[長氣多圖][無限期] 香港staycation之旅(2)

岩岩去過間韓國餐廳
我個碗仲有飯有肉佢竟然走黎問係咪食完啦
到之後執晒野直情出到聲話出面好多人等想趕你走
即係要我食得慢先可以坐耐d？
呢d餐廳真係永不錄用

invol 上次食完肚屙

食左好多？

其實郵輪咁平，點解仲要酒店？
4700全包雙人Spectrum of the Seas Junior Suite

4700係雙人全包3晚，仲可以去埋Silver Dining Room

最出名嗰個蝦意粉
啲嘢係好食嘅
等𨋢落樓嘅時候開始搞肚痛
一路腳震住行去希慎
每一秒都覺得下一秒就hold唔住
都算我人生暫時最慘痛嘅屁屎經歷

但利申返同行friend冇事

你估人人都打打齊針咩
條女又話會暈船浪

格離商場無廁所咩

附近大商場得希慎
感覺上乾淨啲

次次睇都覺得好好睇

我仲以為以為無乜人睇

我其實目標係福布斯除左如心以外果堆酒店
不過而家少左好多優惠
尤其係套房個價好差
之後應該都係搵野食多
不過我無乜內涵淨係識分好定唔好食
同埋天氣涼番可以去番離島行

DAY56 阿元菜市場 卑路乍灣海濱長廊 中西區海濱長廊 彩麵

我就其實一直好想去阿元來了試下既
但有一日女朋友見到佢地新開左一間副店
叫做阿元菜市場
入面有個火鍋好吸引
所以又去左一次堅尼地城
當時本身有諗過係一次食晒兩間
但最後都係去左食拉麵
結果都係食唔到必比登推介果一間

阿元菜市場其實都係阿元來了附近
果間係黨鐵站B出口出面
呢間就係C出口出面
星期六五點幾黎到唔洗等位直入


個環境真係同九分飽果類差唔多

入到去幾乎見到每一張檯都係食緊個火鍋

乜乜老味



老味攤其實就唔係有個攤位自己去拎食物既
而係有一頁餐牌係點老味既

其實即係燈籠老味咁樣
所以我諗連登仔先咁唔鍾意台灣野
可能間間都差唔多掛

另一頁係牛肉麵同水餃

應該想試下d阿元來了本店無既野
手工水餃都有幾多款

第三張餐牌就係呢間菜市場既signature

火鍋其實只係卓頭
入面d料全部都係甜品黎
99蚊一份
兩個人食夠有突

同埋佢仲有個優惠

話貼老味灘食物相上fb或者ig就可以九折

之後又周圍行
堅尼地城北街

呢條街就係阿元來了果條

之前食過既嚐囍
兩間米芝蓮既必比登餐廳
多謝高登先間戲院都係呢條街
其實我一直都好想去呢間戲院
但真係太遠
今日時間又唔岩

其實時候都唔早
食完六點幾
岩岩好可以睇日落
行到街尾轉個彎見到消防局就係
係巴士站格離
果條好似叫做卑路乍灣海濱長廊
睇夕陽一流

可惜今日天氣麻麻
對面係青洲

之前坐船經過所以有d印像

其實想話今日黎到西環仲有第二個目的
因為之前睇過一套叫做點對點既電影
由陳豪做主角既
故事結局就係呢個海邊拍攝
而電影就係穿插係香港唔同既城市歷史
成套戲真係好c服

結局shot位朝聖

呢個位人又多車又多

除左望到夕陽
仲可以望埋昂船洲大橋同青馬大橋
故事入面仲有一條線係講去搵維多利亞城既石碑
所以而家就行埋過去

呢頭好似好多野食


黎到呢個加多近街就開始無乜人


再行前d就係101既巴士總站
附近有間殮房
呢一日係農歷七月十四
見到有人燒街衣
女朋友就唔比我影相
格離有個碼頭
但落左閘好似入唔到去

再行前就係終點

沙倉球場

而界石位置就好似電影入面所講棄置左係垃圾筒格離


連登之前有個界石遊記po
我都係睇完先再睇點對點
寶雲道之前都有去過
原來呢d歷史正文就存在係我地身邊
而我從來都無去留意
我都係睇完先知原來香港曾經都擁有首都
呢個垃圾政府不斷咁去殖民化
幾塊歷史正文都唔知捱得幾耐

