[長氣多圖][無限期] 香港staycation之旅(2)

我自己幾鍾意西環，都仲係好舊式feel,一條大 斜路

DAY59.2 景賢里 寶雲道健步行徑 鬼金棒

九巴15號
曾經係連接我地兩個家既必然交通工具
但係新巴既15號
我都係第一次搭
我諗大部份15號既乘客
都係上山頂既
而我
都係第一次坐纜車以外既交通工具上山
不過唔同既係
我地既目的地唔係山頂
而係呢個叫做松柏新邨既車站


落車行前幾步就已經到今日想去既地方就係景賢里

同一樣
我都係透過果籽認識
片中有位大學教授張家榮
由主教山配水庫開始
講左幾個香港既古跡
其中一站就係呢個景賢里
因為附近仲有塊維多利亞界石
所以就擺埋同一日探險

景賢里係柔合中西建築既私人大宅

亦都係法定古蹟之一
聽講香港既法定古蹟
多數都係由一級歷史文物咁樣升上去
但係景賢里
就係由一開始已經判定成為左法定古蹟

但景賢里每年只有好少既開放日
疫情之後更加好似完全停止左
所以而家既景賢里只可遠觀而不可以褻玩

呢度既設計真係好似去左第二個時代咁

涼亭


由外面望
就最多可以望到呢個畫面

裡面只可以靠網上睇既圖
果籽就有部航拍機可以飛入去睇

露台都生左好多雜草


都仲有諗過係後門潛入


其實無得入內參觀
就咁係外面睇都唔花得幾多時間
而呢度附近都係半山區高尚住宅

呢兩座野好似一打風就會冧咁

仲有原來玫瑰崗都係呢度


就算未落去行寶雲道都可以望到跑馬地一帶

然之後係玫瑰新邨巴士站附近路邊搵樓梯落去寶雲道


大大件歷史正文就係樓梯口

但上次黎到完全係無視左佢


寶雲道健步行徑

全長3公里
但我地偷步無係司徒拔道終點開始
今次亦都無諗住行到去起點寶雲道花園

而健身徑仲係連住其他配水庫既路

呢條路就算係黎第二次
都見到特別多鬼妹係度跑步

再次黎到寶雲道
我地又係度嘈左一次大交
當時其實已經開始走得越黎越遠
每一次都傷透大家既心
咁樣既心理變得好唔平衡
每次都想結束
但失左既呢一個星期
我又無辦法唔去諗
如果當時可以處理得更好會點樣
佢曾經講過
佢唔鍾意去曾經鬧過交既地方
會變成陰影
咁大概呢個寶雲道都會成為呢個地方

寶雲道以棧道興建
起左好多水管
將食水由大潭水塘引到中環
可能前一日落過雨
所以水量都唔錯


沿路就係好多呢d廢老玩具


下面係高樓大廈

景觀唔太開揚

寶雲道最出名應該係姻緣石

佢話因為係度求姻緣
先認識到當時既我
其實我成日去日本神社都會求呢樣求果樣
但番到香港
我就變得唔識專重
將佢重視既野當笑話咁睇
而家諗番起
其實我都幾仆街

係中間比d道士呃下錢

然後拎d元寶蠟燭上去拜幾下再燒

如果以個案黎講
佢係成功既
不過就無包完滿

唔知點解
我經過呢度就會覺得心浮氣躁

寶雲道中間有個公廁位叫做蘭谷

種左好多大樹
仲有涼亭小溪

亦都有水閘
今日都有個唔錯既瀑布可以見得到

咁我就無行晒成條寶雲道
係呢個蘭谷就轉左落灣仔峽道離開

下面呢條路都幾斜
要慢慢行

呢條路叫做灣仔自然徑

印度橡樹


路邊都有d休息位

其實落去都有少少辛苦
由下面上黎果d就見到都慘


香港比班妖怪統治
呢d廢話好快就會唔見晒架啦


自然徑盡頭


有好撚大一間小學


呢度落番去又係去番藍屋果條路

其實即係係灣仔轉左一個灣

石水渠街


有間古廟叫做北帝廟

或者叫做玉虛宮

1863年建成
亦都係屬於灣仔既法定古蹟之一

咁石水渠街花園其實就無野行既


行番落去泰麵已經無人排隊

好似落左場

灣仔
完
後來兜兜轉轉就去左銅鑼灣

咁呢
祖雲達斯就黎左香港整左個展覽
個場地就係時代廣場既中庭

點知去到

波衫同更衣室都唔見左
原來個展覽係十月頭已經玩完
我見到十月尾先完果個其實就只係一間pop up store
唯有安慰自己係意大利已經睇過啦
難得係香港有一次展覽
但我竟然係無去到睇
作為一個幾十年既球迷都真係幾失敗

呢個場之前係膠戰第二季既第一集就持左黎玩捉e因

感覺幾唔錯
難得咁大個場都可以租比viu
岩岩果集又包左成架郵輪黎玩
證明mirror係香港既存在感真係好高

之後係sogo見到soko

平時係youtube見佢好撚嘈
但呢一刻又好鬼靜

最後去左鬼金棒食拉麵

鬼金棒有兩間
一間係尖沙咀
而家去既係銅鑼灣謝斐道
小二態度就麻麻地
淨係一入門口話要寫紙仔就感覺好差

餐廳有bar檯

亦都有二人位


二人位就一般

用電話落單

亦都有份傳統menu既

基本上全部湯底都係一樣
只係配料唔同同埋叉燒既多少
當中只有兩款係有配強
而實際上係仲有餐牌無既伴麵同沾麵



另外仲叫左個大肉飯

舊叉燒成舊東坡肉咁
口感都唔錯
好肥美

鬼金棒其實主打就係麻辣拉麵
但女朋友唔食辣
其實係可以揀唔麻唔辣既

個湯相對就清好多
叉燒一樣都係咁大舊
但隻強就唔係好夠糖心


我叫既係小麻小辣沾麵

個麵就正正常常無咩特別
件叉燒都係一樣咁厚身

但係個湯就唔係幾夠杰

食落去就成個辛辣麵咁既味道
小辣其實就係完全唔辣既
早知叫勁d
但唔知係咪小麻令到個湯就酸到痴線
女朋友果碗我就接受到
呢個就真係搞唔掂
最後個湯都剩番幾多


埋單三樣野255

無加一
價位中等
但完全唔係我鍾意既口味
其實不嬲拉麵我都唔建議加辣
感覺好似破壞左個湯底咁
都係見呢間有D特別所以想試下
今次真係見面不如聞名
如果硬要黎食既話我就覺得揀番唔辣會仲好
而且服務都麻麻
咁都唔會再有下次架啦


DAY59 完

札幌食過間擔擔拉麵, 辣得好好味

果次言語問題變左走辣

呢個好笑

印象中cfu好似唔多識英文但都係拎張menu this this this

唔係自助售賣機既咩
好記得個店員問我係咪no spicy
我想答唔係就答左佢左no
結果就真係唔辣啦
係我錯

Lunch la
龍景軒點心都好出名
而且好似仲難book過夜晚

夜晚係lounge解決？