https://lihkg.com/thread/220010/page/11
自HIGH完就開始呢個第二篇既遊記
細佬我做左祖雲達斯球迷大大話話都有廿年
由施丹年代到尼維特年代
降班至意甲浮沉
直到而家幾連霸
其實乜都睇過晒
係同保方一樣
未見證過拎歐聯冠軍
所以今年入決賽
成個淘汰賽只失一球
零封巴塞
決賽仲要對住私定雞
我真係無限期待
所以決定坐言起行
係EBAY BID左兩張決賽波飛
再BOOK埋機票酒店
成個故事都只係係決賽前半個月實現
來去沖沖
其實我一次都未離開過東南亞
去東京已經係我離開香港最離既距離
長途機或者轉機我亦都係一次都未過試
更唔好講話歐聯
甚至意甲我一次都未睇過
一次過就打大佬
我覺得自己都幾顛
但最後結果大家都知啦
番左黎香港幾日
我都仲未接受到呢個結果
所以如果有下一次
下一次再打入決賽
我諗我都會再去
直到完夢
呢場歐聯決賽地點係係威爾尼既卡迪夫球場
我就選擇左倫敦作為我既主場
咁多日都逗留係倫敦
直到決賽先坐巴士過去
睇完就番倫敦番香港
咁多年黎
我一直都對英國無咩興趣
今次終於叫做去過
如無必要
我諗以後都唔需要再去呢個國家了
本身我都諗住一個人去算
但英文差
一個人睇波又悶悶地
所以請埋家弟一齊去
真係連首期都拎埋出黎
咁講下個行程
DAY1 香港->杜拜->倫敦->自然歷史博物館->海德公園->牛津街
DAY2 溫莎堡->巴斯羅馬浴場->巨石陣
DAY3 格林威治皇家天文台->格林威治大學->波羅市場->倫敦橋->聖保羅座堂->倫敦塔->塔橋
DAY4 白金漢宮->西敏寺->西敏宮->大笨鐘->西敏橋->特拉法加廣場->大英博物館->女王陛下劇院
DAY5 倫敦->卡迪夫->千禧球場
DAY6 卡迪夫->倫敦->BFI IMAX
DAY7 倫敦->杜拜->香港
其實話七日
但每程飛機加轉機都差唔多廿小時
基本上得五日
所以就屈係倫敦唔去其他城市
不過BOOK完機票酒店個問題就黎啦
我一直都以為我係飛希斯路
倫敦分六區
希斯路係六區
酒店係三區
市中心係一區
原本酒店就好簡單係中間
但我最後發覺原來我架飛機係飛格域
痴撚線
連機票都買錯
結果要係格域機場坐車去完市中心先再去到酒店
浪費晒D時間
概念圖