呢個公園一樣可以睇到日落

仲少人好多

原本係諗住一條直線去埋泳棚既
但已經天黑
去到都無野睇
就係殮房總站搭巴士出番去
搭幾個站去到山道落車
呢度係電車石塘咀總站


一路行去海邊
就係今日最終目的地

中西區海濱長廊
長廊一直去到中環碼頭
分開左幾段
呢一段叫做西區副食品批發市場段
成日見到人話西環碼頭睇日落好靚
其實我睇地圖都唔知邊個位實際先係西環碼頭

唔知乜公仔黎


入口轉左見到好多貨櫃
google map就叫做貨櫃碼頭
睇番新聞係年頭就封左唔比再入

長廊一直申延出去
我都係係口附近行下
無行到去太遠

上面好似全部都係食品工場黎

後面有兩間酒店
一間萬怡
一間one eight one
曾經有諗過係度住既話會過落黎行下
但最後都係決定唔去呢種級數既酒店
仲有最高果座係支聯辦
所以d撚樣全部都叫做西環契弟
香港而家係連選舉都無左了

海濱長廊都幾多人下


我自己住九龍
一直都覺得101既總站係個好好好遙遠既地方
對於呢個地方感覺好陌生
都唔知有咁多人係呢頭住

呢度望過去係西九龍比較清楚

西環最後一站去左食拉麵
個地點都幾難搵
係一田對面d小巷入面

就係呢間彩aya

總店係元朗
不過當時老闆砂田先生同股東發生左好多事
結果搞到拉麵店執左
最後自立門戶再開左西環分店
我地今日去既呢間係今年開既新店
前身係一間叫做翁記既老麵店
而家保留番原來既港式味道改成拉麵店

而彩既舊店其實就係斜對面


因為保留番原有風味
所以廚房係好港式既

不過今晚就見到唔到老闆砂田先生

因為局格同一般拉麵店好唔同
座位亦都唔係傳統既bar檯

二人位都坐得好c服
檯面夠晒大

茶杯印有彩既名


雖然話保有港式風味
但應該都有改裝過

吊燈應該係新既
牆上面亦都有貼左最後一日既蘋果日報
好難得有一間日本老闆係黃既

同一般填紙仔唔同
彩係有餐牌既

湯底就有三款口味
後面呢頁我自己理解係料比較多

而彩既麵條自家制
制麵機係對面舖
呢間比較特別
除左可以揀湯底味道
仲有麵底都有三種味可以揀
固定兩款係小麥同黑胡椒
而今日既special係柚子

大約五分鐘上麵

我揀左柚子麵底既蝦沾麵
擺盤同其他拉麵店有d唔同
麵條用碟黎放既
感覺就好似食緊一乾三濕咁
基本有200G麵
都真係夠晒
麵條望落幾靚
不過柚子味就唔係太出
無泓一咁重味

蝦湯發揮正常
叉燒三塊
同一整隻溏心強

隻強岩岩好
呢份賣九十三蚊
麵條仲要係自家制
係香港黎講真係良心價
但要講味道就的確係唔夠其他出名麵店黎既
比較大路

女朋友揀小麥麵底既黑蒜油沾麵

我不嬲就唔特別喜好呢種黑湯
感覺太過重味
紫菜上面仲有彩同電車logo


以前曾經都去元朗果間
當時同行友人都有講過門口好臭呢個問題
網上見好多人都話幾間彩門口都好臭
元朗當時真係有浸味既
不過西環呢度我地坐門口位就唔覺有
係七月十四呢條巷就都幾多人燒衣
同場仲有黑貓行過


黑蒜沾麵賣88蚊
埋單181蚊
收八達通
平均就九十蚊碗
以同價位既舖頭黎比
呢度就真係完勝荃灣麵屋福
起碼坐得舒服好多
張凳仲有得埃
係有時見到小二兩邊走黎走去幾搞笑
呢間性價比高
但始終西環太遠
下次再番去元朗試下分別大唔大

