[長氣多圖][無限期] 香港staycation之旅(2)

那個塊排骨真係大到好on9
又要有骨
唔知道點食好
不過飽就一定飽

咁撚大塊又無切開
用筷子食真心on9

樓主成日同女友 嘈交

嘈到習慣左

DAY58 香港太空館 Untitled Cafe & Bar JEP by Involtini Foodo

細佬唔再係香港
我自己又搬左出去
唔知廢老係屋企會點
呢兩年都無得帶佢地出去旅行
咁就去d佢地想去既地方
慈山寺就book左幾個月都唔夠人爭
老母就唔知點解話想去睇下太空館個菠蘿包

結果支慶果日去左尖沙咀

聽講喜來登十一月唔再做隔離酒店
不過外牆好似會維修
唔知係咪會無左海景
個價又唔知會唔會跌到之前咁平呢

太空館後面係藝術館

之前停左四年翻新
直至兩年前先開番
我都未入過去
但老母一句無興趣就無去到

呢個就係菠蘿包既真身

其實都只係加左個微笑樣上去
而家我對酒店建築好敏感
特登就wide d影埋後面半島

係太空館出面仲有架美食車
好似話呢個地點係迪士尼以外最賺錢既

諗住大把時間終於可以睇下太空館d電影
點知全部都爆撚晒



一張成人一張廢老飛

成人十蚊
廢老五蚊
以前買過d博物館pass
都係五十蚊
申請果時以為好抵
但之後都無咩點去
好似仲蝕左

太空館有兩層
兩個展覽館
地下入口係宇宙展覽廳


唔知點解感覺就好似細過以前好多咁


離開小學太耐

行星次序都唔係幾記得


而家既知識同我以前學既已經好唔同
好似冥王星咁已經唔係行星之一


木衛二到而家都仲未飲過


極光製造器


宇宙屎眼既奧秘



入面都有幾部機比細路仔玩

我記得以前玩過一部機係扮係月球漫步咁既野
但而家好似唔見左

宇宙大爆炸


原本諗過買飛睇天象廳既

但全部都已經賣晒飛無得睇了

另一個館係二樓
叫做太空探索展覽廳


呢隻應該係麥迪文黎


航空發展



唔知點解見到NASA就諗到許腎保護地球


支那火箭特別柒過人


真太空艙


之前睇過有單新聞
係講如果想係太空做愛
就要固定雙方先可以做得到

火車


屌你又整埋d支那殘體模型係度

真係好噁心

輕鬆行完
最後行下精品店

支那火箭都要成千蚊支

宇宙食物


外國勢力紀念品


咁同外國相比
呢個太空館的確算係鳩流流級既
但係個外觀確係深刻既
太空館都可以算係一個地標

咁同得廢老出黎
緊係要迫下佢地食黃店
之前睇過飲食男女介紹
係尖沙咀除左大路pici同小小虫既attic
仲有間叫做untitled cafe & bar
本身我就唔知係邊
係去到門口先知原來就開係pici格離

門口白雪雪
唔係有目的咁黎根本唔知佢係食咩

岩岩好仲有一張檯淨唔洗等

餐廳好細座位就好少
只得三四張四人檯
同埋一張bar檯
係迫既
不過未算坐得辛苦

仲有個開放式廚房

一眼睇晒餐廳就只得兩位職員
廚師小二收銀都係一腳踢

就唔知係咩原因等左陣都無比menu我地
我自己見到附近有疊menu就拎過黎睇
假期一樣有lunch menu
手工意粉由最平78蚊起
唔同意粉再加唔同價錢

單點menu其實都係差唔多
就無咩話特別d既要單點先叫到

跟餐有special以外野飲一杯

凍飲加兩蚊

先黎左麵包同湯
咁其實我就無order到既
但見都黎左就照食


個包軟淋都OK
不過個湯就有少凍
最後係無收到銀兩既

凍伯爵茶

熱檸茶


老母食齋
所以其實食意粉就幾好
總有幾款係素食

加三十蚊既黑松露闊蛋麵
上菜會有少少菜色介紹
松露味勁香
闊條麵比較硬身口感一流
我自己就覺得好食過格離pici
不過pici就抵在有埋前菜同甜品

我自己就揀左加六十八既阿根廷紅蝦幼蛋麵

佢賣相幾好
雖然阿根廷同西班牙或者意大利紅蝦應該有段距離
但呢三隻都煎得好香
而且仲要都唔細隻
蝦頭有膏
不過佢龍蝦醬味太重
我自己就覺得咸得濟
食落去都幾膩

小店格局輕鬆
唔需要好似格離咁要講英文
無點甜品
連加一埋單282

如果以lunch set黎相比
其實係比格離pici貴
不過相對意粉份量較多
味道亦都較優勝
而且最重要呢間係黃色小店
門口有貼上mee會員
咁我會比較推薦呢一間
服務黎講唔算差
雖然都明白人手唔係好夠
不過仲有可以改善既空間

