[長氣多圖][無限期] 香港staycation之旅(2)

可能同個醃嘅配方或者儲存有關
醃到木芯咁色嗰啲都好臭
我試過頂唔住浸味，所以食親都會留晒啲荀唔食

見麵屋福話d筍係自己炒
都睇過有人話過佢門口有浸味
唔知係咪呢個原因

九份飽同阿元菜市場都好似好正

個火鍋係ok既
又可以chill下

有無問可唔可以阿元來了買蛋餅買小食拎走過去菜市場食火鍋
唔想排兩次

呢樣真係無諗過
我諗佢地唔比帶外來食物掛
仲要得45分鐘限時

但阿元來了真係幾時都咁多人

深水埗有間台灣野幾好食叫甜圓坊

好似幾抵食

$2500慶生staycation 有無好介紹

係整得幾似正宗嗰隻

都係睇你想要豪華/靚景/大房/好西邊一樣既姐

但無立場

[member]

Lm

有無係靚景加好西

GH
kXXXX賣緊

而家加晒價
靚景加靚西應該好難
上面清講君悅kkday都賣緊2k7但都只係得限時自助餐
W都有海景+2000crdit可以上麗思卡爾頓食
但要2k尾

下次去佢門口裝下先

DAY57 那個ㄋㄚˋㄍㄜ 南昌公園 深水埗公園 荔枝角公園 海老名沾麵

好耐就無試過係香港毒遊
趁住同件港女鬧交
自己一個人去搵野做
之前見大角咀有間黃店話佢地塊豬扒好大件好吸引
不過就要排好耐隊
咁佢地四點半有落場時間
就預左係星期六大約三點半黎到
唔洗排隊可以直入

舖頭名叫做那個
後面果幾個注音好似都係解那個
老闆係香港人
而且仲係幾個九十後

餐廳原本係細舖黎
後來先轉左呢間比較大既舖位
個位就係上次去過既金所過多兩條街
而家轉角舖位兩邊落地玻璃就幾有空間感



張檯就正常size

但同格離距離好近

那個主打係鐵路便當

就無牛肉麵蛋餅蚵仔煎呢類型台式食物
主打當然就係那個排骨便當
記起上次去台灣嘉義
係奮起湖果間阿婆鐵路便當
佢係咁問咩芝腿排古我都唔知佢up乜7
到上菜果時先知道排骨國語係讀排古

少有台式餐廳有野飲送

亦都可以加錢轉其實特色飲品

仲有期間限定既鰻魚同雞腿便東

咁我當然係揀番招牌既排骨
始終都係為左佢先過黎大角咀

咁件排骨真係超大塊
完全舖滿晒成個碗
不過係有小小失望既
因為塊排骨本身質感就淋淋地
加左滷味亦都唔算好入味
同埋真係一大舊原塊咁用筷子食得好狼狽
不過便當裡面有佢地既本週配菜

炒冬粉同薯絲都好出色

呢點加晒分

追加既台灣腸

12蚊就無乜特別

飲品加十二蚊要左杯麻糬白玉奶茶

用外賣杯
仲有台式味
甜味夠同夠足料
無話因為跟餐而渣左

餐廳四點半落場
四點就會last order
都無乜見台式餐廳會咁做
呢一餐就食左90蚊

有主菜有小食有野飲
呢個價位就唔算貴
不過我坐最出個位
大大架放垃圾既餐車就泊係餐檯過少少就有D噁心
同樣服務亦都一般般
我入到餐廳企左一陣都係無人理
但大大個便當係滿足既
特登黎到大角咀就唔會失望
有機會可以試下其他便當
土瓜灣都有間新開食台式便當
之前剪頭髮經過見到有唔少人排隊
不過見到報導話佢呃錢又食人血鰻頭起家
係有d卻步既

原本一個人就好自在
就想去時代廣場睇祖雲達斯展
但見到好似話10月尾先完就hea住去
結果搞到最後都係睇唔到
原來juventus store先係十月尾完
而個展係十月頭就完左
唯有呃自己曾經去過意大利果個算
咁特登出黎大角咀又唔想食完飯就走
無無聊聊睇下google map
見到大角咀格離有個好似唔細既公園
就過左去行

南昌公園入口就完全唔明顯

好似地盤咁

地圖望落就好似好大

見佢仲有分區

但其實好細
行幾分鐘都行得完
而周圍都係草地

見有人起埋帳幕

所謂既自然保育園地都係鳩流流


健身同遊樂場區就比較多人

呢區好撚多類似巴基斯坦既細路

正門應該係近黨鐵站果邊

起碼叫做有座名棟係度

南昌站VWalk

其實我係黨鐵站同商場都無去過
我呢d九龍東人同呢個站真係完全零交集
結果入面個商場只係一條長直路
仲有間戲院
行完個印像就係咁
呢度d樓全部都兩萬蚊尺起跳
而周圍都係比公屋包圍
完全唔明個價值係邊

