[長氣多圖][不爛尾] 台灣嘉義阿里山日出之旅

是咁的
睇完世界盃之後
原本係九月想同同事快閃大阪
去睇日職同食餐神戶牛
順便去埋FATE STAY NIGHT朝聖
點知唔好彩就發生關西機場水浸
最後成個行程取消
十月仲要比人調離左多年既工作環境
一切又一切都令我想投入一段新既旅程

之前都有出過近兩年既遊記

山陰山陽
https://lihkg.com/thread/220010/page/11
關西名古屋
https://lihkg.com/thread/395127/page/1
英國倫敦
https://lihkg.com/thread/278840/page/8
東海道
https://lihkg.com/thread/451855/page/1
南九州
https://lihkg.com/thread/535359/page/1
意大利西北
https://lihkg.com/thread/624247/page/1
中部北陸
https://lihkg.com/thread/684922/page/1
俄羅斯
https://lihkg.com/thread/753355/page/1

詳細時間表
https://travel98.com/member/62235/trip

其實之後都將會去三次日本
今次就想試下其他唔同既地方
曾經有諗過支那
萬里長城同兵馬俑曾經都係我小時候既夢想
但係一諗起要番支那就猶豫左好耐
最後都係決定去另一個多年前想去既地方
阿里山

當年去墾丁
其實都有PLAN過去阿里山
但同行友人話兩條仔不了就取消左念頭
多年之後
已經習慣左毒遊
自己一個就再無呢呢種煩惱
係出年上富士山之前
試上一下阿里山睇日出

阿里山位於台灣南部嘉義縣
之前都只係曾經去過墾丁高雄台中同台北
嘉義呢個名其實有D陌生
不過竟然只係去得四日見少少
就順便見識下呢個陌生既地方

行程表
13/10 DAY1 香港->高雄
14/10 DAY2 高雄->嘉義->十字村->阿里山國家森林遊樂區
15/10 DAY3 阿里山->奮起湖->文化路夜市->嘉義
16/10 DAY4 嘉義->太平雲梯->梅山公園->蘭潭->嘉義
17/10 DAY5 嘉義->里山森林鐵路車庫園區->嘉義舊監獄->嘉義公園->故宮南院->高雄->香港