就繼續講下我鍾意既手工意粉店
之前就有去過involtini
當時食完就驚為天人
而佢地新開左間姐妹店JEP
開係屯門珀御地下
見老闆jack而家就好似長駐屯門
一直都想去試
但永遠都係full booking
見佢地fb有話每日都有幾個bar檯walkin位
就搵左個平日lunch時間去搏下運氣

餐廳十二點開門
我地就十一點五十幾分去到
見前面已經排左幾個
好彩佢地本身就有book檯
所以我地三個都有位可以walkin
入去到見到bar檯其實得5個位
再遲少少黎排就應該真係無得食

坐bar檯高凳就雖然唔係幾舒服
但最特別係望下開放式廚房

見到廚房有部意粉機
亦都見到老閣jack在陣

玻璃檯面都幾靚



呢度同總店一樣都有介紹餐牌呢個動作
午餐有lunch set

亦都有單點

菜單就同involtini有d唔同
當中最signature既卡邦尼同紅蝦意粉就仲有保留落黎

酸種麵包同黑麥麥包

呢個比起銅鑼灣好食
牛油仲有JEP大名
而JEP其實係解just eat pasta
餐廳主要係想比大西北既市民享受到高級又比較親民價既意粉

話說特別黎到試
咁我就覺得lunch menu唔太吸引
其實都只係多左杯野飲
另外餐湯同甜品都要加錢既
最後我就點左a la carte
紅蝦之前已經試過
所以今餐就試下特別d既甲羅燒蟹膏意大利飯

試多幾次就明白al dente口感其實係比較硬身
我已經開始唔係幾鍾意軟淋淋既感覺
而呢個risotto正正就係咁樣
粒粒分明
小二介紹話由外食到內
最後加埋上面蟹膏同生鵪鶉蛋一齊食就係正

另外朋友點左單點既卡邦尼

個感覺同銅鑼灣店係一模一樣

另一位就點左lunch set既青醬寬蛋麵

上面係水牛芝士
賣相就好差少少
不過呢款麵我就未食過
無辦法品評

最後見識下新店個洗手間


埋單598
淨係收現金

平均兩舊水一位
其實都係貴在我個意大利飯上面
呢間JEP同involtini本店質素其實係無分別
無論食幾多次都係正
唯一缺點真係份量比較少
午餐就咁食一個意大利飯就唔係幾夠喉
另外當日係involtini單點意粉係包一杯野飲
但今次JEP係無既
後尾睇番最新involtini餐牌好似都已經無左包飲品呢樣野
感覺就唔係幾好

另一間手工意粉開係旺角女人街
由CCTVB偽人林秀怡同另一位前同事葉婷芝開既
無睇呢個台好耐
所以根本就唔認識佢地
淨係知道佢因為表態而比人雪左

因為武漢肺炎
香港無晒遊客
成條女人街基本上變左死街
同以前比真係差天共地
女人街兩邊既地舖本身就已經多餐廳
因為呢個情況好似好多餐廳都因為咁樣抬起左頭
知名度高左
聽講好似都高質左
呢頭仲有間點心專門店喜惶我都一直想去試下

foodo就開係女人街近廣華醫院果邊

我地平日十二點過少少黎到就唔洗等位
之前試過夜晚黎太多人等放棄左

小店都係得廿零個位

當日可以坐到四人位
未算話太迫

本身佢就只得午餐set menu
清一色都係寬麵
價錢比晚市平
大約六十至七十蚊
另一頁係飯類

但問左小二
其實晚市menu都可以既點

就多左a6同a7
價錢亦都變左九十蚊起跳
另外仲有小食同甜品


硬係覺得個餐牌有d混亂
因為我都仲係搵唔到佢個招牌蛋糕
原來又有另一張餐牌

個蛋糕足足霸左成頁
仲有相有計傾

佢就有講話限時60分鐘既

不過我點個意粉都要等幾耐其實就唔洗理

免費既自制水果茶

就好似無咩特別

朋友本身想叫咖哩雞
但今日無
最後點既芝士雞塊飯

即係咁
就咁望落去都幾頹既
其實黎到呢度主要都係為左食手工意粉
佢整飯類制品應該都係為左想乎合更多九唔搭八既食客
例如我FD
件雞都OK既
但真係當小食就可以
當主菜就唔係幾好

