咁寫完一年前既關西遊記之後
就想寫埋呢一篇佢
希望今次更新得快D
對上三次既遊記
山陰山陽 https://lihkg.com/thread/220010/page/1
歐聯決賽 https://lihkg.com/thread/278840/page/1
關西名古屋 https://lihkg.com/thread/395127/page/1
有幸細佬仲未試過爛尾
多多支持
今次旅程係因為上一次同年尾兩次旅行差成半年
中間見悶悶地想睇下有咩做
咁我自己呢一年都儲左唔少里數
就決定散咁D佢
咁岩睇到之前有位巴打既遊記
見到大室山靚到痴左線
所以就研究下伊豆半島附近有咩行
原來靜岡縣係好多野睇既
再加上好耐之前去鐮倉朝聖唔夠喉
就決定黎個東海道之旅
東京入名古屋走
今次係細佬第二次獨自去日本
但感覺已經同上次去山陰山陽好唔同
有一種好熟悉既感覺
加上自己一直都算PLAN得好緊
總覺得今次行程會幾完整
其實我對上幾次同將來既行程表都會整完擺上網
https://travel98.com/member/62235/trip
自己睇番可以打下J
今次個行程表
DAY1 香港->羽田->東京站->蒲田
DAY2 蒲田->錢洗辨財天宇賀福神社->鶴岡八幡宮->稻村崎->新江之島水族館->熱海
DAY3 熱海->樂壽園->三嶋大社->MOA美術館->伊豆山神社->熱海城->來宮神社->熱海海上花火大會
DAY4 熱海->三島吊橋->山中城跡->箱根關所->箱根神社->駒岳頂上->仙石高原->大涌谷->熱海
DAY5 熱海->小田原城->大室山->城崎海岸->赤澤日歸溫泉->熱海
DAY6 熱海->白絲瀑布->富士山本宮淺間大社->駿府城->久能山東照宮->靜岡
DAY7 靜岡->大井川鐵道->奧大井湖上->夢之吊橋->SL列車->掛川
DAY8 掛川->掛川城->濱松城->岡崎城->名古屋->金山
DAY9 金山->中部國際機場->香港
諗番起都覺得累
可能人老左
行多幾級樓梯就開始頂唔順
同以前無限體力已經無得比
所以後面都同自己預定既都減左D行程
以後我都係PLAN番個自己舒服既比較好
其實今次旅行另一主要原因係想試坐日航既商務位
不過名古屋無日航機
所以回程要坐番國泰
全程頭七日都好好天
日頭超過三十度
熱到痴根
尾兩日就開始落雨
晴天雖然辛苦
但比起落雨係開心好多
我都算係好彩
有咁多日晴天出現係我既旅程
番香港果日直頭掛八號風球
好好彩部機可以飛到無問題
今次部A7II換左支新鏡去玩
全程1224
唔想換黎換去
影得唔好同變形希望咁多位高抬貴手指點下
香港邊間有咁嘅質素
