[長氣多圖][無限期] 香港staycation之旅(2)

古代遺蹟

寶雲道二十一孔輸水道
但可惜企係上面係完全望唔到既
旋轉餐廳就見到






到達寶雲道公園之前有個涼亭

叫做灣坊亭
由灣仔街坊福利會興建

呢個位有個分叉路通往狗隊博物館


寶雲道公園


前幾日算好天
所以睇唔到好似上次咁既瀑布

最後到達情人石花園



港女還神又要丟低幾百
希望以後都唔需要再黎啦

情人石公園對出有個金屬造既指示牌

可能班道士水得多人賺左唔少掛

就沿住呢邊條樓梯落山

下面係d半山住宅

一路落就可以番到堅尼地道

然之後就向銅鑼灣方向出發


蟠龍匯瑞

原來唐英年任財政司已經係廿年前

老母pizza都bookmark左好耐
一直都未試到

用火爐既pizza店係特別吸引

仲要係黃既

如果平時黎食下午茶或者宵夜可能我只係叫一樣
不過今次無乜點食野就另外再要左個無花果布甸雪糕

配雲呢拿雪糕
其實即係拖肥布甸
我覺得甜到漏左
麻麻地

重點既芒果糯米飯刨冰

無論係樣定口感都係同泰國一模一樣
內外都係
糯米飯都好實淨

以前毒撚食到嘔
今次真係可以你一啖我一啖了
總算完左個心願

杯茶都仲有既

不過就唔係自助任斟
小二亦都唔會主動上
要問先會有

即係好食係好食
但一黎貴到唔合理
二黎坐得唔太舒服
重點係
如果係下午茶時間過黎排一個鐘都未必排到
上次排排下仲話芒果糯米飯刨冰賣晒先無食到
今次先特登lunch時間過黎
都係掛住泰國種口感先黎試一次
要再排咁耐仲要戶外又熱又曬就真係狗都唔屌啦

本身夜晚去食家賀屋既
不過後尾又不歡而散
真係多謝件姻緣石lor


DAY76 完


試左個中菜omakase
舒舒服服坐兩個幾鐘試下野食影下相都幾開心
比想像中好好多
價又唔貴
同普通米芝蓮lunch set差唔多
如果有得住埋就完美
不過個廣場套房係好海鮮價
又無早餐包就不了

燒鳥都試埋
只可以講唔係我杯茶
好似唔飲酒就唔食得野咁
如果個文化係咁真係唔想再去

又不歡而散

果晚姐

之前見樓主求婚, 其實結左婚未?

未啦
想等埋今年番香港仲洗唔洗住酒店先

巴打三思, 結左就一世
無得想去旅行就去旅行

都無左幾年啦

DAY77 香港文華東方酒店2(上) 文華閣

文華東方酒店
係我呢兩年staycation既開端
可能亦都係我住過第一間五星級酒店
仲係一間福布斯頂五星
兩年前當時乜都唔識
純粹諗住一人世物一世
試下玩好少少
book埋餐文華廳
第一次食fine dining中菜
真係好多既第一次
當日既回憶都算唔錯
唯一不足係因為中秋連假太多人
要係大堂等好耐好耐
不過佢都比左間預備房比我地休息
直到六點先有番原本間房
雖然無得late check out
我認為都算係咁
然後就開始左呢一年半燒銀紙之旅
大大少少酒店計埋食野我諗都洗左十零萬
仲貴過去旅行
雖然以為有諗過話係香港旅行
但估唔到係咁樣實現
不過諗番起都覺值得既
伴隨既就係個人漲左成十KG

咁果時真係乜都唔識
淨係住左最普通既海景房
後來先知乜野叫柴房套房
咁文華東方都真係仲有好多野未試
例如另一間米芝蓮扒房
自助餐
仲有套房
甚至係裝修後既文華廳
新開既lounge
全部都係仲未試過既
所以都真係同奕居一樣有私心再去既
但係文華東方套房個價一直都企係天花板
直至又係第五波武漢肺炎
可能成個香港都真係好唔撚掂
文華東方係kkday出左個基本套房優惠係三千蚊送一千蚊食野
仲未算
後來再出多個加五百蚊就可以升級皇后像景觀套房
咁就緊係即刻狗沖啦
最後都有去食埋扒房
不過因為星期六lunch set先有威靈頓牛
所以揀左星期五入住
星期六去食
埋單大約都係四千六左右