然後等左半個鐘先有既魷魚意粉

賣相比個頹飯靚好多
仲係唯一一款唔係採用寬麵既麵條
寫明即叫即整
價錢亦都貴一倍
不過第一次黎到就想試下
忌廉味好濃
少少辣
麵條亦都食到煙韌感覺
如果拎去比較高級少少既意大利餐廳都賣唔止呢個價
不過
我就覺得魷魚無咩特別既
未試過寬條亦都比較唔到
呢個意粉係吸引既
但份量真係太少
食完真係完全唔夠飽肚

最後上既係被稱為好食過主菜既焦糖脆脆蛋糕
一樣係手作產品

蛋糕就唔細
可以share食
軟淋淋咁
其實就無咩其他感想可以講
不過食埋甜品就算叫滿足

因為意粉等得比較耐
同埋仲有份蛋糕
呢餐食左超過一小時
但係無比人趕既
咁埋單就232
無加一

呢個年代仲有手寫單都真係幾搞笑
手工意粉口感唔錯
不過如果黎食午餐既話
都係食番A1-A5會更加抵玩
始終個價差成倍
我都係第一次黎想試下特別少少
下次既話會試下果幾款
另外當日小二就只係見到得一位
CCTVB偽員就見唔到
廚房唔是開放式望唔到裡面
咁個價位都算抵食
就算最貴果隻意粉都係百二蚊
仲要唔洗加一
唔洗等既話就一定會再黎試下


DAY58 完



岩岩去左間食串燒既舖頭
有款中價位既鰻魚飯
其實佢就無寫話係有邊度鰻魚
亦都無見過佢有活鰻
但起碼都叫做炭燒
無機會出國
係香港可以食到有心原味既鰻魚飯就好似唔多
一係就要食omakase先有機會食到
之前就去過炭家食幾有日本原味道
其實都仲見到中環有間專門食蟹既野田有日本活鰻
但成五舊水一個鰻魚飯
唔知仲有無其他推介

要試下旺角間手亞意粉先

好聽D 就手工意粉，實情有手有腳都識整

咁用料同麵粉都有唔同既

Lunch抵食
不過份量唔多

attic好唔好食？

Ok ga
算精緻
Lunch都抵食

DAY59.1 粥麵館 川流 藍屋建築群

好多個月之前
去左過鰂魚涌果邊買野
當時仲未食過周月
所以就好想去食拉麵
話晒都係米芝蓮餐廳
又可以打下卡
點知個港女聽到我咁講就唔理我意願扯左我入嘉里中心
話呢度都有間米芝蓮
佢話以前係大酒店格離做野黎過食
就好簡單叫做粥麵館

原來由2013年已經係必比登推介
而家全香港一共得五間米芝蓮既粥麵餐廳
當中只有一間係有星星既

餐廳開係商業大廈
座位好闊落


以粥麵舖黎講算係比較乾淨

老闆李文基係三星米芝蓮富臨飯店創辦人楊貫一既徒弟
嘉里中心上面仲有間叫做富嘉閣既中菜都係佢打骰
而家餐廳廚房話係全面使用電磁爐
方便廚師工作又易清理
連大鍋都用得到
仲話係同普通明火完全無分別
亦都請左粥王李景主理
好似足到好把炮咁

所以價錢亦都算比較進取

比一般連鎖店貴
但都係可以接受既水平

明明就只係必比登推介


但就話自己係米芝蓮推介

一場黎到
試左佢地個大窩粥

呢個係超級無敵艇王粥
見佢寫到好似比其他兩個窩多料
事實係真係好大窩
餐牌話二人share
我諗就算四個人分都未必食得晒

走左豬心唔食
入面都仲係幾多料

不過真係太大窩
最後當然係食唔晒

另外點既牛脷酥

正正常常

呢間要加一
埋單163

其實就係一間高級少少既粥麵舖
不過服務都一樣係阿姐級
不過人流都比較少
可能唔係工作日
假期中午兩三點入坐率都係得三成左右
去到後尾仲熄埋無人坐座位d燈
我平時就無咩喜好粥食呢d野
只係純粹經過先入黎