過番對面一田行左陣就番去完結左呢個七月十四

DAY56 完



終於抽中左部PS5
可以睇番之前買落UHD既碟啦
同埋可以玩人中木村

DAY1 蒲台島->Beef & Liberty->赤柱 #2 & #55
DAY2 天際100->每日->Ozone #60
DAY3 太平山->大富翁夢想世界->凌霄閣摩天台428->楚撚記大排檔 #81 & #95
DAY4 玄鮨->Epure->觀塘海濱花園->平山 #109
DAY5 Sukiya->梅窩->銀鑛灣瀑布->La Pizzeria->逸東軒->普慶餐廳 #119
DAY6 Aaharn->大館 #132
DAY7 龍逸軒->1881 Heritage->嘉頓山->素年 #157 & #167
DAY8 昂坪市集->Ebeneezer's Kebabs & Pizzeria->天壇大佛 #188 & #196
DAY9 鮨樂->香港文華東方酒店(上)->Cafe Causette #213
DAY10 香港文華東方酒店(下)->文華廳->香港摩天輪 #244
DAY11 九龍海逸君綽酒店(上) ->炉端燒 #268
DAY12 九龍海逸君綽酒店(下)->The Promenade #297
DAY13 Mamaday->香港四季酒店(上)->龍景軒 #323
DAY14 香港四季酒店(下)->The Lounge->Caprice #396
DAY15 香港朗廷酒店(上)->朗廷會->唐閣 #448
DAY16 香港朗廷酒店(下)->The Food Gallery->Bostonian Seafood & Grill #473
DAY17 香港海洋公園萬豪酒店(上)->萬豪貴賓廊->Marina Kitchen #516
DAY18 香港海洋公園萬豪酒店(下)->Pier Lounge & Pier Bar->香港海洋公園->1仔冰室 #570
DAY19 香港鐵路博物館->大埔海濱公園->Fat Belly Butcher & Gin House #599 & #608
DAY20 香港萬麗海景酒店(上)->Club Lounge->滿福樓 #619
DAY21 香港萬麗海景酒店(下)->萬麗咖啡室->Mirage Bar & Restaurant->金紫荆廣場 #648
DAY22 Kitchen->香港W酒店(上) #665
DAY23 香港W酒店(下)->Kitchen->星宴中餐廳->WooBar->西九文化區 #695
DAY24 Cafe Gray Deluxe->奕居(上) #714
DAY25 奕居(下)->Cafe Gray Deluxe->燈籠滷味 #746
DAY26 大澳->香港大澳文物酒店(上) #758 & #778
DAY27 香港大澳文物酒店(下)->Tai O Lookout->大澳->蘇廬 #803
DAY28 香港麗思卡爾頓酒店(上)->Tosca di Angelo #823
DAY29 香港麗思卡爾頓酒店(下)->The Lounge & Bar->天龍軒 #847
DAY30 嚐囍煲仔小菜->心經簡林->Involtini Italian Cuisine #857
DAY31 香港美利酒店(上)->Murray Lane->Popinjays #878
DAY32 香港美利酒店(下)->Garden Lounge->香港公園->四季常餐 #891
DAY33 香港瑞吉酒店(上)->潤 #909
DAY34 香港瑞吉酒店(下)->潤->L'Envol #937
DAY35 南豐紗廠->韓閣 #955
DAY36 南丫島->牧羊少年咖啡館 #964
DAY37 東平洲->好湯好麵 #6
DAY38 香港半島酒店(上)->吉地士->Lady Nara #25
DAY39 香港半島酒店(下)->露台餐廳->嘉麟樓 #58
DAY40 ○de▽鯛白湯らーめん->海山樓->Dough Kitchen->Bistro Bon #88
DAY41 九龍香格里拉大酒店(上)->灘萬日本料理->豪華閣->香宮 #108
DAY42 九龍香格里拉大酒店(下)->Cafe Kool->Angelini #139
DAY43 港島香港里拉大酒店(上)->豪華閣貴賓廊->夏宮 #165
DAY44 港島香格里拉大酒店(下)->Cafe Too->珀翠餐廳->香港公園 #183
DAY45 金所->mimila->香港文化博物館->Top Blade Steak Lab->Tiffin #220 & #252
DAY46 馬哥孛羅咖啡廳->馬哥孛羅香港酒店(上)->貴賓樓層雅座 #309
DAY47 馬哥孛羅香港酒店(下)->貴賓樓層雅座->Cucina->合味道紀念館香港 #337
DAY48 Attic Handmade Pasta->Pici->Da Filippo Trattoria #348
DAY49 蒸廬->老馮茶居->豪隍點心工房->徐記廚房點心 #352
DAY50 The Place->香港康得思酒店(上)->貴賓會->明閣 #358
DAY51 香港康得思酒店(下)->Alibi - Wine Dine Be Social #382
DAY52 拉麵天王->泓一拉麵->麵鮮醬油房周月->麵屋福->多賀野->雞Soba座銀 #391
DAY53 Sabatini意大利餐廳->香港帝苑酒店(上)->Crown Club #400
DAY54 香港帝苑酒店(下)->雅苑座->東來順 #408
DAY55 炭家->定食doyara->元創方->吃什麼->段純貞->九分飽->阿木台灣麵->程班長台灣美食 #418 & #441
DAY56 阿元菜市場->卑路乍灣海濱長廊->中西區海濱長廊>彩麵 #467
DAY57 那個ㄋㄚˋ ㄍㄜ->南昌公園->深水步公園->荔枝角公園->海老名沾麵
DAY58 香港太空館->Untitled Cafe & Bar->JEP by Involtini->FooDo

Live 留個名

西環嗰邊真係好正，除咗係舊區，佢冇咩填到海，所以電車路相對近海，啲屋又多起喺斜坡，好有香港味

話說我都覺好多拉麵舖都有浸臭味，我就覺得係啲荀（成日都係臭嘅）

都係
香港好少有呢d舊區
過一排無去觀塘裕民坊而家都唔同晒

我見其他人都話係筍味
但其他拉麵店又無乜