因為新既工作環境幾乎都要番星期六
所以換左星期六放工既機票
減番星期三重陽假期
都叫做請兩日假完成呢個旅程

台灣並唔似日本有完善既交通
尤其係嘉義
唔似得高雄同台北有地下鐵路
除左有火車可以上阿里山
縣內所有交通都只可以靠巴士
完全係稱唔上方便
其實台灣真係幾落後

今次只係帶左屋企人洗淨果四千台幣去
但係衰ON9唔記得左開海外提款
就住洗之下最後淨番兩舊水番香港
叫做岩岩好

新買左支騰龍2875F2.8
加埋原本支1224
其實我覺得真係幾重
以後真係要好好取捨帶邊支比較好

小量預覽圖
騰龍D相影出黎好似怪怪地咁

DAY1 高雄

為左就番放工時間
所以揀左港龍最夜21:10果班機
不過我放工六點幾就去到機場
checkin完連閘口都未有

話說國泰同環亞兩個新lounge都未去過
有三個鐘時間係想去晒既
首先揀最近離境既優逸庭先

手持建行銀聯prestige可以免費入場
係除左8蚊1里以外另一個比較好既優惠
細路仔未見過大蛇見到門口已經手震


reception姐姐問要唔要book埋按摩同沖涼
按摩十分鐘
沖涼就半個鐘
得到兩個呼叫器


咁離開預約時間唔夠食一餐
唯有搵間休息室坐下
呢度無咩人都算幾舒服


按摩得十分鐘
唔記得影相
入面得個大媽幫你鍊下就無咩特別
沖涼房就唔算大
不過就岩晒我收工梳洗一下



沖完涼終於可以食野
每人可以單點一份

恰鳩我唔識英文
搵黎搵去都見唔到lobster呢隻字
唯有叫另外比較出名果隻漢堡

素肉口感同真肉真係幾似
薯條又幾好食
餐廳就唔大不過無咩人

外藉小二同我嘰哩咕嚕講左一大輪雞腸都唔知佢up乜
大概話出面仲有好多自助野食掛
不過時間差唔多都要走


有個bar臺
不過我唔好酒類

到最後因為等沖涼等耐左去唔切國泰個新lounge
今日就試住一個先

印象中次次去台灣都係飛高雄
而去親高雄都係坐呢隻機
港龍A330


港龍好似全部都無真J
不過坐得個半鐘就是但啦
但係佢D位唔知點解唔係平排


welcome drink


一起飛就派餐
因為我坐最後排
時間都幾少
食完機長已經話差唔多降落

其實頭先先食完個漢堡包
食埋呢餐真係好飽

因為成十點幾先去到高雄
驚賣電話卡收晒工
所以係KLOOK訂左張五日上網卡
七十幾蚊都有電話分鐘
用落感覺幾好係山上有D地方收唔到

基本上唔洗SET野

實測都算係用4G基本速度


高雄夜景

記得我十年前第一次落機第一印象係
咁似大陸既
到而家都無咩分別

過關半分鐘就搞掂
望都唔望你
唔洗等行李直出地鐵站
最後一班12點幾

仲有大把時間

成個台灣得三個城市係有地下鐵
而第二高雄地鐵只有兩條線
所以先話落後

不過高雄地鐵都算識玩
有高捷少女撐下場


因為聽日一朝早就坐火車去嘉義
所以BOOK左係高雄車站附近住一晚
一出地鐵站就見到成村人係度訓街

夜晚晚都唔知排乜鳩
成個高雄車站感覺上好似唔同左咁


仲有D唔知咩典禮

不過趕住去酒店唔顧得咁多

今晚住既係single inn
應該話似係hostel多D
不過佢就有獨立房
係廁所要共用
不過純粹係度訓四五個鐘二百幾蚊晚就是撚但啦

間房就係得咁多

有睡衣褲比你換

沖完涼都十二點幾
第二朝仲要坐六點鐘火車上嘉義
搞掂晒野就休息啦

DAY1 完

食完俄妹食台妹

唔知點解
嘉義無乜見列有靚女

海外提款功能可以上網開呀

騰龍幾好呀
正所謂騰龍王丫嘛

btw lm sin

成個台灣得三個城市係有地下鐵
而第二高雄地鐵只有兩條線
所以先話落後

十條綫都冇用
就算要慳家
有乜方便得過機車直到屋企門前
去坐捷運咪又係渣機車去
咁囉～

要電話認證

咩野騰龍王

住皇爵大飯店
大間又抵住
係要行遠少少

騰龍ok嘅

你撞正高雄新站開幕

係平過gm果支一倍有多

竟然一樣
皇爵仲無端端醒左張早餐券
明明記得book果時無

係，仲要撞正佢頭班車
去到先知佢搬左站

都算係架
本身BOOK左間亮點旅店
但見到呢間好抵就轉左
不過都要間皇爵起碼靚靚仔仔先既

DAY2 高雄車站 嘉義車站 中興號

阿里山森木鐵路有兩款車
一款叫做阿里山號
一款叫做中興號
上網睇過中興號架車都幾特別
不過唔似得阿里山號係指定席
而係區間車
即係自由座
只有星期六日同假期先有開
而且八點半出發
為左趕得呢班車
需要六點鐘係高雄坐台鐵自強號到嘉義
所以今朝五點就起左身
SINGLE INN D隔音都算幾差
一早沖涼嘈撚醒晒格離房D人