諗住行過去深水埗公園
見到有座咁既野

心諗乜鳩黎
google完先知係法院大樓
馬路對面呢棟叫做庫務大樓

睇埋wiki兩座野加埋五十億
港共真係大撚把錢

咁係通州街既對面就係深水埗泳池同深水埗公園
又入左去鳩行




睇地圖呢個公園就細過南昌公園既


公園就圍左好多板
唔知起乜撚野



話說深水埗公園隔離有個麗閣邨
入面既麗閣商場都經過大肆報導
就係話改裝成為左一個貨櫃商場
外型就係咁既

都唔少同貨櫃有關既野


但其實入面係鳩流流爛鬼food court
其實無咩行既價值

咁除左商場
之前兩個公園都真係鳩鳩地
但其實之前仲去埋全深水埗區最大既公園
荔枝角公園

但荔枝角公園其實係美孚站上蓋
圍住美孚新邨而起

咁呢個公園同之前果兩個係完全唔同級數
係有池塘有涼亭既




但又非常之近民居
一街之隔就已經係美孚新邨


今個夏天真係好撚曬



呢排都無咩特別意慾想係夏天去離島
咁黎荔枝角公園最主要原因
都係因為試當真
佢地第二集試玩毛既忍界大戰
就係係荔枝角公園取景
以前睇全員逃走中
睇running man睇果時
都有諗過點解香港無呢d野睇
結果試當真走左出黎
而家膠戰都玩呢樣野
而忍界大戰既主場景
就係係呢個嶺南之風入面

地圖寫左入面仲有十景可以參觀

嶺南之風以中式古風為主




但拎黎玩忍者遊戲又無咩違和感
第一次睇果時已經覺得呢個地方好似唔錯

公園中心有個池塘

叫做月池

十景之一

竟然係石春路

細路仔果時行呢d路係完全唔會痛

而家年紀大
每行一步都痛到仆街


話說呢度都好多人係度影cosplay相


水之村據點

火之村據點



竹林就係最後風之村門既結果



最終決戰場地

結果係比locker贏左

仲有個兒童遊樂場

之前果兩個同呢個公園真係完全唔同級數
咁樣已經可以係度行半日時間

最後其實去左西九龍中心想試下間好多人吹奏既全日雞
但去到見到排隊排到痴左線

仲會賣夠截龍
之後全日雞停業左一排
後來而家係北角和富開番
不過都仲未食到

另外深水埗其實都係拉麵陳地盤
呢一區佢大大話話都有五六七間舖
之前有間鰹之一滴我覺得幾好食
唔知係咪開係車房附近無咩生意執左
咁佢仲有兩間沽麵都算係原祖級
係西九龍入面既隱家更加就係我食沾麵既啟蒙餐廳
當年第一次就係坐係汽水箱上面食
果陣時香港仲未太興呢一種麵
所以同區另一間無門面既海老名就更加隱秘
曾經有一次去食果時見到拉麵陳就企係門口唔知等邊位
結果係餐廳食食下就見到老闆帶住單春入左黎食麵
算係比較特別既體驗
咁呢幾年香港開始比較多人受落
沾麵亦開始慢慢越開越多
好多日本店亦都被邀左黎香港開店
就好少再番去呢兩間麵檔食

今次再番到黎海老名

差唔多七點左右唔洗排就可以直入既

呢三款麵好似一直都無轉過

佢仲有款限定既蠔拉麵今晚都仲有貨
不過我本意都係想試沾麵

每一間都有佢既沾麵正確食法


聽講佢地呢排好似轉左師傅

好似話品質都同以前唔同左
其實都好多年無黎
又食得多其他味
我都唔係好記得以前既味道係點樣
所以先特登過黎再試下
當係全新既體驗

前菜

一粒粒脆脆地好似蝦整既小食
都唔記得以前有無呢樣野

今次就叫左蝦汁味噌沾麵

個湯夠濃夠杰
但就好似比味噌搶晒蝦味咁
另外個麵雖然係自制
但真係好撚少
呢排都食過幾間沾麵都叫做食得飽
呢度麵條無寫有幾多G
但就肯定係少過200G
完全係食唔飽果隻
不過隻強係好食既

單手影得差

同埋舖頭太細
而呢位小二雖然有服務
但感覺太急啦
一見你食完就即刻九秒九過黎問加湯

呢排食沾麵都無晒呢個動作
好似其他舖頭都唔太興飲埋湯呢個動作
平時都夠飽唔洗加湯
但呢個麵真係唔夠
所以都有飲埋佢

呢個麵89蚊

有原隻溏心蛋
但麵條偏少
價位就唔算特別抵
味道只可以話一般
而小二全程企係後面望住好大壓力
食得好唔舒服
其實想去埋隱家回憶下
不過一直都搵唔到時間去
但其實我估應該都係同海老名差唔多感覺

DAY57 完


近期去左搵第二塊維多利亞石
係灣仔轉左個圈
其實古跡就係身邊
從前無呢d知識
而家求其上網都可以搵到邊一段歷史
了解完先覺得自己好無知
呢兩年無旅行去
先正視番呢一個香港
去從來都無去過既地方
以前覺得香港點會有正宗既拉麵
正宗既外國野
自己真係好井底
而家先覺得自己似番一個香港人
其實香港擁有既並唔少
只係好輕鬆咁被摧毀晒