[長氣多圖][無限期] 香港staycation之旅(2)

我係openrice見到都嚇左嚇
以為個menu勁左
但原來魚子醬忌廉個前菜都仲一樣要加錢
而家d酒店搶錢搶得太顛

港灣壹號我幾鍾意
點心可以揀數量同小菜可以點細份真係好重要
次次都要硬食個四人份量真係好難搞
但得最top幾間可以做到
仲有位白衫唔知係既經理會走出黎吹水介紹又客氣

買左海景嘉福d債券

未諗
而家d plan都係去到3月尾
睇下遲d佢有無新野先book

有咩抵食

驚唔到咁多
家居格離直頭可以放假

新年去左JW
個感想就係
JW既套房應該係全港性價比最低既五星酒店
間房舊到無人有
入到去係完全唔會扯旗
除左個按摩浴缸就真係一無是處
電視唔係智能電視
仲要有陣up味
講真marco polo都一樣舊
但起碼入地夠平夠大間
就算食野連JW cafe我都覺得吹大左
唔係話唔好既
但lunch buffet收到人地dinner buffet個價就唔值lor
成個場都似係炒散
真心君悅d自助餐高級好多
去JW淨係去萬豪金殿就夠了
零房價都唔洗諗



DAY66 Cafe Idea 樂洋食屋 LE Cafe 中環街市 Le Jardin a Soho Shari Shari Kakigori House

之前有講過屯門既cafe店
今次就寫下紅磡
話說疫情之後
紅磡都算係我最多去既地方之一
呢區都幾多野食
係咪好出色唔敢講
但以前都真係會特登搭車過黎食詠藜園
不過上海野就已經好耐無食過
今日都係講番cafe小店

係黃埔新村至紅磡廣場短短500米間既距離
至少食過有三間意粉cafe小店
雖然全部都唔係黃
但起碼係藍店list見唔到

先講下紅磡廣場間cafe idea

開係商場地下近鶴園出口個位
據女朋友所講
呢間係新店黎
舊店個位其實都係附近
而家轉左一間叫做樂洋食屋既餐廳
呢間聲稱係手工意粉
都一樣有試過
而cafe idea好似只係做早午市生意
晚市係專做包場既

舖頭唔大
但都仲有間單車放上黎裝飾下


午市都係主打意粉

價錢由六十尾去到九十頭
另外都有漢堡同沙律
職員有推介話個炸雞窩夫唔錯

咁但係都係揀左卡邦尼

呢間無溫泉強
雖然都唔係正宗果款
而且唔係乜貴野
但都煮得幾入味
份量亦都夠多
比想像中好

另外女朋友話個三文魚好巨型
但我唔想叫兩個意粉就無理到佢
叫左雞扒漢堡

塊雞扒都大塊
但成個漢堡就好普通下
早知聽番佢地d推介

跟餐送野飲
凍飲亦唔洗加錢


要左檸茶同忌廉

咁佢地做街坊生意間餐廳都幾旺
人流多
平時好似都排晒隊
不過餐廳外面環境其實都幾污糟下
咁佢地無加一

平均每人七十幾蚊價位都算唔錯
食物可以
亦都大份夠晒飽
粗食都算係唔錯既

咁佢地原本個位而家就轉左做一間叫做樂洋食屋
呢個位再上手係一間叫JB cafe既黃店
一樣都係以意粉為主
後來去左大角咀
而家好似又執左?

位置係樓梯口
因為佢地寫話係手工意粉專門店
所以我係特別想黎呢一間

其實個價比cafe idea仲平

除左意粉一樣有漢堡


今次因為見佢話係手工意粉專用店
所以揀左兩個意粉
見佢有幾款寫左話係忌廉意粉
就幻想左卡邦尼溫泉強應該會係正宗強汁意粉掛

結果見到白色汁就真係好失望

咁我就真係唔明上面特登寫忌廉意粉既用途係乜
不過意粉係真係比較有咬口既
咁雖然係幾失望
但呢個價都算抵食既

另一款揀左算係最貴既蟹肉意粉

隻意粉形狀質感都一模一樣既
蟹肉食落無咩口感
咁我覺得呢個就再普通d
早知試下漢堡包

因為想share食

得到既唔係碟而係盤


熱飲唔洗加錢

伯爵茶係茶包黎

可樂凍飲就要另加三蚊

埋單131

平均六十幾蚊有野飲
價錢抵過cafe idea
意粉比較好食但好似款款都差唔多咁
小二都係後生為主
服務普普通通
咁呢兩間都係粗食就算唔錯既

紅磡廣場其實都仲有間食意粉既
叫做栢意
我就無食過
而最後紅磡區仲有一昌間係寶其利街既LE cafe
小店應該係家庭式經營
門口長期有位伯伯企係度接客

呢間主要都係賣港式意粉
意粉普通就唔係有咬口既類型
不過醬汁出色
而且價錢夠平
港女次次都叫既波菜雜菌意粉

雖然係綠色野
但香味都唔比其他意粉差

另外一個係焗吞拿魚意粉

即焗熱辣辣
有拉絲

雖然漏左少少
但劣食真係一流


午餐送熱飲

凍飲加三蚊


無加一

平均都係六十蚊左右
價錢好地道
都算係我係紅磡食得最多既餐廳
款式算多
單點仲有長通粉或者千層麵
記得仲有食過雲吞
不過餐廳環境只係算一般
都真係有d迫
服務如果唔忙果時都幾親切既


話說好似自從米紙介紹左紅磡海南雞餐廳大戰之後
每次經過呢間勇記都係大排長龍

唔知介紹之前係咪都係啦
堂食就真係唔洗諗
外賣都可能仲得既



而當時黃埔都有少少聖誕裝飾



日頭都可以打到月亮

咁中環街市呢
其實就係食完cafe idea當日過去既
門口有展覽


因為係半山扶手電梯既起點
而且對面開左donki
所以人流都真係好多

中環街市本身就無乜觀賞價值既
1939年落成
後來改建成為半山扶手電梯既一部份
03年停止運作
後來轉型成為購物廊
最後係17年開始活化
直到上年8月開幕
由華懋管理營運10年
而家就變成左一個類似南豐紗廠咁樣既商場型式重生

中街街市樓高三層

入口對住就已經係樓梯打卡位



活化前既中環街市其實已經係第四代





入面其實都幾多食肆
亦因為係由華懋營運
所以有好多如心酒店既產物

例如呢個巨型蝴蝶酥

亦都有呢種開放式既酒吧


一樓同二樓都有橋連接兩翼

下面中庭一樣都係開式空間