估唔到咁早CHECK OUT都仲有台妹一齊走


岩岩好天光


去到高雄車站

竟然連燈都無開
嚇撚死寶寶
點知有個工作人員話車站已經搬左
叫我去番尋日地鐵落車果度

上網睇番資料先知
原來舊高雄車站尋日落機果日已經係最後一日營運
而今日將會搬到全新既地下火車站

雖然係朝早五點幾
但竟然見到好多人

尋晚排隊既人仲係度

應該係排緊買紀念車飛
不過個車站就好荒涼
明顯睇得出樓梯未準備好
好多售票處根本無人做野

個通車典禮唔知幾點開始

我坐06:03呢班自強號到嘉義

係星期日既特別班次
全日第一班車

亦即係話呢班車將會係新高雄車站通車後既第一班
唔怪得知會有咁多鐵膠係度

車站個時間表整到同日本JR個時間表一樣咁


雖然好多鐵膠係度等

但預想同現實係有分別既

我以為意大利鐵路先咁廢
估唔到台鐵都咁廢
連第一班車都會誤點
好彩無坐下一班
如果唔係一定趕唔到阿里山架中興號
連車站個時間表都睇唔到幾時有車


就係每個人都ON99咁等既時候
對面有車了

開往潮州既區間車成為左新車站既第一班車
個個人都企錯位

結果最後班車足足遲左32分鐘

地下終於有燈著

即係代表有車駛入

自強號
同頭樣果班區間車好似一樣樣咁既

全車對號座
即係全指定席

但台仔可以用IC卡入車站
IC卡無得劃位見位就坐
好似係

尋日番工無食到既早餐
帶埋黎台灣食

見到個站牌以為自己坐緊山陽本線

因為DELAY左半個鐘
差唔多八點先到嘉義
成個嘉義火車站都係阿里山既廣告

阿里山火車同台鐵都係係同一個入口
但並唔係同一個月台
賣飛口都唔同
台鐵係車站入面


而阿里山火車係車站外面

如果坐指定席既阿里山號就可以兩星期前經網上買飛
但係自由席既中興號就要係開車前買飛
而中興號係比阿里山號多一個站
可以去到十字路站
所以我亦都買左去十字路站既飛


再講一講阿里山鐵路呢條線
因為多年前既地震
由嘉義火車站上車並唔可以直接去到阿里山園區既
而家阿里山號既總站既總站奮起湖同中興號總站十字路一樣都需要坐巴士轉車上園區
另一個更直接方法係係嘉義火車站或者嘉義高鐵站坐巴士直入阿里山園區
不過我就選擇左鐵路加巴士
畢竟呢條阿里山線都係旅程既一部份

雖然無拖GIP
但都帶左個旅行袋
就將佢放低左係火車站個LOCKER
一朝早無咩人用
佢都仲有四個大LOCKER可以放GIP既

頭三個鐘20蚊台幣
之後過鐘番黎拎果時再補錢
好似我咁放左一日半就大約要補兩舊水
不過發生左D事
之後再講
入完錢得到密碼一張
開門用


我來自潮州

呢個係嘉義火車站月台

要坐阿里山小火車要向前走

就會見到另一個月台

中興號已經停左係度

嘉義火車站

海拔30米

如果成條鐵路完整無缺
可以由海拔30米爬升到最高2451米既祝山車站

但原來所謂既中興號
其實都係用上阿里山號既車廂
並唔係係網上見到紅色或者藍色果隻古董




雖然話呢班車係自由席
但當中有呢款橫座

但其中一卡係呢款1-2座位

完全係阿里山號規格既車廂
車廂頂

車入面有時間表

如果唔係星期六日
每日只有一班車上山
登山路線

係山上面不斷螺旋型向上爬

估唔到有人係北門已經落車

北門車站亦都係一個相當有歷史既車站
最尾果日會過去見識下

中途既風影全部都係上山既路
係唔知點解應該好山林既車路都會有人係附近行
可能係原居民黎
呢D樹真係好似吊左條屍上去咁

上山條路一直都好好天


大部份人都係奮起湖落左車
因為要就番回程既火車時間
所以第一日我PLAN左行森林
第二日先行奮起湖

全車一共有五卡

可能星期日有三班車上車既關係
就唔算多人坐
車入面仲有洗手間

車尾亦都有一個行李架

不過放唔到幾多行李

總站十字路



海拔1534米

叫做位於半山區

車站無月台
要靠呢D木台上車

前面路段已經無左開放

大部份人都係度行一行影張相就上番車回程

原來前面區間座都幾多人

不過咁樣放三個鐘都應該幾唔舒服

望住呢架中興號離開


我亦都前往巴士站轉巴士再上山

十字村呢個站比起奮起湖好既地方係
每架上阿里山園區既巴士都會經過
都算多車
而奮起湖每日只有幾班車會經過
要預好時間
而且台灣巴士誤點既時間係好嚴重
雖然有巴士APPS
但係完全唔準既
準時根本無果班車都會顯示出黎
呢幾日係台灣都中過幾次招
不過我今日坐既呢班7323唔單只早左到
仲要全車得一條友上山
係唔怪得之上網見人講阿里山已經開始式微

阿里山巴士係上落卡拍卡
好似我呢D無卡用既就上車同司機講去邊然後入錢買飛

落車比番張飛司機
由十字村入阿里山大約半小時車程
需要37蚊

續

其實係兩張床泊埋
不過真係好大張