時間就飛番黎最近
呢日其實係想去搵第二塊維多利亞界石牌
就順便遊覽一下灣仔

灣仔舊區其實我就好少去

同平時去開會展或者188果邊好似完全唔同世界咁

而太源街一帶就係舊式市集


之前行過女人街
因為無晒遊客變成一帶死城
但灣仔呢度係完全無影響
可能呢頭長期都係靠街坊支持掛

舊灣仔街市係90年代列為三級歷史文物
08年結束營業
後來改建成為私人住宅壹環

呢一帶都仲有其他望落去算新既大廈


而新既灣仔街市其實都只係係壹環對面

完全唔起眼咁隱入左係住宅大廈下面

灣仔海岸線

係1842-1890年代
當時海岸線係黎到舊街市呢一邊
呢二百幾年就一直填海去到會展
唔知會唔會有一日維多利亞港會消失

咁係呢個舊區入面有座服務式住宅
叫做薈賢居
係如心集團旗下既
地下有一間叫做川流既川菜館

假期有提供午市既點心放題
之前曾經有黎食過

個格局就比較特別

好似身後bar檯位就自助區黎
不過上面果d食物就見到都無咩胃口

點心就有十二款





呢度座位少過一般茶樓好多
以放題黎講都算係比較精緻同靚仔既

當時就未話想寫遊記無影得咁仔細
價錢就每位168加25蚊茶錢再加一
大約212蚊
價錢就唔算貴
質素亦都遠勝而家好多既濕鳩點心放題
係選擇可能唔算多
不過就絕對夠食

上一次黎灣仔行街
應該就已經係去到st regis果時
其實都無咩點深入到
今次就行得再入d
過左灣仔街市
馬路對面就可以見到藍屋


但側面係白色既

藍屋係香港一級歷史建築
之前果籽有一大段藍屋既片
話其實上面仲有住人
而且仲要係經過篩選先住得到
藍屋原址係一間醫院
後來1922年拆卸再起成而家既四層高建築
再後來政府油油
但係狗官剩番藍色油漆
所以就成左為藍屋
中間活化再經歷抗爭
居民先可以係番原址居住
而當時搞事既人
正正就係柒婆
而藍屋亦都曾經係點對點短暫咁出現過

藍屋地下而家係香港故事館

入面都係擺下d懷舊野





藍屋印仔

唔知仲有無其他

呢度仲有本書仔
入面係介紹香港唔同既歷史建築

亦都有之前去過既大澳文物酒店

照住本書都可以去到好多唔同既地方

而藍屋周圍
仲有黃屋同橙屋

黃屋而家都係三級歷史建築
但就一d都唔黃

反而藍屋格離有座唐樓金石樓真係成棟都係鮮黃色

黃屋對面有間大龍鳳

google map睇過係酒吧黎
呢一帶好多呢款古裝餐廳
橙屋對面都有

又係藍屋對面座樓先仲橙
呢度野下面有間泰麵好多人排隊

望下先見到係必比登推介
之前去泰國食過好細好細碗既船麵
一次過可以食十幾廿碗幾得意
香港就無得咁玩
多數都係一大碗就無左特色
不過有去過元朗國
食過間黃店叫做阿叔泰麵都一樣好好食
有機會如果食到呢間泰麵可以比較下

係藍屋同橙屋中間有個好似巴士站既藍屋空地

睇過果籽藍屋有好多活動都係呢個空地舉行

上面見到真係有居民係度行黎行去
新裝修仲有升降機

同柒婆既抗爭歲月

橙屋地下都有間叫做本地薑既素食店

最後因為藍屋上面係住宅
其實就無得參觀
咁下一站就係舊灣仔郵局
係大約一百年前興建


係現存最悠久的郵局建築
列入左法定古蹟名單
入面而家改建成為環境資源中心
不過公眾假期休息
亦都有工程進行緊


新郵局就係原址格離胡忠大廈

同一層仲有間好出名既仙后餐廳

其實lunch都只係250

唔算貴
但當日承諾過將來會番黎呢度食飯
以後都無機會實現了

上寶雲道就應該用腳行既
不過我個人廢
就係度偷雞坐15號巴士上山



續