多圖][無限期] 香港staycation之旅(2)

問左kkday
佢話無得加錢轉
不過叫我book過新package佢再取消舊果個
諗諗下都改左日子
本身見4/4最抵玩
第二日係假期
但文華扒房平日個lunch太鳩
星期六有龍蝦湯又有威靈頓牛
貴三舊水改住星期五算

多謝巴打攞打機嘅時間打遊記

都係抽扮工時間打
而家夜晚仲要睇940920

咁閪
明明只係同一個package
佢一開始係咁覆我

我張舊單已經取消左
但其實如果係城景套房個浴缸仲可以對海
諗緊到時問唔問埋酒店downgrade 好

Aubrey貴到完全唔合理咁
同埋成日覺得鬼佬日菜好鳩
我都係食番文華廳同扒房

去得文華住套房都係為左個浴缸姐
差果五舊水根本就唔需要考慮

睇番kkday d review
根本全部都free upgrade上皇后像廣場景套房

見有個真係話升左海景套

又去左upper house
算係staycation以黎第一次重覆去既酒店
因為對上一次只係住studio70既客房
今次以比上平更平既價錢可以入住過千尺既套房
算係性價比超高
不過呢一次係每日過萬既疫情日子入住
上次見到既優質服務基本已經無晒
感覺好似之前去瑞吉一樣
管家服務可有可無
今次連in room checkin都無埋
就係餐廳講左兩句就完
下次會去既係staycation起點既文華東方
仲係未有晚市既情況入住
唔知會唔會有相同既感覺呢




DAY68 名館 怡和午炮 虎豹樂圃 厲德邨

虎豹別墅其實想去好耐
本身對上一次黎大坑食手工意粉果時已經plan過
不過因為join唔到導賞團就無去到
今次一樣都book唔到導賞
但因為去完銅鑼灣食野就順便行下
本身亦都book左夜晚去原本年尾會執粒既分域碼頭食意大利菜
後尾碼頭執粒既日子推遲到農歷新年
所以就改左book食更出名既sunday brnuch所以夜晚亦都無留係度食

今次去左名館食點心放題
之前除左去過龍逸軒同川流之外
其實仲有去過間叫做輝哥私房菜既餐廳
果間算係好平
不過堅垃圾就唔好提
見呢間名館之前L佛有提過
餐廳裝修唔錯
同埋個價都唔算貴就去試下

我地去呢間名館係希慎廣場12樓
佢地仲有間分店係黃埔
當時係十二月頭
去到門口見到入面都去full

假期午市90分鐘點心放題每位168
再加8蚊茶錢同加一
我地係togetda book買券就平左十蚊

名館係名苑集團既新派副線
餐廳環境唔錯

窗邊梳化位仲幾光猛


不過就一如L佛所講

餐檯擺盤係得隻碟而無骨碟既
而且隻碗仲要係殘體字
茶就無得揀只有蕎麥茶

餐紙就得一單
主要就係電話落單
每次落單好似要等十分鐘先可以再落


都有廿五款點心
八款小食
四款粉麵飯同三款糖水可以揀
數量都算唔錯

即係放題都仲有造型我覺得算係咁

而天鵝酥條頸係一貫唔食得既

蛋散


腸粉


蝦餃對唔到焦

燒賣好似無影到

流心包


黑金包都算流心

菠蘿包






小食




牛展麵同擔擔麵都係麵多過料


海南雞米線就仲鳩


其實點心賣相都算唔錯
唔會走晒樣
味道就不過不失
任食都唔預佢會點樣出色
唔難食既
每人唔洗二百都幾抵玩
不過食到最尾唔知係油味定食滯左
搞到好想嘔
好唔舒服咁散場

希慎十四樓都幾多野食
呢間何洪記仲係米芝蓮一星
係香港唯一一間有星既粥麵店

京林屋既抹茶甜品賣相好似都唔錯


當日蜘蛛仔仲未上影



成個希慎都擺晒hot toys d野出黎


呢套蜘蛛俠成為左我心目中marvel最好睇果一套
三代同堂真係喊出黎
而家睇場戲已經唔係買張飛就話可以睇得到
而係要經過7婆同意
連蝙蝠俠都無得睇
不過最想睇都係kaki同5條囡

12月香港仲係一切如常
當時已經無咩人再記得疫情
熱門餐廳full booking幾個月既日子
係皇室堡有小丸子舞會




對面呢間柏寧酒店並唔算係熱門酒店

但係個外表都幾殘
同埋套房個價都企得幾硬
唯一有少少特別就係天台個露天酒吧
不過望落個西餐都有少少伏feel
呢間感覺真係可黎可唔黎

再過一條馬路就係維園
而家一樣係比班工人姐姐霸晒


維園有條天橋可以過對面避風塘

班姐姐連呢度都霸佔埋

銅鑼灣避風塘


係避風塘既另一邊有個新地方叫做東岸公園

淨係離遠睇已經見到條人龍
係點都估唔到兩三個月之後香港已經搞成咁

海濱有個位叫做怡和午炮

每日十二點會鳴放禮炮

代表上午既工作結束
已經過百年歷史
係英殖民時代既死剩種
唔知幾時又會突然間被消失
而家疫情好似無再射炮?