原本因為隻戒指未搞掂係奕居搞唔成
所以book到文華東方我自己都覺得係個唔錯既選擇
因為當初我都幾鍾意呢度
咁除左扒房本身都想再試一次新裝修既文華廳
但因為港女公司有事要遲黎
就取消左係check in前食文華廳個午餐
而我亦都有更多時間可以佈置下間房

係諗住早少少去準備
今次係馬路正門入去
都有職員幫手拎行李同送上房
頂級係唔同d既
兩點幾去到見到都已經有人等緊
可惜既係住套房都無得上lounge checkin
要留低電話然係大堂等

結果兩次黎兩次都要等
今次仲要無晒上次既welcome汽水果汁放題
好彩既係人唔算多
都係等左十五分鐘左右
然之後係無晒帶入lift果d服務

上次黎無影得咁詳細
今次有影番架lift


文華東方全棟都係酒店大樓

數下手指先知原來有成九間餐廳
不過其中一間庫克廳好似無再營業
地下有大堂
書店同花店
連接商場出口
同埋酒吧船長吧
M層閣樓有三間餐廳
自助餐快船廊
全日餐廳cafe causette
同埋餅店文華餅房
因為早餐兩間都可以揀
所以大部份住客都會係朝早塞晒呢一層
另外同層仲有其他商場店舖
一樓有米芝蓮一星文華扒房+酒吧
仲有間唔太起眼既酒吧千日里
而家有時staycation晚餐都會係千日里度食
仲有個之前臨時用黎做左文華廳既康樂廳
順帶一提呢層個女廁靚到不得之了
二樓係文華理髮店
文華東方兩間髮廊之一
相傳可以同BB剪頭髮拎證書
酒店無三同十三樓
由四樓去到廿二樓都係客房
廿三樓係新開既lounge文華閣
廿四樓有健身室
SPA
泳池
同埋另一間既文華髮廊
最頂樓廿五樓係重新開張既中菜米芝蓮一星文華廳
無左法國菜之後而家取而代之係日式酒吧the aubrey
即係全間酒店總共有成四間酒吧咁多

今次我地住得比較高
係二十一樓


可能同四季真係有競爭關係掛
果時四季個前檯就話文華東方黑媽媽

果時我都聽到R晒頭
而且文華個走廊真係好香好香

我地住轉角套房
門口又係幾乎貼住格離房


再分析一下個平面圖

其實我更想住既係低一級19號房既城市景套房
雖然佢叫做城市景
廳係對住大廈
但浴缸係對海
而我地雖然叫做高一級既皇后像景套房
但廳同房都望唔到海
浴缸仲要對正大廈
三個套房呢間就真係最差
可能21樓已經係高層
所以已經有更加高級既特色套房
好似21,22同25號房咁
其中25號房有三間普通房大
估計係澳門套房
而21號房應該係荷活套房
22號房就係明治套房