其實正式入口應該係格離條隧道

一路通去世貿中心


真心唔會知道呢度會有個入口過對面

附近仲有間周月
感覺好似係比起鰂魚涌少好多人

再下一站就到虎豹別墅了
係銅鑼灣搭11號新巴可以直接到達


虎豹別墅係由商人胡文虎八十幾年前起既別墅
格離原本仲有個萬金油花園
花園已經拆左
但係別墅就留低左保育活化
後來成為左音樂學校虎豹樂圃
樂圃係2019年開放比大眾參觀
不過平日只開放大堂同花園
大宅參觀就要預約導賞團先有

咁武肺期間都搵過唔少景點參覲
要數最難預約既首選一定係慈山寺
基本上一開放預約當日就會full booking
另外係最新既深水埗配水庫
又係一開放預約就full左
而家第五波疫情亦都仲未有新既參觀日子
咁虎豹別墅雖然無咁熱門
但個導賞團都唔係話幾日前可以book得到
因為佢只有星期六日先有提供廣東話導賞
一星期加埋先得三段時間
所以book左幾次都book唔到

即係雖然個巴士站係門口落
但都研究左幾耐先搵到個入口

首先呢個門口入面雖然有樓梯
但而家就只係裝飾
而右手邊斜路就係上私人住宅既
正式入口係呢隻老虎後面部升降機


幾乎係完全零指示
唔望清楚部lift根本唔會知呢個係入口

正常時間最後入係五點鐘

我地大約四點半黎到
岩岩好仲可以入場

wiki寫話係老虎先生同萬金油標誌水磨石凳



搭lift穿過天橋就上到黎平台

曾經萬金油花園係融合左道教同佛教既概念
有好多十八層地獄既浮雕
活化後整左呢個叫做十王殿既石雕

而家既虎豹樂圃
經修復至30年代既面貌



花園有唔少攝影位提示
當中亦都會有大宅既簡介

別墅入面充滿既係印度同緬甸特色既壁畫


樓上係名門一座同二座

成個畫面仲奇怪過之前去牛棚格離個煤氣鼓


壁畫水池


噴水池已經無水


呢個涼亭叫做角樓

就係一開始落巴士見到果個門口

有條樓梯由下面上到黎
唔知係安全問題定點啦
而家係無開放既

別墅既正宗入口係側面
有個細細地既接待處
而家既虎豹樂圃係一級歷史建築

有少量文字介紹

別墅平面圖

睇番先知

呢個位叫做傳菜通道

格離有印仔可以玩



別墅樓高4層

但普通只可以參觀地下

音樂伴香港

配對虎豹別墅既係呢首叫做turn turn turn

地下起居室

係成個別墅唯一可以參觀既地方

天花

正門

建築特色係中西合壁
而且左右對稱


請勿坐臥


入面仲有間課室

一樣有圓形拱門

如果有參加導賞團就可以繼續上去參觀
而我地今日就到此為此

其實就只係睇左十零廿分鐘
不過見佢地職員好似想收工咁就離開了

一場黎到大抗
咁就緊係唔走住
去埋格離呢個好出名既屋邨先走啦

勵德邨
因為圓筒形設計而出名
仲係攻殼機動隊取景場地方之一
亦都係940920原本打算取景既地方
不過因為疫情關係先變左係土瓜灣美景樓拍攝

好多公仔畫


勵德邨一共有八座

四座圓形
四座方形

長方形屋邨就同我阿婆以前住開既舊屋公屋無咩分別

咁最特別就係呢四座圓筒形公屋



天井型公屋而家係香港都仲有唔少
行過沙田都可以見到
仲可以係井底抄上去
但圓筒形係香港就絕無僅有
而且呢四座仲係完全密封
唔入大樓入面就無辦法由井底影上去
係外國唔守法就係日經既事
但係番到自己地頭就始終唔係好夠膽
而佢地門外亦都貼住未經批准不得進入樓宇拍攝既警告
始終都係私人地方
我都係外面打下卡就算了

之前我以為可以係大抗食個手工意粉
然後遊下大抗
結果就斷斷續續左兩年先完成
而大坑傳統既習俗舞火龍亦都因為武肺停左兩年
唔知今年有無機會睇到呢

DAY68 完




因為支航里數過期
所以又換多左次新加坡航空
年尾請三日就可以放十日假
但因為疫情
支航個寫字樓唔撚開
最後又要打長途電話又要搵人幫手講支語
過程煩撚到仆街
雖然換歐洲機尤其係瑞士好抵玩
但我諗以後都唔撚儲PM了
因為一次武肺
有期限既里數全部都變成垃圾
都係儲番無限期既AM同BA算數

仲有開 that's great