今次我地住既皇后像廣場景觀套房775尺大
未算話好大
亦都無位設計客廁

入門口有個細玄關
長方形客廳
有一張長梳化同茶几
玄關另一邊可以逍通往浴室

電視櫃同普通房型差唔多


都係雪櫃同酒辦

客廳入面有張獨立梳化凳同扮工檯

張梳化凳就好舒服

扮工檯又係同普通房差唔多


咖啡機亦都放左係檯既呢一邊

套房用既係玻璃樽evian水

有望遠鏡


窗外面望既係皇后像景

加半個海景

唔算吸引

但係隻窗就超污糟
唔知幾耐無抹過

不過今日就好好好天
萬里無雲
曬到hihi

由客廳走入廁所有行李架


穿過長走廊就到浴室


右手面廁所比起普通客房大得多


左手面係全透明無得落簾既企缸

企缸前面後面都有門口可以通往睡房
即係成個浴室一共有成三棟門
花灑配置同普通房型差唔多

有多段頭頂式花灑
最可惜係洗涼液轉左大枝裝

而且套房唔再係用jo malone
而係同普通房一樣既diptyque
感覺真係弱左好撚多

企缸背後係衣櫃

都係基本配置

然後就係最signature既中置浴缸

可以四邊落地
比起upper house更加elegant
不過對面太子大厦距離太近
完全無可能開百葉簾
更何況係我住左兩日都完全搵唔到制去開

而且仲有一個on9設計
因為玻璃窗係面前
理所當然係向住玻璃窗黎浸浴既
但電視機係擺係身後
咁到底應該向住窗口定背住窗口黎浸浴呢

洗手盆分開兩邊左右對稱

係精緻既

叫做有番枝裝既lotion

如果純計浴缸既話文華東方呢間套房係無得輸
但皇后像廣場景套房就完全係一個敗筆
浪費晒一個咁靚既設計

最後係黑房

真係第一次住無景既睡房

房型就毫無特別架啦
不過張床都幾大張既


亦都一早已經放好水杯係床頭



爽手簡單影完相就開始裝飾間房
求婚道具我就好簡單
上拍賣網買左套唔貴既套裝

汽球全部都要人手泵氣
然後加埋隻戒指就係咁多

泵到半死都淨係搞掂d字

咁多個汽球係完全唔夠時間
最後時間都只係整得到咁撚樣

就閂番個窗簾落去接港女直接上lounge食野

廿三樓


上次黎仲裝修緊既文華閣


亦都比左個充份既理由令我黎多次

無開放lounge checkin所以頭先要係樓下大堂等左陣

lounge地方好大
起碼一眼係完全望唔晒

入門口係呢d雙人位
望既係皇后像景


我地坐到最入面城市景果邊

周圍坐既都係日本人
完全係聽唔到廣東話

檯就普通size

算舒服既

刀仔


酒menu都多



先黎左簡單凍飲

熱飲


就無靚茶壺既

話說我地成四點入lounge
咁職員有問我地想食下午茶定黃昏小食
咁有得揀緊係好啦
結果我地係呢個黃昏雞尾酒時段都仲可以享受到呢三層架八婆下午茶

即係野食就無咩特別架啦



有D仲可以係出面自助區拎得到
但起碼會進一步出聲講呢一句
三層架八婆感十足
起碼之前去過既lounge都無有過

然後再送上香檳

仲可以拎埋出面自助區食物

煙三文魚大量供應

火腿

芝士水果麵包糕點

熟食有湯有炸物

仲有魚強

雖然唔多款選擇

但refill好快

三層架加埋自助餐



就算無晚市係呢度都真係夠晒做

lounge洗手間

有埋海景

真心顛

坐到六點食足兩個鐘
除左格離日本細路太過嘈之外
呢個lounge都真係好唔錯
可以同港香君悅並列頭三
不過前兩者我都係試唔到黃昏雞尾酒小食時段
今次算係試晒兩個時段既食物
服務都唔錯
耐唔耐會過黎問有無咩想飲
即使禁左晚市亦都唔會好似其他餐廳咁無晒食物
算係好好好了
起碼女朋友都好滿意

然後因為禁晚市期間入住
呢個package既住客都可以得到酒店強糕一大個
只要兩日前打電話預訂就得
我就諗住當晚就拎埋上房當晚餐食
所以去完lounge就落埋去M樓餅房

我地第一次去staycation既餐廳就係格離cafe causette食

諗諗下已經過左年半
之後大大少少既酒店餐廳都去過唔少
當時第一次係酒店餐廳食夜晚感覺好高級
但後來住得多先知道呢間只係好普通既全日餐廳

文華餅房就係格離


果時都有係度買過葡撻

餐牌都有寫晒唔同麵包既出爐時間

復活節好多朱古力同復活強





staycation送既強糕就只可以揀一磅既芝士或者牛奶朱古力榛子
因為我唔食朱古力
理所當然係揀芝士強糕既
不過checkin果時佢地無比到換領券我所以係度都搞左一陣
而餅店職員亦有不斷致歉
搞到我都有d唔好意思

番到去係已經開左床


然後準備放閃

完

過程就唔講啦
不過係有d支節既
第二日去扒房
見到有人求婚
結果比人um左半日點解我唔係度搞呢

又
唔記得左帶腳架去
搞到變晒斜恩

當係上次去過海景
今次當睇多d中環唔同既夜景啦



夜晚無買外賣就淨係食蛋糕

紙袋同蛋糕外盒都好靚

紙盒係磁貼盒


1963文華芝士蛋糕

官方原價438
因為無晚市而免費送出
其實都幾重皮

呢個芝士蛋糕我諗同以前係cafe causette食到既應該都係同一樣
食一件就好濃郁
但食一整個就真係好濟
兩個人最後都只係食到半個
淨番第二日先再啪
搞到去到扒房已經食唔落

最後再要求可以拎多幾枝水


今次終於用到airplay


再沖個靚涼


諗起可能係奕居求婚都未必有今日咁開心
起碼文華東方都仲算經得起考驗
遺憾係無試過佢地新裝修既文華廳
但已經好滿足


DAY77 完

樓主諗住幾時結婚

應該都要出年
希望可以等到屋企人番到黎

儀式黎姐

Congrats 巴打，上次追post仲係分左手果陣

離離合合
認左命之後又有時頂唔順